Sil 35
35
Mĩao na Nthembo
1Mũndũ akwata mĩao nĩ ũndũ ũmwe na kumya nthembo mbingĩ.
2Mũndũ aatĩĩa mĩao nĩ ũndũ ũmwe na kumya nthembo sya ngwatanĩo.
3Mũndũ atũnga mũvea nĩ ũndũ ũmwe na kumya nthembo ya mũtu mũvinyu;
4nake mũndũ atethya ngya nĩ ũndũ ũmwe na kumya nthembo ya kũtũnga mũvea.
5Watia ũthũku ũkamwendeesya Mwĩai,
na kũtia ũthũku nĩ ta kwĩyumĩsya nthembo ya wĩw'anĩthyo.
6Ndũkathi kũthaitha Mwĩai wĩ na moko mathei,
7nũndũ nĩwĩaĩte aumĩaw'e syĩndũ isu.
8Nthembo ya mũndũ mũlũngalu ĩvakaa kĩthembeo mauta,
na mũuke wayo mũseo nĩwambataa kũla kwĩ Ũla wĩ Ĩũlũ Mũno.
9 #
2Ako 9.7
Nthembo ya mũndũ mũlũngalu nĩyĩtĩkĩlawa,
na ndĩkola o na ĩndĩĩ.
10Mũtaĩe Ũla wĩ Ĩũlũ Mũno kwa kumya kwa ũlau,
na ndũkew'ĩe ĩtomo mosyao ma mbee ala waĩlĩte kumya.
11Ĩthĩawa na ũtanu yĩla ũkũnengane mĩthĩnzĩo yaku yonthe,
na ũyĩw'aa mũyo yĩla ũkumya kĩlungu kyaku kya ĩkũmi.
12Mũnenge Ũla wĩ Ĩũlũ Mũno o tondũ we ũkũnengete,
mũnengae kwa ũlau kwĩanana na ũtonyi waku,
13nũndũ Mwĩai nĩwe ũĩvaa,
nake akakũĩva mavinda mũonza mbee wa ũndũ ũmũnengete.
Ngai Aumasya Sila wa Katĩ
14Ndũkatate kũnenga Ngai ĩtuvi ya wendeesyo nũndũ ndeyosa,
15o na ndũkekwatye nthembo ya syĩndũ ila wakwatie kwa nzĩa itaĩlĩte,
nũndũ Mwĩai nĩ mũsili,
na aumasya ũtw'ĩo ate na wendeesyo.
16Ngai ndaleaa kũnenga ngya sila wa katĩ,
na nĩwĩthukĩĩasya mboya sya ũla ũvĩtĩw'e.
17Ngai ndavũthasya mboya ya kana ndiwa,
kana mũndũ mũka ndiwa yĩla ũkũmũtavya mathĩna make.
18Methoi ma mũndũ mũka ndiwa nĩmanyũlũlũkaa mataunĩ make,
19akĩĩa nũndũ wa mũndũ ũla ũmũvĩtĩsye.
20Mũndũ ũla ũthũkũmi wake wĩmwendeesya Mwĩai akeetĩkĩlwa,
mboya yake ĩkathi kũvika ĩtunĩ.
21Mboya ya mũndũ wĩ wĩnyivyo nĩtonyaa matu,
ndakilasya nginya mboya yake ĩmũvikĩe Ngai.
Ndakaeka kũvoya nginya yĩla Ũla wĩ Ĩũlũ Mũno wĩmũsũngĩa,
22na ainenga ũla mũlũngalu sila wa katĩ, na kũsilĩla mũvĩtany'a.
Mwĩai akeeka ũu mĩtũkĩ na ndakekalanga,
nginya avevenze inyunyu sya ala mate tei,
23na kũĩvanĩsya mbaĩ mbingĩ.
Nginya amine andũ aingĩ ala me ngathĩĩo,
na kwananga ũtongoi wa andũ mate alũngalu.
24Akaĩvanĩsya kĩla mũndũ kwĩanana na meko make,
akaĩvanĩsya meko ma andũ kwĩanana na mosũanĩo moo;
25nginya atw'e ĩkoani ya andũ make,
na kũtuma matana nũndũ wa tei wake.
26Andũ me thĩnanĩ nĩmatanĩaa tei wa Mwĩai,
o tondũ andũ matanĩaa matu ma mbua ĩvinda ya mũnyao.
