Sav 83
83
Kũvoya nĩ kana Amaitha ma Ĩsilaeli Masindwe
Savulĩ ĩno yaandĩkiwe nĩ Asavu.
1Ame Ngai ndũkakilye,
ndũkavindye, ndũkathũmũe ame Ngai!
2Asi! Kwa sisya ũndũ amaitha maku mekũkĩlya ituu,
na ala makũmenete nĩmeũkũng'endea.
3Mevangĩa andũ maku mĩvango ya ũseleke;
mevangĩa andũ ala ũsũvĩaa mĩvango mĩthũku.
4Measya, “Ũkai tũmine nthĩ yoo,
nĩ kana ĩsyĩtwa ya Ĩsilaeli yĩthele vyũ ĩũlũ wa nthĩ.”
5Nĩmetĩkĩlanaa mũvangonĩ woo,
na maiseũvya wĩw'ano ĩũlũ waku:
6Andũ ma Etomu na ma Ĩsumaeli;
ma Moavi na ma Akali;
7andũ ma Ngevali, Amimoni, Amaleki, Vilisitia na Tile.
8Asuli o nayo nĩkwatanĩte namo,
nĩ kana ĩlũlũmĩĩlye Aamimoni na Amoavi ala nĩ nzyawa sya Loto.
Sela
9 #
Asi 4.6-22; 7.1-23 Ĩkana namo ũndũ weekanie na andũ ma Mitiani;
ũndũ weekanie na Sisela na Yavini ũsĩnĩ wa Kisoni.
10Nĩwamasindĩie Enitoli,
na mĩĩ yoo yoea nthĩ.
11 #
Asi 7.25; 8.12 Ĩkana na atongoi moo ũndũ weekanie na Olevi na Nzeevu;
sinda atongoi moo onthe ũndũ wasindie Nzeva na Nzalimuna,
12ala maisye, “Nĩtũkwĩyosea tũmesye nthĩ ya andũ ma Ngai.”
13Ame Ngai wakwa, manyaĩĩkye ta kĩseve,
ta mavuti maũlũkĩtw'e nĩ kĩlingi.
14O tondũ mwaki ũvĩvasya kĩtheka,
na o tondũ ũmũĩ ũkwatasya iĩma mwaki,
15maatĩĩe ũmalũngĩtye na kĩuutani kyaku,
na ũimatelemya na kĩseve kyaku kĩthũku.
16Ame Mwĩai Ngai tuma makwatwa nĩ nthoni,
nĩ kana ũtume makũmantha.
17Nĩmakwatwe nĩ nthoni na kũtelemaa tene na tene,
nĩmekwatwa nĩ nthoni nginya makw'e.
18Nĩmamanye kana we wĩ weka,
ũla ĩsyĩtwa yaku nĩ Mwĩai Ngai,
nue Ũla wĩ Ĩũlũ Mũno na ũsumbĩkaa nthĩ yonthe.
Currently Selected:
Sav 83: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sav 83
83
Kũvoya nĩ kana Amaitha ma Ĩsilaeli Masindwe
Savulĩ ĩno yaandĩkiwe nĩ Asavu.
1Ame Ngai ndũkakilye,
ndũkavindye, ndũkathũmũe ame Ngai!
2Asi! Kwa sisya ũndũ amaitha maku mekũkĩlya ituu,
na ala makũmenete nĩmeũkũng'endea.
3Mevangĩa andũ maku mĩvango ya ũseleke;
mevangĩa andũ ala ũsũvĩaa mĩvango mĩthũku.
4Measya, “Ũkai tũmine nthĩ yoo,
nĩ kana ĩsyĩtwa ya Ĩsilaeli yĩthele vyũ ĩũlũ wa nthĩ.”
5Nĩmetĩkĩlanaa mũvangonĩ woo,
na maiseũvya wĩw'ano ĩũlũ waku:
6Andũ ma Etomu na ma Ĩsumaeli;
ma Moavi na ma Akali;
7andũ ma Ngevali, Amimoni, Amaleki, Vilisitia na Tile.
8Asuli o nayo nĩkwatanĩte namo,
nĩ kana ĩlũlũmĩĩlye Aamimoni na Amoavi ala nĩ nzyawa sya Loto.
Sela
9 #
Asi 4.6-22; 7.1-23 Ĩkana namo ũndũ weekanie na andũ ma Mitiani;
ũndũ weekanie na Sisela na Yavini ũsĩnĩ wa Kisoni.
10Nĩwamasindĩie Enitoli,
na mĩĩ yoo yoea nthĩ.
11 #
Asi 7.25; 8.12 Ĩkana na atongoi moo ũndũ weekanie na Olevi na Nzeevu;
sinda atongoi moo onthe ũndũ wasindie Nzeva na Nzalimuna,
12ala maisye, “Nĩtũkwĩyosea tũmesye nthĩ ya andũ ma Ngai.”
13Ame Ngai wakwa, manyaĩĩkye ta kĩseve,
ta mavuti maũlũkĩtw'e nĩ kĩlingi.
14O tondũ mwaki ũvĩvasya kĩtheka,
na o tondũ ũmũĩ ũkwatasya iĩma mwaki,
15maatĩĩe ũmalũngĩtye na kĩuutani kyaku,
na ũimatelemya na kĩseve kyaku kĩthũku.
16Ame Mwĩai Ngai tuma makwatwa nĩ nthoni,
nĩ kana ũtume makũmantha.
17Nĩmakwatwe nĩ nthoni na kũtelemaa tene na tene,
nĩmekwatwa nĩ nthoni nginya makw'e.
18Nĩmamanye kana we wĩ weka,
ũla ĩsyĩtwa yaku nĩ Mwĩai Ngai,
nue Ũla wĩ Ĩũlũ Mũno na ũsumbĩkaa nthĩ yonthe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011