Tov 4
4
Ũtao ũla Toviti Wanengie Toviasi
1Mũthenya o ũsu, Toviti nĩwalilikanile ila mbesa sya Silĩva watiĩie Kavaeli e ndũanĩ ya Lakesi ĩla yĩ Metia. 2Nĩwasũanĩie ayasya atĩĩ, “Yu nũndũ nĩnavoya Ngai aeke nĩkw'e, no nginya nĩte mwana wakwa Toviasi na ngĩmũtavya ĩũlũ wa mbesa isu ndanamba kũkw'a.”
3Toviti nĩweetie mwana wake Toviasi na amwĩa atĩĩ, “Mwana wakwa, woona nakw'a, wĩnthika mathiko me ndaĩa. Nenga inyia waku ndaĩa na ũimũsũvĩa ĩvindanĩ ya thayũ waku w'onthe. Ĩanĩsya maũndũ onthe ala inyia waku ũkwenda wĩke, na ndũkatume ethĩwa na kyeva o na vanini kwa ũndũ o na wĩva. 4Mwana wakwa lilikana ũndũ inyia waku weekĩie thayũ wake mũisyonĩ nĩ kana akũsyae. Yu ĩndĩ, yĩla inyia waku wĩkw'a, wĩmũthika ũtee wakwa mbũanĩ ĩmwe.
5“Ĩvindanĩ yonthe ya thayũ waku, ĩthĩawa wĩ mũĩkĩĩku kũla kwĩ Ngai, Mwĩai waitũ. Ndũkeke naĩ kwa kwenda kana ũlee kũatĩĩa ũmwe wa mĩao ya Ngai. Kĩla ĩvinda ĩkaa ũla waĩlu, na ndũkaatate kwĩkwatany'a na ũndũ mũthũku o na wĩva. 6Ĩthĩawa wĩ mũĩkĩĩku na ũkaendeea nesa maũndũnĩ onthe o na meva ala wĩĩkaa.
7 #
Kũt 15.7-8; Nth 19.17; Sil 3.30—4.6; 1Yoa 3.17 “Umasya kĩlungu kya ũthwii waku ũkanenga ngya. Weethĩwa ũte mũlau kwa ngya, nake Ngai ndakethĩwa e mũlau kwaku. 8Umasya kĩla wĩ nakyo. Weethĩwa na kingĩ, umasya kingĩ. O na ethĩwa wĩ na kĩnini, umasya kĩlungu kyaku. 9Kwa kwĩka ũu ũkeethĩwa weeyiĩa ĩtuvi yaku kwondũ wa mũthenya ũla wĩĩthĩwa na thĩna. 10Kũtetheesya ngya nĩkũtangĩĩaa mũndũ kuma kĩkw'ũnĩ, na kũmũsiĩĩa ndakekale wĩkalonĩ wa kĩvindu; kwa ala 11mekaa ũu, kũtetheesya ngya nĩ nthembo yendeeasya Ũla wĩ Ĩũlũ Mũno.
12“Mwana wakwa ĩsũvĩane na malwaya. Mbee wa maũndũ asu twaa mũndũ mũka wa andũ ma mbaĩ yaitũ nũndũ twĩ nzyawa sya athani. Ndũkaatwae mũndũ tũtaileny'e ũndũ nake. Lilikana kana aaũmae maitũ ma tene: Noa, Avalaamu, Isaka na Yakovo, onthe matwaĩte andũ maileny'e ũndũ namo. Ngai nĩwamaathimie na syana, na kwoou nzyawa syoo nĩsyo ikatiĩwa nthĩ ya Ĩsilaeli. 13Kwoou mwana wakwa, enda andũ ala tũileny'e ũndũ namo. Ndũkekathĩĩe mũno na kũlea kũtwaa ũmwe woo. Mĩkathĩĩo ta ĩsu ĩeteae mũndũ mathĩna maingĩ na wanangĩko, o ũndũ ũtulu ũetae ũkya na kũtuma kwĩthĩwa na nzaa.
