Sil 13
13
Mũndũ Aĩlĩte Kwĩsũvĩana na Atindany'a Make
1Mũndũ o na wĩva ũla ũkwataa lami nũthokoanaa,
na o ta ũu ũla wĩ ngwatanĩo na mũndũ wĩ ngathĩĩo ekalaa o take.
2Ndũkokĩlye kĩndũ kĩito kũvĩtũka vinya waku,
ndũkethĩwe na ngwatanĩo na mũndũ wĩ vinya kana mũthwii mbee waku.
Mbisũ ya yũmba ĩtonya ata kwianĩw'a na mbĩlĩka ya kyũma?
Mbisũ ĩsu yatinana na mbĩlĩka ĩsu nĩkũkw'a.
3Mũthwii nĩwĩkaa mũndũ naĩ, na o na ekĩte ũu ayongeleela kũmũuma,
ĩndĩ mũndũ ngya eekwa naĩ eawa no nginya etye ũekeo.
4Mũthwii akũtũmĩaa ethĩwa nũkũkwata kĩndũ kuma kwaku,
ĩndĩ yĩla wĩ na thĩna nũkũekaa wĩ weka.
5Ethĩwa wĩ na kĩndũ, mũthwii ekalanasya naku,
aminaa syĩndũ syaku o na ateũkũlya.
6Yĩla ũkũkwenda nũkũkengaa,
nũkũthekasya na aikũnenga wĩkwatyo,
nũkũneenasya nesa akaũkũlya atĩĩ, “Wĩenda kyaũ?”
7Akakũthokasya lĩunĩ wake na kũtuma wĩw'a nthoni,
nginya ose syĩndũ syaku syonthe mavinda elĩ kana atatũ,
na mũminũkĩlyonĩ aikũthekeea.
Ĩtina wa ũu mwakomana, akeetw'ĩkĩthasya o na ndakwĩsĩ,
na aikũvĩtũka.
8Ĩsũvĩe ndũkese kwaw'a,
na kwĩkĩĩthw'a nthoni ĩvindanĩ ya mboka syaku.
9Wathokw'a nĩ mũndũ wĩ ũtonyi ndũkasembee kũthi,
nake akakũthokasya mavinda maingĩ.
10Ndũkethĩwe vakuvĩ nake mũno ndakese ũkũlũngya,
ndũkekale vaasa nake mũno, ndakese kũlwa nue.
11Ndũkamũkue ta mwĩanene,
kana kũĩkĩĩa ndeto syake mbingĩ.
Nĩkwĩthĩwa akaũthima na ndeto syake mbingĩ,
na yĩla ũkũũthekya, ethĩawa ayenda ũkũmanya mbeange.
12Mũndũ ũla ũtaiaa kĩmbithĩ kya ndeto ila watavw'a nĩ mũthũku,
o na ndonaa ta ũndũ kũkwĩka naĩ kana ũkũtwaa yela.
13Ĩkalasya syĩmbithĩ syaku ngoonĩ yaku na ũyĩthĩawa wĩsũvĩĩte mũno,
nĩkwĩthĩwa ũendanasya na mũisyo.
14 # 13.14 Maandĩko amwe ma Ndeto ya Ngai nĩmongelete mũsoa wa ĩkũmi na inya ũkwasya: Yĩla wĩĩw'a maũndũ asu ũkomete, wĩamũka! Matukũnĩ onthe ma thayũ waku, mwende Mwĩai na ũimwĩkaĩlaa akũtangĩĩe.
15Kĩla kyũmbe nĩkyendete kyũmbe kĩla mailyĩ ũndũ ũmwe,
o ta ũu nake mũndũ nĩwendete mũndũ ũla ũngĩ.
16Syũmbe syonthe ila iilyĩ ũndũ ũmwe nĩsyĩkalanasya vamwe,
na mũndũ o nake ekalanasya na ala mailyĩ take.
17Nzũi na katena ka ĩlondu ikwatanĩaa ũndũnĩ mwaũ?
O ta ũu nake mwĩki wa naĩ nde ngwatanĩo na mũndũ ũla ũmũkĩaa Ngai.
18Nĩkũlya, katĩ wa mbiti na ngitĩ ve mũuo?
Katĩ wa mũthwii na ngya ve mũuo?
19Athwii masyĩmaa ngya,
o tondũ mĩnyambũ ĩsyĩmaa mang'oi ma kĩthekanĩ weũnĩ.
20Wĩnyivyo nĩ ũthatyo kwa mũndũ wĩ ngathĩĩo,
na o ta ũu ngya nĩ ũthatyo kwa ũla mũthwii.
21Yĩla mũthwii walũa, nũtw'ĩĩkawa nĩ anyanyae,
ĩndĩ ngya yavalũka o na anyanyae mamĩsukumĩĩaa ũtee.
22Mũthwii avĩtya atetheeaw'a nĩ andũ aingĩ,
aneena ndeto itaĩlĩte, nĩmamũteteaa ta weeka nesa,
ĩndĩ mũndũ ngya avĩtya nũtetaw'a,
o na aneena ndeto nzeo vai mũndũ ũmwĩthukĩĩasya.
23Mũthwii aineena andũ onthe nĩmavindasya,
makathĩĩaa mũno vyũ kĩla ũkũneena.
Mũndũ ngya aneena, andũ makũlasya atĩĩ, “Ũũ nũũ?”
Yĩla waluluutĩka o na nĩmamũsukumaa akavalũka.
24Ũthwii nĩ mũseo ethĩwa ndũkonanĩtye na naĩ,
ala mate na kĩkĩo kya Ngai monaa ũkya wĩ mũthũku.
25Kĩla kĩ ngoonĩ ya mũndũ nĩkĩalyũlaa ũthyũ wake,
akoneka e mũtanu kana e na woo.
26Ũthyũ mũtanu nĩ wonany'o wa mũndũ mũtanu ngoonĩ,
ĩndĩ kũseũvya nthimo kwendaa mũndũ asũanĩe mũno.
Currently Selected:
Sil 13: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sil 13
13
Mũndũ Aĩlĩte Kwĩsũvĩana na Atindany'a Make
1Mũndũ o na wĩva ũla ũkwataa lami nũthokoanaa,
na o ta ũu ũla wĩ ngwatanĩo na mũndũ wĩ ngathĩĩo ekalaa o take.
2Ndũkokĩlye kĩndũ kĩito kũvĩtũka vinya waku,
ndũkethĩwe na ngwatanĩo na mũndũ wĩ vinya kana mũthwii mbee waku.
Mbisũ ya yũmba ĩtonya ata kwianĩw'a na mbĩlĩka ya kyũma?
Mbisũ ĩsu yatinana na mbĩlĩka ĩsu nĩkũkw'a.
3Mũthwii nĩwĩkaa mũndũ naĩ, na o na ekĩte ũu ayongeleela kũmũuma,
ĩndĩ mũndũ ngya eekwa naĩ eawa no nginya etye ũekeo.
4Mũthwii akũtũmĩaa ethĩwa nũkũkwata kĩndũ kuma kwaku,
ĩndĩ yĩla wĩ na thĩna nũkũekaa wĩ weka.
5Ethĩwa wĩ na kĩndũ, mũthwii ekalanasya naku,
aminaa syĩndũ syaku o na ateũkũlya.
6Yĩla ũkũkwenda nũkũkengaa,
nũkũthekasya na aikũnenga wĩkwatyo,
nũkũneenasya nesa akaũkũlya atĩĩ, “Wĩenda kyaũ?”
7Akakũthokasya lĩunĩ wake na kũtuma wĩw'a nthoni,
nginya ose syĩndũ syaku syonthe mavinda elĩ kana atatũ,
na mũminũkĩlyonĩ aikũthekeea.
Ĩtina wa ũu mwakomana, akeetw'ĩkĩthasya o na ndakwĩsĩ,
na aikũvĩtũka.
8Ĩsũvĩe ndũkese kwaw'a,
na kwĩkĩĩthw'a nthoni ĩvindanĩ ya mboka syaku.
9Wathokw'a nĩ mũndũ wĩ ũtonyi ndũkasembee kũthi,
nake akakũthokasya mavinda maingĩ.
10Ndũkethĩwe vakuvĩ nake mũno ndakese ũkũlũngya,
ndũkekale vaasa nake mũno, ndakese kũlwa nue.
11Ndũkamũkue ta mwĩanene,
kana kũĩkĩĩa ndeto syake mbingĩ.
Nĩkwĩthĩwa akaũthima na ndeto syake mbingĩ,
na yĩla ũkũũthekya, ethĩawa ayenda ũkũmanya mbeange.
12Mũndũ ũla ũtaiaa kĩmbithĩ kya ndeto ila watavw'a nĩ mũthũku,
o na ndonaa ta ũndũ kũkwĩka naĩ kana ũkũtwaa yela.
13Ĩkalasya syĩmbithĩ syaku ngoonĩ yaku na ũyĩthĩawa wĩsũvĩĩte mũno,
nĩkwĩthĩwa ũendanasya na mũisyo.
14 # 13.14 Maandĩko amwe ma Ndeto ya Ngai nĩmongelete mũsoa wa ĩkũmi na inya ũkwasya: Yĩla wĩĩw'a maũndũ asu ũkomete, wĩamũka! Matukũnĩ onthe ma thayũ waku, mwende Mwĩai na ũimwĩkaĩlaa akũtangĩĩe.
15Kĩla kyũmbe nĩkyendete kyũmbe kĩla mailyĩ ũndũ ũmwe,
o ta ũu nake mũndũ nĩwendete mũndũ ũla ũngĩ.
16Syũmbe syonthe ila iilyĩ ũndũ ũmwe nĩsyĩkalanasya vamwe,
na mũndũ o nake ekalanasya na ala mailyĩ take.
17Nzũi na katena ka ĩlondu ikwatanĩaa ũndũnĩ mwaũ?
O ta ũu nake mwĩki wa naĩ nde ngwatanĩo na mũndũ ũla ũmũkĩaa Ngai.
18Nĩkũlya, katĩ wa mbiti na ngitĩ ve mũuo?
Katĩ wa mũthwii na ngya ve mũuo?
19Athwii masyĩmaa ngya,
o tondũ mĩnyambũ ĩsyĩmaa mang'oi ma kĩthekanĩ weũnĩ.
20Wĩnyivyo nĩ ũthatyo kwa mũndũ wĩ ngathĩĩo,
na o ta ũu ngya nĩ ũthatyo kwa ũla mũthwii.
21Yĩla mũthwii walũa, nũtw'ĩĩkawa nĩ anyanyae,
ĩndĩ ngya yavalũka o na anyanyae mamĩsukumĩĩaa ũtee.
22Mũthwii avĩtya atetheeaw'a nĩ andũ aingĩ,
aneena ndeto itaĩlĩte, nĩmamũteteaa ta weeka nesa,
ĩndĩ mũndũ ngya avĩtya nũtetaw'a,
o na aneena ndeto nzeo vai mũndũ ũmwĩthukĩĩasya.
23Mũthwii aineena andũ onthe nĩmavindasya,
makathĩĩaa mũno vyũ kĩla ũkũneena.
Mũndũ ngya aneena, andũ makũlasya atĩĩ, “Ũũ nũũ?”
Yĩla waluluutĩka o na nĩmamũsukumaa akavalũka.
24Ũthwii nĩ mũseo ethĩwa ndũkonanĩtye na naĩ,
ala mate na kĩkĩo kya Ngai monaa ũkya wĩ mũthũku.
25Kĩla kĩ ngoonĩ ya mũndũ nĩkĩalyũlaa ũthyũ wake,
akoneka e mũtanu kana e na woo.
26Ũthyũ mũtanu nĩ wonany'o wa mũndũ mũtanu ngoonĩ,
ĩndĩ kũseũvya nthimo kwendaa mũndũ asũanĩe mũno.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011