Mk 9
9
1Yesũ nĩwaendeeie kũneena amea atĩĩ, “Nĩmũtavya w'o, andũ amwe maũngyĩ o vaa maikakw'a matanamba kwona ũsumbĩ wa Ngai ũyũka wĩ na vinya.”
Kũalyũka kwa Mũvw'ano wa Yesũ
(Mat 17.1-13; Lk 9.28-36)
2 #
2Vet 1.17-18
Ĩtina wa matukũ thanthatũ, Yesũ nĩwaendie e na Vetelo, Yakovo na Yoana vandũ me oka kĩĩmanĩ kĩtũlu. Me vau mũvw'ano wa Yesũ nĩwaalyũkile mamũsyaĩĩsye, 3na ngũa syake syeeũva kw'ũ, syakengakenga kũvĩtũka ũndũ mũndũ o na wĩva kũũ nthĩ ũtonya kũivũa ikekala. 4Nĩvo ĩndĩ Eliya na Mwose maumĩlile vau, na amanyĩw'a asu atatũ mamona maineena na Yesũ. 5Vetelo nĩweeie Yesũ atĩĩ, “Mũmanyĩsya, nĩ ũndũ ũseo kwitũ ithyĩ kwĩthĩwa twĩ vaa. Eka twake tũsũmba tũtatũ: Kamwe kaku, kangĩ ka Mwose na kangĩ ka Eliya.” 6Vetelo ndamanyaa ũndũ ũkwasya, nũndũ we na amanyĩw'a ala angĩ maĩ ĩmwe nĩmatelemete mũno.
7 #
Mat 3.17; Mk 1.11; Lk 3.22 Ĩtu nĩyesĩlile ĩũlũ woo na yamavw'ĩka, na wasya weew'ĩka wumĩte ĩtunĩ yĩu ũkwasya atĩĩ, “Ũũ nĩwe Mwana wakwa mwendwa; mwĩthukĩĩsyei!” 8Nĩmasiangisye mĩtũkĩ kũũ na kũũ ĩndĩ mayaaona mũndũ ũngĩ e namo ate o Yesũ.
9Matheete kuma kĩĩmanĩ, Yesũ nĩwameaĩie amea atĩĩ, “Mũikatavye mũndũ o na ũmwe ũndũ mwoona, kũvika yĩla Mwana wa Mũndũ wĩthayũũka kuma kwa akw'ũ.”
10Nĩmakwatie ũu Yesũ wamatavisye, ĩndĩ maendeea kũkũlany'a ene kwa ene atĩĩ, “Kũthayũũka kuma kwa akw'ũ nĩ kwasya ata?” 11#Mal 4.5; Mat 11.14 Nĩmakũlilye Yesũ atĩĩ, “Nĩkĩ amanyĩsya ma Mĩao maasya kana Eliya akamba kũsyoka kũũ nthĩ Mũtangĩĩi atanoka?”
12Nake amasũngĩa amea atĩĩ, “Eliya akooka mbee nĩ kana ombany'e maũndũ onthe. Ĩndĩ nĩkĩ Maandĩko Matheu maĩtye kana Mwana wa Mũndũ akathĩnw'a mũno na kũlewa? 13Nĩmũtavya w'o, Eliya nĩwookie na andũ mamwĩka o ũndũ mo ene mendie, o tondũ Maandĩko Matheu mekwasya ĩũlũ wake.”
Yesũ Aivosya Mwanake Walikĩtwe nĩ Ĩimũ
(Mat 17.14-21; Lk 9.37-43)
14Yĩla Yesũ na amanyĩw'a asu atatũ masyokie vala ve amanyĩw'a ala angĩ, nĩmoonie ĩkomano ĩnene yĩmathyũlũlũkĩte, na amanyĩsya amwe ma Mĩao maikananĩa namo. 15Andũ mamwona Yesũ nĩmaseng'ie mũno, na o kwa mĩtũkĩ masemba vala ũĩ mamũkethye. 16Yesũ nĩwakũlilye amanyĩw'a make atĩĩ, “Mwĩkananĩa namo ĩũlũ wa kyaũ?”
