Sav 119
119
Mĩao ya Mwĩai Ngai
1Nĩ aathime ala mekalaa thayũ ũtatũlwa mũtĩ,
ala mekaa ũndũ mĩao ya Mwĩai Ngai ĩkwasya.
2Nĩ aathime ala meanĩasya motw'ĩo make,
ala mamũmanthaa na ngoo yonthe.
3Ala matekaa ũndũ mũthũku,
ala maatĩĩaa nzĩa sya Mwĩai Ngai.
4We Mwĩai Ngai nũtũnengete mawĩaĩo maku,
nĩ kana tũmeanĩasye kwa ũĩkĩĩku.
5Nenda kethĩwa nĩ mũĩkĩĩku,
kwa kwĩanĩsya motw'ĩo maku!
6Neanĩsya mĩao yaku yonthe ndikasonokw'a.
7Ngakũtaĩaa na ngoo ntheu,
o nĩendee kũmanya myamũlo yaku mĩlũngalu.
8Ngeanĩasya motw'ĩo maku;
ndũkaandie o na ĩndĩĩ!
Kwĩanĩsya Mĩao ya Mwĩai Ngai
9Mũndũ wa mũika atonya kwĩkala thayũ mũtheu ata?
Kwa kũsũvĩa thayũ wake kwĩanana na ndeto yaku.
10Nĩngũmanthaa na ngoo yakwa yonthe;
ndũkaandeke nĩlee kwĩanĩsya mĩao yaku.
11Nĩniĩte ndeto yaku ngoonĩ yakwa,
nĩ kana ndikaakũvĩtĩsye.
12Ame Mwĩai Ngai nĩngũũtaĩa;
manyĩsye motw'ĩo maku.
13Nganeenaa ngĩtavany'a,
myamũlo yonthe ĩla ũneenete.
14Nĩngũtanĩa kũatĩĩa mokũsĩ maku,
mbee wa ũndũ ndonya kũtanĩthw'a nĩ ũthwii mwingĩ.
15Ngasũanĩaa ĩũlũ wa mawĩaĩo maku,
na kũatĩĩaa nzĩa syaku.
16Nĩndanaa nũndũ wa motw'ĩo maku,
na ndikolwa nĩ ndeto yaku.
Mĩao ya Mwĩai Ngai Ĩetae Ũtanu
17Mbĩke nesa nyie mũthũkũmi waku,
nĩ kana nĩkale thayũ na kwĩanĩsya ndeto yaku.
18Vingũa metho makwa,
nĩ kana none maũndũ ma kũseng'ya mĩaonĩ yaku!
19Nĩ ũeninĩ kũũ ĩũlũ wa nthĩ,
ndũkambithe mĩao yaku!
20Thayũ wakwa wĩ na wendi mũnene,
wa kwenda kũmanya myamũlo yaku ĩvinda yonthe.
21Nũkanasya ala mekathĩĩaa, ala maumanĩwe,
ala mateanĩasya mĩao yaku.
22Ndũkamaeke manumange na kũmbũthya,
nũndũ nĩnĩanĩasya mokũsĩ maku.
23O na ethĩwa anene makambangĩa mũvango mũthũku,
nyie mũthũkũmi waku ngasũanĩaa ĩũlũ wa motw'ĩo maku.
24Mokũsĩ maku nĩ mo ũtanu wakwa,
nĩ mo atai makwa.
Kwĩyumya Kwĩanĩsya Mĩao ya Mwĩai Ngai
25Ngilĩlye kũkw'a,
ndũngĩa ĩngĩ vinya wakwa kwĩanana na ndeto yaku.
26Nĩnakũtavisye maũndũ onthe ala neekĩte na wanzũngĩa,
manyĩsye motw'ĩo maku.
27Ndetheesye nĩmanye mawĩaĩo maku,
nakwa ngasũanĩaa ĩũlũ wa maũndũ ma kũseng'ya ala wĩkĩte.
28Thayũ wakwa nĩwusũĩtwe nĩ woo;
nenge vinya kwĩanana na ũndũ ndeto yaku ĩkwasya!
29Ndũkaandeke nĩthi na nzĩa sya ũvũngũ,
na kwa mumo waku ũimanyĩsya mĩao yaku.
30Nĩnĩnyuvĩte nzĩa ya ũĩkĩĩku,
na nĩnĩanĩasya myamũlo yaku.
31Ame Mwĩai Ngai nĩnĩanĩasya mokũsĩ maku,
ndũkandeke nĩsonoke!
32Ngaatĩĩaa ũndũ mĩao yaku ĩkwasya,
nũndũ nũnengete ũmanyi mbeange.
Mboya ya Kũvoya Ũmanyi
33Ame Mwĩai Ngai manyĩsye kwĩanĩsya motw'ĩo maku,
na ngameanĩasya nginya mũminũkĩlyo.
34Nenge ũmanyi nĩ kana nĩanĩasye mĩao yaku,
na kũmĩatĩĩaa na ngoo yakwa yonthe.
35Ndongoeasye kwĩanĩsya mĩao yaku,
nĩkwĩthĩwa nĩndanaa nũndũ wayo.
36Nenge wendi wa kwĩanĩsya mokũsĩ maku,
na ti kwondũ wa kwĩthĩwa na ũtandĩthyo!
37Ndũkandeke nĩatĩĩe syĩndũ sya mana,
nenge thayũ kwĩanana na nzĩa syaku.
38Ĩanĩsya watho waku kũla nĩĩ nyie mũthũkũmi waku,
watho ũla ũnengete ala maũkĩaa.
39Mbetangĩe kĩvũthya kĩla ngĩaa,
nĩkwĩthĩwa myamũlo yaku nĩ mĩseo.
40Nĩngwenda kwĩanĩsya mawĩaĩo maku,
nenge thayũ kwĩanana na ũlũngalu waku.
Kwĩkwatya Mĩao ya Mwĩai Ngai
41Ame Mwĩai Ngai mbony'e wendo waku ũtaolekaa,
na ũtangĩĩo waku kwĩanana na watho waku.
42Nĩvo ĩndĩ nĩsũngĩa ala mambũthasya,
nĩkwĩthĩwa nĩnĩkwatasya ndeto yaku.
43Ndonyethasye kũneena ndeto ĩla ya w'o kĩla ĩvinda,
nĩkwĩthĩwa wĩkwatyo wakwa wĩ myamũlonĩ yaku.
44Ngeanĩasya mĩao yaku kĩla ĩvinda,
kũvika tene na tene.
45Ngekalaa nĩ na ũthasyo,
nũndũ nĩnĩanĩasya mawĩaĩo maku.
46O ta ũu nĩ mbee wa asumbĩ ngatavany'a ĩũlũ wa mokũsĩ maku,
na ndikasonoka;
47nũndũ nĩndanĩthaw'a nĩ mĩao yaku,
ĩla nendete.
