Tov 13
13
Wathi wa Toviti
1Toviti nĩwainie wathi ũũ:
“Nĩataĩwe Ngai ũla wĩkalaa tene na tene,
nĩataĩwe ũla ũsumbĩkaa.
2Nũkanasya na nũekeaa;
nũtumaa andũ mathi nthĩ vala maveva ma ala akw'ũ mekalaa;
ĩtina nũmaumasya wanangĩkonĩ mũnene,
na vai mũndũ ũtonya kwĩvitha ũtonyi wake.
3“Inyw'ĩ andũ ma Ĩsilaeli, taĩai Ngai mwĩ mbee wa andũ ĩũlũ wa nthĩ,
nũndũ nũtũnyaĩĩkĩsye katĩ woo.
4 #
Ĩsa 63.16; Yel 3.4; Ũĩ 14.3; Sil 23.1,4; Mat 6.9 Kũu o nakw'o nĩwonanĩtye ũtonyi wake;
mũtaĩei mwĩ mbee wa syũmbe syonthe.
Nĩwe Mwĩai Ngai, Ngai waitũ,
na nĩwe ĩthe waitũ tene na tene.
5“O na kau nũmũkanasya nũndũ wa naĩ syenyu,
inyw'onthe nũkũmwĩw'ĩa tei.
Akamũmbany'a kuma kĩla mbaĩnĩ,
kuma kũndũ kw'onthe kũla mwanyaĩĩkĩiw'e.
6“Mwamũsyokea Ngai na ngoo na thayũ wenyu w'onthe,
na mũyĩkala mwĩ aĩkĩĩku mbee wake,
nake akamũsyokea na ndakamũtia o na ĩndĩĩ.
7“Lilikanai ũndũ wamwĩkie nesa,
na mũimũtũngĩa mũvea na wasya mũnene.
Taĩai Mwĩai Ngai ũla ũsilaa na ũsili wa katĩ;
kumyai Mũsumbĩ wa tene na tene.
8“Nyie nĩngwina ngĩmũtaĩa nĩ nthĩ ya ũeninĩ;
nĩngũtuma vinya wake, na ũnene wake ũmanyĩka nĩ andũ ma nthĩ yĩkĩte naĩ.
Andũ ala mwĩkaa naĩ syokeai Ngai,
maũndũ ala mwĩkaa nĩmethĩwe me maĩlu mbee wake.
Nĩkũtonyeka akamwĩka nesa,
na kũmwĩw'ĩa tei ĩngĩ.
9 #
Ĩsa 60.1-22; Ũvu 21.9—22.5 “Ngalĩkonĩ ĩla yakwa nĩngũkumya Ngai;
nĩngwĩw'a mũyo thayũnĩ nũndũ wa Mũsumbĩ wa ĩtunĩ.
10“Andũ onthe nĩmatavany'e ũnene wake,
na kwina mbathi sya kũmũtaĩa.
Yelũsalemu mũsyĩ mũtheu,
Ngai nũkũkanĩtye nũndũ wa naĩ sya andũ maku,
ĩndĩ akeew'ĩa tei andũ ala mekaa maũndũ ala maĩlĩte.
11“Tũngĩai Ngai mũvea nũndũ nĩ mũlũngalu;
kumyai Mũsumbĩ wa tene na tene;
Ĩkalũ yake nĩyakwe ĩngĩ Yelũsalemu na ũtanu.
12“Akatanĩthya andũ ma Yelũsalemu onthe,
ala me nthĩ ya ũeninĩ me ove;
akameka nesa ala me thĩnanĩ nũndũ wa wendo wake,
kũvika nzyawa syonthe ila syũkĩte.
13“Kyeni kĩkenu kĩkamulĩka nthĩ syonthe ĩũlũ wa nthĩ;
andũ ma nthĩ mbingĩ makooka kuma kũasa,
andũ ala matwĩe nthĩ syĩ kũasa ĩũlũ wa nthĩ.
Makooka kũtaĩa ĩsyĩtwa ĩtheu ya Ngai waku,
na o ta ũu makooka kũla kwĩ mũsumbĩ wa ĩtu makuĩte mĩthĩnzĩo.
Nzyawa mbingĩ ikatavany'a ũtanu woo,
na ĩsyĩtwa yaku we ũla mũnyuve yĩkekala tene na tene,
nzyawanĩ syonthe ila syũkĩte.