17Mũndũ ũmwe waĩ vau ĩkomanonĩ nĩwamũsũngĩie amwĩa atĩĩ, “Mũmanyĩsya, nĩetie mwana wakwa kũla ũĩ, nũndũ nũlikĩtwe nĩ ĩimũ na yĩkamũvinga ũkethĩa ndaneena. 18Yĩla ĩimũ yĩu yamũkwata, nĩyĩmũlumanasya na nthĩ, ayumya ĩvũyũ na kanyw'a, aivevetany'a maeo na mwĩĩ wake w'onthe ũing'ang'athũka. Nĩkũlilye amanyĩw'a maku malũngye ĩimũ yĩu ĩndĩ maemwa.”
19Yesũ nĩwameie atĩĩ, “Inyw'ĩ andũ mũte na mũĩkĩĩo, naĩlĩte kwĩkala nenyu ĩvinda yĩana ata? Nĩũmĩanĩsya nenyu nginya ĩndĩĩ? Ndeteei kamwana kau vaa.” 20Na makaete vala ve Yesũ.
Yĩla ĩimũ yĩu yamwonie Yesũ oou, nĩyathingithisye kamwana kau mwĩĩ w'onthe na kavalũka na kwiliita mũthanganĩ kaumĩtye ĩvũyũ.
21Yesũ nĩwakũlilye ĩthe wa kamwana kau atĩĩ, “Kethĩĩtwe kailyĩ ũũ kwa ĩvinda yĩana ata?”
Nake amũsũngĩa, “Kuma ke o kana. 22Mavinda maingĩ ĩimũ yĩu nĩyendaa kũkoaa kwa kũkekya mwakinĩ kana kĩw'ũnĩ. Ethĩwa nũtonya, twĩw'ĩe tei na ũitũtethya!”
23Yesũ amũsũngĩa, “Atĩ, ‘Ethĩwa nũtonya!’ Maũndũ onthe nĩmatonyeka kwa ũla wĩ na mũĩkĩĩo.”
24O kwa mĩtũkĩ ĩthe wa kamwana kau nĩwaneenie na wasya mũnene asya atĩĩ, “Nĩngũĩkĩĩa, ĩndĩ ndethye nĩthĩwe na mũĩkĩĩo mwingĩ mbeange.”
25Yĩla Yesũ woonie andũ aingĩ masembete mamũmbĩĩe, nĩwatavisye ĩimũ yĩu, “We ĩimũ ũtumaa mũndũ ũtaneena kana kwĩw'a nthĩ, nĩngũkwĩaĩa, uma nthĩnĩ wa kamwana kaa na ndũkaakasyokee ĩngĩ!”
26Ĩimũ yĩu nĩyakayie na wasya mũnene na yathingithangya kamwana kau na yauma. Kamwana kau kekalile ũu ta kakw'ũ, na kwoou andũ aingĩ masya atĩĩ, “Nĩ kakw'a!” 27Ĩndĩ Yesũ akakwata kw'oko akokĩlya na kaũngama.
28Ĩtina wa Yesũ na amanyĩw'a make kũsyoka nyũmba me oka, amanyĩw'a make nĩmamũkũlilye atĩĩ, “Nĩkĩ ithyĩ tũtanatonya kũlũngya ĩimũ yĩu?”
29Nake amasũngĩa, “Maimũ ma mũthemba ũsu mailũngaw'a kwa nzĩa ĩngĩ eka kwa kũvoya.”#9.29 Maandĩko amwe ma tene ma Ndeto ya Ngai nĩmongelete na kũtĩĩa kũya
Yesũ Aineena Ĩngĩ ĩũlũ wa Kĩkw'ũ Kyake
(Mat 17.22-23; Lk 9.43-45)
30Yesũ vamwe na amanyĩw'a make nĩmaumie vau mathi mavĩtĩla kĩsionĩ kya Kalilii. Ndendaa andũ maimanya vala ũĩ, 31nũndũ akwete kũmanyĩsya amanyĩw'a make akĩmea atĩĩ, “Mwana wa Mũndũ akanenganwe ũtonyinĩ wa andũ, na makamũaa; ĩndĩ akathayũũka ĩtina wa mĩthenya ĩtatũ.”
