Sav 109
109
Kũnyungunyĩsya kwa Mũndũ wĩ na Thĩna
Kwa mwinĩthya: Savulĩ ĩno yaandĩkiwe nĩ Ndeviti
1Ame Ngai ũla nĩtaĩaa, ndũkavindye,
2nĩkwĩthĩwa andũ athũku na akengani nĩmeũneenea;
nĩmaneenete ndeto sya ũvũngũ ĩũlũ wakwa.
3Nĩmaneenaa maũndũ mathũku ĩũlũ wakwa,
na kũmbũkita vate kĩtumi.
4O na kau nĩnĩmendete, nĩmanzikataa,
na ũu wĩ o vo nĩnĩmavoyeaa.
5Nĩnĩmekaa nesa ĩndĩ mainduva ũthũku,
nĩnĩmendaa ĩndĩ mainduva kĩmena.
6Nyuva mũsili mũthũku asilĩle mũmaitha wakwa,
na ũieka ũmwe wa amaitha make amũsikate.
7Amina kũsilĩlwa, nĩethĩwe e na ĩvĩtyo,
na mboya syake iitalwa kwĩthĩwa ĩvĩtyo wĩkĩte.
8 #
Meko 1.20
Matukũ ma thayũ wake nĩmethĩwe me manini;
mũndũ ũngĩ nĩatongosye vandũ vake.
9Syana syake nitw'ĩke syana ite ĩthe,
na kĩveti kyake kĩitw'ĩka ndiwa.
10Syana syake nĩsyangangae iivoya syĩndũ;
nilũngw'e kuma#109.10 nilũngw'e kuma: Maandĩko amwe ma tene nĩmo maĩtye ũu. Maandĩko kĩthyomonĩ kya Kĩevelania maĩtye nimanthe nyũmbanĩ syoo mbomboku.
11Andũ ala mamũtaĩte nĩmamũvene syĩndũ syake syonthe,
na andũ aeni maitava syĩndũ syake ila ũthũkũmĩĩte.
12Mũndũ o na wĩva ndakaamwĩke nesa,
kana mũndũ o na wĩva ew'ĩe syana sya mũndũ ũsu tei ila itiĩtwe ite na ĩthe.
13Nzyawa syake syonthe nikw'e,
na ĩsyĩtwa yake yĩyũla nzyawanĩ ĩla yũkĩte!
14Mwĩai Ngai nĩalilikane mothũku ma aaũmae make,
na ndakaaekee inyia wake naĩ syake!
15Mwĩai Ngai nĩalilikanae mavĩtyo ma aaũmae make kĩla ĩvinda,
na mayũla vyũ kuma ĩũlũ wa nthĩ.
16Mũndũ ũsu ndaasũanĩa kwĩthĩwa e mũndũ mũseo,
ĩndĩ nĩwathĩnasya na kũaa ngya na athĩni, o na ala akw'ũ ngoo.
17Nũndũ nĩwendete kũumanĩa, nake nĩaumanĩwe;
o ta ũu nũndũ nĩwamenaa kũathima, o nake ndakaathimwe.
18Kwake kũumanĩa kwaĩ ũndũ ũmwe na kwĩkĩa ngũa;
iumo syake nilike mwĩĩnĩ wake ta kĩw'ũ,
na mavĩndĩnĩ make ta mauta.
19Iumo syake nimũvw'ĩke ta ngũa,
na iyĩkalaa imwĩlingĩlĩte ta mũsivi!
20Mwĩai Ngai nĩakany'e amaitha makwa kwa nzĩa ĩsu,
ala maneenaa ndeto nthũku ĩũlũ wakwa.
21Ĩndĩ ame Mwĩai Ngai Mũsumbĩ wakwa,
ndetheesye o tondũ wathanie,
na ũimbonokya nũndũ wa ũseo wa wendo waku ũtaolekaa!
22Nĩkwĩthĩwa nyie nĩ ngya na nĩ mũthĩni;
nĩnĩũmĩĩte nginya thayũnĩ wakwa.
23Nĩendete kũthelekelya ta muunyĩ ĩa mawĩoo;
nĩnĩũlũkĩtw'e ta ngie.
24Mau makwa nĩ monzu nũndũ wa kũtĩĩa kũya,
na nĩmũmosu ngatiala mavĩndĩ na kĩkonde.
25 #
Mat 27.39; Mk 15.29 Ndw'ĩkĩte kĩndũ kya kũthekeewa nĩ andũ,
yĩla mambona nĩmathingithasya mĩtwe.
26Ame Mwĩai Ngai, Ngai wakwa ndetheesye,
nũndũ wa wendo waku ũtaolekaa ndangĩĩe.
27Tuma andũ mamanya kana ũsu nĩ ũtonyi waku;
we Mwĩai Ngai nue wĩkĩte ũu.
28Eka manumanĩe, ĩndĩ we ũingathima!
Eka amaitha makwa masonoke,
ĩndĩ nyie mũthũkũmi waku ngĩtana.
29Amaitha makwa nĩmavw'ĩkwe nĩ nthoni,
na mayĩthĩwa mevw'ĩkĩte kũsonoka kwoo ta ngũa.
30Ngatũngĩaa Mwĩai Ngai mũvea mũno na wasya wakwa;
ngamũtaĩaa nĩ wũmbanonĩ mũnene wa andũ.
31Nĩkwĩthĩwa nũtetheeasya mũthĩni,
nĩ kana amũtangĩĩe kuma kwa ala mamũtw'ĩĩaa kũawa.
