Sav 86
86
Mboya ya Ndeviti
1Ame Mwĩai Ngai tea kũtũ na ũinzũngĩa,
nũndũ nĩ mũndũ ngya na mũthĩni.
2Sũvĩa thayũ wakwa nũndũ nĩ na kĩkĩo kyaku;
ndangĩĩe nyie mũthũkũmi waku nũndũ nĩngwĩkwatĩtye.
3Ame Mwĩai Ngai mbĩw'ĩe tei,
nũndũ ngwĩkaĩlaa mũthenya w'onthe.
4Ame Mwĩai Ngai tanĩthya ngoo yakwa nyie mũthũkũmi waku,
nũndũ we Mwĩai nue nĩvoyaa.
5We Mwĩai Ngai wĩ mũseo na nũekeaa,
wĩ na wendo mwingĩ ũtaolekaa kwa onthe ala makwĩkaĩlaa.
6Ame Mwĩai Ngai ĩw'a mboya yakwa,
ĩthukĩĩsye kĩĩo kya mboya yakwa.
7Ĩvinda yĩla nĩ thĩnanĩ nĩngwĩkaĩlaa,
nũndũ we nũnzũngĩaa.
8Ame Mwĩai vai ngai ingĩ ĩilyĩ taku,
o na vai ũngĩ wĩka meko mailyĩ ta maku.
9 #
Ũvu 15.4
Mbaĩ syonthe ila woombie,
ikooka na iitulya ndu mbee waku we Mwĩai Ngai;
ikataĩa ũnene wa ĩsyĩtwa yaku.
10Wĩ ũtonyi na nĩwĩkaa maũndũ ma kũseng'ya;
we wĩ weka nue Ngai.
11Ame Mwĩai Ngai manyĩsye ũndũ ũkwenda nĩke,
nĩ kana nĩatĩĩe ũw'o waku,
Nenge ngoo ĩte na ũaanĩku,
nĩ kana nĩkĩae ĩsyĩtwa yaku.
12Ame Mwĩai Ngai wakwa,
ngakũtaĩaa na ngoo yakwa yonthe,
ngakumasya ĩsyĩtwa yaku tene na tene.
13Nũndũ wendo waku ũtaolekaa nĩ mwingĩ kwakwa;
nũvonoketye thayũ wakwa kuma vala maveva ma ala akw'ũ mekalaa.
14Ame Ngai, ala mekathĩĩaa nĩmeũmbithũkĩa;
nguthu ya andũ athũku yĩenda kũmbũaa,
andũ matasũanĩaa ĩũlũ waku.
15Ĩndĩ we Mwĩai wĩ Ngai wĩ tei na wendo,
ndũthataa mĩtũkĩ na wĩ wendo mwingĩ ũtaolekaa na ũĩkĩĩku.
16Ĩthyũũe ũnzisye na ũimbĩw'ĩa tei;
nenge vinya waku nyie mũthũkũmi waku,
na ũindangĩĩa nyie mwana wa mũthũkũmi waku mũndũ mũka.
17Mbony'e wonany'o wa ũseo waku,
nĩ kana ala mamenete mone na maikwatwa nĩ nthoni,
moona ũndũ we Mwĩai ũndetheesye na kũngiakisya.
Currently Selected:
Sav 86: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sav 86
86
Mboya ya Ndeviti
1Ame Mwĩai Ngai tea kũtũ na ũinzũngĩa,
nũndũ nĩ mũndũ ngya na mũthĩni.
2Sũvĩa thayũ wakwa nũndũ nĩ na kĩkĩo kyaku;
ndangĩĩe nyie mũthũkũmi waku nũndũ nĩngwĩkwatĩtye.
3Ame Mwĩai Ngai mbĩw'ĩe tei,
nũndũ ngwĩkaĩlaa mũthenya w'onthe.
4Ame Mwĩai Ngai tanĩthya ngoo yakwa nyie mũthũkũmi waku,
nũndũ we Mwĩai nue nĩvoyaa.
5We Mwĩai Ngai wĩ mũseo na nũekeaa,
wĩ na wendo mwingĩ ũtaolekaa kwa onthe ala makwĩkaĩlaa.
6Ame Mwĩai Ngai ĩw'a mboya yakwa,
ĩthukĩĩsye kĩĩo kya mboya yakwa.
7Ĩvinda yĩla nĩ thĩnanĩ nĩngwĩkaĩlaa,
nũndũ we nũnzũngĩaa.
8Ame Mwĩai vai ngai ingĩ ĩilyĩ taku,
o na vai ũngĩ wĩka meko mailyĩ ta maku.
9 #
Ũvu 15.4
Mbaĩ syonthe ila woombie,
ikooka na iitulya ndu mbee waku we Mwĩai Ngai;
ikataĩa ũnene wa ĩsyĩtwa yaku.
10Wĩ ũtonyi na nĩwĩkaa maũndũ ma kũseng'ya;
we wĩ weka nue Ngai.
11Ame Mwĩai Ngai manyĩsye ũndũ ũkwenda nĩke,
nĩ kana nĩatĩĩe ũw'o waku,
Nenge ngoo ĩte na ũaanĩku,
nĩ kana nĩkĩae ĩsyĩtwa yaku.
12Ame Mwĩai Ngai wakwa,
ngakũtaĩaa na ngoo yakwa yonthe,
ngakumasya ĩsyĩtwa yaku tene na tene.
13Nũndũ wendo waku ũtaolekaa nĩ mwingĩ kwakwa;
nũvonoketye thayũ wakwa kuma vala maveva ma ala akw'ũ mekalaa.
14Ame Ngai, ala mekathĩĩaa nĩmeũmbithũkĩa;
nguthu ya andũ athũku yĩenda kũmbũaa,
andũ matasũanĩaa ĩũlũ waku.
15Ĩndĩ we Mwĩai wĩ Ngai wĩ tei na wendo,
ndũthataa mĩtũkĩ na wĩ wendo mwingĩ ũtaolekaa na ũĩkĩĩku.
16Ĩthyũũe ũnzisye na ũimbĩw'ĩa tei;
nenge vinya waku nyie mũthũkũmi waku,
na ũindangĩĩa nyie mwana wa mũthũkũmi waku mũndũ mũka.
17Mbony'e wonany'o wa ũseo waku,
nĩ kana ala mamenete mone na maikwatwa nĩ nthoni,
moona ũndũ we Mwĩai ũndetheesye na kũngiakisya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011