48Nĩnĩnengete mĩao yaku ĩla nendete ndaĩa,
na ngasũanĩaa ĩũlũ wa motw'ĩo maku.
Kũĩkĩĩa Mĩao ya Mwĩai Ngai
49Lilikana watho ũla ũnengete nyie mũthũkũmi waku,
ũla ũtumĩte nĩthĩwa na wĩkwatyo.
50Ũũ nĩw'o ũkiakisyo wakwa yĩla nĩ thĩnanĩ,
kana watho waku nũnengete thayũ.
51Ekathĩĩi nĩmambũthasya kĩla ĩvinda,
ĩndĩ ndileaa kwĩanĩsya mĩao yaku.
52Ame Mwĩai Ngai yĩla nalilikana myamũlo yaku ya tene,
nĩtumaa nĩkwata ũkiakisyo.
53Nĩnĩthataa mũno yĩla noona andũ athũku,
ala matũlaa mĩao yaku.
54Motw'ĩo maku nĩmatw'ĩkĩte mbathi syakwa,
yĩla nĩ kũũ ũeninĩ.
55We Mwĩai Ngai nĩngũlilikanaa ũtukũ,
na nĩnĩanĩasya mĩao yaku.
56Ũũ nĩ ũathimo mũnene kwakwa,
kana nĩanĩasya mawĩaĩo maku.
Kwĩanĩsya Mĩao ya Ngai
57We Mwĩai Ngai nue kyonthe kĩla ndonya kwenda;
nĩngwathana kwĩanĩsya ndeto yaku.
58Nĩngũmanthaa na ngoo yakwa yonthe;
mbĩw'ĩe tei kwĩanana na watho waku.
59Nĩnzũanĩĩte ĩũlũ wa mĩendele yakwa,
na nĩnĩthyũũĩte kwĩanĩsya mokũsĩ maku.
60Nĩnĩkalaataa kwĩanĩsya mĩao yaku ndekwĩkalanga.
61O na vala andũ athũku nĩmateete mĩteo mangwatye,
nyie ndyũlawa nĩ mĩao yaku.
62Ũtukũ katĩ nĩnĩamũkaa ngũtaĩe,
nũndũ wa myamũlo yaku mĩlũngalu.
63Nĩ mũnyanyae wa andũ onthe ala maũkĩaa,
wa onthe ala meanĩasya mawĩaĩo maku.
64Ame Mwĩai Ngai nthĩ yusũĩtwe nĩ wendo waku ũtaolekaa;
manyĩsye motw'ĩo maku.
Vata wa Mĩao ya Mwĩai Ngai
65We Mwĩai Ngai nũmbĩkĩte nesa nyie mũthũkũmi waku,
kwĩanana na ũndũ ndeto yaku yaĩtye.
66Manyĩsye kwĩthĩwa na ũĩ na ũmanyi,
nĩkwĩthĩwa nĩnĩĩkĩĩaa mĩao yaku.
67Ũtanamba kũngany'a nĩnavĩtasya,
ĩndĩ yu nĩnĩanĩasya ndeto yaku.
68Wĩ mũseo na nĩwĩkaa ũseo;
manyĩsye motw'ĩo maku.
69Ekathĩĩi nĩmaneenete ũvũngũ ĩũlũ wakwa,
ĩndĩ nĩnĩanĩasya mawĩaĩo maku na ngoo yakwa yonthe.
70Andũ asu mayĩthĩawa na ũmanyi,
ĩndĩ nĩndanĩthaw'a nĩ mĩao yaku.
71Waĩ ũseo kwakwa kwĩthĩwa nathĩniw'e,
nũndũ nĩnamanyie motw'ĩo maku.
72Mĩao ĩla wanengie yĩ vata kwakwa,
mbee wa mbesa mbingĩ sya thaavu na silĩva.
Wĩanĩu wa Mĩao ya Mwĩai Ngai
73Nĩwambũmbie na wanzeũvya na moko maku,
nenge ũmanyi nĩ kana nĩmanye mĩao yaku.
74Ala maũkĩaa makambona na kũtana,
nĩkwĩthĩwa nĩnĩkwatĩtye ndeto yaku.
75We Mwĩai Ngai, nĩnĩsĩ kana mosilĩlo maku nĩ malũngalu,
na kana nũnganĩtye nũndũ we wĩ mũĩkĩĩku.
76Wendo waku ũtaolekaa nũngiakisye,
kwĩanana na ũndũ wambathie nyie mũthũkũmi waku.
77Mbĩw'ĩe tei nĩ kana nĩendee kwĩkala thayũ,
nũndũ nĩndanĩthaw'a nĩ mĩao yaku.
78Ekathĩĩi nĩmasonoke,
nĩkwĩthĩwa nĩmaneenete ndeto sya ũvũngũ ĩũlũ wakwa,
ĩndĩ nyie ngasũanĩaa ĩũlũ wa mawĩaĩo maku.
79Onthe ala maũkĩaa moke kwakwa,
nĩ kana mamanye mokũsĩ maku.
80Ngoo yakwa yĩthĩwe ĩte na ĩvĩtyo kwa kwĩanĩsya motw'ĩo maku,
nĩ kana ndikasonoke.
Mboya ya Kũvoya Ũthasyo
81Mwĩai Ngai nĩnĩnoete nũndũ wa kweteela ũndangĩĩe,
nĩnĩkwatasya ndeto yaku.
82Metho makwa nĩmanoete mũno,
nũndũ wa kũsyaĩĩsya watho waku.
Ngũlasya, “Ũkangiakisya ĩndĩĩ?”
83O na kau nĩilyĩ kĩkuu kya kĩthuma kĩ syũkinĩ,
ndyũlawa nĩ motw'ĩo maku.
84Nyie mũthũkũmi waku nĩendeea kweteela nginya ĩndĩĩ?
Ũkakany'a ala manthĩnasya ĩndĩĩ?
85Ekathĩĩi nĩmambĩnzĩĩte maima,
andũ mataatĩĩaa mĩao yaku.
86Mĩao yaku yonthe nĩ ya kũĩkĩĩwa;
ndetheesye nĩkwĩthĩwa andũ menthĩny'a vate kĩtumi!
87Maĩ vakuvĩ kũmbetanga ĩũlũ wa nthĩ,
ĩndĩ ndyaalea kwĩanĩsya mawĩaĩo maku.
88Nũndũ wa wendo waku ũtaolekaa, tangĩĩa thayũ wakwa,
nĩ kana nĩanĩsye mokũsĩ ala ũneenete.
Kũĩkĩĩa Mĩao ya Mwĩai Ngai
89Ame Mwĩai Ngai ndeto yaku yĩkalaa tene na tene,
nĩlũlũmĩĩlw'e ĩtunĩ.