Currently Selected:
Sav 109: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sav 109
109
Kũnyungunyĩsya kwa Mũndũ wĩ na Thĩna
Kwa mwinĩthya: Savulĩ ĩno yaandĩkiwe nĩ Ndeviti
1Ame Ngai ũla nĩtaĩaa, ndũkavindye,
2nĩkwĩthĩwa andũ athũku na akengani nĩmeũneenea;
nĩmaneenete ndeto sya ũvũngũ ĩũlũ wakwa.
3Nĩmaneenaa maũndũ mathũku ĩũlũ wakwa,
na kũmbũkita vate kĩtumi.
4O na kau nĩnĩmendete, nĩmanzikataa,
na ũu wĩ o vo nĩnĩmavoyeaa.
5Nĩnĩmekaa nesa ĩndĩ mainduva ũthũku,
nĩnĩmendaa ĩndĩ mainduva kĩmena.
6Nyuva mũsili mũthũku asilĩle mũmaitha wakwa,
na ũieka ũmwe wa amaitha make amũsikate.
7Amina kũsilĩlwa, nĩethĩwe e na ĩvĩtyo,
na mboya syake iitalwa kwĩthĩwa ĩvĩtyo wĩkĩte.
8 #
Meko 1.20
Matukũ ma thayũ wake nĩmethĩwe me manini;
mũndũ ũngĩ nĩatongosye vandũ vake.
9Syana syake nitw'ĩke syana ite ĩthe,
na kĩveti kyake kĩitw'ĩka ndiwa.
10Syana syake nĩsyangangae iivoya syĩndũ;
nilũngw'e kuma#109.10 nilũngw'e kuma: Maandĩko amwe ma tene nĩmo maĩtye ũu. Maandĩko kĩthyomonĩ kya Kĩevelania maĩtye nimanthe nyũmbanĩ syoo mbomboku.
11Andũ ala mamũtaĩte nĩmamũvene syĩndũ syake syonthe,
na andũ aeni maitava syĩndũ syake ila ũthũkũmĩĩte.
12Mũndũ o na wĩva ndakaamwĩke nesa,
kana mũndũ o na wĩva ew'ĩe syana sya mũndũ ũsu tei ila itiĩtwe ite na ĩthe.
13Nzyawa syake syonthe nikw'e,
na ĩsyĩtwa yake yĩyũla nzyawanĩ ĩla yũkĩte!
14Mwĩai Ngai nĩalilikane mothũku ma aaũmae make,
na ndakaaekee inyia wake naĩ syake!
15Mwĩai Ngai nĩalilikanae mavĩtyo ma aaũmae make kĩla ĩvinda,
na mayũla vyũ kuma ĩũlũ wa nthĩ.
16Mũndũ ũsu ndaasũanĩa kwĩthĩwa e mũndũ mũseo,
ĩndĩ nĩwathĩnasya na kũaa ngya na athĩni, o na ala akw'ũ ngoo.
17Nũndũ nĩwendete kũumanĩa, nake nĩaumanĩwe;
o ta ũu nũndũ nĩwamenaa kũathima, o nake ndakaathimwe.
18Kwake kũumanĩa kwaĩ ũndũ ũmwe na kwĩkĩa ngũa;
iumo syake nilike mwĩĩnĩ wake ta kĩw'ũ,
na mavĩndĩnĩ make ta mauta.
19Iumo syake nimũvw'ĩke ta ngũa,
na iyĩkalaa imwĩlingĩlĩte ta mũsivi!
20Mwĩai Ngai nĩakany'e amaitha makwa kwa nzĩa ĩsu,
ala maneenaa ndeto nthũku ĩũlũ wakwa.
21Ĩndĩ ame Mwĩai Ngai Mũsumbĩ wakwa,
ndetheesye o tondũ wathanie,
na ũimbonokya nũndũ wa ũseo wa wendo waku ũtaolekaa!
22Nĩkwĩthĩwa nyie nĩ ngya na nĩ mũthĩni;
nĩnĩũmĩĩte nginya thayũnĩ wakwa.
23Nĩendete kũthelekelya ta muunyĩ ĩa mawĩoo;
nĩnĩũlũkĩtw'e ta ngie.
24Mau makwa nĩ monzu nũndũ wa kũtĩĩa kũya,
na nĩmũmosu ngatiala mavĩndĩ na kĩkonde.
25 #
Mat 27.39; Mk 15.29 Ndw'ĩkĩte kĩndũ kya kũthekeewa nĩ andũ,
yĩla mambona nĩmathingithasya mĩtwe.
26Ame Mwĩai Ngai, Ngai wakwa ndetheesye,
nũndũ wa wendo waku ũtaolekaa ndangĩĩe.
27Tuma andũ mamanya kana ũsu nĩ ũtonyi waku;
we Mwĩai Ngai nue wĩkĩte ũu.
28Eka manumanĩe, ĩndĩ we ũingathima!
Eka amaitha makwa masonoke,
ĩndĩ nyie mũthũkũmi waku ngĩtana.
29Amaitha makwa nĩmavw'ĩkwe nĩ nthoni,
na mayĩthĩwa mevw'ĩkĩte kũsonoka kwoo ta ngũa.
30Ngatũngĩaa Mwĩai Ngai mũvea mũno na wasya wakwa;
ngamũtaĩaa nĩ wũmbanonĩ mũnene wa andũ.
31Nĩkwĩthĩwa nũtetheeasya mũthĩni,
nĩ kana amũtangĩĩe kuma kwa ala mamũtw'ĩĩaa kũawa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011