नेवताळा ना काम 6
6
ह़ात चाकर्या ने टाळे
1तीहया दाड़ा मे जत्यार चेला नी गीनती बड़वा बाज जी। ता युनानी बोली बोलन्या, अने ईब्रानी बोली बोलन्या नी वच मे झगड़ो हयवा बाज ज्यो, ईब्रानी भासा बोलन्या आहयो दावो कर र्या हता के आमनी दाड़ीक नी सेवा मे रंडायला बयरा नी खबर नी लेता। 2तत्यार ईसु ना बारे नेवताळा, चेला नी मंडळी बोलावीन केदा, “आहयु ताले नी हय के आमु खाणु वाटवान करते वारती बणीन भगवान नो बोल सोड़ दीया। 3एतरे ए भायु, तमु, तमारी मे गेथा वारला गुण वाळा नामह़ाद्या ह़ात अदमी ने टाळ लेवो, तीमनी मे चोखली आत्मा पुरीन-पुरी भरायली से, अने तीहया अक्कल वाळा अने ईमानदार से, अने आमु तीमने खाणु अने ह़मान आपवा नो हक आप देह़ु। 4पण आमु ते वीन्ती मे अने बोलु ने वाटवा नी सेवा-चाकरी करता रेहु।”
5आहयी वात ह़मळीन आखी मंडळी ना माणहु खुस हय ज्या। अने तीहया स्तीफनुस ने टाळ लेदा, तीनी मे चोखली आत्मा पुरीन-पुरी भरायली हती, अने तीहयो ईसु पोर पक्को भरहो करन्यो हतो। अने तीहया फीलीपुस ने, अने परखरुस ने, अने नीकानोर ने, अने तीमोन ने, अने परमीनास ने, अने अंताकीया वाळा नीकलाउस ने, जे युहदी-धरम ने मानवा बाज जेलो हतो, टाळ्या। 6अने तीहया तीमने नेवताळा अगळ उबा कर देदा अने नेवताळा तीहया टाळला जुगु भगवान ह़ाते वीन्ती कर्या अने अळतेण तीमनी पोर तीहया हात मेल्या।
7भगवान ना बोलु फेलता ज्या, अने यरुसलेम मे घण ढेरका ईसु पोर भरहो करीन चेला बण ज्या; अने भगवान ना डायला पुंजारा नो मोट्लो टोळो ईसु ना भरहा ने मान लेदो।
स्तीफनुस ने धरीन ली जाय
8स्तीफनुस भगवान नी दया अने भगवान ना जोर सी भराय्न माणहु मे सेलाणी ना जुदा-काम, अने सेल-भात्या जुदा-कामु देखाड़त्लो। 9तीहयी टेमे युहदी माणहु ना भक्ती ना घोर मे गेथा थोड़ाक जणा स्तीफनुस ह़ाते वात मे झटा-पटी करवा बाज ज्या। वात मे जखड़ी पड़न्या मे कुरेनी वाळा अने सीकंदर्या वाळा अने कीलीकीया वाळा, अने आसीया वाळा हता। 10पण स्तीफनुस भगवान नी आत्मा नी अगवाय मे अने भगवान नी अक्कल नी अगवाय मे बोलत्लो एतरे तीहया स्तीफनुस नी वात काटी नी सक्या। 11एतरे तीहया पय्हा आपीन थोड़ाक अदमी ने आहयी झुटी गवा देवाड़्या, “आमु आहया स्तीफनुस ने मुसा नी अने भगवान नी नामबद्दी करत्लो ह़मळ्ळा से।” 12आसम करीन तीहया माणहु ने, अने पुडार्या ने अने युहदी-धरम ह़ीकाड़न्या ने भड़कावीन उचकाहला स्तीफनुस ने तां आय लाग्या, अने तीने धरीन मोट्ली बठक अगळ ली ज्या। 13अने तां तीहया झुटा गवा उबा कर्या, अने तीहया झुटी गवा देण्या केदा “आहयो अदमी” दाड़ीन आहया चोखला मंदीर अने मुसा नी लीखली सास्तर नी नामबद्दी करे। 14आमु ईने आहयु केतलो ह़मळ्ळा से, “ईसु नासरी आहया मंदीर ने ओदार देहे, अने मुसा नी आपली रीती-भाती ने बदली देहे।” 15मोट्ली बठक मे बहला आखा माणहु स्तीफनुस भणी एकडीट्या भाळ र्या हता, ता तीमने, स्तीफनुस नो मुख नो सीको ह़रगदुत ने तेवो देखाव पड़्यो।
Currently Selected:
नेवताळा ना काम 6: PPt2025
Highlight
Share
Copy
Want to have your highlights saved across all your devices? Sign up or sign in
The Paliya Bible © The Word for the World International and Yisu Por Bherho Karanya Paliya Mandli, Rajpur, Barwani, MP, 2025
