Sil 16
16
Ũkany'o wa Ngai kwa Eki ma Naĩ
1Ndũkendeew'e nĩ kwĩthĩwa na syana mbingĩ sya mana,
kana kwĩkathĩĩa na ana matamũkĩaa Ngai.
2Syongeleka, ndũkatane nũndũ wasyo,
ate o ethĩwa nimũkĩaa Mwĩai.
3Ndũkekwatye kana ikekala thayũ mũasa ikũtethye,
o na ndũkekwatye wingĩ wasyo;
nĩkwĩthĩwa kana kamwe kamũkĩaa Ngai ke kavaa kwĩ syana ngili itamũkĩaa;
nĩ kavaa kũkw'a ũte kana kũte kwĩthĩwa na syana itamũkĩaa Ngai.
4Mũndũ ũmwe wĩ na kĩlĩko nũtonya kusũsya ndũa nima na andũ,
ĩndĩ mbaĩ nima ya andũ maleete mĩao nĩtumaa ndũa ĩtiwa yĩ nthei.
5Nĩnonete maũndũ maingĩ ma mũthemba ũsu,
na ngew'a maũndũ ma kũseng'ya mbee wa asu.
6Mwaki ũkavuvwa katĩ wa wũmbano wa eki ma naĩ,
na ũthatu mwingĩ nĩwakanĩtw'e nthĩ ya andũ mate ewi.
7 #
Mwa 6.4; Ũĩ 14.6 Ngai ndaaekea ala andũ anene mũno ma tene,
ala maleanile nake maitũmĩa vinya woo ene.
8Ngai ndaaĩw'ĩa atũi ma Loto tei,
ala mamũthatisye nũndũ wa ũng'endu woo.
9Ndaaĩw'ĩa tei mbaĩ ĩla yatw'ĩĩwe kwanangwa,
andũ ala maminiwe nũndũ wa naĩ syoo,
10o na ndaaĩw'ĩa tei ala asikalĩ ngili maana thanthatũ ma kũthi na maũũ,
ala nũndũ wa wũmũ wa ngoo syoo moombanie vamwe malea ũndũ maaĩlĩte kwĩka.
11O na vakethĩwa mũndũ ũmwe wĩ ngoo mbũmũ,
wĩthĩwa wĩ ũseng'yo akalea kũkanw'a.
Nĩkwĩthĩwa Mwĩai e tei na o ta ũu nũthataa;
e ũtonyi mũnene wa kũekea na o ta ũu nĩwonoasya ũthatu wake.
12O ũndũ tei wake wingĩvĩte, now'o ũkany'o wake ũnenevete,
asilĩlaa mũndũ kwĩanana na meko make.
13Mwĩki wa naĩ ndakakĩa na kĩla ũtavĩte,
na wũmĩĩsyo wa ala mamũkĩaa Mwĩai ndũkethĩwa wa mana.
14Ngai nũtuvaa mũndũ ũla wĩkaa meko ma tei,
kĩla mũndũ akatuvwa kwĩanana na meko make.
15 # 16.15 Maandĩko amwe ma Ndeto ya Ngai nĩmongelete mũsoa wa ĩkũmi na itano ũla ũkwasya: Mwĩai atumie mũsumbĩ wa Misili omya ngoo weethĩa ndatonya kũmũmanya Mwĩai; nĩ kana andũ ĩũlũ wa nthĩ mamanye mawĩa ma Mwĩai.
16 # 16.16 Maandĩko amwe ma ndeto ya Ngai nĩmongelete mũsoa wa ĩkũmi na nthanthatũ ũkwasya: Tei wake nĩwĩsĩkĩwe nĩ syũmbe syonthe; nĩwaanisye kyeni kyake na kĩvindu aitũmĩa kavilũ.
17Ndũkaneene wasye, “Nĩngwĩvitha wĩthĩe Mwĩai ndambona,
na nũũ kuma ĩũlũ wĩndilikana?
Katĩ wa andũ maingĩvĩte ũu, ndikamanyĩka,
nũndũ thayũ wakwa nĩ kyaũ katĩ wa syũmbe itatalĩka?”
18Yĩla Mwĩai wĩũka,
syĩndũ syonthe ikatetema:
Ĩtu na yayaya,
vala maveva ma ala akw'ũ mekalaa na ĩũlũ wa nthĩ.
19Iĩma na myambĩlĩĩlyo ya nthĩ nitetemaa,
yĩla Mwĩai waisisya.
