Nth 26
26
1Ndaĩa ĩla ĩnengawe ndia ndĩmyaĩlĩte,
no ũndũ ũmwe na ĩa ĩvindanĩ ya syũa,
kana mbua ĩvindanĩ ya ngetha.
2O tondũ nthũngũlũlũ itindĩaa kũũlũka iteũvũĩla,
na o tondũ mũthoonzwe ũũlũkaa wangangĩte,
now'o kĩumo kĩte kĩtumi kĩtakwataa mũndũ.
3Mũsalisa nĩ wa kũkũna mbalasi,
mũkwa nĩ wa kũtongoesya ĩng'oi,
naw'o mũnzyũ nĩ wa kũkũna ndia mũongo.
4Ndũkasũngĩe ndia kwĩanana na ũtumanu wayo,
ndũkese kũtw'ĩka ndia ta yo.
5Sũngĩa ndia kwĩanana na ũtumanu wayo,
ndĩkese kwona ta yo mbũĩ.
6Kũtũma ndia nĩ ũndũ ũmwe na kwĩtila maũũ,
kana kwĩmanthĩa thĩna.
7O tondũ maũũ ma mũndũ me mathũku maniinaa,
now'o nthimo ĩneenetwe nĩ ndia ĩilyĩ.
8Kũnenga ndia ndaĩa,
nĩ ũndũ ũmwe na kwoveea ĩvia kĩkũthanĩ.
9Nthimo ĩneenetwe nĩ ndia,
nĩ ũndũ ũmwe na mwĩw'a wĩ kw'okonĩ kwa mũthengi.
10Mũndũ ũla ũandĩkaa ndia kana mũvĩti,
nĩ ũndũ ũmwe na mũndũ ũla ũathaa na ũta na kũũmĩsya kĩla mũndũ.
11 #
2Vet 2.22
Ndia ĩla ĩsyokeaa ũtumanu wayo,
nĩ ũndũ ũmwe na ngitĩ ĩla ĩsyokaa ĩkaya matavĩka mayo.
12Waaona mũndũ wonaa ta mũĩ?
Nĩ kavaa kwĩkwatya ndia kũte kwĩkwatya mũndũ ũsu.
13Mũndũ mũtulu aasya, “Ve mũnyambũ nzĩanĩ!
Ve mũnyambũ wĩ nzĩanĩ sya ndũa!”
14O tondũ mũomo wĩthyũũaa wĩ vala ũkwatĩlĩĩlw'e,
now'o mũndũ mũtulu wĩalyũlĩlaa ũkomonĩ wake.
15Mũndũ mũtulu nũlikasya kw'oko kwake ĩsaaninĩ,
ĩndĩ nĩ mũtulu ũkethĩa ndakũkĩlya akeyakĩlya lĩu nakw'o.
16Mũndũ mũtulu onaa e mũĩ,
kwĩ andũ mũonza ala matonya kũsũngĩa na ũmanyi.
17Mũndũ ũla ũlikĩlĩĩlaa ĩteta yĩtamũkonetye,
nĩ ũndũ ũmwe na mũndũ ũla ũkwataa ngitĩ matũ ĩvĩtĩte.
18O tondũ mũndũ wa ndũũka wĩkasya isinga na maangi me sumu,
19now'o ũilyĩ mũndũ ũla ũkengaa mũtũi wake na ayasya, “Nĩvũaa o ngũĩ.”
20Kũte ngũ mwaki nũvoaa,
na vate mũndũ wa nzukũ ithokoo nithelaa.
21O tondũ makaa matumaa ala angĩ maendeea kwakana,
na ngũ itumaa mwaki ũendeea kwakana,
now'o mũndũ wĩ ĩteta ũendeeasya kĩthokoo.
22Ndeto sya mũndũ wĩ nzukũ nĩ ta lĩu mũseo,
ilikaa ngoonĩ ya mũndũ vyũ.
23Ndeto syĩ mũyo na syĩ na kĩeleelo kĩthũku,
nĩ ũndũ ũmwe na mbisũ yũmbĩĩwe silĩva.
24Mũndũ wĩ kĩmena avithaa kĩmena kyake ndetonĩ syake nzeo,
ĩndĩ ethĩawa na ũndũ mũthũku ngoonĩ yake;
25o na aneena nesa ndũkamũĩkĩĩe,
nũndũ ngoonĩ yake ve kĩmena kingĩ mũno.
26Nũtonya kũvitha kĩmena kyake na mawũĩ,
ĩndĩ ũthũku wake ũkamanyĩka wũmbanonĩ wa andũ.
27Ũla wĩnzĩaa ũngĩ ĩima akalika vo we mwene,
na ũla ũvingilitasya ĩvia yĩkasyoka yĩmũtumbe.
28Ũla ũneenaa ũvũngũ amenaa ala ũkũũmĩsya,
nake ũla ũneenaa ndeto sya wendeesyo aetae wanangĩko.
