Sav 107
107
ĨVUKU YA KATANO
Sav 107—150
Kũtaĩa Ũseo wa Ngai
1 #
1Mav 16.34; 2Mav 5.13; 7.3; Esa 3.11; Sav 100.5; 106.1; 118.1; 136.1; Yel 33.11 Tũngĩai Mwĩai Ngai Mũvea nũndũ nĩ mũseo,
nũndũ wendo wake ũtaolekaa nĩwĩkalaa tene na tene.
2Andũ ala ovosye ma Mwĩai Ngai nĩmaneene ũu,
ala woovoisye kuma ũtonyinĩ wa mũmaitha,
3na amombany'a kuma nthĩ ngeni;
kuma wumĩlonĩ wa syũa, na kuma ũthũĩlonĩ wayo;
kuma ngalĩko ya ĩũlũ, na kuma ngalĩko ya ĩtheo.
4Amwe nĩmangangie weũnĩ ũte nzĩa,
mayaaona nzĩa mathi ndũanĩ matũa.
5Maĩ na nzaa na waũni,
na nĩmakwie ngoo.
6Nĩvo ĩndĩ me thĩnanĩ woo meekaĩlile Mwĩai Ngai,
nake amatangĩĩa kuma ũnyamaonĩ woo.
7Nĩwamatongoeisye mathi na nzĩa ĩte mwathũko,
nginya mathi ndũanĩ vala matũie.
8Nĩmatũngĩe Mwĩai Ngai mũvea nũndũ wa wendo wake ũtaolekaa,
na nũndũ wa maũndũ ma kũseng'ya ala wĩkaa kũla kwĩ andũ.
9Nũnengae ala me na waũni kĩw'ũ kya kũnyw'a,
na kũvũnĩthya ala me na nzaa na syĩndũ nzeo.
10Amwe katĩ woo mekalaa kĩvindunĩ kĩkamu,
andũ meũthĩna me ove na nyololo sya kyũma.
11Nĩkwĩthĩwa nĩmang'endete makalea kwĩka ũndũ ndeto ya Ngai ĩkwasya,
na makavũthya motw'ĩo ma Ũla wĩ Ĩũlũ Mũno.
12Nĩwamanengie wĩa wĩ vinya mũno matethye;
nĩmaluluutĩkile, ĩndĩ vayaĩ wa kũmatetheesya.
13Nĩvo ĩndĩ me thĩnanĩ meekaĩlile Mwĩai Ngai,
nake amatangĩĩa kuma thĩnanĩ woo.
14Nĩwamaumisye kĩvindunĩ kyaĩ kĩkamu,
na atilanga nyololo ila syamovete.
15Nĩmatũngĩe Mwĩai Ngai mũvea nũndũ wa wendo wake ũtaolekaa,
na kwondũ wa maũndũ ma kũseng'ya ala wĩkaa kũla kwĩ andũ.
16Nĩwanangaa mĩvĩa ya mbulonzi,
na kũtilanga ivingi sya kyũma.
17Amwe nĩmatw'ĩkie ndia nũndũ wa ũng'endu woo,
na mathĩna mũno nũndũ wa mavĩtyo moo.
18Nĩmatiikĩiwe nĩ lĩu wa kĩla mũthemba,
na maĩ vakuvĩ kũkw'a.
19Nĩvo ĩndĩ me thĩnanĩ meekaĩlile Mwĩai Ngai,
nake amatangĩĩa kuma thĩnanĩ woo.
20Nĩwamavoisye na ndeto ĩla waneenie,
na amatangĩĩa kuma kĩkw'ũnĩ.
21Nĩmatũngĩe Mwĩai Ngai mũvea nũndũ wa wendo wake ũtaolekaa,
na nũndũ wa maũndũ ma kũseng'ya ala wĩkaa kũla kwĩ andũ.
22Nĩmathembe nthembo sya kũtũnga mũvea,
na mayina mbathi sya ũtanu matavany'e maũndũ ala wĩkĩte.
23Amwe moo nĩmesĩlaa ũkanganĩ na meli;
nĩmatandĩthasya syĩndũ syoo me ũkanganĩ.
24Nĩmoonie mawĩa ma Mwĩai Ngai;
maũndũ ma kũseng'ya ala weekie ũkanganĩ.
25Nĩweeaie, na kĩseve kĩna vinya kyookĩla,
kyatuma itulumo syũkĩla.
26Meli isu nĩsyookĩlilw'e ĩũlũ matunĩ,
na syalika kĩw'ũnĩ kũla kũliku.
Andũ ala maĩ melinĩ nĩmakwie ngoo nũndũ wa mũisyo ũsu.
27Nĩmalũile na maluluutĩka ta athengi,
na ũmanyi ũla maĩ naw'o ndwaamatethya.
28Nĩvo ĩndĩ me thĩnanĩ meekaĩlile Mwĩai Ngai,
nake amatangĩĩa kuma thĩnanĩ woo.
