Ĩsa 65
65
Ũsilĩlo na Ũtangĩĩo
1 #
Alo 10.20
Mwĩai Ngai easya atĩĩ,
“Nĩneevuanisye kwa ala mataakũlya vala nĩĩ,
nĩnoonekie nĩ ala mataamantha.
Nĩnaneenie na mbaĩ ĩla ĩtaambĩkaĩla namĩa atĩĩ, ‘Nĩ vaa! Nĩ vaa!’
2 #
Alo 10.21
Mũthenya mũima nĩnĩtambũũkĩsye andũ ang'endu kw'oko kwakwa,
ala maatĩĩaa nzĩa ite nzeo,
na kũatĩĩa mosũanĩo moo ene.
3Nĩ andũ manthatasya kĩla ĩvinda mate na nthoni,
andũ mathembeaa ngai syoo mĩũndanĩ,
na kũvĩvĩsya ũvani ithembeonĩ sya mavali.
4Nĩ andũ mekalaa nthĩ kũla kwĩ mbũa,
na kwĩkala ũtukũ mũima kũndũ mevithĩte.
Maĩsaa nyama sya ngũlũe,
na mbisũ syoo syĩthĩawa na suvu wa nyama ite ntheu.
5Maneenaa makea andũ atĩĩ,
‘Ĩkala vaasa, ndũkanthengee nũndũ nyie nĩ mũtheu kwĩ we!’
Andũ asu nĩmanthatasya mũno,
ũthatu wakwa nĩ ta mwaki wakanaa mũthenya w'onthe.
6“Mbee wakwa kũandĩkĩtwe atĩĩ,
‘Ndikavindya, ĩndĩ ngaĩvanĩsya,
ĩĩ, ngamaĩvanĩsya mũno.
7Ĩĩ, nyie Mwĩai Ngai nĩasya kana ngamaĩvanĩsya mũno,
nũndũ wa naĩ syoo na sya aaũmae moo,
nĩkwĩthĩwa nĩmavĩvĩisye ngai syoo ũvani iĩmanĩ,
na manumangĩa kũu tũlĩmanĩ.
Ngamaĩvanĩsya mũno nũndũ wa meko moo ala mavĩtũku.’ ”
8Mwĩai Ngai easya atĩĩ,
“O tondũ mũndũ wĩthĩaa kĩtũngo kya nzavivũ nzeo,
na andũ mayasya, ‘Ndũkakyanange,
nĩkwĩthĩwa nthĩnĩ wakyo ve ũathimo,’
now'o nakwa ngekana na athũkũmi makwa;
ndikamamina onthe.
9Ngatuma andũ ma Ĩsilaeli methĩwa na nzyawa,
na kuma Yuta vakeethĩwa nzyawa sya kũtiĩwa iĩma syakwa.
Andũ makwa anyuve makaimesya,
namo athũkũmi makwa makatũaa kw'o.
10 #
Yos 7.24-26
Ũiĩ wa Saloni ũkatw'ĩka kĩsesi kya kũĩthĩsya mbũi na malondu,
naw'o mwanda wa Akoli ũkatw'ĩka vandũ va kũtindiwa nĩ ng'ombe sya andũ makwa ala mamanthaa.
11“Inyw'ĩ ala mũndiĩte nyie Mwĩai Ngai,
ala mũekanĩte na Saioni kĩĩma kyakwa kĩtheu,
na mũthaithaa ngai yĩtawa, ‘Ngandi,’#65.11 Ngandi: Ũalyũlo wa ĩsyĩtwa yĩĩ nĩ vaati
na kũthembea ndivai ngai yĩtawa, ‘Meni’#65.11 Meni: Ũalyũlo wa ĩsyĩtwa yĩĩ nĩ mbanga. Aa nĩ masyĩtwa ma ngai sya mĩvw'anano.
12Ngamũtw'ĩĩa kũawa na ũvyũ,
inyw'onthe mũkeenengane mũawe!
Nĩkwĩthĩwa yĩla namwĩtie, mũyaambĩtĩka;
yĩla naneenie, mũyaambĩthukĩĩsya.
Ĩndĩ mweekie ũla ndalaa kwĩthĩwa ũthũku,
na mwanyuva kwĩka kĩla kĩtambendeeasya.”