90Ũĩkĩĩku waku wĩkalaa nzyawanĩ syonthe,
nĩwaiie nthĩ vala yĩthĩawa, nayo ĩtũaa vo.
91Syĩndũ syonthe syĩkalĩte kũvika ũmũnthĩ nũndũ wa mwĩao waku,
nĩkwĩthĩwa syonthe nĩ athũkũmi maku.
92Kethĩwa mĩao yaku ti yo ĩtumaa nĩtana,
nĩthĩwa natheleile thĩnanĩ wakwa.
93Ndikolwa nĩ mawĩaĩo maku,
nĩkwĩthĩwa nĩmatumĩte ũnenga thayũ.
94Nyie nĩ waku, ndangĩĩe,
nĩkwĩthĩwa nĩnĩanĩasya mawĩaĩo maku.
95Andũ athũku nĩmambovetye mambũae,
ĩndĩ ngasũanĩaa ĩũlũ wa mokũsĩ maku.
96Nĩnĩmanyĩte kana syĩndũ syonthe syĩthĩawa na mũminũkĩlyo,
ĩndĩ mĩao yaku nĩ mĩthanthau mũno.
Kwenda Mĩao ya Mwĩai Ngai
97Nĩnendete mĩao yaku mũno,
nĩyo nĩsũanĩaa mũthenya w'onthe!
98Mĩao yaku nĩtumaa nĩthĩwa na ũĩ kwĩ amaitha makwa,
nũndũ nĩthĩawa nayo kĩla ĩvinda.
99Nĩna ũmanyi mwingĩ kũvĩtũka amanyĩsya makwa onthe,
nĩkwĩthĩwa nĩnĩsũanĩaa ĩũlũ wa mokũsĩ maku.
100Nĩna ũmanyi mwingĩ kũvĩtũka andũ ala akũũ,
nĩkwĩthĩwa nĩnĩanĩasya mawĩaĩo maku.
101Nĩnĩsiĩĩaa ndikalike maũndũnĩ mathũku,
nĩ kana nĩanĩsye ndeto yaku.
102Ndileaa kwĩanĩsya myamũlo yaku,
nĩkwĩthĩwa nue mwene ũmanyĩĩtye.
103Nĩnĩw'aa ndeto yaku yĩ mũyo mũno;
nĩw'aa yĩ mũyo mbee wa ũkĩ wa nzũkĩ!
104Nĩngwataa ũmanyi kuma mawĩaĩonĩ maku,
na kwoou nĩnĩmenete maũndũ onthe mathũku.
Mĩao ya Ngai nĩ kyeni
105Ndeto yaku nĩ taa wa kũndongoeasya,
na kyeni kya nzĩa yakwa.
106Nĩnĩvĩtĩte wĩvĩto wa mwanya na nĩngũwĩanĩsya,
kana ngeekaa ũndũ myamũlo yaku mĩlũngalu ĩkwasya.
107We Mwĩai Ngai nĩnthĩnĩte mũno,
nenge thayũ kwĩanana na ndeto yaku.
108Ame Mwĩai Ngai ĩtĩkĩla nthembo yakwa ya kũtaĩa,
na ũimanyĩsya myamũlo yaku.
109Thayũ wakwa wĩthĩawa wĩ mũisyonĩ kĩla ĩvinda,
ĩndĩ ndyũlawa nĩ mĩao yaku.
110Andũ athũku nĩmandeete na mũteo,
ĩndĩ ndyaalea kwĩanĩsya mawĩaĩo maku.
111Mokũsĩ maku nĩmo ũtiĩwa wakwa tene na tene;
ĩĩ, nĩmo ũtanu wa ngoo yakwa.
112Nĩnĩvangĩte ngoonĩ yakwa kwĩanĩsya motw'ĩo maku tene na tene,
nginya mũminũkĩlyo.
Ũsũvĩo Mĩaonĩ ya Mwĩai Ngai
113Nĩnĩmenete andũ ala mate aĩkĩĩku vyũ kũla ũĩ,
ĩndĩ nĩnendete mĩao yaku.
114Nue wĩvitho wakwa na mũsũvĩi wakwa,
nĩnĩkwatasya ndeto yaku.
115Umai vala nĩĩ inyw'ĩ eki ma naĩ,
nĩ kana nĩanĩsye mĩao ya Ngai wakwa.
116Nenge vinya kwĩanana na watho waku nĩ kana nĩkale thayũ,
na ndũkaeke nĩsonokw'e wĩkwatyonĩ wakwa.
117Ndw'ĩĩke nĩ kana nĩthĩwe ũsũvĩonĩ,
na kĩla ĩvinda ngĩkwataa motw'ĩo maku.
118Nũleaa andũ onthe ala mateanĩasya motw'ĩo maku,
ĩĩ, ũkengani woo nĩ wa mana.
119Andũ ala athũku onthe ũmatalaa ta mavuti,
kwoou nĩnendete mokũsĩ maku.
120Nĩnĩtetemaa nũndũ wa ũkũkĩa,
nusũĩtwe nĩ w'ĩa nũndũ wa mosilĩlo maku.
Kwĩanĩsya Mĩao ya Mwĩai Ngai
121Nĩnĩkĩte maũndũ maseo na malũngalu;
ndũkandianĩsye na amaitha makwa.
122Mbathe kana nũũndetheesya nyie mũthũkũmi waku;
ndũkaeke ala mekathĩĩaa manthĩny'e.
123Metho makwa nĩmanoete mũno nũndũ wa kũsyaĩĩsya ũtangĩĩo waku,
na nũndũ wa kweteela kwĩanĩa kwa watho waku mũlũngalu.
124Mbĩke nyie mũthũkũmi waku kwĩanana na wendo waku ũtaolekaa,
na ũimanyĩsya motw'ĩo maku.
125Nyie nĩ mũthũkũmi waku; nenge ũmanyi,
nĩ kana nĩmanye mokũsĩ maku.
126Mwĩai Ngai nĩ ĩvinda yaku ya kwĩka ũndũ,
nĩkwĩthĩwa andũ nĩmatũlĩte mĩao yaku.
127Nyie nĩnendete mĩao yaku mbee wa thaavu,
mbee wa thaavu mũkute.
128Kwoou nĩnĩatĩĩaa mawĩaĩo maku onthe,
na nĩnĩmenete maũndũ onthe mathũku.
Wendi wa Kwĩanĩsya Mĩao ya Mwĩai Ngai
129Mokũsĩ maku nĩ ma kũseng'ya,
kwoou thayũ wakwa nũmeanĩasya.
130Ũelesyo wa momanyĩsyo maku nũetae kyeni,
na kũete ũmanyi kwa ala mate naw'o.
131Nĩnathamasya kanyw'a wakwa ngavevaveva,
nũndũ nĩ na mea ma mĩao yaku.
