Yovu 26
26
Yovu Ailea ũtao wa Mbilitati
1Nĩvo ĩndĩ Yovu wasũngĩie asya atĩĩ,
2“Mwa nũtethetye ala mate na vinya!
Nũtangĩĩte andũ ala matetonya!
3Nũnengete ũtao nyie mũndũ ũte na ũmanyi,
na kũmbuanĩsya kwĩthĩwa na ũĩ mwingĩ nyie mũndũ mũtumanu!
4Ũla ũkũtetheesye ũneene ndeto ii nũũ?
Ũla ũkũnengie ndeto ii ũneene nũũ?”
Mbilitati Aiendeea Kũneena
5“Maveva ma ala akw'ũ, ala me vala maveva ma ala akw'ũ mekalaa,
kĩw'ũnĩ na ku nthĩ, me thĩnanĩ mũnene.
6Ngai nĩwene vala maveva ma ala akw'ũ mekalaa,
vai kĩndũ kĩvakunĩkĩte.
7Ngai nĩwiĩte yayaya ya ngalĩko ya ĩũlũ vala yaĩlĩte,
nũsũĩtye nthĩ ĩtakwetwe nĩ kĩndũ.
8Ngai nĩwe wusũasya matu na kĩw'ũ,
na nĩwe ũtumaa matatembũwa nĩ ũito wa kĩw'ũ.
9Ngai nĩwe ũvw'ĩkaa mwei wĩ mũima,
nũtambũũkasya matu make makaũvw'ĩka.
10Nĩwaanisye kyeni na kĩvindu,
kwa kwia mũvaka wa kĩthyũlũlũ ũkanganĩ.
11Ituĩ ila itw'ĩĩkĩte matu nithingithaw'a nĩ w'ĩa,
yĩla Ngai wavanga kũsyananga.
12Nĩwavindĩthisye ũkanga na vinya wake;
nĩwatilangile Laavi#26.12 Laavi: Sisya 9.13 ilungu aitũmĩa ũĩ wake.
13Veva wake nũvetangaa matu kũkathea;
kw'oko kwake nĩkwooaie nzoka ĩnyolokete mĩtũkĩ.
14Ĩndĩ aa no maũndũ mavũthũ ma vinya wa Ngai,
tũmaũndũ tũla twĩw'ĩte ĩũlũ wake nĩ tũnini.
Kwoou nũũ ũla ũtonya kũmanya ũnene wa vinya wake?”
Currently Selected:
Yovu 26: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Yovu 26
26
Yovu Ailea ũtao wa Mbilitati
1Nĩvo ĩndĩ Yovu wasũngĩie asya atĩĩ,
2“Mwa nũtethetye ala mate na vinya!
Nũtangĩĩte andũ ala matetonya!
3Nũnengete ũtao nyie mũndũ ũte na ũmanyi,
na kũmbuanĩsya kwĩthĩwa na ũĩ mwingĩ nyie mũndũ mũtumanu!
4Ũla ũkũtetheesye ũneene ndeto ii nũũ?
Ũla ũkũnengie ndeto ii ũneene nũũ?”
Mbilitati Aiendeea Kũneena
5“Maveva ma ala akw'ũ, ala me vala maveva ma ala akw'ũ mekalaa,
kĩw'ũnĩ na ku nthĩ, me thĩnanĩ mũnene.
6Ngai nĩwene vala maveva ma ala akw'ũ mekalaa,
vai kĩndũ kĩvakunĩkĩte.
7Ngai nĩwiĩte yayaya ya ngalĩko ya ĩũlũ vala yaĩlĩte,
nũsũĩtye nthĩ ĩtakwetwe nĩ kĩndũ.
8Ngai nĩwe wusũasya matu na kĩw'ũ,
na nĩwe ũtumaa matatembũwa nĩ ũito wa kĩw'ũ.
9Ngai nĩwe ũvw'ĩkaa mwei wĩ mũima,
nũtambũũkasya matu make makaũvw'ĩka.
10Nĩwaanisye kyeni na kĩvindu,
kwa kwia mũvaka wa kĩthyũlũlũ ũkanganĩ.
11Ituĩ ila itw'ĩĩkĩte matu nithingithaw'a nĩ w'ĩa,
yĩla Ngai wavanga kũsyananga.
12Nĩwavindĩthisye ũkanga na vinya wake;
nĩwatilangile Laavi#26.12 Laavi: Sisya 9.13 ilungu aitũmĩa ũĩ wake.
13Veva wake nũvetangaa matu kũkathea;
kw'oko kwake nĩkwooaie nzoka ĩnyolokete mĩtũkĩ.
14Ĩndĩ aa no maũndũ mavũthũ ma vinya wa Ngai,
tũmaũndũ tũla twĩw'ĩte ĩũlũ wake nĩ tũnini.
Kwoou nũũ ũla ũtonya kũmanya ũnene wa vinya wake?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011