29Nĩwatumie iuutani isu iusya,
na itulumo sya ũkanga syakilya.
30Nĩmeethĩiwe na ũtanu yĩla itulumo syavindisye,
na amatwaa kĩthũmũonĩ kya meli kĩla mendaa.
31Nĩmatũngĩe Mwĩai Ngai mũvea nũndũ wa wendo wake ũtaolekaa,
na nũndũ wa maũndũ ma kũseng'ya ala wĩkaa kũla kwĩ andũ.
32Nĩmatavany'e ĩũlũ wa ũnene wake wũmbanonĩ wa andũ,
na maimũtaĩa wũmbanonĩ wa atongoi.
33Mwĩai Ngai nĩwaalyũlile mbũsĩ syatw'ĩka weũ,
na atuma nthongo ing'ala.
34Nĩwatumie mũthanga mũnou ũtw'ĩka weũ wĩ mũnyũ,
nũndũ wa mothũku ala meekawa nĩ ala matũaa vo.
35Nĩwaalyũlile weũ watw'ĩka ndia sya kĩw'ũ,
na nthĩ nyũmũ yeethĩwa na nthongo sya kĩw'ũ.
36Nĩwaekie andũ maĩ na nzaa matũa kũu,
na maaka ndũa ya kwĩkala.
37Nĩmavandie mĩũnda yoo,
na mavanda mĩsavivũ ĩla yasyaie nzavivũ mbingĩ.
38Nĩwaathimie andũ make na maingĩva mũno,
na atuma ndĩthya yoo ya indo ĩtaoleka.
39Yĩla maolekile na meethĩwa me onzu,
nũndũ wa kũnyamaw'a, kũthĩnw'a, na woo,
40Mwĩai Ngai nĩwatumie ala mamathĩnasya mavũthw'a,
na atuma manganga weũnĩ kũndũ kũte nzĩa.
41Ĩndĩ nĩwatangĩĩie athĩni kuma thĩnanĩ woo,
na atuma andũ ma mĩsyĩ yoo maingĩva ta ndĩthya ya mbũi na malondu.
42Ala alũngalu moona ũu nĩmatanaa,
ĩndĩ ala athũku nĩmavindasya.
43Mũndũ ũla mũĩ nĩamanye maũndũ asu;
andũ nĩmasũanĩe ĩũlũ wa wendo ũtaolekaa wa Mwĩai Ngai.
Currently Selected:
Sav 107: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sav 107
107
ĨVUKU YA KATANO
Sav 107—150
Kũtaĩa Ũseo wa Ngai
1 #
1Mav 16.34; 2Mav 5.13; 7.3; Esa 3.11; Sav 100.5; 106.1; 118.1; 136.1; Yel 33.11 Tũngĩai Mwĩai Ngai Mũvea nũndũ nĩ mũseo,
nũndũ wendo wake ũtaolekaa nĩwĩkalaa tene na tene.
2Andũ ala ovosye ma Mwĩai Ngai nĩmaneene ũu,
ala woovoisye kuma ũtonyinĩ wa mũmaitha,
3na amombany'a kuma nthĩ ngeni;
kuma wumĩlonĩ wa syũa, na kuma ũthũĩlonĩ wayo;
kuma ngalĩko ya ĩũlũ, na kuma ngalĩko ya ĩtheo.
4Amwe nĩmangangie weũnĩ ũte nzĩa,
mayaaona nzĩa mathi ndũanĩ matũa.
5Maĩ na nzaa na waũni,
na nĩmakwie ngoo.
6Nĩvo ĩndĩ me thĩnanĩ woo meekaĩlile Mwĩai Ngai,
nake amatangĩĩa kuma ũnyamaonĩ woo.
7Nĩwamatongoeisye mathi na nzĩa ĩte mwathũko,
nginya mathi ndũanĩ vala matũie.
8Nĩmatũngĩe Mwĩai Ngai mũvea nũndũ wa wendo wake ũtaolekaa,
na nũndũ wa maũndũ ma kũseng'ya ala wĩkaa kũla kwĩ andũ.
9Nũnengae ala me na waũni kĩw'ũ kya kũnyw'a,
na kũvũnĩthya ala me na nzaa na syĩndũ nzeo.
10Amwe katĩ woo mekalaa kĩvindunĩ kĩkamu,
andũ meũthĩna me ove na nyololo sya kyũma.
11Nĩkwĩthĩwa nĩmang'endete makalea kwĩka ũndũ ndeto ya Ngai ĩkwasya,
na makavũthya motw'ĩo ma Ũla wĩ Ĩũlũ Mũno.
12Nĩwamanengie wĩa wĩ vinya mũno matethye;
nĩmaluluutĩkile, ĩndĩ vayaĩ wa kũmatetheesya.
13Nĩvo ĩndĩ me thĩnanĩ meekaĩlile Mwĩai Ngai,
nake amatangĩĩa kuma thĩnanĩ woo.