132Ĩthyũũe ũnzisye na ũimbĩw'ĩa tei,
o tondũ kĩla ĩvinda wĩkanaa na ala makwendete.
133Nzũvĩe kwĩanana na watho waku ndikavalũke,
ndũkaeke nĩsumbĩkwe nĩ mavĩtyo.
134Mbovosye kuma andũnĩ ala manthĩnasya,
nĩ kana nĩanĩsye mawĩaĩo maku.
135Nzisye na mumo waku nyie mũthũkũmi waku,
na ũimanyĩsya motw'ĩo maku.
136Nĩnĩĩaa methoi maketĩka ta kĩw'ũ kya ũsĩ,
nĩkwĩthĩwa andũ mayĩanĩasya mĩao yaku.
Wĩanĩu wa Mĩao ya Mwĩai Ngai
137We Mwĩai Ngai wĩ mũlũngalu,
na mosilĩlo maku nĩ ma w'o.
138Ũnenganĩte mokũsĩ maku kwa ũlũngalu,
na kwa ũĩkĩĩku w'onthe.
139Ũthatu wakwa nĩwakanaa ta mwaki,
nĩkwĩthĩwa amaitha makwa mayĩanĩasya ndeto syaku.
140Mawatho maku nĩ ma w'o vyũ,
nakwa mũthũkũmi waku nĩnĩmendete.
141Nyie nĩ mũndũ ũte vata na ũvũthaw'a,
ĩndĩ ndyũlawa nĩ mawĩaĩo maku.
142Ũlũngalu waku nĩ wa tene na tene,
na mĩao yaku nĩ ya w'o.
143Nĩ na woo na thĩna mwingĩ,
ĩndĩ mĩao yaku nĩndanĩthasya.
144Kĩla ĩvinda mokũsĩ maku nĩmalũngalu tene na tene;
nenge ũmanyi nĩ kana nĩkale thayũ.
Mboya ya Kũkũlya Ũtangĩĩo
145Nĩngwĩkaĩlaa na ngoo yakwa yonthe;
ame Mwĩai Ngai nzũngĩe!
Ngeanĩasya motw'ĩo maku.
146Nĩngwĩkaĩlaa, ndangĩĩe,
nĩ kana nĩanĩsye mokũsĩ maku.
147Nĩamũkaa kũtanamba kũkya na kũkwĩkaĩla ũndethye;
nĩnĩkwatasya ndeto yaku.
148Nĩkalaa nzalukĩtye ũtukũ mũima,
nĩ kana nĩsũanĩe ĩũlũ wa mawatho maku.
149Ame Mwĩai Ngai ĩthukĩĩsye wasya wakwa,
nũndũ wa wendo waku ũtaolekaa,
mbĩkalye thayũ kwĩanana na sila waku wa katĩ.
150Andũ ala manthĩnasya na mĩvango yoo mĩthũku me vakuvĩ;
mayĩanĩasya mĩao yaku.
151Ĩndĩ we Mwĩai Ngai wĩ vakuvĩ nakwa,
na mĩao yaku yonthe nĩ ya w'o.
152Kuma tene nĩnamanyie kuma mokũsĩnĩ maku,
kana nĩwamatwie methĩwe me ma tene na tene.
Kũvoya Ũtethyo
153Sisya thĩna ũla nĩ naw'o na ũindangĩĩa,
nũndũ ndyũlawa nĩ mĩao yaku.
154Ndetea na ũimbovosya;
nenge thayũ kwĩanana na watho waku.
155Andũ ala athũku mayĩsaa kũtangĩĩwa,
nũndũ mayĩanĩasya motw'ĩo maku.
156Ame Mwĩai Ngai tei waku nĩ mwingĩ,
nenge thayũ kwĩanana na sila waku wa katĩ.
157Amaitha makwa na ala manthĩnasya nĩ aingĩ,
ĩndĩ ndileaa kwĩanĩsya mokũsĩ maku.
158Yĩla noona andũ ala matakũĩkĩĩaa, nĩnthataa mũno,
nũndũ mayĩanĩasya mĩao yaku.
159Ame Mwĩai Ngai sisya ũndũ nendete mawĩaĩo maku;
ĩkalya thayũ wakwa kwĩanana na wendo waku ũtaolekaa.
160Ndeto syaku syonthe nĩ sya w'o,
myamũlo yaku yonthe mĩlũngalu nĩ ya tene na tene.
Kwĩnengane Kwĩanĩsya Mĩao ya Mwĩai
161Atongoi nĩmanthĩnasya vate kĩtumi,
ĩndĩ ngoo yakwa nĩkĩaa ndeto yaku.
162Nĩtanaa nũndũ wa ndeto yaku,
ta mũndũ woona kĩndũ kya thooa mũnene.
163Nĩnĩmenete na kũlea ũvũngũ,
ĩndĩ nĩnendete mĩao yaku.
164Kĩla mũthenya nĩngũtaĩaa mavinda mũonza,
nũndũ wa myamũlo yaku mĩlũngalu.
165Andũ ala mendete mĩao yaku methĩawa na mũuo mwingĩ,
na vai kĩndũ kĩtonya kũtuma mavalũka.
166We Mwĩai Ngai neteelaa ũtangĩĩo waku,
na nĩnĩkaa ũndũ mĩao yaku ĩkwasya.
167Nĩnĩanĩasya mokũsĩ maku,
nĩkwĩthĩwa nĩnĩmendete mũno.
168Nĩnĩanĩasya mawĩaĩo na mokũsĩ maku,
nĩkwĩthĩwa nĩwĩsĩ maũndũ onthe ala nĩkaa.
Mboya ya Kũkũlya Ũtethyo
169Ame Mwĩai Ngai kĩĩo kyakwa nĩkĩũvikĩe;
nenge ũmanyi kwĩanana na ndeto yaku.
170Mboya syakwa ikũvikĩe,
ndangĩĩa kwĩanana na ndeto yaku.
171Ngakũtaĩaa kĩla ĩvinda,
nũndũ nũmanyĩasya motw'ĩo maku.
172Ngainaa ĩũlũ wa ndeto yaku,
nũndũ mĩao yaku nĩ ya w'o.
173Ĩthĩawa wĩyũmbanĩtye kũndetheesya,
nũndũ nĩnĩnyuvĩte kũatĩĩaa mawĩaĩo maku.
174Ame Mwĩai Ngai nĩneteelaa mũno ũtangĩĩo waku,
na mĩao yaku nĩndanĩthasya.
175Nenge kwĩkala thayũ nĩ kana ngũtaĩae.
Na myamũlo yaku nĩndethye.
176Nĩnaĩte ta ĩlondu yau;
manthe nyie mũthũkũmi waku,
nũndũ ndyũlawa nĩ mĩao yaku.