नेवताळा ना काम 6
6
ह़ात चाकर्या ने टाळे
1तीहया दाड़ा मे जत्यार चेला नी गीनती बड़वा बाज जी। ता युनानी बोली बोलन्या, अने ईब्रानी बोली बोलन्या नी वच मे झगड़ो हयवा बाज ज्यो, ईब्रानी भासा बोलन्या आहयो दावो कर र्या हता के आमनी दाड़ीक नी सेवा मे रंडायला बयरा नी खबर नी लेता। 2तत्यार ईसु ना बारे नेवताळा, चेला नी मंडळी बोलावीन केदा, “आहयु ताले नी हय के आमु खाणु वाटवान करते वारती बणीन भगवान नो बोल सोड़ दीया। 3एतरे ए भायु, तमु, तमारी मे गेथा वारला गुण वाळा नामह़ाद्या ह़ात अदमी ने टाळ लेवो, तीमनी मे चोखली आत्मा पुरीन-पुरी भरायली से, अने तीहया अक्कल वाळा अने ईमानदार से, अने आमु तीमने खाणु अने ह़मान आपवा नो हक आप देह़ु। 4पण आमु ते वीन्ती मे अने बोलु ने वाटवा नी सेवा-चाकरी करता रेहु।”
5आहयी वात ह़मळीन आखी मंडळी ना माणहु खुस हय ज्या। अने तीहया स्तीफनुस ने टाळ लेदा, तीनी मे चोखली आत्मा पुरीन-पुरी भरायली हती, अने तीहयो ईसु पोर पक्को भरहो करन्यो हतो। अने तीहया फीलीपुस ने, अने परखरुस ने, अने नीकानोर ने, अने तीमोन ने, अने परमीनास ने, अने अंताकीया वाळा नीकलाउस ने, जे युहदी-धरम ने मानवा बाज जेलो हतो, टाळ्या। 6अने तीहया तीमने नेवताळा अगळ उबा कर देदा अने नेवताळा तीहया टाळला जुगु भगवान ह़ाते वीन्ती कर्या अने अळतेण तीमनी पोर तीहया हात मेल्या।
7भगवान ना बोलु फेलता ज्या, अने यरुसलेम मे घण ढेरका ईसु पोर भरहो करीन चेला बण ज्या; अने भगवान ना डायला पुंजारा नो मोट्लो टोळो ईसु ना भरहा ने मान लेदो।
स्तीफनुस ने धरीन ली जाय
8स्तीफनुस भगवान नी दया अने भगवान ना जोर सी भराय्न माणहु मे सेलाणी ना जुदा-काम, अने सेल-भात्या जुदा-कामु देखाड़त्लो। 9तीहयी टेमे युहदी माणहु ना भक्ती ना घोर मे गेथा थोड़ाक जणा स्तीफनुस ह़ाते वात मे झटा-पटी करवा बाज ज्या। वात मे जखड़ी पड़न्या मे कुरेनी वाळा अने सीकंदर्या वाळा अने कीलीकीया वाळा, अने आसीया वाळा हता। 10पण स्तीफनुस भगवान नी आत्मा नी अगवाय मे अने भगवान नी अक्कल नी अगवाय मे बोलत्लो एतरे तीहया स्तीफनुस नी वात काटी नी सक्या। 11एतरे तीहया पय्हा आपीन थोड़ाक अदमी ने आहयी झुटी गवा देवाड़्या, “आमु आहया स्तीफनुस ने मुसा नी अने भगवान नी नामबद्दी करत्लो ह़मळ्ळा से।” 12आसम करीन तीहया माणहु ने, अने पुडार्या ने अने युहदी-धरम ह़ीकाड़न्या ने भड़कावीन उचकाहला स्तीफनुस ने तां आय लाग्या, अने तीने धरीन मोट्ली बठक अगळ ली ज्या। 13अने तां तीहया झुटा गवा उबा कर्या, अने तीहया झुटी गवा देण्या केदा “आहयो अदमी” दाड़ीन आहया चोखला मंदीर अने मुसा नी लीखली सास्तर नी नामबद्दी करे। 14आमु ईने आहयु केतलो ह़मळ्ळा से, “ईसु नासरी आहया मंदीर ने ओदार देहे, अने मुसा नी आपली रीती-भाती ने बदली देहे।” 15मोट्ली बठक मे बहला आखा माणहु स्तीफनुस भणी एकडीट्या भाळ र्या हता, ता तीमने, स्तीफनुस नो मुख नो सीको ह़रगदुत ने तेवो देखाव पड़्यो।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Paliya Bible © The Word for the World International and Yisu Por Bherho Karanya Paliya Mandli, Rajpur, Barwani, MP, 2025