Nth 7
7
Ũseleke wa Mũndũ Mũka Ĩlwaya
1Mwana wakwa, kwata ndeto syakwa,
na kwiaa mĩao yakwa nthĩnĩ waku.
2Kwata mĩao yakwa naku ũkekala thayũ,
sũvĩa momanyĩsyo makwa ũndũ ũsũvĩaa kyũma kya itho yaku.
3Myovee syaanĩ syaku;
mĩandĩke ngoonĩ yaku.
4Tavya ũĩ atĩĩ, “Nue mwĩĩtu-a-ia wakwa.”
Ĩta ũmanyi mũnyanyau ũla wa vakuvĩ vyũ.
5Ikakũsũvĩa kuma kwa mũndũ mũka kĩlaalai,
kuma kwa kĩveti kĩte kyaku kĩla kĩneenaa ndeto syĩ mũyo.
6Nĩnasyaĩlilye ndĩlĩsyanĩ ya nyũmba yakwa,
nasyaĩlya maimanĩ ma ndĩlĩsya ĩsu,
7na noona anake aingĩ mate na ũmanyi,
ĩndĩ katĩ woo noona mwanake ũmwe mũtumanu.
8Mwanake ũsu esĩlĩte nzĩanĩ konanĩ vakuvĩ na vala mũndũ mũka ũsu watwĩe.
Nĩvo ĩndĩ waendie na nzĩa ĩla ĩendete nyũmba kwa mũndũ mũka ũsu.
9Kwaĩ ĩa mawĩoo, na kwaĩ kũnambĩĩa kũtuka,
na kĩvindu kĩkambĩĩa kũka.
10Nĩvo ĩndĩ mwanake ũsu wakomanie na mũndũ mũka ũsu,
ũla weekĩĩte ngũa ta ĩlwaya, e na ũseleke ngoonĩ.
11Aĩ mũndũ mũka wĩ kĩlonzo kingĩ, na mũng'endu,
atindĩaa kũthi, ndekalaa nyũmba kwake.
12Mavinda amwe eethĩawa nzĩanĩ, mavinda angĩ e ndũnyũ,
na angĩ e konanĩ sya nzĩa oveesye.
13Mũndũ mũka ũsu nĩwakumbatĩlilye mwanake ũsu na amũkethya na ngethi ya wendo,
na amũsisya ate na nthoni amwĩa atĩĩ:
14“Ũmũnthĩ nĩnĩthembie nthembo;
nĩnĩanĩisye mawĩvĩto makwa.
15Kwoou yu naumaala ngomane naku,
ngũmanthe na kĩthing'ĩĩsyo, nayu nĩnakwona.
16Nĩnalanĩtye ũkomo wakwa nesa,
na suka sya langi mbanake kuma Misili.
17Nĩnĩnyungĩthĩtye ũkomo wakwa nesa na mauta me mũuke mũseo metawa manemane,
uuti, na angĩ metawa sinamoni.
18Ũka tũthi tũkethĩwe na ĩvinda ya kũtanĩa wendo nginya kĩoko,
ũka tũketanĩthye na wendo!
19Nĩkwĩthĩwa mũũme wakwa nde mũsyĩ,
nũnaendie kyalo kĩasa.
20Anakuie mbesa mbingĩ,
na ndesyoka nginya syumwa ilĩ ithele.”
21Kwoou mũndũ mũka ũsu nĩweesũvie mwanake ũsu na ndeto syake syĩ mũyo,
na amũkusya na ndeto syake sya kwendeesya.
22Mwanake ũsu nĩwamũatĩĩie mĩtũkĩ,
aendete ta nzaũ ĩendete kĩthĩnzĩonĩ,
na ta kĩlong'a kĩendete kũlika kĩteinĩ,#7.22 ta kĩlong'a kĩendete kũlika kĩteinĩ: Maandĩko amwe ma Ndeto ya Ngai maĩtye ta mũndũ mũtumanu ũla ũmanyĩaw'a na mbĩngũ.
23nginya kĩkesa kũtonywa ĩtema nĩ ĩangi.
O tondũ nyũnyi yĩkalaataa ĩkalike kĩteinĩ,
ndamanyaa kana nũkwasya thayũ wake.
24Yu ĩndĩ ana makwa, mbĩthukĩĩsyei;
ĩthukĩĩsyei ndeto ila ngũneena.
25Thayũ wenyu ndũkaatĩĩe mĩendele ya mũndũ mũka ũsu,
kana mwae kwa kwĩsĩla nzĩanĩ syake;
26nĩkwĩthĩwa nũvalũkĩtye aingĩ,
na nĩwũaĩte andũ aingĩ matatalĩka.
27Nyũmba yake nĩ nzĩa ya kũthi vala maveva ma ala akw'ũ mekalaa,
ĩendete kũlika tũsũmbanĩ twa kĩkw'ũ.