32Amanyĩw'a make mayaaelewa nĩ ũndũ ũsu, ĩndĩ makĩa kũmũkũlya.
Amanyĩw'a Maikũlany'a nũũ ũla Mũnene katĩ Woo
(Mat 18.1-5; Lk 9.46-48)
33Yesũ na amanyĩw'a make nĩmaendie Kavelinaũmu. Me nyũmba, Yesũ nĩwakũlilye amanyĩw'a make atĩĩ, “Mwĩneenanasya ĩũlũ wa kyaũ twĩ nzĩanĩ?”
34 #
Lk 22.24
Mayaamũsũngĩa nũndũ me nzĩanĩ makũlanasya nũũ ũla mũnene katĩ woo. 35#Mat 20.26-27; 23.11; Mk 10.43-44; Lk 22.26 Yesũ nĩwekalile nthĩ na eeta amanyĩw'a asu ĩkũmi na elĩ mamũthengee na amea atĩĩ, “Ethĩwa mũndũ nũkwenda kwĩthĩwa mũnene wa ala angĩ, no nginya etw'ĩkĩthye mũnini wa onthe na aimathũkũma.” 36Nĩvo ĩndĩ waetie kana akaũngamya mbee woo, na akakwete na moko make amea, 37#Mat 10.40; Lk 10.16; Yoa 13.20 “Ũla ũthokasya o na kana ta kaa kwondũ wakwa, ethĩawa anthokya; na ũla ũnthokasya, ethĩawa anthoketye o vamwe na ũla ũndũmĩte.”
Ũla Ũteũleana Naitũ E Ngalĩko ĩla Yaitũ
(Lk 9.49-50)
38Yoana nĩwamwĩie Yesũ atĩĩ, “Mũmanyĩsya, ve mũndũ twonie ailũngya maimũ aitũmĩa ĩsyĩtwa yaku, na twamwĩa nĩaeke nũndũ ti wa nguthu ĩno yaitũ.” 39Nake Yesũ amwĩa atĩĩ, “Mũikamwĩe nĩaeke, nũndũ vai mũndũ wĩkaa kyama aitũmĩa ĩsyĩtwa yakwa ũtonya kwĩsa kũneena maũndũ mathũku ĩũlũ wakwa. 40#Mat 12.30; Lk 11.23 Mũndũ o na wĩva ũla ũteũleana naitũ, e ngalĩko ĩla yaitũ. 41#Mat 10.42 Kwa w'o nĩmũtavya kana mũndũ o na wĩva ũla ũkamũnenga kĩw'ũ mũnyw'e nĩkwĩthĩwa mwĩ ma Klĩsto, ndakaĩwa nĩ ĩtuvi yake.”