13Kwondũ wa ũu Mwĩai Ngai Mũsumbĩ easya atĩĩ,
“Athũkũmi makwa makaya,
ĩndĩ inyw'ĩ mũkeethĩwa na nzaa;
athũkũmi makwa makanyw'a,
ĩndĩ inyw'ĩ mũkeethĩwa na waũni;
athũkũmi makwa makatana,
ĩndĩ inyw'ĩ mũkasonokw'a.
14Athũkũmi makwa makaina na mũyo ngoonĩ,
ĩndĩ inyw'ĩ mũkaĩa na woo ngoonĩ,
na mũkakaya nũndũ wa woo thayũnĩ.
15Ala nĩnyuvĩte makatũmĩaa ĩsyĩtwa yenyu kũumanĩa.
Nyie Mwĩai Ngai Mũsumbĩ ngamũaa,
ĩndĩ nganenga athũkũmi makwa ĩsyĩtwa yĩngĩ.
16Mũndũ ũla wĩĩtya ũathimo e kũũ nthĩ,
akeetya ũathimo kuma kwa Ngai ũla wa w'o,
na ũla wĩĩvĩta e kũũ nthĩ,
akeevĩta ĩsyĩtwanĩ ya Ngai ũla wa w'o.
Nĩkwĩthĩwa mathĩna ma tene nĩmolĩte,
nĩmavetetwe vyũ kuma vala nĩĩ.”
Matu Meũ na Nthĩ Nzaũ
17 #
Ĩsa 66.22; 2Vet 3.13; Ũvu 21.1 Mwĩai Ngai easya atĩĩ,
“Yu nĩngũmba matu meũ na nthĩ nzaũ;
maũndũ ma tene maikalilikanwa,
o na maikoka mosũanĩonĩ ĩngĩ.
18Tanai na kwĩw'a mũyo tene na tene,
nũndũ wa syĩndũ ila ngũmba;
nĩkwĩthĩwa nĩngũtw'ĩkĩthya Yelũsalemu ndũa ya ũtanu,
na andũ mayo andũ atanu.
19 #
Ũvu 21.4
Nakwa ngatana nũndũ wa Yelũsalemu,
na ngeew'a mũyo nũndũ wa andũ makwa.
Kũikew'ĩka ĩngĩ wasya wa kĩĩo ndũanĩ ĩsu,
o na kũikew'ĩka ĩngĩ mũndũ ũkũkaya e thĩnanĩ.
20Kũikethĩwa ĩngĩ ikw'ũ sya syana nini,
andũ akũũ namo maikakw'a ĩvinda yoo yĩte ĩviku.
Ũla wakw'a e na myaka ĩana, akatalawa ta wakw'a e wa mũika,
na ũla wakw'a atavikĩtye myaka ĩana akatalawa ta mũumanĩe.
21Makaaka nyũmba na kwĩkala nthĩnĩ wasyo;
makavanda mĩũnda ya mĩsavivũ na kũya matunda mayo.
22Maikaka na mũndũ ũngĩ aitũa vo,
kana kũvanda na ũngĩ aiya.
Nĩkwĩthĩwa andũ makwa makekala myaka mingĩ ta mĩtĩ,
andũ makwa ala nĩnyuvĩte makatanĩa wĩa wa moko moo ĩvinda ĩasa.
23Maikathũkũma mana,
kana kũsyaa syana sya kũkwatwa nĩ thĩna,
nĩkwĩthĩwa mo nĩ ũsyao ũathimĩtwe ninyie Mwĩai Ngai,
na nzyawa syoo o nasyo nĩ ngathime.
24Ngeetĩkaa o na matanamba kũmbĩta,
ngamasũngĩaa o na matanamba kũmina kũneena.
25 #
Ĩsa 11.6-9
Nzũi na katena ka ĩlondu ikaya vamwe,
mũnyambũ ũkaĩsaa nyeki ta ng'ombe,
na nzoka ĩkaĩsaa mũthanga.
Kĩĩmanĩ kyakwa kĩtheu,
vaikethĩwa kũũmĩany'a kana kwĩkana naĩ.
Nĩasya ũu nyie Mwĩai Ngai.”
