ଏପିସି ମୂଲୁ ହା଼ଡା
ମୂଲୁ ହା଼ଡା
ଏପିସିୟ କୁଲମିତି ଆ଼କୁ ପା଼ୱୁଲ ରା଼ଚାମାନେସି, ଜୀସୁ କ୍ରୀସ୍ତ ଜାର୍ନାଆ଼ତି ୬୦ ବାର୍ସା ଡା଼ୟୁ କଲସିୟ କୁଲମିତାକି ରା଼ଚିତି ବେ଼ଲା ରା଼ସ୍କି ଆ଼ହାମାଚେ । ରା଼ଚିନାସି ତା଼ନୁଏ ପାଣ୍ତ୍ୱିଆ଼ହାମାନି ପା଼ୱୁଲ ଇଞ୍ଜିମାନେସି ୧:୧ । କଲସିୟ ଆ଼କୁତା ତାନି ଜହରା ହିଲାଆତି ଜିକେଏ ବୁଦିଗାଟାରି ଏପିସିୟ ଆ଼କୁ ପା଼ୱୁଲ ରା଼ଚାମାନେସି ଇଞ୍ଜିଁ ଇନେରି । ଅ଼ଡ଼େ ବାରେ କୁଲମିକା ତାକି ଆ଼କୁ ହା଼ସାଲି ରା଼ସ୍କି ଆ଼ହାଡ଼ୟିନେ । ପା଼ୱୁଲ ଈଦାଆଁ ଜିକେଏ ୱେସାମାନେସି ଈ ଆ଼କୁ ରା଼ଚିନି ବେ଼ଲାତା ଏ଼ୱାସି କାୟିଦିତା ମାଚେସି ୩:୧–୪:୧ ଅ଼ଡ଼େ ୬:୨୦ । ପା଼ୱୁଲ ତୁକିକଇଁ ଏପିସିୟ କୁଲମିତା ପାଣ୍ତାହାଁ ଏ଼ୱାଣି କେୟୁତା ଈ ଆ଼କୁ ହୀହାମାଚେସି ୬:୨୧-୨୨ ।
ଏପିସିୟ ଏସିୟା ରା଼ଜିତି ର଼ କାଜା ଗା଼ଡ଼ା ମାଚେ । ଏପିସିୟ ଗା଼ଡ଼ାତି ଗ୍ରିକ୍ ପେ଼ନୁ ଆର୍ତେମି ଅ଼ଡ଼େ ଏ଼ଦାନି ଦେ଼ୱୁଡ଼ି ୱେ଼ଙ୍ଗିତାୟି ମାଚେ, କାମା ୯:୨୩-୩୧ । ଏପିସିୟ କୁଲମି ନ଼କେଏ ବା଼ଡ଼୍ୟୁ ଗାଟାୟି ମାଚେ ଡା଼ୟୁ ରିହାଲି ମା଼ଟ୍ହେ ୱେ଼ ବ଼ଲୁ ୨:୧-୭ ।
ପା଼ୱୁଲ ତାନି ଆଦା ଆ଼କୁତା ମାହାପୂରୁ ଏ଼ନିକିଁ ତାନି ଲ଼କୁଣି ଆ଼ଚିତେସି, ଅ଼ଡ଼େ ଏ଼ନିକିଁ ଜୀସୁ ତା଼ଣାଟି ପା଼ପୁଟି ଗେଲ୍ପିତେସି ଏ଼ଦାଆଁ ୱେସିମାନେସି । ପା଼ୱୁଲ କୁଲମିତି ଆଙ୍ଗା ତଲେ ତୂକ୍ହାଁ କ୍ରୀସ୍ତ ଏ଼ଦାନି ତା଼ର୍ୟୁଁ ଅ଼ଡ଼େ କନତି ମୂଲୁ ୱାଲି, କୁଲମି ର଼ ଡକ୍ରି ଲେହେଁ କ୍ରୀସ୍ତଏ ଡକ୍ରା । ଆ଼କୁତି ଡା଼ୟୁ ବା଼ଗାତା ପା଼ୱୁଲ ପ଼ଡ଼ୱି ଆ଼ନାରାଇଁ କ୍ରୀସ୍ତ ତା଼ଣା ରଣ୍ତିଏ ଆ଼ହାଁ ଆଣ୍ତାମାନି ଲ଼କୁ ଲେହେଁ ନୀଡାଲି ବାତିମା଼ଲି ମାନେସି ।
ପତିତା ମାନାୟି
୧ ପା଼ୱୁଲ ଜହରା କିହାଁ ପୁଣ୍ମ୍ବି କିହା କଡିନାୟି । ୧:୧-୨
୨ କ୍ରୀସ୍ତ ତଲେ କୁଲମିତି ତୂକ୍ନାୟି । ୧:୩–୩:୨୧
୩ କ୍ରୀସ୍ତ ତା଼ଣା ଏ଼ନିକିଁ ନୀଡିନାୟି । ୪:୧–୬:୨୦
୪ ଜହରା କିହାଁ ଆ଼କୁତି ରା଼ପ୍ନାୟି । ୬:୨୧-୨୪
Currently Selected:
ଏପିସି ମୂଲୁ ହା଼ଡା: Kii25
Highlight
Copy
Compare
Share
Want to have your highlights saved across all your devices? Sign up or sign in
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025