20Ĩndĩ vai mũndũ ũsũanĩaa ĩũlũ wa maũndũ asu;
nũũ ũla ũtonya kũmanya nzĩa sya Mwĩai?
21Ta kĩseve kĩ vinya kĩla mũndũ o na wĩva ũtatonya kwona,
now'o mawĩa make maingĩ mavithĩtwe.
22Nũũ ũla ũkatavany'a ĩũlũ wa mawĩa make ma sila wa katĩ?
Kana nũũ ũla ũkameteela?
Nũndũ nĩwĩkalaa mũno ayĩsa kwĩanĩsya ũtianĩo wake.
23Mũndũ ũte na kĩlĩko asũanĩaa ũu;
mũndũ ndia na mwau asũanĩaa na ũtumanu.
Ũĩ wa Ngai Ũyoneka Syĩndũnĩ ila Woombie
24Mwana wakwa, mbĩthukĩĩsye ũkwate ũmanyi,
tea kũtũ wĩw'e ndeto syakwa.
25Nĩkũnenga momanyĩsyo me vinya,
na kũweta ũmanyi wa w'o.
26Wĩa wa Mwĩai wĩthĩĩtwe vo kuma mwambĩlĩĩlyonĩ yĩla woombie syĩndũ,
yĩla wasyũmbie, nĩwaiie kĩla kĩmwe vala kyaĩlĩte kwĩthĩwa.
27Avangie syĩndũ ila woombie na mũvango ũtakaalyũka tene na tene,
kuma mwambĩlĩĩlyonĩ wasyo kũvika nzyawa syonthe.
Iyĩsaa kwĩw'a nzaa kana ikanoa,
na iiekaa kũtethya wĩa wasyo.
28Syũmbe isu iyĩsaa kũmbĩanĩa vamwe,
na iiekaa kwĩanĩsya ndeto ya Mwĩai.
29Ĩtina wa ũu Mwĩai nĩwasyaisye nthĩ,
na amyusũsya na syĩndũ syake nzeo.
30Nĩwausũisye nthĩ na syũmbe sya kĩla mũthemba,
na syũmbe isu ikakw'a na kũsyoka mũthanganĩ.
Currently Selected:
Sil 16: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sil 16
16
Ũkany'o wa Ngai kwa Eki ma Naĩ
1Ndũkendeew'e nĩ kwĩthĩwa na syana mbingĩ sya mana,
kana kwĩkathĩĩa na ana matamũkĩaa Ngai.
2Syongeleka, ndũkatane nũndũ wasyo,
ate o ethĩwa nimũkĩaa Mwĩai.
3Ndũkekwatye kana ikekala thayũ mũasa ikũtethye,
o na ndũkekwatye wingĩ wasyo;
nĩkwĩthĩwa kana kamwe kamũkĩaa Ngai ke kavaa kwĩ syana ngili itamũkĩaa;
nĩ kavaa kũkw'a ũte kana kũte kwĩthĩwa na syana itamũkĩaa Ngai.
4Mũndũ ũmwe wĩ na kĩlĩko nũtonya kusũsya ndũa nima na andũ,
ĩndĩ mbaĩ nima ya andũ maleete mĩao nĩtumaa ndũa ĩtiwa yĩ nthei.
5Nĩnonete maũndũ maingĩ ma mũthemba ũsu,
na ngew'a maũndũ ma kũseng'ya mbee wa asu.
6Mwaki ũkavuvwa katĩ wa wũmbano wa eki ma naĩ,
na ũthatu mwingĩ nĩwakanĩtw'e nthĩ ya andũ mate ewi.
7 #
Mwa 6.4; Ũĩ 14.6 Ngai ndaaekea ala andũ anene mũno ma tene,
ala maleanile nake maitũmĩa vinya woo ene.
8Ngai ndaaĩw'ĩa atũi ma Loto tei,
ala mamũthatisye nũndũ wa ũng'endu woo.
9Ndaaĩw'ĩa tei mbaĩ ĩla yatw'ĩĩwe kwanangwa,
andũ ala maminiwe nũndũ wa naĩ syoo,
10o na ndaaĩw'ĩa tei ala asikalĩ ngili maana thanthatũ ma kũthi na maũũ,
ala nũndũ wa wũmũ wa ngoo syoo moombanie vamwe malea ũndũ maaĩlĩte kwĩka.