14“Nĩ aumanĩe onthe ala makũthĩnasya;
nĩ aumanĩe onthe ala makwanangaa na kũomboa ngũta syaku;
onthe ala manangaa myako yaku mĩtũlu, na kũvĩvya nyũmba syaku.
Ĩndĩ nĩ aathime tene na tene ala makakwaka.
15“Ĩthĩwa na ũtanu nũndũ wa andũ maku alũngalu,
nũndũ makoombanw'a onthe kuma nthĩ ya ũeninĩ,
na kũmũtaĩa Ngai wa ĩvinda yonthe.
“Nĩ aathime onthe ala makwendete,
na ala makwendeaa kũendeea nesa.
16“Nĩ aathime onthe ala mathataw'a nĩ naĩ syaku,
nũndũ makatana mĩtũkĩ me vamwe naku,
makakũsĩĩa ũtanu waku tene na tene.
“Thayũ wakwa nũũmũtaĩa Ngai Mũsumbĩ mũnene,
17nũndũ Yelũsalemu ĩkaakwa ĩngĩ,
na wĩkalo wake ũkeethĩwa kũu tene na tene.
Ngeethĩwa na ũtanu wĩana ata,
ana makwa moona ũkumyo waku,
na kũmũtaĩa Mũsumbĩ wa ĩtu?
“Mĩvĩa ya Yelũsalemu ĩkaakwa na mavia metawa savaya,
na angĩ metawa emelandi.
Ngũta syayo syonthe ikaakwa na mavia me thooa mũnene;
myako mĩtũlu ya Yelũsalemu ĩkaakwa na thaavu,
na ngũta syayo ikaakwa na thaavu mũthei.
Nzĩa sya Yelũsalemu ikeekĩwa mavia metawa Lambĩ,
na mavia angĩ kuma Ovili.
18“Mĩvĩa ya Yelũsalemu ĩkainĩwa mbathi sya kũtaĩa,
na andũ makainĩa nyũmbanĩ syayo syonthe mayasya atĩĩ,
‘Nĩataĩwe Ngai! Akumw'e Ngai wa Ĩsilaeli!’
Makataĩa ĩsyĩtwa yake ĩtheu,
me Yelũsalemu tene na tene.”
Currently Selected:
Tov 13: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Tov 13
13
Wathi wa Toviti
1Toviti nĩwainie wathi ũũ:
“Nĩataĩwe Ngai ũla wĩkalaa tene na tene,
nĩataĩwe ũla ũsumbĩkaa.
2Nũkanasya na nũekeaa;
nũtumaa andũ mathi nthĩ vala maveva ma ala akw'ũ mekalaa;
ĩtina nũmaumasya wanangĩkonĩ mũnene,
na vai mũndũ ũtonya kwĩvitha ũtonyi wake.
3“Inyw'ĩ andũ ma Ĩsilaeli, taĩai Ngai mwĩ mbee wa andũ ĩũlũ wa nthĩ,
nũndũ nũtũnyaĩĩkĩsye katĩ woo.
4 #
Ĩsa 63.16; Yel 3.4; Ũĩ 14.3; Sil 23.1,4; Mat 6.9 Kũu o nakw'o nĩwonanĩtye ũtonyi wake;
mũtaĩei mwĩ mbee wa syũmbe syonthe.
Nĩwe Mwĩai Ngai, Ngai waitũ,
na nĩwe ĩthe waitũ tene na tene.
5“O na kau nũmũkanasya nũndũ wa naĩ syenyu,
inyw'onthe nũkũmwĩw'ĩa tei.
Akamũmbany'a kuma kĩla mbaĩnĩ,
kuma kũndũ kw'onthe kũla mwanyaĩĩkĩiw'e.
6“Mwamũsyokea Ngai na ngoo na thayũ wenyu w'onthe,
na mũyĩkala mwĩ aĩkĩĩku mbee wake,
nake akamũsyokea na ndakamũtia o na ĩndĩĩ.
7“Lilikanai ũndũ wamwĩkie nesa,
na mũimũtũngĩa mũvea na wasya mũnene.
Taĩai Mwĩai Ngai ũla ũsilaa na ũsili wa katĩ;
kumyai Mũsumbĩ wa tene na tene.
8“Nyie nĩngwina ngĩmũtaĩa nĩ nthĩ ya ũeninĩ;
nĩngũtuma vinya wake, na ũnene wake ũmanyĩka nĩ andũ ma nthĩ yĩkĩte naĩ.