Currently Selected:
Sav 119: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sav 119
119
Mĩao ya Mwĩai Ngai
1Nĩ aathime ala mekalaa thayũ ũtatũlwa mũtĩ,
ala mekaa ũndũ mĩao ya Mwĩai Ngai ĩkwasya.
2Nĩ aathime ala meanĩasya motw'ĩo make,
ala mamũmanthaa na ngoo yonthe.
3Ala matekaa ũndũ mũthũku,
ala maatĩĩaa nzĩa sya Mwĩai Ngai.
4We Mwĩai Ngai nũtũnengete mawĩaĩo maku,
nĩ kana tũmeanĩasye kwa ũĩkĩĩku.
5Nenda kethĩwa nĩ mũĩkĩĩku,
kwa kwĩanĩsya motw'ĩo maku!
6Neanĩsya mĩao yaku yonthe ndikasonokw'a.
7Ngakũtaĩaa na ngoo ntheu,
o nĩendee kũmanya myamũlo yaku mĩlũngalu.
8Ngeanĩasya motw'ĩo maku;
ndũkaandie o na ĩndĩĩ!
Kwĩanĩsya Mĩao ya Mwĩai Ngai
9Mũndũ wa mũika atonya kwĩkala thayũ mũtheu ata?
Kwa kũsũvĩa thayũ wake kwĩanana na ndeto yaku.
10Nĩngũmanthaa na ngoo yakwa yonthe;
ndũkaandeke nĩlee kwĩanĩsya mĩao yaku.
11Nĩniĩte ndeto yaku ngoonĩ yakwa,
nĩ kana ndikaakũvĩtĩsye.
12Ame Mwĩai Ngai nĩngũũtaĩa;
manyĩsye motw'ĩo maku.
13Nganeenaa ngĩtavany'a,
myamũlo yonthe ĩla ũneenete.
14Nĩngũtanĩa kũatĩĩa mokũsĩ maku,
mbee wa ũndũ ndonya kũtanĩthw'a nĩ ũthwii mwingĩ.
15Ngasũanĩaa ĩũlũ wa mawĩaĩo maku,
na kũatĩĩaa nzĩa syaku.
16Nĩndanaa nũndũ wa motw'ĩo maku,
na ndikolwa nĩ ndeto yaku.
Mĩao ya Mwĩai Ngai Ĩetae Ũtanu
17Mbĩke nesa nyie mũthũkũmi waku,
nĩ kana nĩkale thayũ na kwĩanĩsya ndeto yaku.
18Vingũa metho makwa,
nĩ kana none maũndũ ma kũseng'ya mĩaonĩ yaku!
19Nĩ ũeninĩ kũũ ĩũlũ wa nthĩ,
ndũkambithe mĩao yaku!
20Thayũ wakwa wĩ na wendi mũnene,
wa kwenda kũmanya myamũlo yaku ĩvinda yonthe.
21Nũkanasya ala mekathĩĩaa, ala maumanĩwe,
ala mateanĩasya mĩao yaku.
22Ndũkamaeke manumange na kũmbũthya,
nũndũ nĩnĩanĩasya mokũsĩ maku.
23O na ethĩwa anene makambangĩa mũvango mũthũku,
nyie mũthũkũmi waku ngasũanĩaa ĩũlũ wa motw'ĩo maku.
24Mokũsĩ maku nĩ mo ũtanu wakwa,
nĩ mo atai makwa.
Kwĩyumya Kwĩanĩsya Mĩao ya Mwĩai Ngai
25Ngilĩlye kũkw'a,
ndũngĩa ĩngĩ vinya wakwa kwĩanana na ndeto yaku.
26Nĩnakũtavisye maũndũ onthe ala neekĩte na wanzũngĩa,
manyĩsye motw'ĩo maku.
27Ndetheesye nĩmanye mawĩaĩo maku,
nakwa ngasũanĩaa ĩũlũ wa maũndũ ma kũseng'ya ala wĩkĩte.
28Thayũ wakwa nĩwusũĩtwe nĩ woo;
nenge vinya kwĩanana na ũndũ ndeto yaku ĩkwasya!
29Ndũkaandeke nĩthi na nzĩa sya ũvũngũ,
na kwa mumo waku ũimanyĩsya mĩao yaku.
30Nĩnĩnyuvĩte nzĩa ya ũĩkĩĩku,
na nĩnĩanĩasya myamũlo yaku.
31Ame Mwĩai Ngai nĩnĩanĩasya mokũsĩ maku,
ndũkandeke nĩsonoke!
32Ngaatĩĩaa ũndũ mĩao yaku ĩkwasya,
nũndũ nũnengete ũmanyi mbeange.
Mboya ya Kũvoya Ũmanyi
33Ame Mwĩai Ngai manyĩsye kwĩanĩsya motw'ĩo maku,
na ngameanĩasya nginya mũminũkĩlyo.
34Nenge ũmanyi nĩ kana nĩanĩasye mĩao yaku,
na kũmĩatĩĩaa na ngoo yakwa yonthe.
35Ndongoeasye kwĩanĩsya mĩao yaku,
nĩkwĩthĩwa nĩndanaa nũndũ wayo.
36Nenge wendi wa kwĩanĩsya mokũsĩ maku,
na ti kwondũ wa kwĩthĩwa na ũtandĩthyo!
37Ndũkandeke nĩatĩĩe syĩndũ sya mana,
nenge thayũ kwĩanana na nzĩa syaku.
38Ĩanĩsya watho waku kũla nĩĩ nyie mũthũkũmi waku,
watho ũla ũnengete ala maũkĩaa.
39Mbetangĩe kĩvũthya kĩla ngĩaa,
nĩkwĩthĩwa myamũlo yaku nĩ mĩseo.
40Nĩngwenda kwĩanĩsya mawĩaĩo maku,
nenge thayũ kwĩanana na ũlũngalu waku.
Kwĩkwatya Mĩao ya Mwĩai Ngai
41Ame Mwĩai Ngai mbony'e wendo waku ũtaolekaa,
na ũtangĩĩo waku kwĩanana na watho waku.
42Nĩvo ĩndĩ nĩsũngĩa ala mambũthasya,
nĩkwĩthĩwa nĩnĩkwatasya ndeto yaku.
43Ndonyethasye kũneena ndeto ĩla ya w'o kĩla ĩvinda,
nĩkwĩthĩwa wĩkwatyo wakwa wĩ myamũlonĩ yaku.
44Ngeanĩasya mĩao yaku kĩla ĩvinda,
kũvika tene na tene.
45Ngekalaa nĩ na ũthasyo,
nũndũ nĩnĩanĩasya mawĩaĩo maku.
46O ta ũu nĩ mbee wa asumbĩ ngatavany'a ĩũlũ wa mokũsĩ maku,
na ndikasonoka;
47nũndũ nĩndanĩthaw'a nĩ mĩao yaku,
ĩla nendete.
