Sav 80
80
Mboya Kwondũ wa Nthĩ ya Ĩsilaeli
Kwa mwinĩthya: Savulĩ ĩno yaandĩkiwe nĩ Asavu yĩthĩwe Ũtianĩo.
1 #
Kuma 25.22
We mũĩthi wa Ĩsilaeli tea kũtũ;
we ũla watongoeisye nzyawa sya Yosevu ta ndĩthya, twĩthukĩĩsye.
We ũsumbĩkaa ũilyĩ ĩũlũ wa syũmbe syĩ nthwau syĩtawa akelũvi ĩvuany'e.
2Ĩvuany'e kũla kwĩ mbaĩ sya Evalaimu, Mbengyameni na Manase.
Twony'e ũtonyi waku na ũyũka ũtũtangĩĩe!
3Ame Ngai tũtũnge twĩkale ũndũ twailyĩ;
twĩw'ĩe tei na nĩtũũtangĩĩwa!
4Ame Mwĩai Ngai Mwene Ũtonyi W'onthe,
wĩendeea kũthatw'a ĩvinda yĩana ata nĩ mboya sya andũ maku?
5Nũtũnengete kyeva tũye ta lĩu,
na ũkatũnenga kĩkombe kĩnene kya methoi tũnyw'e.
6Nũtũtw'ĩkĩthĩtye kĩndũ kya kũvũthw'a nĩ atũi maitũ,
na amaitha maitũ nĩmatũthekeeaa.
7Ame Ngai Mwene Ũtonyi W'onthe tũtũnge twĩkale ũndũ twailyĩ;
twĩw'ĩe tei nĩ kana tũtangĩĩwe!
8Nĩwaetie mũsavivũ kuma nthĩ ya Misili;
nĩwalũngilye andũ ma nthĩ ingĩ na wavanda mũsavivũ ũsu nthĩ yoo.
9Nĩwawengeie vandũ nĩ kana wĩane;
nĩwameisye mĩi mĩliku wanyaĩĩka nthĩ yonthe.
10Iĩma nĩsyavw'ĩkiwe nĩ kyuu kyaw'o,
mbonge syaw'o syailyĩ ta sya mĩtĩ ĩla mĩnene ya mĩkũũ.
11Mbonge syaw'o nĩsyanyaĩĩkie nginya Ũkanganĩ wa Menditelenia,
na nthongoo syaw'o syanyaĩĩka nginya Ũsĩnĩ wa Euvalati.
12Wanangĩte wiio waw'o nĩkĩ,
ũkethĩa mũndũ o na wĩva avĩtĩte no atw'e nzavivũ syaw'o?
13Ngũũe sya kĩthekanĩ niwanangaa,
na nyamũ sya kĩthekanĩ niũĩsaa.
14Tũsyokee ĩngĩ ame Ngai Mwene Ũtonyi W'onthe!
Sisya kuma ĩtunĩ wone;
sũvĩa mũsavivũ ũsu!
15Ũka ũtangĩĩe mũsavivũ ũũ wavandie,
mũsavivũ ũũ mũnini ũla we mwene watumie wĩana wĩ na vinya!
16Amaitha maitũ nĩmaũvĩvisye na maũtema;
masisye wĩ mũthatu na ũimananga!
17Sũvĩa na ũisiĩĩa andũ ala wanyuvie,
mbaĩ ĩla watumie yĩthĩwa yĩna vinya mũno.
18Tũikaakũeka ĩngĩ,
tũeke twĩkale thayũ na tũkaũtaĩa.
19Ame Mwĩai Ngai Mwene Ũtonyi W'onthe tũtũnge twĩkale ũndũ twailyĩ;
twĩw'ĩe tei nĩ kana tũtangĩĩwe.
Currently Selected:
Sav 80: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sav 80
80
Mboya Kwondũ wa Nthĩ ya Ĩsilaeli
Kwa mwinĩthya: Savulĩ ĩno yaandĩkiwe nĩ Asavu yĩthĩwe Ũtianĩo.
1 #
Kuma 25.22
We mũĩthi wa Ĩsilaeli tea kũtũ;
we ũla watongoeisye nzyawa sya Yosevu ta ndĩthya, twĩthukĩĩsye.
We ũsumbĩkaa ũilyĩ ĩũlũ wa syũmbe syĩ nthwau syĩtawa akelũvi ĩvuany'e.
2Ĩvuany'e kũla kwĩ mbaĩ sya Evalaimu, Mbengyameni na Manase.
Twony'e ũtonyi waku na ũyũka ũtũtangĩĩe!
3Ame Ngai tũtũnge twĩkale ũndũ twailyĩ;
twĩw'ĩe tei na nĩtũũtangĩĩwa!
4Ame Mwĩai Ngai Mwene Ũtonyi W'onthe,
wĩendeea kũthatw'a ĩvinda yĩana ata nĩ mboya sya andũ maku?
5Nũtũnengete kyeva tũye ta lĩu,
na ũkatũnenga kĩkombe kĩnene kya methoi tũnyw'e.
6Nũtũtw'ĩkĩthĩtye kĩndũ kya kũvũthw'a nĩ atũi maitũ,
na amaitha maitũ nĩmatũthekeeaa.
7Ame Ngai Mwene Ũtonyi W'onthe tũtũnge twĩkale ũndũ twailyĩ;
twĩw'ĩe tei nĩ kana tũtangĩĩwe!
8Nĩwaetie mũsavivũ kuma nthĩ ya Misili;
nĩwalũngilye andũ ma nthĩ ingĩ na wavanda mũsavivũ ũsu nthĩ yoo.
9Nĩwawengeie vandũ nĩ kana wĩane;
nĩwameisye mĩi mĩliku wanyaĩĩka nthĩ yonthe.
10Iĩma nĩsyavw'ĩkiwe nĩ kyuu kyaw'o,
mbonge syaw'o syailyĩ ta sya mĩtĩ ĩla mĩnene ya mĩkũũ.
11Mbonge syaw'o nĩsyanyaĩĩkie nginya Ũkanganĩ wa Menditelenia,
na nthongoo syaw'o syanyaĩĩka nginya Ũsĩnĩ wa Euvalati.
12Wanangĩte wiio waw'o nĩkĩ,
ũkethĩa mũndũ o na wĩva avĩtĩte no atw'e nzavivũ syaw'o?
13Ngũũe sya kĩthekanĩ niwanangaa,
na nyamũ sya kĩthekanĩ niũĩsaa.
14Tũsyokee ĩngĩ ame Ngai Mwene Ũtonyi W'onthe!
Sisya kuma ĩtunĩ wone;
sũvĩa mũsavivũ ũsu!
15Ũka ũtangĩĩe mũsavivũ ũũ wavandie,
mũsavivũ ũũ mũnini ũla we mwene watumie wĩana wĩ na vinya!
16Amaitha maitũ nĩmaũvĩvisye na maũtema;
masisye wĩ mũthatu na ũimananga!
17Sũvĩa na ũisiĩĩa andũ ala wanyuvie,
mbaĩ ĩla watumie yĩthĩwa yĩna vinya mũno.
18Tũikaakũeka ĩngĩ,
tũeke twĩkale thayũ na tũkaũtaĩa.
19Ame Mwĩai Ngai Mwene Ũtonyi W'onthe tũtũnge twĩkale ũndũ twailyĩ;
twĩw'ĩe tei nĩ kana tũtangĩĩwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011