Currently Selected:
Ĩsa 65: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 65
65
Ũsilĩlo na Ũtangĩĩo
1 #
Alo 10.20
Mwĩai Ngai easya atĩĩ,
“Nĩneevuanisye kwa ala mataakũlya vala nĩĩ,
nĩnoonekie nĩ ala mataamantha.
Nĩnaneenie na mbaĩ ĩla ĩtaambĩkaĩla namĩa atĩĩ, ‘Nĩ vaa! Nĩ vaa!’
2 #
Alo 10.21
Mũthenya mũima nĩnĩtambũũkĩsye andũ ang'endu kw'oko kwakwa,
ala maatĩĩaa nzĩa ite nzeo,
na kũatĩĩa mosũanĩo moo ene.
3Nĩ andũ manthatasya kĩla ĩvinda mate na nthoni,
andũ mathembeaa ngai syoo mĩũndanĩ,
na kũvĩvĩsya ũvani ithembeonĩ sya mavali.
4Nĩ andũ mekalaa nthĩ kũla kwĩ mbũa,
na kwĩkala ũtukũ mũima kũndũ mevithĩte.
Maĩsaa nyama sya ngũlũe,
na mbisũ syoo syĩthĩawa na suvu wa nyama ite ntheu.
5Maneenaa makea andũ atĩĩ,
‘Ĩkala vaasa, ndũkanthengee nũndũ nyie nĩ mũtheu kwĩ we!’
Andũ asu nĩmanthatasya mũno,
ũthatu wakwa nĩ ta mwaki wakanaa mũthenya w'onthe.
6“Mbee wakwa kũandĩkĩtwe atĩĩ,
‘Ndikavindya, ĩndĩ ngaĩvanĩsya,
ĩĩ, ngamaĩvanĩsya mũno.
7Ĩĩ, nyie Mwĩai Ngai nĩasya kana ngamaĩvanĩsya mũno,
nũndũ wa naĩ syoo na sya aaũmae moo,
nĩkwĩthĩwa nĩmavĩvĩisye ngai syoo ũvani iĩmanĩ,
na manumangĩa kũu tũlĩmanĩ.
Ngamaĩvanĩsya mũno nũndũ wa meko moo ala mavĩtũku.’ ”
8Mwĩai Ngai easya atĩĩ,
“O tondũ mũndũ wĩthĩaa kĩtũngo kya nzavivũ nzeo,
na andũ mayasya, ‘Ndũkakyanange,
nĩkwĩthĩwa nthĩnĩ wakyo ve ũathimo,’
now'o nakwa ngekana na athũkũmi makwa;
ndikamamina onthe.
9Ngatuma andũ ma Ĩsilaeli methĩwa na nzyawa,
na kuma Yuta vakeethĩwa nzyawa sya kũtiĩwa iĩma syakwa.
Andũ makwa anyuve makaimesya,
namo athũkũmi makwa makatũaa kw'o.
10 #
Yos 7.24-26
Ũiĩ wa Saloni ũkatw'ĩka kĩsesi kya kũĩthĩsya mbũi na malondu,
naw'o mwanda wa Akoli ũkatw'ĩka vandũ va kũtindiwa nĩ ng'ombe sya andũ makwa ala mamanthaa.
11“Inyw'ĩ ala mũndiĩte nyie Mwĩai Ngai,
ala mũekanĩte na Saioni kĩĩma kyakwa kĩtheu,
na mũthaithaa ngai yĩtawa, ‘Ngandi,’#65.11 Ngandi: Ũalyũlo wa ĩsyĩtwa yĩĩ nĩ vaati
na kũthembea ndivai ngai yĩtawa, ‘Meni’#65.11 Meni: Ũalyũlo wa ĩsyĩtwa yĩĩ nĩ mbanga. Aa nĩ masyĩtwa ma ngai sya mĩvw'anano.
12Ngamũtw'ĩĩa kũawa na ũvyũ,
inyw'onthe mũkeenengane mũawe!
Nĩkwĩthĩwa yĩla namwĩtie, mũyaambĩtĩka;
yĩla naneenie, mũyaambĩthukĩĩsya.
Ĩndĩ mweekie ũla ndalaa kwĩthĩwa ũthũku,
na mwanyuva kwĩka kĩla kĩtambendeeasya.”