48Nĩnĩnengete mĩao yaku ĩla nendete ndaĩa,
na ngasũanĩaa ĩũlũ wa motw'ĩo maku.
Kũĩkĩĩa Mĩao ya Mwĩai Ngai
49Lilikana watho ũla ũnengete nyie mũthũkũmi waku,
ũla ũtumĩte nĩthĩwa na wĩkwatyo.
50Ũũ nĩw'o ũkiakisyo wakwa yĩla nĩ thĩnanĩ,
kana watho waku nũnengete thayũ.
51Ekathĩĩi nĩmambũthasya kĩla ĩvinda,
ĩndĩ ndileaa kwĩanĩsya mĩao yaku.
52Ame Mwĩai Ngai yĩla nalilikana myamũlo yaku ya tene,
nĩtumaa nĩkwata ũkiakisyo.
53Nĩnĩthataa mũno yĩla noona andũ athũku,
ala matũlaa mĩao yaku.
54Motw'ĩo maku nĩmatw'ĩkĩte mbathi syakwa,
yĩla nĩ kũũ ũeninĩ.
55We Mwĩai Ngai nĩngũlilikanaa ũtukũ,
na nĩnĩanĩasya mĩao yaku.
56Ũũ nĩ ũathimo mũnene kwakwa,
kana nĩanĩasya mawĩaĩo maku.
Kwĩanĩsya Mĩao ya Ngai
57We Mwĩai Ngai nue kyonthe kĩla ndonya kwenda;
nĩngwathana kwĩanĩsya ndeto yaku.
58Nĩngũmanthaa na ngoo yakwa yonthe;
mbĩw'ĩe tei kwĩanana na watho waku.
59Nĩnzũanĩĩte ĩũlũ wa mĩendele yakwa,
na nĩnĩthyũũĩte kwĩanĩsya mokũsĩ maku.
60Nĩnĩkalaataa kwĩanĩsya mĩao yaku ndekwĩkalanga.
61O na vala andũ athũku nĩmateete mĩteo mangwatye,
nyie ndyũlawa nĩ mĩao yaku.
62Ũtukũ katĩ nĩnĩamũkaa ngũtaĩe,
nũndũ wa myamũlo yaku mĩlũngalu.
63Nĩ mũnyanyae wa andũ onthe ala maũkĩaa,
wa onthe ala meanĩasya mawĩaĩo maku.
64Ame Mwĩai Ngai nthĩ yusũĩtwe nĩ wendo waku ũtaolekaa;
manyĩsye motw'ĩo maku.
Vata wa Mĩao ya Mwĩai Ngai
65We Mwĩai Ngai nũmbĩkĩte nesa nyie mũthũkũmi waku,
kwĩanana na ũndũ ndeto yaku yaĩtye.
66Manyĩsye kwĩthĩwa na ũĩ na ũmanyi,
nĩkwĩthĩwa nĩnĩĩkĩĩaa mĩao yaku.
67Ũtanamba kũngany'a nĩnavĩtasya,
ĩndĩ yu nĩnĩanĩasya ndeto yaku.
68Wĩ mũseo na nĩwĩkaa ũseo;
manyĩsye motw'ĩo maku.
69Ekathĩĩi nĩmaneenete ũvũngũ ĩũlũ wakwa,
ĩndĩ nĩnĩanĩasya mawĩaĩo maku na ngoo yakwa yonthe.
70Andũ asu mayĩthĩawa na ũmanyi,
ĩndĩ nĩndanĩthaw'a nĩ mĩao yaku.
71Waĩ ũseo kwakwa kwĩthĩwa nathĩniw'e,
nũndũ nĩnamanyie motw'ĩo maku.
72Mĩao ĩla wanengie yĩ vata kwakwa,
mbee wa mbesa mbingĩ sya thaavu na silĩva.
Wĩanĩu wa Mĩao ya Mwĩai Ngai
73Nĩwambũmbie na wanzeũvya na moko maku,
nenge ũmanyi nĩ kana nĩmanye mĩao yaku.
74Ala maũkĩaa makambona na kũtana,
nĩkwĩthĩwa nĩnĩkwatĩtye ndeto yaku.
75We Mwĩai Ngai, nĩnĩsĩ kana mosilĩlo maku nĩ malũngalu,
na kana nũnganĩtye nũndũ we wĩ mũĩkĩĩku.
76Wendo waku ũtaolekaa nũngiakisye,
kwĩanana na ũndũ wambathie nyie mũthũkũmi waku.
77Mbĩw'ĩe tei nĩ kana nĩendee kwĩkala thayũ,
nũndũ nĩndanĩthaw'a nĩ mĩao yaku.
78Ekathĩĩi nĩmasonoke,
nĩkwĩthĩwa nĩmaneenete ndeto sya ũvũngũ ĩũlũ wakwa,
ĩndĩ nyie ngasũanĩaa ĩũlũ wa mawĩaĩo maku.
79Onthe ala maũkĩaa moke kwakwa,
nĩ kana mamanye mokũsĩ maku.
80Ngoo yakwa yĩthĩwe ĩte na ĩvĩtyo kwa kwĩanĩsya motw'ĩo maku,
nĩ kana ndikasonoke.
Mboya ya Kũvoya Ũthasyo
81Mwĩai Ngai nĩnĩnoete nũndũ wa kweteela ũndangĩĩe,
nĩnĩkwatasya ndeto yaku.
82Metho makwa nĩmanoete mũno,
nũndũ wa kũsyaĩĩsya watho waku.
Ngũlasya, “Ũkangiakisya ĩndĩĩ?”
83O na kau nĩilyĩ kĩkuu kya kĩthuma kĩ syũkinĩ,
ndyũlawa nĩ motw'ĩo maku.
84Nyie mũthũkũmi waku nĩendeea kweteela nginya ĩndĩĩ?
Ũkakany'a ala manthĩnasya ĩndĩĩ?
85Ekathĩĩi nĩmambĩnzĩĩte maima,
andũ mataatĩĩaa mĩao yaku.
86Mĩao yaku yonthe nĩ ya kũĩkĩĩwa;
ndetheesye nĩkwĩthĩwa andũ menthĩny'a vate kĩtumi!
87Maĩ vakuvĩ kũmbetanga ĩũlũ wa nthĩ,
ĩndĩ ndyaalea kwĩanĩsya mawĩaĩo maku.
88Nũndũ wa wendo waku ũtaolekaa, tangĩĩa thayũ wakwa,
nĩ kana nĩanĩsye mokũsĩ ala ũneenete.
Kũĩkĩĩa Mĩao ya Mwĩai Ngai
89Ame Mwĩai Ngai ndeto yaku yĩkalaa tene na tene,
nĩlũlũmĩĩlw'e ĩtunĩ.