14“Kĩla mũthenya nengae athũkũmi maku ĩtuvi yoo; ndũkaaie ĩtuvi yoo nginya mũthenya ũla ũatĩĩe. Nenga Ngai ndaĩa kwa nzĩa ĩsu, nake akakũtuva. Kĩla ĩvinda ĩthĩawa na mwĩkalo mũseo. 15#Mat 7.12; Lk 6.31 Ndũkaaĩke mũndũ ũngĩ ũndũ ũtenda we wĩkwe nĩ mũndũ.
“Ndũkanyusae ndivai mbingĩ ũkamilwa, na ndũkaaĩtĩkĩle kũnyw'a kũtw'ĩke kĩmanyĩo.
16“Nengae ala me na nzaa lĩu, na ũinenga ngũa ala mate nasyo. Waendeea nesa nenganae kwa ũlau na wĩ na ũtanu!
17 #
Kũt 26.14
“Ethĩwa ũmwe wa andũ ala maĩkĩĩaa Ngai nĩwakw'a, seũvĩsya andũ ma mũsyĩ wake lĩu. Ndũkaaĩke ũu yĩla eki ma naĩ makw'a.
18“Osaa ũtao wa andũ ala oĩ, na ndũkaavũthye ũtao wa vata.
19“Kĩla mũthenya taĩaa Mwĩai, Ngai waku. Mũvoyae akũtongoeasye na kũtuma mawĩa maku maendeea nesa, nũndũ ndanengae andũ ma nthĩ ila ingĩ ũĩ wake. Ngai mwene nĩwe ũnenganae moseo onthe. Ngai enda nũtumaa mũndũ avalũka, o na akathi kũlika vala maveva ma ala akw'ũ mekalaa. Kwoou yu ĩndĩ mwana wakwa, lilikanaa motao makwa, na ndũkaaeke maume ngoonĩ yaku.
20“We Toviasi, nĩenda ũmanye kana ĩvinda yĩmwe nĩnatiĩie Kavaeli mwana wa Kavilia mbesa mbingĩ, e ndũanĩ ya Lakesi ĩla yĩ Metia. 21#1Tim 6.6-8 Yu twĩ ngya, ĩndĩ ndũkethĩwe na kĩũũyũ. Weew'a mĩao ya Ngai na ũyĩvetana na naĩ, akendeew'a nue na aituma ũendeea nesa.”
Currently Selected:
Tov 4: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Tov 4
4
Ũtao ũla Toviti Wanengie Toviasi
1Mũthenya o ũsu, Toviti nĩwalilikanile ila mbesa sya Silĩva watiĩie Kavaeli e ndũanĩ ya Lakesi ĩla yĩ Metia. 2Nĩwasũanĩie ayasya atĩĩ, “Yu nũndũ nĩnavoya Ngai aeke nĩkw'e, no nginya nĩte mwana wakwa Toviasi na ngĩmũtavya ĩũlũ wa mbesa isu ndanamba kũkw'a.”
3Toviti nĩweetie mwana wake Toviasi na amwĩa atĩĩ, “Mwana wakwa, woona nakw'a, wĩnthika mathiko me ndaĩa. Nenga inyia waku ndaĩa na ũimũsũvĩa ĩvindanĩ ya thayũ waku w'onthe. Ĩanĩsya maũndũ onthe ala inyia waku ũkwenda wĩke, na ndũkatume ethĩwa na kyeva o na vanini kwa ũndũ o na wĩva. 4Mwana wakwa lilikana ũndũ inyia waku weekĩie thayũ wake mũisyonĩ nĩ kana akũsyae. Yu ĩndĩ, yĩla inyia waku wĩkw'a, wĩmũthika ũtee wakwa mbũanĩ ĩmwe.
5“Ĩvindanĩ yonthe ya thayũ waku, ĩthĩawa wĩ mũĩkĩĩku kũla kwĩ Ngai, Mwĩai waitũ. Ndũkeke naĩ kwa kwenda kana ũlee kũatĩĩa ũmwe wa mĩao ya Ngai. Kĩla ĩvinda ĩkaa ũla waĩlu, na ndũkaatate kwĩkwatany'a na ũndũ mũthũku o na wĩva. 6Ĩthĩawa wĩ mũĩkĩĩku na ũkaendeea nesa maũndũnĩ onthe o na meva ala wĩĩkaa.
