PESALEMA 1
1
KGAOGANO 1
(DIPESALEMA 1 – 41)
Go sego basiami
1Go sego monna
yo o sa tsamayeng
mo kgakololong ya baikepi,
le fa e le go ema
mo tseleng ya baleofi,
le fa e le go dula
mo setulong sa basotli.
2Go itumela ga gagwe
go mo molaong wa ga Jehofa;
mme o akanya
mo molaong wa gagwe
motshegare le bosigo.
3 O tlaa nna jaaka setlhare
se se tlhomilweng
mo dinokaneng tsa metsi,
se se ungwang loungo lwa sone
mo motlheng wa sone,
se lekakaba la sone
le lone le se keng le swaba;
mme le fa e le eng se o se dirang
se tlaa segofala.
4Baikepi ga ba a nna jalo;
ba tshwana jaaka mmoko
o phefo e o kgopholang.
5Ke gone ka mo baikepi
ba se ketlang ba ema mo katlholong,
le fa e le baleofi
mo phuthegong ya basiami.
6Gonne Jehofa o itse
tsela ya basiami;
mme tsela ya baikepi
e tlaa nyelela.
Currently Selected:
PESALEMA 1: TSW08NO
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1992. Used with permission. All rights reserved.