Currently Selected:
Nth 26: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Nth 26
26
1Ndaĩa ĩla ĩnengawe ndia ndĩmyaĩlĩte,
no ũndũ ũmwe na ĩa ĩvindanĩ ya syũa,
kana mbua ĩvindanĩ ya ngetha.
2O tondũ nthũngũlũlũ itindĩaa kũũlũka iteũvũĩla,
na o tondũ mũthoonzwe ũũlũkaa wangangĩte,
now'o kĩumo kĩte kĩtumi kĩtakwataa mũndũ.
3Mũsalisa nĩ wa kũkũna mbalasi,
mũkwa nĩ wa kũtongoesya ĩng'oi,
naw'o mũnzyũ nĩ wa kũkũna ndia mũongo.
4Ndũkasũngĩe ndia kwĩanana na ũtumanu wayo,
ndũkese kũtw'ĩka ndia ta yo.
5Sũngĩa ndia kwĩanana na ũtumanu wayo,
ndĩkese kwona ta yo mbũĩ.
6Kũtũma ndia nĩ ũndũ ũmwe na kwĩtila maũũ,
kana kwĩmanthĩa thĩna.
7O tondũ maũũ ma mũndũ me mathũku maniinaa,
now'o nthimo ĩneenetwe nĩ ndia ĩilyĩ.
8Kũnenga ndia ndaĩa,
nĩ ũndũ ũmwe na kwoveea ĩvia kĩkũthanĩ.
9Nthimo ĩneenetwe nĩ ndia,
nĩ ũndũ ũmwe na mwĩw'a wĩ kw'okonĩ kwa mũthengi.
10Mũndũ ũla ũandĩkaa ndia kana mũvĩti,
nĩ ũndũ ũmwe na mũndũ ũla ũathaa na ũta na kũũmĩsya kĩla mũndũ.
11 #
2Vet 2.22
Ndia ĩla ĩsyokeaa ũtumanu wayo,
nĩ ũndũ ũmwe na ngitĩ ĩla ĩsyokaa ĩkaya matavĩka mayo.
12Waaona mũndũ wonaa ta mũĩ?
Nĩ kavaa kwĩkwatya ndia kũte kwĩkwatya mũndũ ũsu.
13Mũndũ mũtulu aasya, “Ve mũnyambũ nzĩanĩ!
Ve mũnyambũ wĩ nzĩanĩ sya ndũa!”
14O tondũ mũomo wĩthyũũaa wĩ vala ũkwatĩlĩĩlw'e,
now'o mũndũ mũtulu wĩalyũlĩlaa ũkomonĩ wake.
15Mũndũ mũtulu nũlikasya kw'oko kwake ĩsaaninĩ,
ĩndĩ nĩ mũtulu ũkethĩa ndakũkĩlya akeyakĩlya lĩu nakw'o.
16Mũndũ mũtulu onaa e mũĩ,
kwĩ andũ mũonza ala matonya kũsũngĩa na ũmanyi.
17Mũndũ ũla ũlikĩlĩĩlaa ĩteta yĩtamũkonetye,
nĩ ũndũ ũmwe na mũndũ ũla ũkwataa ngitĩ matũ ĩvĩtĩte.
18O tondũ mũndũ wa ndũũka wĩkasya isinga na maangi me sumu,
19now'o ũilyĩ mũndũ ũla ũkengaa mũtũi wake na ayasya, “Nĩvũaa o ngũĩ.”
20Kũte ngũ mwaki nũvoaa,
na vate mũndũ wa nzukũ ithokoo nithelaa.
21O tondũ makaa matumaa ala angĩ maendeea kwakana,
na ngũ itumaa mwaki ũendeea kwakana,
now'o mũndũ wĩ ĩteta ũendeeasya kĩthokoo.
22Ndeto sya mũndũ wĩ nzukũ nĩ ta lĩu mũseo,
ilikaa ngoonĩ ya mũndũ vyũ.
23Ndeto syĩ mũyo na syĩ na kĩeleelo kĩthũku,
nĩ ũndũ ũmwe na mbisũ yũmbĩĩwe silĩva.
24Mũndũ wĩ kĩmena avithaa kĩmena kyake ndetonĩ syake nzeo,
ĩndĩ ethĩawa na ũndũ mũthũku ngoonĩ yake;
25o na aneena nesa ndũkamũĩkĩĩe,
nũndũ ngoonĩ yake ve kĩmena kingĩ mũno.
26Nũtonya kũvitha kĩmena kyake na mawũĩ,
ĩndĩ ũthũku wake ũkamanyĩka wũmbanonĩ wa andũ.
27Ũla wĩnzĩaa ũngĩ ĩima akalika vo we mwene,
na ũla ũvingilitasya ĩvia yĩkasyoka yĩmũtumbe.
28Ũla ũneenaa ũvũngũ amenaa ala ũkũũmĩsya,
nake ũla ũneenaa ndeto sya wendeesyo aetae wanangĩko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011