ହାନାୟି 31
31
ବସ୍ଚଲେଲ ଅ଼ଡ଼େ ଅହଲିୟାବ
(ହାନାୟି ୩୫:୩୦–୩୬:୧)
1ଏଚେଟିଏ ପ୍ରବୁ ମ଼ସାଇଁ ଈ କାତା ଏଲେଇଚେସି, 2“ମେହ୍ମୁ, ନା଼ନୁ ଜୀହୁଦା କୂଡ଼ାତି ହୁର ତାଙ୍ଗା ମୀର୍ଏସି ଉରି ମୀର୍ଏସି ବସ୍ଚଲେଲଇଁ ଦ଼ରୁ ଆସାହାଁ ହା଼ଟାମାଇଁ, 3ଇଞ୍ଜାଁ, ପତ୍ନି କାମା, ଇଚିହିଁ ବାଂଗାରା, ୱେଣ୍ତି ଅ଼ଡ଼େ ପିତାଡ଼ା ତୀର୍ସାଲି ପତ୍ହାଲି ଅ଼ଡ଼େ ଦାରାଗାଟି ୱାଲ୍କା ଆଟି କିହାଲି ରାତ୍ହାଲି ଅ଼ଡ଼େ ମା଼ର୍କା ପତ୍ହାଲି, 4ବାରେ କୂଡ଼ାତି ପତ୍ନି କାମା କିହାଲି, 5ଏ଼ୱାଣାକି ବୁଦି, ଜ୍ଞାନ ପୁନି ଅଣ୍ପୁ ଅ଼ଡ଼େ କାମା କିହାଲି ପୁନି ମାହାପୂରୁତି ଜୀୱୁତା ନେଞ୍ଜିକିହାମାଇଁ। 6ଅ଼ଡ଼େ ମେହ୍ମୁ, ନା଼ନୁ ଦାନ୍ କୂଡ଼ାଟି ଜାର୍ନାଆ଼ତି ଅହିସାମକ ମୀର୍ଏସି ଅହଲିୟାବଇଁ ସା଼ୟେମି କିହାଲି ତାକି ଆ଼ଚାମାଇଁ; ଇଞ୍ଜାଁ, ବାରେ ବୁଦି ପୁନି ଲ଼କୁତି ହିୟାଁ ବିତ୍ରା ବୁଦି ହୀତେଏଁ; ଏ଼ଦାଆଁତାକି ନା଼ନୁ ନିଙ୍ଗେ ଏମିନି ବାରେ ହୁକୁମି ହୀହାମାଞ୍ଜାଇଁ, ଏ଼ଦାଆଁ ବାରେ ଏ଼ୱାରି କିହାଲି ଆ଼ଡିନେରି। 7ଇଚିହିଁ, ଆଣ୍ତ୍ୱିଆ଼ନି ତୂମୁ ଅ଼ଡ଼େ ରା଼ଜିମା଼ନା ପେ଼ଡ଼ା ଅ଼ଡ଼େ ଏ଼ ଲାକତି ପା଼ପୁ ପ୍ଡିକ୍ନି ଡା଼ପ୍ଣା ଅ଼ଡ଼େ ତୂମୁତି ବାରେ ଗିନା ସିପା, 8ଅ଼ଡ଼େ ବାଲାପା଼ଟା#31:8 ବାଲାପା଼ଟା/ମାହାପୂରୁକି ହେର୍ପିତି ରୂଟି ଇଟିନି ଟା଼ୟୁ ।, ଏମ୍ବାତି ଗିନା ସିପା ସୁଦୁ ବାଂଗାରା ଦୀୱଁ ମୁଣ୍ତା, ଇଞ୍ଜାଁ ଏମ୍ବାତି ଗିନା ସିପା ଅ଼ଡ଼େ ଦୁପ୍ଣି ପିଣ୍ତା, 9ହୂଡିନି ପିଣ୍ତା, ଏମ୍ବାତି ଗିନା ସିପା ଅ଼ଡ଼େ ନର୍ହା କଡିନି କୁଣ୍ତି ଅ଼ଡ଼େ କୁଣ୍ତି କୁଗିନି ପିଣ୍ତା। 10ଇଞ୍ଜାଁ, ହା଼ରେକା ଅ଼ଜିକିଁ ଆଲିତି ସକାୟାଁ, ପୂଜେରା କାମା କିହାଲି ହାରଣ ପୂଜେରାତି ସୁଦୁ ସକାୟାଁ ଅ଼ଡ଼େ ତାନି ମୀର୍କାତି ସକାୟାଁ, 11ଇଞ୍ଜାଁ, ପା଼ଣା ହେର୍ପିନି ନିୟୁଁ ଅ଼ଡ଼େ ସୁଦୁ ଟା଼ୟୁ ତାକି ନେହିଁ ଗାନ୍ଦା ଦୁପ୍ଣି, ଏମିନି ଈ ବାରେ ହୁକୁମି ନା଼ନୁ ନିଙ୍ଗେ ହୀହାମାଞ୍ଜାଇଁ, ଏଲେକିହିଁଏ ଏ଼ୱାରି କିନେରି।”
