Ũĩ 1
1
Kũmantha Sila wa Katĩ
1 #
Ũĩ 6.1-11
Inyw'ĩ atongoi ma nthĩ, endai ũlũngalu!
Sũanĩai ĩũlũ wa Mwĩai mwĩ na ũlũngalu,
na mũimũmantha na ũw'o.
2Nĩkwĩthĩwa ala matamũtataa Mwĩai nĩmamwonaa,
na nĩwĩyonanasya kwa ala mamwĩkwatasya.
3Mosũanĩo mathũku nĩmataanĩasya andũ na Ngai,
na yĩla andũ matata vinya wake,
nake nĩwonanasya ũtumanu woo.
4Ũĩ ndũlikaa mũndũnĩ mũkengani,
o na ndwĩkalaa mũndũnĩ ũtw'ĩkĩte ngombo ya naĩ.
5Mũndũ mũlũngalu nĩwĩmanyĩĩtye kwathũkĩa ũkengani,
na nĩwũkĩlaa akatia mosũanĩo ma ũtumanu,
nũthĩnĩkaa oona sila wa katĩ ũtekũatĩĩwa.
Ngai Nĩwĩsĩ Mosũanĩo maitũ
6Veva wa ũĩ nĩwĩw'ĩaa andũ tei,
ĩndĩ ndũkamũekea mũndũ o na wĩva ũla ũmũumaa Ngai.
Nĩkwĩthĩwa Ngai nĩwĩsĩ maũndũ ala me nthĩnĩ wa mũndũ,
nũsiasya ngoo ya mũndũ vyũ,
na kwĩthukĩĩsya ndeto syonthe ila ũneenaa.
7Veva wa Mwĩai nĩwusũĩte nthĩ,
nũkwatanasya syĩndũ syonthe vamwe,
na nĩwĩsĩ ndeto syonthe ila andũ maneenaa.
8Kwoou mũndũ o na wĩva ũla ũneenaa ndeto nthũku ndakalea kũmanyĩka,
na yĩla sila wa katĩ wĩatĩĩwa, ndakalea kũkanw'a.
9Mosũanĩo ma ala matamũkĩaa Ngai makavuanw'a;
Mwĩai akatavw'a ĩũlũ wa ndeto syoo nthũku,
nake akamakany'a nũndũ wa ũthũku woo,
10nũndũ kũtũ kwa Mwĩai nĩkwĩw'aa kĩla ũndũ,
o na nĩkwĩw'aa mũndũ ainyungunyĩsya na kĩwe.
11Kwoou ĩsũvĩanei na kũnyungunyĩsya kwa mana,
na ĩvetanei na kũneenea andũ ndeto sya ũvũngũ;
nĩkwĩthĩwa vai ndeto ya kĩmbithĩ ĩte ũsyao,
na mũkengani nĩwanangaa thayũ wake mwene.
Ngai Ndaaũmba Kĩkw'ũ
12Ndũkeyĩetee kĩkw'ũ nũndũ wa naĩ syaku,
kana kũthokya wanangĩko waku kwa meko maku.
13 #
Esek 18.32; 33.11; 1Vet 3.9 Ngai ndaaũmba kĩkw'ũ,
na ndatanaw'a nĩ kĩkw'ũ kya mũndũ o na wĩva.
14Nĩkwĩthĩwa Ngai oombie syĩndũ syonthe syĩkalae thayũ,
nĩ kana syũmbe syonthe syĩthĩwe na ũima na ũseo wa thayũ nthĩnĩ wasyo,
na nthĩnĩ wasyo vai sumu wa kũaa;
ũsumbĩ wa vala maveva ma ala akw'ũ mekalaa ndwĩ na ũtonyi vaa ĩũlũ wa nthĩ.
15Ũlũngalu ndũkusaa.
16 #
Nth 8.36; Ĩsa 28.15; Sil 14.12 Andũ ala matamũkĩaa Ngai,
nĩmo mathokisye kĩkw'ũ kwa ndeto syoo na meko moo.
Matumie ndũũ na kĩkw'ũ, na mendeew'a mũno,
na maseũvya wĩw'ano nakyo,
nĩkwĩthĩwa nĩmaĩlĩtwe nĩ kũtw'ĩka ngombo sya kĩkw'ũ.