11O na vakethĩwa mũndũ ũmwe wĩ ngoo mbũmũ,
wĩthĩwa wĩ ũseng'yo akalea kũkanw'a.
Nĩkwĩthĩwa Mwĩai e tei na o ta ũu nũthataa;
e ũtonyi mũnene wa kũekea na o ta ũu nĩwonoasya ũthatu wake.
12O ũndũ tei wake wingĩvĩte, now'o ũkany'o wake ũnenevete,
asilĩlaa mũndũ kwĩanana na meko make.
13Mwĩki wa naĩ ndakakĩa na kĩla ũtavĩte,
na wũmĩĩsyo wa ala mamũkĩaa Mwĩai ndũkethĩwa wa mana.
14Ngai nũtuvaa mũndũ ũla wĩkaa meko ma tei,
kĩla mũndũ akatuvwa kwĩanana na meko make.
15 # 16.15 Maandĩko amwe ma Ndeto ya Ngai nĩmongelete mũsoa wa ĩkũmi na itano ũla ũkwasya: Mwĩai atumie mũsumbĩ wa Misili omya ngoo weethĩa ndatonya kũmũmanya Mwĩai; nĩ kana andũ ĩũlũ wa nthĩ mamanye mawĩa ma Mwĩai.
16 # 16.16 Maandĩko amwe ma ndeto ya Ngai nĩmongelete mũsoa wa ĩkũmi na nthanthatũ ũkwasya: Tei wake nĩwĩsĩkĩwe nĩ syũmbe syonthe; nĩwaanisye kyeni kyake na kĩvindu aitũmĩa kavilũ.
17Ndũkaneene wasye, “Nĩngwĩvitha wĩthĩe Mwĩai ndambona,
na nũũ kuma ĩũlũ wĩndilikana?
Katĩ wa andũ maingĩvĩte ũu, ndikamanyĩka,
nũndũ thayũ wakwa nĩ kyaũ katĩ wa syũmbe itatalĩka?”
18Yĩla Mwĩai wĩũka,
syĩndũ syonthe ikatetema:
Ĩtu na yayaya,
vala maveva ma ala akw'ũ mekalaa na ĩũlũ wa nthĩ.
19Iĩma na myambĩlĩĩlyo ya nthĩ nitetemaa,
yĩla Mwĩai waisisya.
20Ĩndĩ vai mũndũ ũsũanĩaa ĩũlũ wa maũndũ asu;
nũũ ũla ũtonya kũmanya nzĩa sya Mwĩai?
21Ta kĩseve kĩ vinya kĩla mũndũ o na wĩva ũtatonya kwona,
now'o mawĩa make maingĩ mavithĩtwe.
22Nũũ ũla ũkatavany'a ĩũlũ wa mawĩa make ma sila wa katĩ?
Kana nũũ ũla ũkameteela?
Nũndũ nĩwĩkalaa mũno ayĩsa kwĩanĩsya ũtianĩo wake.
23Mũndũ ũte na kĩlĩko asũanĩaa ũu;
mũndũ ndia na mwau asũanĩaa na ũtumanu.
Ũĩ wa Ngai Ũyoneka Syĩndũnĩ ila Woombie
24Mwana wakwa, mbĩthukĩĩsye ũkwate ũmanyi,
tea kũtũ wĩw'e ndeto syakwa.
25Nĩkũnenga momanyĩsyo me vinya,
na kũweta ũmanyi wa w'o.
26Wĩa wa Mwĩai wĩthĩĩtwe vo kuma mwambĩlĩĩlyonĩ yĩla woombie syĩndũ,
yĩla wasyũmbie, nĩwaiie kĩla kĩmwe vala kyaĩlĩte kwĩthĩwa.
27Avangie syĩndũ ila woombie na mũvango ũtakaalyũka tene na tene,
kuma mwambĩlĩĩlyonĩ wasyo kũvika nzyawa syonthe.
Iyĩsaa kwĩw'a nzaa kana ikanoa,
na iiekaa kũtethya wĩa wasyo.
28Syũmbe isu iyĩsaa kũmbĩanĩa vamwe,
na iiekaa kwĩanĩsya ndeto ya Mwĩai.
29Ĩtina wa ũu Mwĩai nĩwasyaisye nthĩ,
na amyusũsya na syĩndũ syake nzeo.
30Nĩwausũisye nthĩ na syũmbe sya kĩla mũthemba,
na syũmbe isu ikakw'a na kũsyoka mũthanganĩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011