Currently Selected:
Nth 7: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Nth 7
7
Ũseleke wa Mũndũ Mũka Ĩlwaya
1Mwana wakwa, kwata ndeto syakwa,
na kwiaa mĩao yakwa nthĩnĩ waku.
2Kwata mĩao yakwa naku ũkekala thayũ,
sũvĩa momanyĩsyo makwa ũndũ ũsũvĩaa kyũma kya itho yaku.
3Myovee syaanĩ syaku;
mĩandĩke ngoonĩ yaku.
4Tavya ũĩ atĩĩ, “Nue mwĩĩtu-a-ia wakwa.”
Ĩta ũmanyi mũnyanyau ũla wa vakuvĩ vyũ.
5Ikakũsũvĩa kuma kwa mũndũ mũka kĩlaalai,
kuma kwa kĩveti kĩte kyaku kĩla kĩneenaa ndeto syĩ mũyo.
6Nĩnasyaĩlilye ndĩlĩsyanĩ ya nyũmba yakwa,
nasyaĩlya maimanĩ ma ndĩlĩsya ĩsu,
7na noona anake aingĩ mate na ũmanyi,
ĩndĩ katĩ woo noona mwanake ũmwe mũtumanu.
8Mwanake ũsu esĩlĩte nzĩanĩ konanĩ vakuvĩ na vala mũndũ mũka ũsu watwĩe.
Nĩvo ĩndĩ waendie na nzĩa ĩla ĩendete nyũmba kwa mũndũ mũka ũsu.
9Kwaĩ ĩa mawĩoo, na kwaĩ kũnambĩĩa kũtuka,
na kĩvindu kĩkambĩĩa kũka.
10Nĩvo ĩndĩ mwanake ũsu wakomanie na mũndũ mũka ũsu,
ũla weekĩĩte ngũa ta ĩlwaya, e na ũseleke ngoonĩ.
11Aĩ mũndũ mũka wĩ kĩlonzo kingĩ, na mũng'endu,
atindĩaa kũthi, ndekalaa nyũmba kwake.
12Mavinda amwe eethĩawa nzĩanĩ, mavinda angĩ e ndũnyũ,
na angĩ e konanĩ sya nzĩa oveesye.
13Mũndũ mũka ũsu nĩwakumbatĩlilye mwanake ũsu na amũkethya na ngethi ya wendo,
na amũsisya ate na nthoni amwĩa atĩĩ:
14“Ũmũnthĩ nĩnĩthembie nthembo;
nĩnĩanĩisye mawĩvĩto makwa.
15Kwoou yu naumaala ngomane naku,
ngũmanthe na kĩthing'ĩĩsyo, nayu nĩnakwona.
16Nĩnalanĩtye ũkomo wakwa nesa,
na suka sya langi mbanake kuma Misili.
17Nĩnĩnyungĩthĩtye ũkomo wakwa nesa na mauta me mũuke mũseo metawa manemane,
uuti, na angĩ metawa sinamoni.
18Ũka tũthi tũkethĩwe na ĩvinda ya kũtanĩa wendo nginya kĩoko,
ũka tũketanĩthye na wendo!
19Nĩkwĩthĩwa mũũme wakwa nde mũsyĩ,
nũnaendie kyalo kĩasa.
20Anakuie mbesa mbingĩ,
na ndesyoka nginya syumwa ilĩ ithele.”
21Kwoou mũndũ mũka ũsu nĩweesũvie mwanake ũsu na ndeto syake syĩ mũyo,
na amũkusya na ndeto syake sya kwendeesya.
22Mwanake ũsu nĩwamũatĩĩie mĩtũkĩ,
aendete ta nzaũ ĩendete kĩthĩnzĩonĩ,
na ta kĩlong'a kĩendete kũlika kĩteinĩ,#7.22 ta kĩlong'a kĩendete kũlika kĩteinĩ: Maandĩko amwe ma Ndeto ya Ngai maĩtye ta mũndũ mũtumanu ũla ũmanyĩaw'a na mbĩngũ.
23nginya kĩkesa kũtonywa ĩtema nĩ ĩangi.
O tondũ nyũnyi yĩkalaataa ĩkalike kĩteinĩ,
ndamanyaa kana nũkwasya thayũ wake.
24Yu ĩndĩ ana makwa, mbĩthukĩĩsyei;
ĩthukĩĩsyei ndeto ila ngũneena.
25Thayũ wenyu ndũkaatĩĩe mĩendele ya mũndũ mũka ũsu,
kana mwae kwa kwĩsĩla nzĩanĩ syake;
26nĩkwĩthĩwa nũvalũkĩtye aingĩ,
na nĩwũaĩte andũ aingĩ matatalĩka.
27Nyũmba yake nĩ nzĩa ya kũthi vala maveva ma ala akw'ũ mekalaa,
ĩendete kũlika tũsũmbanĩ twa kĩkw'ũ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011