90Ũĩkĩĩku waku wĩkalaa nzyawanĩ syonthe,
nĩwaiie nthĩ vala yĩthĩawa, nayo ĩtũaa vo.
91Syĩndũ syonthe syĩkalĩte kũvika ũmũnthĩ nũndũ wa mwĩao waku,
nĩkwĩthĩwa syonthe nĩ athũkũmi maku.
92Kethĩwa mĩao yaku ti yo ĩtumaa nĩtana,
nĩthĩwa natheleile thĩnanĩ wakwa.
93Ndikolwa nĩ mawĩaĩo maku,
nĩkwĩthĩwa nĩmatumĩte ũnenga thayũ.
94Nyie nĩ waku, ndangĩĩe,
nĩkwĩthĩwa nĩnĩanĩasya mawĩaĩo maku.
95Andũ athũku nĩmambovetye mambũae,
ĩndĩ ngasũanĩaa ĩũlũ wa mokũsĩ maku.
96Nĩnĩmanyĩte kana syĩndũ syonthe syĩthĩawa na mũminũkĩlyo,
ĩndĩ mĩao yaku nĩ mĩthanthau mũno.
Kwenda Mĩao ya Mwĩai Ngai
97Nĩnendete mĩao yaku mũno,
nĩyo nĩsũanĩaa mũthenya w'onthe!
98Mĩao yaku nĩtumaa nĩthĩwa na ũĩ kwĩ amaitha makwa,
nũndũ nĩthĩawa nayo kĩla ĩvinda.
99Nĩna ũmanyi mwingĩ kũvĩtũka amanyĩsya makwa onthe,
nĩkwĩthĩwa nĩnĩsũanĩaa ĩũlũ wa mokũsĩ maku.
100Nĩna ũmanyi mwingĩ kũvĩtũka andũ ala akũũ,
nĩkwĩthĩwa nĩnĩanĩasya mawĩaĩo maku.
101Nĩnĩsiĩĩaa ndikalike maũndũnĩ mathũku,
nĩ kana nĩanĩsye ndeto yaku.
102Ndileaa kwĩanĩsya myamũlo yaku,
nĩkwĩthĩwa nue mwene ũmanyĩĩtye.
103Nĩnĩw'aa ndeto yaku yĩ mũyo mũno;
nĩw'aa yĩ mũyo mbee wa ũkĩ wa nzũkĩ!
104Nĩngwataa ũmanyi kuma mawĩaĩonĩ maku,
na kwoou nĩnĩmenete maũndũ onthe mathũku.
Mĩao ya Ngai nĩ kyeni
105Ndeto yaku nĩ taa wa kũndongoeasya,
na kyeni kya nzĩa yakwa.
106Nĩnĩvĩtĩte wĩvĩto wa mwanya na nĩngũwĩanĩsya,
kana ngeekaa ũndũ myamũlo yaku mĩlũngalu ĩkwasya.
107We Mwĩai Ngai nĩnthĩnĩte mũno,
nenge thayũ kwĩanana na ndeto yaku.
108Ame Mwĩai Ngai ĩtĩkĩla nthembo yakwa ya kũtaĩa,
na ũimanyĩsya myamũlo yaku.
109Thayũ wakwa wĩthĩawa wĩ mũisyonĩ kĩla ĩvinda,
ĩndĩ ndyũlawa nĩ mĩao yaku.
110Andũ athũku nĩmandeete na mũteo,
ĩndĩ ndyaalea kwĩanĩsya mawĩaĩo maku.
111Mokũsĩ maku nĩmo ũtiĩwa wakwa tene na tene;
ĩĩ, nĩmo ũtanu wa ngoo yakwa.
112Nĩnĩvangĩte ngoonĩ yakwa kwĩanĩsya motw'ĩo maku tene na tene,
nginya mũminũkĩlyo.
Ũsũvĩo Mĩaonĩ ya Mwĩai Ngai
113Nĩnĩmenete andũ ala mate aĩkĩĩku vyũ kũla ũĩ,
ĩndĩ nĩnendete mĩao yaku.
114Nue wĩvitho wakwa na mũsũvĩi wakwa,
nĩnĩkwatasya ndeto yaku.
115Umai vala nĩĩ inyw'ĩ eki ma naĩ,
nĩ kana nĩanĩsye mĩao ya Ngai wakwa.
116Nenge vinya kwĩanana na watho waku nĩ kana nĩkale thayũ,
na ndũkaeke nĩsonokw'e wĩkwatyonĩ wakwa.
117Ndw'ĩĩke nĩ kana nĩthĩwe ũsũvĩonĩ,
na kĩla ĩvinda ngĩkwataa motw'ĩo maku.
118Nũleaa andũ onthe ala mateanĩasya motw'ĩo maku,
ĩĩ, ũkengani woo nĩ wa mana.
119Andũ ala athũku onthe ũmatalaa ta mavuti,
kwoou nĩnendete mokũsĩ maku.
120Nĩnĩtetemaa nũndũ wa ũkũkĩa,
nusũĩtwe nĩ w'ĩa nũndũ wa mosilĩlo maku.
Kwĩanĩsya Mĩao ya Mwĩai Ngai
121Nĩnĩkĩte maũndũ maseo na malũngalu;
ndũkandianĩsye na amaitha makwa.
122Mbathe kana nũũndetheesya nyie mũthũkũmi waku;
ndũkaeke ala mekathĩĩaa manthĩny'e.
123Metho makwa nĩmanoete mũno nũndũ wa kũsyaĩĩsya ũtangĩĩo waku,
na nũndũ wa kweteela kwĩanĩa kwa watho waku mũlũngalu.
124Mbĩke nyie mũthũkũmi waku kwĩanana na wendo waku ũtaolekaa,
na ũimanyĩsya motw'ĩo maku.
125Nyie nĩ mũthũkũmi waku; nenge ũmanyi,
nĩ kana nĩmanye mokũsĩ maku.
126Mwĩai Ngai nĩ ĩvinda yaku ya kwĩka ũndũ,
nĩkwĩthĩwa andũ nĩmatũlĩte mĩao yaku.
127Nyie nĩnendete mĩao yaku mbee wa thaavu,
mbee wa thaavu mũkute.
128Kwoou nĩnĩatĩĩaa mawĩaĩo maku onthe,
na nĩnĩmenete maũndũ onthe mathũku.
Wendi wa Kwĩanĩsya Mĩao ya Mwĩai Ngai
129Mokũsĩ maku nĩ ma kũseng'ya,
kwoou thayũ wakwa nũmeanĩasya.
130Ũelesyo wa momanyĩsyo maku nũetae kyeni,
na kũete ũmanyi kwa ala mate naw'o.
131Nĩnathamasya kanyw'a wakwa ngavevaveva,
nũndũ nĩ na mea ma mĩao yaku.
132Ĩthyũũe ũnzisye na ũimbĩw'ĩa tei,
o tondũ kĩla ĩvinda wĩkanaa na ala makwendete.
133Nzũvĩe kwĩanana na watho waku ndikavalũke,
ndũkaeke nĩsumbĩkwe nĩ mavĩtyo.
134Mbovosye kuma andũnĩ ala manthĩnasya,
nĩ kana nĩanĩsye mawĩaĩo maku.
135Nzisye na mumo waku nyie mũthũkũmi waku,
na ũimanyĩsya motw'ĩo maku.
136Nĩnĩĩaa methoi maketĩka ta kĩw'ũ kya ũsĩ,
nĩkwĩthĩwa andũ mayĩanĩasya mĩao yaku.
Wĩanĩu wa Mĩao ya Mwĩai Ngai
137We Mwĩai Ngai wĩ mũlũngalu,
na mosilĩlo maku nĩ ma w'o.
138Ũnenganĩte mokũsĩ maku kwa ũlũngalu,
na kwa ũĩkĩĩku w'onthe.
139Ũthatu wakwa nĩwakanaa ta mwaki,
nĩkwĩthĩwa amaitha makwa mayĩanĩasya ndeto syaku.
140Mawatho maku nĩ ma w'o vyũ,
nakwa mũthũkũmi waku nĩnĩmendete.
141Nyie nĩ mũndũ ũte vata na ũvũthaw'a,
ĩndĩ ndyũlawa nĩ mawĩaĩo maku.
142Ũlũngalu waku nĩ wa tene na tene,
na mĩao yaku nĩ ya w'o.
143Nĩ na woo na thĩna mwingĩ,
ĩndĩ mĩao yaku nĩndanĩthasya.
144Kĩla ĩvinda mokũsĩ maku nĩmalũngalu tene na tene;
nenge ũmanyi nĩ kana nĩkale thayũ.
Mboya ya Kũkũlya Ũtangĩĩo
145Nĩngwĩkaĩlaa na ngoo yakwa yonthe;
ame Mwĩai Ngai nzũngĩe!
Ngeanĩasya motw'ĩo maku.
146Nĩngwĩkaĩlaa, ndangĩĩe,
nĩ kana nĩanĩsye mokũsĩ maku.
147Nĩamũkaa kũtanamba kũkya na kũkwĩkaĩla ũndethye;
nĩnĩkwatasya ndeto yaku.
148Nĩkalaa nzalukĩtye ũtukũ mũima,
nĩ kana nĩsũanĩe ĩũlũ wa mawatho maku.
149Ame Mwĩai Ngai ĩthukĩĩsye wasya wakwa,
nũndũ wa wendo waku ũtaolekaa,
mbĩkalye thayũ kwĩanana na sila waku wa katĩ.
150Andũ ala manthĩnasya na mĩvango yoo mĩthũku me vakuvĩ;
mayĩanĩasya mĩao yaku.
151Ĩndĩ we Mwĩai Ngai wĩ vakuvĩ nakwa,
na mĩao yaku yonthe nĩ ya w'o.
152Kuma tene nĩnamanyie kuma mokũsĩnĩ maku,
kana nĩwamatwie methĩwe me ma tene na tene.
Kũvoya Ũtethyo
153Sisya thĩna ũla nĩ naw'o na ũindangĩĩa,
nũndũ ndyũlawa nĩ mĩao yaku.
154Ndetea na ũimbovosya;
nenge thayũ kwĩanana na watho waku.
155Andũ ala athũku mayĩsaa kũtangĩĩwa,
nũndũ mayĩanĩasya motw'ĩo maku.
156Ame Mwĩai Ngai tei waku nĩ mwingĩ,
nenge thayũ kwĩanana na sila waku wa katĩ.
157Amaitha makwa na ala manthĩnasya nĩ aingĩ,
ĩndĩ ndileaa kwĩanĩsya mokũsĩ maku.
158Yĩla noona andũ ala matakũĩkĩĩaa, nĩnthataa mũno,
nũndũ mayĩanĩasya mĩao yaku.
159Ame Mwĩai Ngai sisya ũndũ nendete mawĩaĩo maku;
ĩkalya thayũ wakwa kwĩanana na wendo waku ũtaolekaa.
160Ndeto syaku syonthe nĩ sya w'o,
myamũlo yaku yonthe mĩlũngalu nĩ ya tene na tene.
Kwĩnengane Kwĩanĩsya Mĩao ya Mwĩai
161Atongoi nĩmanthĩnasya vate kĩtumi,
ĩndĩ ngoo yakwa nĩkĩaa ndeto yaku.
162Nĩtanaa nũndũ wa ndeto yaku,
ta mũndũ woona kĩndũ kya thooa mũnene.
163Nĩnĩmenete na kũlea ũvũngũ,
ĩndĩ nĩnendete mĩao yaku.
164Kĩla mũthenya nĩngũtaĩaa mavinda mũonza,
nũndũ wa myamũlo yaku mĩlũngalu.
165Andũ ala mendete mĩao yaku methĩawa na mũuo mwingĩ,
na vai kĩndũ kĩtonya kũtuma mavalũka.
166We Mwĩai Ngai neteelaa ũtangĩĩo waku,
na nĩnĩkaa ũndũ mĩao yaku ĩkwasya.
167Nĩnĩanĩasya mokũsĩ maku,
nĩkwĩthĩwa nĩnĩmendete mũno.
168Nĩnĩanĩasya mawĩaĩo na mokũsĩ maku,
nĩkwĩthĩwa nĩwĩsĩ maũndũ onthe ala nĩkaa.
Mboya ya Kũkũlya Ũtethyo
169Ame Mwĩai Ngai kĩĩo kyakwa nĩkĩũvikĩe;
nenge ũmanyi kwĩanana na ndeto yaku.
170Mboya syakwa ikũvikĩe,
ndangĩĩa kwĩanana na ndeto yaku.
171Ngakũtaĩaa kĩla ĩvinda,
nũndũ nũmanyĩasya motw'ĩo maku.
172Ngainaa ĩũlũ wa ndeto yaku,
nũndũ mĩao yaku nĩ ya w'o.
173Ĩthĩawa wĩyũmbanĩtye kũndetheesya,
nũndũ nĩnĩnyuvĩte kũatĩĩaa mawĩaĩo maku.
174Ame Mwĩai Ngai nĩneteelaa mũno ũtangĩĩo waku,
na mĩao yaku nĩndanĩthasya.
175Nenge kwĩkala thayũ nĩ kana ngũtaĩae.
Na myamũlo yaku nĩndethye.
176Nĩnaĩte ta ĩlondu yau;
manthe nyie mũthũkũmi waku,
nũndũ ndyũlawa nĩ mĩao yaku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011