Currently Selected:
Ũĩ 1: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ũĩ 1
1
Kũmantha Sila wa Katĩ
1 #
Ũĩ 6.1-11
Inyw'ĩ atongoi ma nthĩ, endai ũlũngalu!
Sũanĩai ĩũlũ wa Mwĩai mwĩ na ũlũngalu,
na mũimũmantha na ũw'o.
2Nĩkwĩthĩwa ala matamũtataa Mwĩai nĩmamwonaa,
na nĩwĩyonanasya kwa ala mamwĩkwatasya.
3Mosũanĩo mathũku nĩmataanĩasya andũ na Ngai,
na yĩla andũ matata vinya wake,
nake nĩwonanasya ũtumanu woo.
4Ũĩ ndũlikaa mũndũnĩ mũkengani,
o na ndwĩkalaa mũndũnĩ ũtw'ĩkĩte ngombo ya naĩ.
5Mũndũ mũlũngalu nĩwĩmanyĩĩtye kwathũkĩa ũkengani,
na nĩwũkĩlaa akatia mosũanĩo ma ũtumanu,
nũthĩnĩkaa oona sila wa katĩ ũtekũatĩĩwa.
Ngai Nĩwĩsĩ Mosũanĩo maitũ
6Veva wa ũĩ nĩwĩw'ĩaa andũ tei,
ĩndĩ ndũkamũekea mũndũ o na wĩva ũla ũmũumaa Ngai.
Nĩkwĩthĩwa Ngai nĩwĩsĩ maũndũ ala me nthĩnĩ wa mũndũ,
nũsiasya ngoo ya mũndũ vyũ,
na kwĩthukĩĩsya ndeto syonthe ila ũneenaa.
7Veva wa Mwĩai nĩwusũĩte nthĩ,
nũkwatanasya syĩndũ syonthe vamwe,
na nĩwĩsĩ ndeto syonthe ila andũ maneenaa.
8Kwoou mũndũ o na wĩva ũla ũneenaa ndeto nthũku ndakalea kũmanyĩka,
na yĩla sila wa katĩ wĩatĩĩwa, ndakalea kũkanw'a.
9Mosũanĩo ma ala matamũkĩaa Ngai makavuanw'a;
Mwĩai akatavw'a ĩũlũ wa ndeto syoo nthũku,
nake akamakany'a nũndũ wa ũthũku woo,
10nũndũ kũtũ kwa Mwĩai nĩkwĩw'aa kĩla ũndũ,
o na nĩkwĩw'aa mũndũ ainyungunyĩsya na kĩwe.
11Kwoou ĩsũvĩanei na kũnyungunyĩsya kwa mana,
na ĩvetanei na kũneenea andũ ndeto sya ũvũngũ;
nĩkwĩthĩwa vai ndeto ya kĩmbithĩ ĩte ũsyao,
na mũkengani nĩwanangaa thayũ wake mwene.
Ngai Ndaaũmba Kĩkw'ũ
12Ndũkeyĩetee kĩkw'ũ nũndũ wa naĩ syaku,
kana kũthokya wanangĩko waku kwa meko maku.
13 #
Esek 18.32; 33.11; 1Vet 3.9 Ngai ndaaũmba kĩkw'ũ,
na ndatanaw'a nĩ kĩkw'ũ kya mũndũ o na wĩva.
14Nĩkwĩthĩwa Ngai oombie syĩndũ syonthe syĩkalae thayũ,
nĩ kana syũmbe syonthe syĩthĩwe na ũima na ũseo wa thayũ nthĩnĩ wasyo,
na nthĩnĩ wasyo vai sumu wa kũaa;
ũsumbĩ wa vala maveva ma ala akw'ũ mekalaa ndwĩ na ũtonyi vaa ĩũlũ wa nthĩ.
15Ũlũngalu ndũkusaa.
16 #
Nth 8.36; Ĩsa 28.15; Sil 14.12 Andũ ala matamũkĩaa Ngai,
nĩmo mathokisye kĩkw'ũ kwa ndeto syoo na meko moo.
Matumie ndũũ na kĩkw'ũ, na mendeew'a mũno,
na maseũvya wĩw'ano nakyo,
nĩkwĩthĩwa nĩmaĩlĩtwe nĩ kũtw'ĩka ngombo sya kĩkw'ũ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011