Kũlika Naĩnĩ nũndũ wa Matatwa
(Mat 18.6-9; Lk 17.1-2)
42“Ethĩwa ve mũndũ ũkatuma kamwe ka tũũ tũnini tũmbĩtĩkĩlaa kaluluutĩka, aĩlĩtwe nĩ kwoveewa ĩvia ĩnene ngingo na ayĩkw'a ũkanganĩ. 43#Mat 5.30 Kwoou ethĩwa kw'oko kwaku kũkatuma ũluluutĩka, kũtile! Nĩ kavaa kũlika thayũnĩ ũtathela wĩ na kĩmuthu, kũte kwĩthĩwa na moko elĩ na ũithi ĩianĩ ya mwaki ũtavoaa. [ 44Vau, ‘Iinyũ ila imaĩsaa iikusaa, na mwaki ũla ũmavĩvasya ndũvoaa o na ĩndĩĩ.’]#9.44 Maandĩko amwe ma tene ma Ndeto ya Ngai nĩmatiĩte mũsoa ũũ 45Ethĩwa kũũ kwaku kũkatuma ũluluutĩka, kũtile! Nĩ kavaa kũlika thayũnĩ ũtathela wĩna kũũ kũmwe, kũte kwĩthĩwa na maũũ elĩ na ũyĩkw'a ĩianĩ ya mwaki. [ 46Vau, ‘Iinyũ ila imaĩsaa iikusaa, na mwaki ũla ũmavĩvasya ndũvoaa o na ĩndĩĩ.’]#9.46 Maandĩko amwe ma tene ma Ndeto ya Ngai nĩmatiĩte mũsoa ũũ 47#Mat 5.29 Ethĩwa itho yaku nayo nĩyĩũtuma ũluluutĩka, yĩthong'olye! Nĩ kavaa kũlika ũsumbĩnĩ wa Ngai wĩ na nthongo, kũte kwĩthĩwa na metho elĩ na ũyĩkw'a ĩianĩ ya mwaki. 48#Ĩsa 66.24 Vau, ‘Iinyũ ila imaĩsaa iikusaa, na mwaki ũla ũmavĩvasya ndũvoaa o na ĩndĩĩ.’
49“Kĩla mũndũ akathew'a na mwaki o tondũ nthembo sya kũvĩvw'a itheaw'a syavakwa mũnyũ.
50 #
Mat 5.13; Lk 14.34-35 “Mũnyũ nĩ mũseo, ĩndĩ ethĩwa nĩwaasya mũsamo, vai kĩndũ kĩtũngĩĩa mũsamo waw'o. Ĩthĩwai na mũnyũ wa ũnyanya katĩ wenyu na mũyĩkalany'a na mũuo ũmwe kwa ũla ũngĩ.”
Currently Selected:
Mk 9: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Mk 9
9
1Yesũ nĩwaendeeie kũneena amea atĩĩ, “Nĩmũtavya w'o, andũ amwe maũngyĩ o vaa maikakw'a matanamba kwona ũsumbĩ wa Ngai ũyũka wĩ na vinya.”
Kũalyũka kwa Mũvw'ano wa Yesũ
(Mat 17.1-13; Lk 9.28-36)
2 #
2Vet 1.17-18
Ĩtina wa matukũ thanthatũ, Yesũ nĩwaendie e na Vetelo, Yakovo na Yoana vandũ me oka kĩĩmanĩ kĩtũlu. Me vau mũvw'ano wa Yesũ nĩwaalyũkile mamũsyaĩĩsye, 3na ngũa syake syeeũva kw'ũ, syakengakenga kũvĩtũka ũndũ mũndũ o na wĩva kũũ nthĩ ũtonya kũivũa ikekala. 4Nĩvo ĩndĩ Eliya na Mwose maumĩlile vau, na amanyĩw'a asu atatũ mamona maineena na Yesũ. 5Vetelo nĩweeie Yesũ atĩĩ, “Mũmanyĩsya, nĩ ũndũ ũseo kwitũ ithyĩ kwĩthĩwa twĩ vaa. Eka twake tũsũmba tũtatũ: Kamwe kaku, kangĩ ka Mwose na kangĩ ka Eliya.” 6Vetelo ndamanyaa ũndũ ũkwasya, nũndũ we na amanyĩw'a ala angĩ maĩ ĩmwe nĩmatelemete mũno.
7 #
Mat 3.17; Mk 1.11; Lk 3.22 Ĩtu nĩyesĩlile ĩũlũ woo na yamavw'ĩka, na wasya weew'ĩka wumĩte ĩtunĩ yĩu ũkwasya atĩĩ, “Ũũ nĩwe Mwana wakwa mwendwa; mwĩthukĩĩsyei!” 8Nĩmasiangisye mĩtũkĩ kũũ na kũũ ĩndĩ mayaaona mũndũ ũngĩ e namo ate o Yesũ.
