इब्री वळख
वळख
येशु जुना करारमाधलं बराच भविष्यवाणीसना परीपुर्ती कश करस हाई दखाडणारा इब्री लोकसले पत्र हाई एक प्रोत्साहन देणारा पुस्तक शे. एक उपदेशनाप्रमाणे यानी मांडनी करामा वनी. भविष्यवाणी अनं यहूदी मुख्य याजकासनी कर्तव्य येशु ख्रिस्तनी कश पुर्ण करात हाई स्पष्टपणतीन दखाडणारा साठापेक्षा जास्त जुना करारनं संदर्भ ह्या पुस्तकमा शे. ह्या कारणतीन हाई पुस्तक यहूदी ईश्वासु लोकसकरता प्रोत्साहन देणारा अस मानाई जायेल शे. याजकसनी आठेन पुढं यज्ञ करानी गरज नही हाई येशुनी नियमशास्त्र कश पुर्ण करा यावरीन ह्या पुस्तकमा स्पष्ट कराई जायेल शे. सर्वा पापसनाकरता एकदाच अनी सर्वकाळना यज्ञ अस येशु व्हयना. ह्या पुस्तकवरीन आमले अस समजस की, येशु ख्रिस्त, देववर ईश्वास ठेवाले आमनाकरता शक्य करस. १२:२ अस रितीतीन ह्या काळना आम्हीन ईश्वासनाराकरता हाई पुस्तकमा मोठा प्रोत्साहन शे. आम्हीन त्यानावर विसंबुन रावाले पाहिजे.
इब्री लोकसले पत्र कोणी लिखं हाई आमले ठाऊक नही. तरी काही अभ्यासु विद्वानांसन म्हणनं अस शे की, ते प्रेषित पौल, लूक किंवा बार्णबस असं देवना सेवकसनी लिखं व्हई. तसच हाई पुस्तक कवय लिखाई गयं हाई पण आमले समजत नही. तरी बराच अभ्यासक अस मानतस की, ते ख्रिस्त जन्मानानंतर ७० व्या वरीसना अगोदर लिखं व्हई. यानं कारण अस की, जरी येरूशलेम शहर ७० व्या वरीसले नष्ट करामा वना तरी या पुस्तकामा येरूशलेमना वर्णन अशी पध्दतमा करामा येल शे की जशे काय ते नष्ट व्हयेलच नव्हतं. हाई पुस्तक बराच मंडळीसमा फिराईसन वाचाई जाईल व्हई. ते रोम शहरमा लिखेल व्हतं. १३:२४
रूपरेषा
१. लेखक अस सांगस की, येशु हाऊ देवना सगया संदेष्टा अनी देवदूत यासनापेक्षा मोठा शे. १:१–४:१३
२. यानानंतर तो अस सांगस की, ज्या याजक यरूशलेमना मंदिरमा सेवा करतस त्यासनापेक्षा बी येशु मोठा शे. ४:१४–७:२८
३. मोशेला देयल आज्ञानाद्वारा जो जुना करार देवनी त्याना लोकनासंगे करा त्यानापेक्षा बी येशुनी सेवा श्रेष्ठ शे. ८:१; १०:३१
४. येशु हाऊ प्रत्येक बाबतमा मोठा शे हाई स्पष्ट करावर लेखक बराच दैनदिन व्यवहारना बाबतमा सुचना देस. १०:३२; १३:१७
५. शेवट काही बोध अनं शुभेच्छा दिसन लेखक हाई पत्रना शेवट करस. १३:१८-२५
Currently Selected:
इब्री वळख: Aii25
Highlight
Share
Copy
Want to have your highlights saved across all your devices? Sign up or sign in
The Ahirani Bible © The Word for the World International and Ahirani Christi Iswari Mandli, Sakri, Dhule, Maharashtra 2025