7 #
Kũt 15.7-8; Nth 19.17; Sil 3.30—4.6; 1Yoa 3.17 “Umasya kĩlungu kya ũthwii waku ũkanenga ngya. Weethĩwa ũte mũlau kwa ngya, nake Ngai ndakethĩwa e mũlau kwaku. 8Umasya kĩla wĩ nakyo. Weethĩwa na kingĩ, umasya kingĩ. O na ethĩwa wĩ na kĩnini, umasya kĩlungu kyaku. 9Kwa kwĩka ũu ũkeethĩwa weeyiĩa ĩtuvi yaku kwondũ wa mũthenya ũla wĩĩthĩwa na thĩna. 10Kũtetheesya ngya nĩkũtangĩĩaa mũndũ kuma kĩkw'ũnĩ, na kũmũsiĩĩa ndakekale wĩkalonĩ wa kĩvindu; kwa ala 11mekaa ũu, kũtetheesya ngya nĩ nthembo yendeeasya Ũla wĩ Ĩũlũ Mũno.
12“Mwana wakwa ĩsũvĩane na malwaya. Mbee wa maũndũ asu twaa mũndũ mũka wa andũ ma mbaĩ yaitũ nũndũ twĩ nzyawa sya athani. Ndũkaatwae mũndũ tũtaileny'e ũndũ nake. Lilikana kana aaũmae maitũ ma tene: Noa, Avalaamu, Isaka na Yakovo, onthe matwaĩte andũ maileny'e ũndũ namo. Ngai nĩwamaathimie na syana, na kwoou nzyawa syoo nĩsyo ikatiĩwa nthĩ ya Ĩsilaeli. 13Kwoou mwana wakwa, enda andũ ala tũileny'e ũndũ namo. Ndũkekathĩĩe mũno na kũlea kũtwaa ũmwe woo. Mĩkathĩĩo ta ĩsu ĩeteae mũndũ mathĩna maingĩ na wanangĩko, o ũndũ ũtulu ũetae ũkya na kũtuma kwĩthĩwa na nzaa.
14“Kĩla mũthenya nengae athũkũmi maku ĩtuvi yoo; ndũkaaie ĩtuvi yoo nginya mũthenya ũla ũatĩĩe. Nenga Ngai ndaĩa kwa nzĩa ĩsu, nake akakũtuva. Kĩla ĩvinda ĩthĩawa na mwĩkalo mũseo. 15#Mat 7.12; Lk 6.31 Ndũkaaĩke mũndũ ũngĩ ũndũ ũtenda we wĩkwe nĩ mũndũ.
“Ndũkanyusae ndivai mbingĩ ũkamilwa, na ndũkaaĩtĩkĩle kũnyw'a kũtw'ĩke kĩmanyĩo.
16“Nengae ala me na nzaa lĩu, na ũinenga ngũa ala mate nasyo. Waendeea nesa nenganae kwa ũlau na wĩ na ũtanu!
17 #
Kũt 26.14
“Ethĩwa ũmwe wa andũ ala maĩkĩĩaa Ngai nĩwakw'a, seũvĩsya andũ ma mũsyĩ wake lĩu. Ndũkaaĩke ũu yĩla eki ma naĩ makw'a.
18“Osaa ũtao wa andũ ala oĩ, na ndũkaavũthye ũtao wa vata.
19“Kĩla mũthenya taĩaa Mwĩai, Ngai waku. Mũvoyae akũtongoeasye na kũtuma mawĩa maku maendeea nesa, nũndũ ndanengae andũ ma nthĩ ila ingĩ ũĩ wake. Ngai mwene nĩwe ũnenganae moseo onthe. Ngai enda nũtumaa mũndũ avalũka, o na akathi kũlika vala maveva ma ala akw'ũ mekalaa. Kwoou yu ĩndĩ mwana wakwa, lilikanaa motao makwa, na ndũkaaeke maume ngoonĩ yaku.
20“We Toviasi, nĩenda ũmanye kana ĩvinda yĩmwe nĩnatiĩie Kavaeli mwana wa Kavilia mbesa mbingĩ, e ndũanĩ ya Lakesi ĩla yĩ Metia. 21#1Tim 6.6-8 Yu twĩ ngya, ĩndĩ ndũkethĩwe na kĩũũyũ. Weew'a mĩao ya Ngai na ũyĩvetana na naĩ, akendeew'a nue na aituma ũendeea nesa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011