9Matheete kuma kĩĩmanĩ, Yesũ nĩwameaĩie amea atĩĩ, “Mũikatavye mũndũ o na ũmwe ũndũ mwoona, kũvika yĩla Mwana wa Mũndũ wĩthayũũka kuma kwa akw'ũ.”
10Nĩmakwatie ũu Yesũ wamatavisye, ĩndĩ maendeea kũkũlany'a ene kwa ene atĩĩ, “Kũthayũũka kuma kwa akw'ũ nĩ kwasya ata?” 11#Mal 4.5; Mat 11.14 Nĩmakũlilye Yesũ atĩĩ, “Nĩkĩ amanyĩsya ma Mĩao maasya kana Eliya akamba kũsyoka kũũ nthĩ Mũtangĩĩi atanoka?”
12Nake amasũngĩa amea atĩĩ, “Eliya akooka mbee nĩ kana ombany'e maũndũ onthe. Ĩndĩ nĩkĩ Maandĩko Matheu maĩtye kana Mwana wa Mũndũ akathĩnw'a mũno na kũlewa? 13Nĩmũtavya w'o, Eliya nĩwookie na andũ mamwĩka o ũndũ mo ene mendie, o tondũ Maandĩko Matheu mekwasya ĩũlũ wake.”
Yesũ Aivosya Mwanake Walikĩtwe nĩ Ĩimũ
(Mat 17.14-21; Lk 9.37-43)
14Yĩla Yesũ na amanyĩw'a asu atatũ masyokie vala ve amanyĩw'a ala angĩ, nĩmoonie ĩkomano ĩnene yĩmathyũlũlũkĩte, na amanyĩsya amwe ma Mĩao maikananĩa namo. 15Andũ mamwona Yesũ nĩmaseng'ie mũno, na o kwa mĩtũkĩ masemba vala ũĩ mamũkethye. 16Yesũ nĩwakũlilye amanyĩw'a make atĩĩ, “Mwĩkananĩa namo ĩũlũ wa kyaũ?”
17Mũndũ ũmwe waĩ vau ĩkomanonĩ nĩwamũsũngĩie amwĩa atĩĩ, “Mũmanyĩsya, nĩetie mwana wakwa kũla ũĩ, nũndũ nũlikĩtwe nĩ ĩimũ na yĩkamũvinga ũkethĩa ndaneena. 18Yĩla ĩimũ yĩu yamũkwata, nĩyĩmũlumanasya na nthĩ, ayumya ĩvũyũ na kanyw'a, aivevetany'a maeo na mwĩĩ wake w'onthe ũing'ang'athũka. Nĩkũlilye amanyĩw'a maku malũngye ĩimũ yĩu ĩndĩ maemwa.”
19Yesũ nĩwameie atĩĩ, “Inyw'ĩ andũ mũte na mũĩkĩĩo, naĩlĩte kwĩkala nenyu ĩvinda yĩana ata? Nĩũmĩanĩsya nenyu nginya ĩndĩĩ? Ndeteei kamwana kau vaa.” 20Na makaete vala ve Yesũ.
Yĩla ĩimũ yĩu yamwonie Yesũ oou, nĩyathingithisye kamwana kau mwĩĩ w'onthe na kavalũka na kwiliita mũthanganĩ kaumĩtye ĩvũyũ.
21Yesũ nĩwakũlilye ĩthe wa kamwana kau atĩĩ, “Kethĩĩtwe kailyĩ ũũ kwa ĩvinda yĩana ata?”
Nake amũsũngĩa, “Kuma ke o kana. 22Mavinda maingĩ ĩimũ yĩu nĩyendaa kũkoaa kwa kũkekya mwakinĩ kana kĩw'ũnĩ. Ethĩwa nũtonya, twĩw'ĩe tei na ũitũtethya!”
