ହାନାୟି ମ଼ସା ରା଼ଚାମାନି ପତି ୨
ମ଼ସା ରା଼ଚାମାନି ପତି ୨
ମୂଲୁ ହା଼ଡା
ପେ଼ର୍ହା ପାଣ୍ତିନି ପତି ଅବ୍ରାହାମ କୁଟମିତି କ଼ହୁ ରା଼ସ୍କି ଆ଼ହାମାନେ, ଏମିନାୟି ମୂଲୁ ପତିଟିଏ ମା଼ଟ୍ହା ମାଚେ। ହାନାୟି ତାନି ଅର୍ତ “ର଼ ଟା଼ୟୁ ପିସାହାଁ ଅ଼ର ଟା଼ୟୁତା ହାନାୟି” ଇସ୍ରାୟେଲ ମିସର ଦେ଼ସାଟି ହାନି କାତା ୱେସିମାନେ। ଈ କାତା ମାହାପୂରୁ ଅବ୍ରାହାମଇଁ ଆ଼ଞ୍ଜାମାଚେସି। ପା଼ଣାପା଼ଟୁ ତଲେ, ବୁଦିଗାଟାରି ନାମିନେରି କି ଅ଼ର ଟା଼ୟୁତା ହାନି ପତି ବିତ୍ରାଟି ହା଼ରେକା ମ଼ସା ଡା଼ୟୁ ୱେହ୍ନି କାତା ୱେହ୍ନାସି ଏ଼ୱାଣି ତା଼ଣାଟି ରା଼ସ୍କି ଆ଼ହାମାନେ ଅ଼ଡ଼େ ଈ କାତା ତା଼ନୁଏ ୱେସାମାନାୟି ଇଞ୍ଜିଁ ପୁଣ୍ମ୍ବି ଆ଼ହିମାନେ। ହାନାୟି ୨୪:୪ ମ଼ସା ତା଼ନୁଏ ପତିତି ଏଚେକା ବା଼ଗା ରା଼ଚାମାନେସି। ଜିହସୁ ୮:୩୧ ତା ଈଦି ହାନାୟି ୨୦:୨୫ ତା ର଼ ହୁକୁମିତି ୱେସିମାନେ। ଅ଼ଡ଼େ ଈ କାତା ଜିକେଏ ୱେସିମାନେ କି ଈଦି “ମ଼ସାତି ମେ଼ରା ପତିତା ରା଼ସ୍କି ଆ଼ହାମାନେ।” ପୁଃନି ମେ଼ରାତା ହା଼ରେକା ପା଼ଲି ମ଼ସା ତା଼ଣାଟି ରା଼ସ୍କି ଆ଼ହାମାନି ପତିତି ୱେସାମାନେ, ଏ଼ନିକିଁ ଏଚିବେ଼ଲା ଡ଼ୀଞ୍ଜିମାନି ଦୁପାତା ଗଟୱି ଆ଼ହାମାନି କାତା ୱେହ୍ନାୟି, ଈ କାତା “ମ଼ସାତି ପତିତା” ରା଼ସ୍କି ଆ଼ହାମାନେ ମାର୍କ ୧୨:୨୬।
ଇସ୍ରାୟେଲ ମିସରଟି ହାନାୟି ୧୩୦୦ ଆ଼ଆତିଁ ୧୪୦୦ ବାର୍ସା ନ଼କେଏ ଗଟୱି ଆ଼ହାମାଚେ। ୧ରାଜା ୬:୧ ତା ଈ କାତା ୱେସ୍ପି ଆ଼ହାମାନେ କି ସଲମନ ଇସ୍ରାୟେଲ ମୁହେଁ ରାଜା ଆ଼ନି ସା଼ରି ବାର୍ସା ନ଼କେଏ ୪୮୦ ବାର୍ସା ନ଼କେଏ ଈୱାରି ପେ଼ର୍ୱି ଆ଼ହାମାଚେରି।
ଅବ୍ରାହାମ, ଇସାହାକ ଅ଼ଡ଼େ ଜାକୁବଇଁ ମାହାପୂରୁ ଏ଼ନିକିଁ ତାନି ଆ଼ଞ୍ଜାମାନାଣି ମା଼ନୱି ଆ଼ହାମାଚେସି, ଏ଼ଦାଣି ଇମ୍ବାଆଁ ୱେସ୍ପି ଆ଼ହାମାନେ। ଈଦି ଅବ୍ରାହାମତି କୂଲୁ, ଇସ୍ରାୟେଲ ଜା଼ତି, ମିସର ଦେ଼ସାଟି ମାହାପୂରୁ ବା଼ଡ଼୍ୟୁଟି ଗେଲ୍ପିନାଣି ୱେସିମାନେ। ହାନାୟି ୧–୧୨ ପାର୍ବୁ। ଏମ୍ବାଟି ମାହାପୂରୁ ତାନି ଲ଼କୁଣି ସିନୟ ହ଼ରୁ ଡ଼଼ଇ ଅ଼ତେସି, ଏମିନି ତା଼ଣା ଏ଼ୱାସି ଇସ୍ରାୟେଲ ଲ଼କୁ ତାନି ତା଼ଲେ ୱା଼ହାଲି ମ଼ସାକି ହା଼ରେକା ମେ଼ରା ହୀହାମାଚେସି ହାନାୟି ୧୨–୧୯। ଈ ମେ଼ରାତା ଏ଼ୱାରି ଏ଼ନିକିଁ କାମା କିନାୟି ମାନେ, ଏ଼ୱାରି ଏ଼ନିକିଁ ପୂଜା କିନାୟି ମାନେ, ଅ଼ଡ଼େ ତୂମୁ କିହାଲି ହୁକୁମି ହୀତେସି, ଏମିନାୟି ଏ଼ୱାରି ବିତ୍ରା ମାହାପୂରୁତି ବାସା ଟା଼ୟୁ ଆ଼ନେ, ତୂମୁତା ପୂଜା କିହାଲି ପୂଜେରା ଅ଼ଡ଼େ ପୂଜେରାଙ୍ଗା ସକାୟାଁ ଏ଼ନିକିଁ ଡ଼ୟିନାୟି ମାନେ ଏ଼ କାତା ୱେସିମାନେ। ହାନାୟି ୨୦–୩୧ ଇସ୍ରାୟେଲ ମାହାପୂରୁ କ଼ପାଟି ନିଙ୍ଗିନାୟି, କ଼ଡି ଡା଼ଲୁତି ବାଂଗାରା ପୂତ୍ଲା କିନାୟି, ମ଼ସା ୱେଣ୍ତେ ମାହାପୂରୁ ତଲେ କାତା ଆ଼ନାୟି ହାନାୟି ୩୨–୩୩। ପତିତି ରା଼ନି ବା଼ଗାତା, ମା଼ର ପ଼ଡ଼ୱି ଆ଼ହିମାନାୟି କି ତଲିକା଼ଲାତା ଏ଼ନିକିଁ ବାରେ ତିୟାରା କିୱି ଆ଼ହାମାଚେ ହାନାୟି ୩୩–୪୦।
ପତିତା ମାନାଇ
ମିସର ଦେ଼ସାତା ଇସ୍ରାୟେଲ ଲ଼କୁ ଏ଼ନିକିଁ ୱେଟି କାମା କିହିମାନେରି ୧:୧-୨୨।
ମ଼ସାତି ଜାର୍ନା ଅ଼ଡ଼େ ମାହାପୂରୁ ଲ଼କୁଇଁ ଗେଲ୍ପାଲି ତାକି ମ଼ସାଇଁ ହା଼ଟିନାୟି ୨:୧–୪:୩୧।
ମାହାପୂରୁ ଏ଼ନିକିଁ ତାନି ଲ଼କୁଣି ଏ଼ ଦେ଼ସାଟି ଅ଼ଡ଼େ ପା଼ରତି ରିଜାରି କ଼ସ୍କା ତା଼ଣାଟି ଗେଲ୍ପାଲି ଏ଼ନିକିଁ କାବାଆ଼ନି କାମା କିହାମାନେସି ୫:୧–୧୫:୨୧।
ଇସ୍ରାୟେଲ ଲ଼କୁ ସିନୟ ହ଼ରୁତା ହାନାୟି ୧୫:୨୨–୧୯:୨୫।
ମାହାପୂରୁ ଏ଼ନିକିଁ ମ଼ସାକି ମେ଼ରା ହୀହାମାନେସି, ଏମ୍ବିୟା ମାହାପୂରୁ ଲ଼କୁ ଇସ୍ରାୟେଲ ଏ଼ନିକିଁ ନୀଡିନେରି ଅ଼ଡ଼େ ତାନି ସେ଼ବା କିନାଣି ନେହିକିଁ ୱେସିମାନେ ୨୦:୧–୩୧:୧୮।
ଇସ୍ରାୟେଲ ଲ଼କୁ ଏ଼ନିକିଁ ହାରଣଇଁ ବାଂଗାରା କ଼ଡି କିୱି କିନାୟି ଅ଼ଡ଼େ ମାହାପୂରୁ ତା଼ଣାଟି ଏଟ୍କା ଆ଼ନାୟି ୩୨:୧-୩୫।
ମ଼ସା ଏ଼ନିକିଁ ମାହାପୂରୁତି ଗା଼ୱୁରମି ମେହ୍ନାୟି ଅ଼ଡ଼େ ଇସ୍ରାୟେଲ ଲ଼କୁଣି ମାହାପୂରୁତି ମେ଼ରାତି କାତା ଅ଼ଡ଼େ ତୂମୁତା ତାନି ସେ଼ବା କିନାୟି, ପୂଜେରାଙ୍ଗା ସକାୟାଁ କାତା ୱେସାମାନେସି ୩୩:୧–୪୦:୧-୩୮।
Currently Selected:
ହାନାୟି ମ଼ସା ରା଼ଚାମାନି ପତି ୨: Kii25
Highlight
Copy
Compare
Share
Want to have your highlights saved across all your devices? Sign up or sign in
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025