14Nĩwamaumisye kĩvindunĩ kyaĩ kĩkamu,
na atilanga nyololo ila syamovete.
15Nĩmatũngĩe Mwĩai Ngai mũvea nũndũ wa wendo wake ũtaolekaa,
na kwondũ wa maũndũ ma kũseng'ya ala wĩkaa kũla kwĩ andũ.
16Nĩwanangaa mĩvĩa ya mbulonzi,
na kũtilanga ivingi sya kyũma.
17Amwe nĩmatw'ĩkie ndia nũndũ wa ũng'endu woo,
na mathĩna mũno nũndũ wa mavĩtyo moo.
18Nĩmatiikĩiwe nĩ lĩu wa kĩla mũthemba,
na maĩ vakuvĩ kũkw'a.
19Nĩvo ĩndĩ me thĩnanĩ meekaĩlile Mwĩai Ngai,
nake amatangĩĩa kuma thĩnanĩ woo.
20Nĩwamavoisye na ndeto ĩla waneenie,
na amatangĩĩa kuma kĩkw'ũnĩ.
21Nĩmatũngĩe Mwĩai Ngai mũvea nũndũ wa wendo wake ũtaolekaa,
na nũndũ wa maũndũ ma kũseng'ya ala wĩkaa kũla kwĩ andũ.
22Nĩmathembe nthembo sya kũtũnga mũvea,
na mayina mbathi sya ũtanu matavany'e maũndũ ala wĩkĩte.
23Amwe moo nĩmesĩlaa ũkanganĩ na meli;
nĩmatandĩthasya syĩndũ syoo me ũkanganĩ.
24Nĩmoonie mawĩa ma Mwĩai Ngai;
maũndũ ma kũseng'ya ala weekie ũkanganĩ.
25Nĩweeaie, na kĩseve kĩna vinya kyookĩla,
kyatuma itulumo syũkĩla.
26Meli isu nĩsyookĩlilw'e ĩũlũ matunĩ,
na syalika kĩw'ũnĩ kũla kũliku.
Andũ ala maĩ melinĩ nĩmakwie ngoo nũndũ wa mũisyo ũsu.
27Nĩmalũile na maluluutĩka ta athengi,
na ũmanyi ũla maĩ naw'o ndwaamatethya.
28Nĩvo ĩndĩ me thĩnanĩ meekaĩlile Mwĩai Ngai,
nake amatangĩĩa kuma thĩnanĩ woo.
29Nĩwatumie iuutani isu iusya,
na itulumo sya ũkanga syakilya.
30Nĩmeethĩiwe na ũtanu yĩla itulumo syavindisye,
na amatwaa kĩthũmũonĩ kya meli kĩla mendaa.
31Nĩmatũngĩe Mwĩai Ngai mũvea nũndũ wa wendo wake ũtaolekaa,
na nũndũ wa maũndũ ma kũseng'ya ala wĩkaa kũla kwĩ andũ.
32Nĩmatavany'e ĩũlũ wa ũnene wake wũmbanonĩ wa andũ,
na maimũtaĩa wũmbanonĩ wa atongoi.
33Mwĩai Ngai nĩwaalyũlile mbũsĩ syatw'ĩka weũ,
na atuma nthongo ing'ala.
34Nĩwatumie mũthanga mũnou ũtw'ĩka weũ wĩ mũnyũ,
nũndũ wa mothũku ala meekawa nĩ ala matũaa vo.
35Nĩwaalyũlile weũ watw'ĩka ndia sya kĩw'ũ,
na nthĩ nyũmũ yeethĩwa na nthongo sya kĩw'ũ.
36Nĩwaekie andũ maĩ na nzaa matũa kũu,
na maaka ndũa ya kwĩkala.
37Nĩmavandie mĩũnda yoo,
na mavanda mĩsavivũ ĩla yasyaie nzavivũ mbingĩ.
38Nĩwaathimie andũ make na maingĩva mũno,
na atuma ndĩthya yoo ya indo ĩtaoleka.
39Yĩla maolekile na meethĩwa me onzu,
nũndũ wa kũnyamaw'a, kũthĩnw'a, na woo,
40Mwĩai Ngai nĩwatumie ala mamathĩnasya mavũthw'a,
na atuma manganga weũnĩ kũndũ kũte nzĩa.
41Ĩndĩ nĩwatangĩĩie athĩni kuma thĩnanĩ woo,
na atuma andũ ma mĩsyĩ yoo maingĩva ta ndĩthya ya mbũi na malondu.
42Ala alũngalu moona ũu nĩmatanaa,
ĩndĩ ala athũku nĩmavindasya.
43Mũndũ ũla mũĩ nĩamanye maũndũ asu;
andũ nĩmasũanĩe ĩũlũ wa wendo ũtaolekaa wa Mwĩai Ngai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011