23Yesũ amũsũngĩa, “Atĩ, ‘Ethĩwa nũtonya!’ Maũndũ onthe nĩmatonyeka kwa ũla wĩ na mũĩkĩĩo.”
24O kwa mĩtũkĩ ĩthe wa kamwana kau nĩwaneenie na wasya mũnene asya atĩĩ, “Nĩngũĩkĩĩa, ĩndĩ ndethye nĩthĩwe na mũĩkĩĩo mwingĩ mbeange.”
25Yĩla Yesũ woonie andũ aingĩ masembete mamũmbĩĩe, nĩwatavisye ĩimũ yĩu, “We ĩimũ ũtumaa mũndũ ũtaneena kana kwĩw'a nthĩ, nĩngũkwĩaĩa, uma nthĩnĩ wa kamwana kaa na ndũkaakasyokee ĩngĩ!”
26Ĩimũ yĩu nĩyakayie na wasya mũnene na yathingithangya kamwana kau na yauma. Kamwana kau kekalile ũu ta kakw'ũ, na kwoou andũ aingĩ masya atĩĩ, “Nĩ kakw'a!” 27Ĩndĩ Yesũ akakwata kw'oko akokĩlya na kaũngama.
28Ĩtina wa Yesũ na amanyĩw'a make kũsyoka nyũmba me oka, amanyĩw'a make nĩmamũkũlilye atĩĩ, “Nĩkĩ ithyĩ tũtanatonya kũlũngya ĩimũ yĩu?”
29Nake amasũngĩa, “Maimũ ma mũthemba ũsu mailũngaw'a kwa nzĩa ĩngĩ eka kwa kũvoya.”#9.29 Maandĩko amwe ma tene ma Ndeto ya Ngai nĩmongelete na kũtĩĩa kũya
Yesũ Aineena Ĩngĩ ĩũlũ wa Kĩkw'ũ Kyake
(Mat 17.22-23; Lk 9.43-45)
30Yesũ vamwe na amanyĩw'a make nĩmaumie vau mathi mavĩtĩla kĩsionĩ kya Kalilii. Ndendaa andũ maimanya vala ũĩ, 31nũndũ akwete kũmanyĩsya amanyĩw'a make akĩmea atĩĩ, “Mwana wa Mũndũ akanenganwe ũtonyinĩ wa andũ, na makamũaa; ĩndĩ akathayũũka ĩtina wa mĩthenya ĩtatũ.”
32Amanyĩw'a make mayaaelewa nĩ ũndũ ũsu, ĩndĩ makĩa kũmũkũlya.
Amanyĩw'a Maikũlany'a nũũ ũla Mũnene katĩ Woo
(Mat 18.1-5; Lk 9.46-48)
33Yesũ na amanyĩw'a make nĩmaendie Kavelinaũmu. Me nyũmba, Yesũ nĩwakũlilye amanyĩw'a make atĩĩ, “Mwĩneenanasya ĩũlũ wa kyaũ twĩ nzĩanĩ?”
34 #
Lk 22.24
Mayaamũsũngĩa nũndũ me nzĩanĩ makũlanasya nũũ ũla mũnene katĩ woo. 35#Mat 20.26-27; 23.11; Mk 10.43-44; Lk 22.26 Yesũ nĩwekalile nthĩ na eeta amanyĩw'a asu ĩkũmi na elĩ mamũthengee na amea atĩĩ, “Ethĩwa mũndũ nũkwenda kwĩthĩwa mũnene wa ala angĩ, no nginya etw'ĩkĩthye mũnini wa onthe na aimathũkũma.” 36Nĩvo ĩndĩ waetie kana akaũngamya mbee woo, na akakwete na moko make amea, 37#Mat 10.40; Lk 10.16; Yoa 13.20 “Ũla ũthokasya o na kana ta kaa kwondũ wakwa, ethĩawa anthokya; na ũla ũnthokasya, ethĩawa anthoketye o vamwe na ũla ũndũmĩte.”
