Ĩsa 60
60
Ũkumyo wa Yelũsalemu ũla Wũkĩte
1Ũkĩla we Yelũsalemu, na ũitisa ta syũa,
nũndũ ũtheu mũtisu wa Mwĩai Ngai nũkũmulĩkĩte.
2Nthĩ ĩkavw'ĩkwa nĩ kĩvindu,
andũ ma mbaĩ syonthe makavw'ĩkwa nĩ kĩvindu kĩkamu,
ĩndĩ Mwĩai Ngai akakũmulĩkĩla,
na ũtheu wake mũtisu ũkakumĩlĩĩla.
3Mbaĩ sya andũ ikooka kũla ũĩ nũndũ wa kyeni kyaku,
na asumbĩ makooka kũla ũĩ nũndũ wa ũtisu waku ũla ũkethĩwa ta wa syũa yĩyuma.
4Sisya ngalĩko syonthe wone,
andũ mombanĩte vamwe mokĩte vala ũĩ.
Ana maku makooka kuma kũasa,
na eĩtu maku makakuwa ta twana.
5Nĩvo ĩndĩ wĩona ũu na ũyusũwa nĩ ũtanu,
ngoo yaku ĩkatana na kwĩw'a mũyo mũno,
nũndũ ũkaetewe ũthwii ũla wĩ mokanganĩ,
na kũetewe mothwii ma andũ ma nthĩ ingĩ.
6Ngamĩle mbingĩ ikooka syusũe nthĩ yaku,
ngamĩle sya mũika kuma Mitiani na Evaa;
syonthe sya kuma Sieva ikooka.
Ikooka ikuĩte thaavu na ũvani,
na andũ makatavany'a nguma sya Mwĩai Ngai.
7Ũkoombanĩw'a ndĩthya syonthe sya mbũi na malondu kuma Ketali,
ũkaetewe ndũũme sya Nevaiothi syĩthĩwe nthembo.
Ikathembewa kĩthembeonĩ kyakwa nyie Mwĩai Ngai na ngasyĩtĩkĩla,
na ngatuma Ĩkalũ yakwa yĩla yĩkumaw'a yĩtaĩwa.
8Aa naaũ maũlũkĩte ta matu,
na mailyĩ ta mavũĩ maendete ndalanĩ syamo?
9Nĩ meli syumĩte nthĩ syĩ kũasa,
syĩnũkĩtye ana maku makuĩte thaavu na silĩva woo,
kwondũ wa ndaĩa ya Mwĩai Ngai, Ngai waku,
na kwondũ wa ndaĩa ya Ũla Mũtheu wa Ĩsilaeli,
nĩkwĩthĩwa nĩwe ũtumĩte ũnengwa ndaĩa.
10Mwĩai Ngai eĩa Yelũsalemu atĩĩ,
“Aeni makaaka ngũta syaku ĩngĩ,
na asumbĩ moo makaũthũkũma.
O na kau nĩnakũkanisye ũthatunĩ wakwa,
ũseonĩ wakwa nĩngwĩw'ĩĩte tei.
11 #
Ũvu 21.25-26
Mĩvĩa yaku ĩkekalaa yĩ mĩvingũe kĩla ĩvinda,
ndĩkavingwa ũtukũ na mũthenya,
nĩ kana andũ makũetee ũthwii wa nthĩ ingĩ,
me na asumbĩ moo mokĩte maatĩanĩe.
12Nĩkwĩthĩwa nthĩ kana ũsumbĩ ũla ũtakakũthũkũma ũkaminwa,
nthĩ isu ikaanangwa vyũ.
13“Ũkaetewe ũseo w'onthe wa mũtitũ wa Levanoni,
naw'o nĩ mĩtĩ ya mĩtalakwe, mĩtindali na ya mĩkũũ ya kwanakavya Ĩkalũ yakwa,
nakwa ngaanakavya wĩkalo wakwa.
14 #
Ũvu 3.9
Nzyawa sya ala makũthĩnasya ikooka ikumane mbee waku ikũnenge ndaĩa,
na onthe ala makũvũthisye makakumana mbee waku;
makakwĩta, ‘Ndũa ya Mwĩai Ngai,’
‘Saioni, ndũa ya Ũla Mũtheu wa Ĩsilaeli.’
15“O na kau nĩwatiiwe na wamenwa,
na vai mũndũ waĩ esĩla nthĩnĩ waku,
yu nