Sav 92
92
Wathi wa Kũtaĩa Ngai
Ũũ nĩ wathi kwondũ wa mũthenya wa Savato.
1Nĩ ũseo kũtũngĩa Mwĩai Ngai mũvea,
na kwina mbathi sya kũnenga ĩsyĩtwa yaku ndaĩa,
we Ngai Ũla wĩ Ĩũlũ Mũno.
2Nĩ ũseo kũtavany'a wendo waku ũtaolekaa kĩla kwakya,
na kũtavany'a ũĩkĩĩku waku kĩla wĩoo,
3tũitũmĩa mĩio ya mbathi ya kũvuva na ngitaa nene,
na wasya mũseo wa ngitaa nini.
4Nũndũ mawĩa maku we Mwĩai Ngai nĩmatumĩte nĩw'a mũyo;
ninaa na ũtanu nũndũ wa wĩa wa moko maku.
5Kaĩ mawĩa maku nĩ manene we Mwĩai Ngai!
Mosũanĩo maku nĩ manene mũno!
6Mũndũ mũtumanu ndamanya,
o na ndia ndĩtonya kũelewa kana,
7o na andũ athũku makaendeea nesa ta nyeki,
na eki ma naĩ maiendeea nesa,
mũminũkĩlyo woo onthe nĩ kũminwa tene na tene.
8Ĩndĩ we Mwĩai Ngai wĩ mũnene tene na tene!
9Amaitha asu maku we Mwĩai Ngai,
ĩĩ, amaitha asu maku kwa w'o makaa.
Onthe ala mekaa ũthũku makanyaĩĩkw'a.
10Nũnengete vinya wĩana wa mboo;
nũngathimĩte na ũtanu.
11Nĩnonete na metho makwa kũsindwa kwa amaitha makwa;
nĩnĩw'ĩte na matũ makwa kĩĩo kya ala athũku.
12Ala alũngalu makaendeea nesa ta mĩkĩndũ,
makeana ta mĩkũũ ya Levanoni.
13Mailyĩ ta mĩtĩ ĩvandĩtwe nyũmbanĩ ya Mwĩai Ngai,
ĩla ĩendeea nesa Ĩkalũnĩ ya Mwĩai Ngai.
14O na yĩ mĩkũũ ĩkeethĩwa na ũsyao,
na ĩkaendeea kwĩthĩwa yĩ na kĩw'ũ na yĩ mĩthithĩanĩu.
15Ũu wonanasya kana Mwĩai Ngai nĩ mũlũngalu;
nĩwe Ĩvia yakwa na nthĩnĩ wake vai ũthũku o na ũmwe.
Currently Selected:
Sav 92: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sav 92
92
Wathi wa Kũtaĩa Ngai
Ũũ nĩ wathi kwondũ wa mũthenya wa Savato.
1Nĩ ũseo kũtũngĩa Mwĩai Ngai mũvea,
na kwina mbathi sya kũnenga ĩsyĩtwa yaku ndaĩa,
we Ngai Ũla wĩ Ĩũlũ Mũno.
2Nĩ ũseo kũtavany'a wendo waku ũtaolekaa kĩla kwakya,
na kũtavany'a ũĩkĩĩku waku kĩla wĩoo,
3tũitũmĩa mĩio ya mbathi ya kũvuva na ngitaa nene,
na wasya mũseo wa ngitaa nini.
4Nũndũ mawĩa maku we Mwĩai Ngai nĩmatumĩte nĩw'a mũyo;
ninaa na ũtanu nũndũ wa wĩa wa moko maku.
5Kaĩ mawĩa maku nĩ manene we Mwĩai Ngai!
Mosũanĩo maku nĩ manene mũno!
6Mũndũ mũtumanu ndamanya,
o na ndia ndĩtonya kũelewa kana,
7o na andũ athũku makaendeea nesa ta nyeki,
na eki ma naĩ maiendeea nesa,
mũminũkĩlyo woo onthe nĩ kũminwa tene na tene.
8Ĩndĩ we Mwĩai Ngai wĩ mũnene tene na tene!
9Amaitha asu maku we Mwĩai Ngai,
ĩĩ, amaitha asu maku kwa w'o makaa.
Onthe ala mekaa ũthũku makanyaĩĩkw'a.
10Nũnengete vinya wĩana wa mboo;
nũngathimĩte na ũtanu.
11Nĩnonete na metho makwa kũsindwa kwa amaitha makwa;
nĩnĩw'ĩte na matũ makwa kĩĩo kya ala athũku.
12Ala alũngalu makaendeea nesa ta mĩkĩndũ,
makeana ta mĩkũũ ya Levanoni.
13Mailyĩ ta mĩtĩ ĩvandĩtwe nyũmbanĩ ya Mwĩai Ngai,
ĩla ĩendeea nesa Ĩkalũnĩ ya Mwĩai Ngai.
14O na yĩ mĩkũũ ĩkeethĩwa na ũsyao,
na ĩkaendeea kwĩthĩwa yĩ na kĩw'ũ na yĩ mĩthithĩanĩu.
15Ũu wonanasya kana Mwĩai Ngai nĩ mũlũngalu;
nĩwe Ĩvia yakwa na nthĩnĩ wake vai ũthũku o na ũmwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011