13Kwondũ wa ũu Mwĩai Ngai Mũsumbĩ easya atĩĩ,
“Athũkũmi makwa makaya,
ĩndĩ inyw'ĩ mũkeethĩwa na nzaa;
athũkũmi makwa makanyw'a,
ĩndĩ inyw'ĩ mũkeethĩwa na waũni;
athũkũmi makwa makatana,
ĩndĩ inyw'ĩ mũkasonokw'a.
14Athũkũmi makwa makaina na mũyo ngoonĩ,
ĩndĩ inyw'ĩ mũkaĩa na woo ngoonĩ,
na mũkakaya nũndũ wa woo thayũnĩ.
15Ala nĩnyuvĩte makatũmĩaa ĩsyĩtwa yenyu kũumanĩa.
Nyie Mwĩai Ngai Mũsumbĩ ngamũaa,
ĩndĩ nganenga athũkũmi makwa ĩsyĩtwa yĩngĩ.
16Mũndũ ũla wĩĩtya ũathimo e kũũ nthĩ,
akeetya ũathimo kuma kwa Ngai ũla wa w'o,
na ũla wĩĩvĩta e kũũ nthĩ,
akeevĩta ĩsyĩtwanĩ ya Ngai ũla wa w'o.
Nĩkwĩthĩwa mathĩna ma tene nĩmolĩte,
nĩmavetetwe vyũ kuma vala nĩĩ.”
Matu Meũ na Nthĩ Nzaũ
17 #
Ĩsa 66.22; 2Vet 3.13; Ũvu 21.1 Mwĩai Ngai easya atĩĩ,
“Yu nĩngũmba matu meũ na nthĩ nzaũ;
maũndũ ma tene maikalilikanwa,
o na maikoka mosũanĩonĩ ĩngĩ.
18Tanai na kwĩw'a mũyo tene na tene,
nũndũ wa syĩndũ ila ngũmba;
nĩkwĩthĩwa nĩngũtw'ĩkĩthya Yelũsalemu ndũa ya ũtanu,
na andũ mayo andũ atanu.
19 #
Ũvu 21.4
Nakwa ngatana nũndũ wa Yelũsalemu,
na ngeew'a mũyo nũndũ wa andũ makwa.
Kũikew'ĩka ĩngĩ wasya wa kĩĩo ndũanĩ ĩsu,
o na kũikew'ĩka ĩngĩ mũndũ ũkũkaya e thĩnanĩ.
20Kũikethĩwa ĩngĩ ikw'ũ sya syana nini,
andũ akũũ namo maikakw'a ĩvinda yoo yĩte ĩviku.
Ũla wakw'a e na myaka ĩana, akatalawa ta wakw'a e wa mũika,
na ũla wakw'a atavikĩtye myaka ĩana akatalawa ta mũumanĩe.
21Makaaka nyũmba na kwĩkala nthĩnĩ wasyo;
makavanda mĩũnda ya mĩsavivũ na kũya matunda mayo.
22Maikaka na mũndũ ũngĩ aitũa vo,
kana kũvanda na ũngĩ aiya.
Nĩkwĩthĩwa andũ makwa makekala myaka mingĩ ta mĩtĩ,
andũ makwa ala nĩnyuvĩte makatanĩa wĩa wa moko moo ĩvinda ĩasa.
23Maikathũkũma mana,
kana kũsyaa syana sya kũkwatwa nĩ thĩna,
nĩkwĩthĩwa mo nĩ ũsyao ũathimĩtwe ninyie Mwĩai Ngai,
na nzyawa syoo o nasyo nĩ ngathime.
24Ngeetĩkaa o na matanamba kũmbĩta,
ngamasũngĩaa o na matanamba kũmina kũneena.
25 #
Ĩsa 11.6-9
Nzũi na katena ka ĩlondu ikaya vamwe,
mũnyambũ ũkaĩsaa nyeki ta ng'ombe,
na nzoka ĩkaĩsaa mũthanga.
Kĩĩmanĩ kyakwa kĩtheu,
vaikethĩwa kũũmĩany'a kana kwĩkana naĩ.
Nĩasya ũu nyie Mwĩai Ngai.”
BIBLE SOCIETY OF KENYA © 2011