ଜ଼ମିନି ଦିନା
12ଏଚେଟିଏ ପ୍ରବୁ ମ଼ସାଇଁ ଏଲେଇଚେସି, 13“ନୀନୁ ଅ଼ଡ଼େ ଇସ୍ରାୟେଲ ଲ଼କୁଣି ଈ କାତା ୱେହ୍ମୁ, ଏ଼ନିଜିକେଏ ମୀରୁ ନା଼ ଜ଼ମିନି ଦିନା ମା଼ନୱି ଆ଼ଦେରି, ଇଚିହିଁ, ନା଼ନୁ ମୀ ସୁଦୁ କିୟାନି ପ୍ରବୁ, ଈଦାଆଁ ମୀରୁ ଏ଼ନିକିଁ ପୁଞ୍ଜେରି, ଈଦାଆଁତାକି ମୀ ଆକୁ ଆ଼ବାୟାଁ ଲେକା ତଲେ ନା଼ ଅ଼ଡ଼େ ମିଙ୍ଗେ ତାକି ଈଦି ର଼ ସିନା ଆ଼ନେ। 14ଏ଼ଦାଆଁତାକି ମୀରୁ ଜ଼ମିନି ଦିନା ମା଼ନୱି ଆ଼ଦେରି; ଇଚିହିଁ, ଏ଼ଦି ମିଙ୍ଗେ ତାକି ସୁଦୁ ଆ଼ନେ, ଆମ୍ବାଆସି ଏ଼ ଦିନା ଲାଗେଏ କିନେସି, ସାତେଏ ଏ଼ୱାଣି ହା଼ନି ଡଣ୍ତ ଆ଼ନେ; ଇଞ୍ଜାଁ ଆମ୍ବାଆସି ଏ଼ ଦିନା କାମା କିନେସି, ଏ଼ୱାସି ତାମି ଲ଼କୁ ତା଼ଣାଟି ଏଟ୍କା ଆ଼ନେସି। 15ସ଼ଦିନା କାମା କିୱିଆ଼ନେ, ସାମା ସା଼ତା ଦିନା ପ୍ରବୁତି କ଼ସମି ସୁଦୁ ଦିନା ଏ଼ ଦିନା କାଜା ଜ଼ମିନି ଦିନା; ଏ଼ ଜ଼ମିନି ଦିନା ଆମ୍ବାଆସି କାମା କିନେସି, ସାତେଏ ଏ଼ୱାସି ହା଼ନି ଡଣ୍ତ ବେଟାଆ଼ନେସି। 16ଈଦାଆଁତାକି ଇସ୍ରାୟେଲ ଲ଼କୁ କା଼ଲାକା଼ଲାତି ମେ଼ରା ଲେହେଁ ପା଼ଟୁ ପା଼ଟୁ ତାକି ମା଼ନି କିହାଲି ଜ଼ମିନି ଦିନା ମା଼ନୱି ଆ଼ନେରି। 17ଏ଼ଦି ଇସ୍ରାୟେଲ ଲ଼କୁ ଅ଼ଡ଼େ ନାଙ୍ଗେ ତାକି କା଼ଲାକା଼ଲାତି ର଼ ସିନା ଆ଼ନେ, ଇଚିହିଁ ପ୍ରବୁ ସ଼ଦିନାତା ହା଼ଗୁପା଼କା ଅ଼ଡ଼େ ଦାର୍ତି ଗା଼ଡ଼ି କିହାଁ ସା଼ତା ଦିନାତା ଜ଼ମାହାଁ ତାନି ଜୀୱୁ ତୀରି କିହାମାଚେସି।”
18ଏ଼ଦାଆଁତାକି ପ୍ରବୁ ସିନୟ ହ଼ରୁ ଲାକ ମ଼ସା ତଲେ କାତା ରା଼ପ୍ହାଁ ସା଼କି ଲେହେଁ ରୀ ପା଼ଟାୟାଁ, ଇଚିହିଁ, ମାହାପୂରୁ ୱାଞ୍ଜୁଟି ରା଼ଚିତି ରୀ ୱାଲିତି ପା଼ଟାୟାଁ ମ଼ସାକି ହୀତେସି।
Currently Selected:
ହାନାୟି 31: Kii25
Highlight
Copy
Compare
Share
Want to have your highlights saved across all your devices? Sign up or sign in
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025