Currently Selected:
Sil 35: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sil 35
35
Mĩao na Nthembo
1Mũndũ akwata mĩao nĩ ũndũ ũmwe na kumya nthembo mbingĩ.
2Mũndũ aatĩĩa mĩao nĩ ũndũ ũmwe na kumya nthembo sya ngwatanĩo.
3Mũndũ atũnga mũvea nĩ ũndũ ũmwe na kumya nthembo ya mũtu mũvinyu;
4nake mũndũ atethya ngya nĩ ũndũ ũmwe na kumya nthembo ya kũtũnga mũvea.
5Watia ũthũku ũkamwendeesya Mwĩai,
na kũtia ũthũku nĩ ta kwĩyumĩsya nthembo ya wĩw'anĩthyo.
6Ndũkathi kũthaitha Mwĩai wĩ na moko mathei,
7nũndũ nĩwĩaĩte aumĩaw'e syĩndũ isu.
8Nthembo ya mũndũ mũlũngalu ĩvakaa kĩthembeo mauta,
na mũuke wayo mũseo nĩwambataa kũla kwĩ Ũla wĩ Ĩũlũ Mũno.
9 #
2Ako 9.7
Nthembo ya mũndũ mũlũngalu nĩyĩtĩkĩlawa,
na ndĩkola o na ĩndĩĩ.
10Mũtaĩe Ũla wĩ Ĩũlũ Mũno kwa kumya kwa ũlau,
na ndũkew'ĩe ĩtomo mosyao ma mbee ala waĩlĩte kumya.
11Ĩthĩawa na ũtanu yĩla ũkũnengane mĩthĩnzĩo yaku yonthe,
na ũyĩw'aa mũyo yĩla ũkumya kĩlungu kyaku kya ĩkũmi.
12Mũnenge Ũla wĩ Ĩũlũ Mũno o tondũ we ũkũnengete,
mũnengae kwa ũlau kwĩanana na ũtonyi waku,
13nũndũ Mwĩai nĩwe ũĩvaa,
nake akakũĩva mavinda mũonza mbee wa ũndũ ũmũnengete.
Ngai Aumasya Sila wa Katĩ
14Ndũkatate kũnenga Ngai ĩtuvi ya wendeesyo nũndũ ndeyosa,
15o na ndũkekwatye nthembo ya syĩndũ ila wakwatie kwa nzĩa itaĩlĩte,
nũndũ Mwĩai nĩ mũsili,
na aumasya ũtw'ĩo ate na wendeesyo.
16Ngai ndaleaa kũnenga ngya sila wa katĩ,
na nĩwĩthukĩĩasya mboya sya ũla ũvĩtĩw'e.
17Ngai ndavũthasya mboya ya kana ndiwa,
kana mũndũ mũka ndiwa yĩla ũkũmũtavya mathĩna make.
18Methoi ma mũndũ mũka ndiwa nĩmanyũlũlũkaa mataunĩ make,
19akĩĩa nũndũ wa mũndũ ũla ũmũvĩtĩsye.
20Mũndũ ũla ũthũkũmi wake wĩmwendeesya Mwĩai akeetĩkĩlwa,
mboya yake ĩkathi kũvika ĩtunĩ.
21Mboya ya mũndũ wĩ wĩnyivyo nĩtonyaa matu,
ndakilasya nginya mboya yake ĩmũvikĩe Ngai.
Ndakaeka kũvoya nginya yĩla Ũla wĩ Ĩũlũ Mũno wĩmũsũngĩa,
22na ainenga ũla mũlũngalu sila wa katĩ, na kũsilĩla mũvĩtany'a.
Mwĩai akeeka ũu mĩtũkĩ na ndakekalanga,
nginya avevenze inyunyu sya ala mate tei,
23na kũĩvanĩsya mbaĩ mbingĩ.
Nginya amine andũ aingĩ ala me ngathĩĩo,
na kwananga ũtongoi wa andũ mate alũngalu.
24Akaĩvanĩsya kĩla mũndũ kwĩanana na meko make,
akaĩvanĩsya meko ma andũ kwĩanana na mosũanĩo moo;
25nginya atw'e ĩkoani ya andũ make,
na kũtuma matana nũndũ wa tei wake.
26Andũ me thĩnanĩ nĩmatanĩaa tei wa Mwĩai,
o tondũ andũ matanĩaa matu ma mbua ĩvinda ya mũnyao.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011