Andũ ala mwĩkaa naĩ syokeai Ngai,
maũndũ ala mwĩkaa nĩmethĩwe me maĩlu mbee wake.
Nĩkũtonyeka akamwĩka nesa,
na kũmwĩw'ĩa tei ĩngĩ.
9 #
Ĩsa 60.1-22; Ũvu 21.9—22.5 “Ngalĩkonĩ ĩla yakwa nĩngũkumya Ngai;
nĩngwĩw'a mũyo thayũnĩ nũndũ wa Mũsumbĩ wa ĩtunĩ.
10“Andũ onthe nĩmatavany'e ũnene wake,
na kwina mbathi sya kũmũtaĩa.
Yelũsalemu mũsyĩ mũtheu,
Ngai nũkũkanĩtye nũndũ wa naĩ sya andũ maku,
ĩndĩ akeew'ĩa tei andũ ala mekaa maũndũ ala maĩlĩte.
11“Tũngĩai Ngai mũvea nũndũ nĩ mũlũngalu;
kumyai Mũsumbĩ wa tene na tene;
Ĩkalũ yake nĩyakwe ĩngĩ Yelũsalemu na ũtanu.
12“Akatanĩthya andũ ma Yelũsalemu onthe,
ala me nthĩ ya ũeninĩ me ove;
akameka nesa ala me thĩnanĩ nũndũ wa wendo wake,
kũvika nzyawa syonthe ila syũkĩte.
13“Kyeni kĩkenu kĩkamulĩka nthĩ syonthe ĩũlũ wa nthĩ;
andũ ma nthĩ mbingĩ makooka kuma kũasa,
andũ ala matwĩe nthĩ syĩ kũasa ĩũlũ wa nthĩ.
Makooka kũtaĩa ĩsyĩtwa ĩtheu ya Ngai waku,
na o ta ũu makooka kũla kwĩ mũsumbĩ wa ĩtu makuĩte mĩthĩnzĩo.
Nzyawa mbingĩ ikatavany'a ũtanu woo,
na ĩsyĩtwa yaku we ũla mũnyuve yĩkekala tene na tene,
nzyawanĩ syonthe ila syũkĩte.
14“Nĩ aumanĩe onthe ala makũthĩnasya;
nĩ aumanĩe onthe ala makwanangaa na kũomboa ngũta syaku;
onthe ala manangaa myako yaku mĩtũlu, na kũvĩvya nyũmba syaku.
Ĩndĩ nĩ aathime tene na tene ala makakwaka.
15“Ĩthĩwa na ũtanu nũndũ wa andũ maku alũngalu,
nũndũ makoombanw'a onthe kuma nthĩ ya ũeninĩ,
na kũmũtaĩa Ngai wa ĩvinda yonthe.
“Nĩ aathime onthe ala makwendete,
na ala makwendeaa kũendeea nesa.
16“Nĩ aathime onthe ala mathataw'a nĩ naĩ syaku,
nũndũ makatana mĩtũkĩ me vamwe naku,
makakũsĩĩa ũtanu waku tene na tene.
“Thayũ wakwa nũũmũtaĩa Ngai Mũsumbĩ mũnene,
17nũndũ Yelũsalemu ĩkaakwa ĩngĩ,
na wĩkalo wake ũkeethĩwa kũu tene na tene.
Ngeethĩwa na ũtanu wĩana ata,
ana makwa moona ũkumyo waku,
na kũmũtaĩa Mũsumbĩ wa ĩtu?
“Mĩvĩa ya Yelũsalemu ĩkaakwa na mavia metawa savaya,
na angĩ metawa emelandi.
Ngũta syayo syonthe ikaakwa na mavia me thooa mũnene;
myako mĩtũlu ya Yelũsalemu ĩkaakwa na thaavu,
na ngũta syayo ikaakwa na thaavu mũthei.
Nzĩa sya Yelũsalemu ikeekĩwa mavia metawa Lambĩ,
na mavia angĩ kuma Ovili.
18“Mĩvĩa ya Yelũsalemu ĩkainĩwa mbathi sya kũtaĩa,
na andũ makainĩa nyũmbanĩ syayo syonthe mayasya atĩĩ,
‘Nĩataĩwe Ngai! Akumw'e Ngai wa Ĩsilaeli!’
Makataĩa ĩsyĩtwa yake ĩtheu,
me Yelũsalemu tene na tene.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011