Ũla Ũteũleana Naitũ E Ngalĩko ĩla Yaitũ
(Lk 9.49-50)
38Yoana nĩwamwĩie Yesũ atĩĩ, “Mũmanyĩsya, ve mũndũ twonie ailũngya maimũ aitũmĩa ĩsyĩtwa yaku, na twamwĩa nĩaeke nũndũ ti wa nguthu ĩno yaitũ.” 39Nake Yesũ amwĩa atĩĩ, “Mũikamwĩe nĩaeke, nũndũ vai mũndũ wĩkaa kyama aitũmĩa ĩsyĩtwa yakwa ũtonya kwĩsa kũneena maũndũ mathũku ĩũlũ wakwa. 40#Mat 12.30; Lk 11.23 Mũndũ o na wĩva ũla ũteũleana naitũ, e ngalĩko ĩla yaitũ. 41#Mat 10.42 Kwa w'o nĩmũtavya kana mũndũ o na wĩva ũla ũkamũnenga kĩw'ũ mũnyw'e nĩkwĩthĩwa mwĩ ma Klĩsto, ndakaĩwa nĩ ĩtuvi yake.”
Kũlika Naĩnĩ nũndũ wa Matatwa
(Mat 18.6-9; Lk 17.1-2)
42“Ethĩwa ve mũndũ ũkatuma kamwe ka tũũ tũnini tũmbĩtĩkĩlaa kaluluutĩka, aĩlĩtwe nĩ kwoveewa ĩvia ĩnene ngingo na ayĩkw'a ũkanganĩ. 43#Mat 5.30 Kwoou ethĩwa kw'oko kwaku kũkatuma ũluluutĩka, kũtile! Nĩ kavaa kũlika thayũnĩ ũtathela wĩ na kĩmuthu, kũte kwĩthĩwa na moko elĩ na ũithi ĩianĩ ya mwaki ũtavoaa. [ 44Vau, ‘Iinyũ ila imaĩsaa iikusaa, na mwaki ũla ũmavĩvasya ndũvoaa o na ĩndĩĩ.’]#9.44 Maandĩko amwe ma tene ma Ndeto ya Ngai nĩmatiĩte mũsoa ũũ 45Ethĩwa kũũ kwaku kũkatuma ũluluutĩka, kũtile! Nĩ kavaa kũlika thayũnĩ ũtathela wĩna kũũ kũmwe, kũte kwĩthĩwa na maũũ elĩ na ũyĩkw'a ĩianĩ ya mwaki. [ 46Vau, ‘Iinyũ ila imaĩsaa iikusaa, na mwaki ũla ũmavĩvasya ndũvoaa o na ĩndĩĩ.’]#9.46 Maandĩko amwe ma tene ma Ndeto ya Ngai nĩmatiĩte mũsoa ũũ 47#Mat 5.29 Ethĩwa itho yaku nayo nĩyĩũtuma ũluluutĩka, yĩthong'olye! Nĩ kavaa kũlika ũsumbĩnĩ wa Ngai wĩ na nthongo, kũte kwĩthĩwa na metho elĩ na ũyĩkw'a ĩianĩ ya mwaki. 48#Ĩsa 66.24 Vau, ‘Iinyũ ila imaĩsaa iikusaa, na mwaki ũla ũmavĩvasya ndũvoaa o na ĩndĩĩ.’
49“Kĩla mũndũ akathew'a na mwaki o tondũ nthembo sya kũvĩvw'a itheaw'a syavakwa mũnyũ.
50 #
Mat 5.13; Lk 14.34-35 “Mũnyũ nĩ mũseo, ĩndĩ ethĩwa nĩwaasya mũsamo, vai kĩndũ kĩtũngĩĩa mũsamo waw'o. Ĩthĩwai na mũnyũ wa ũnyanya katĩ wenyu na mũyĩkalany'a na mũuo ũmwe kwa ũla ũngĩ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011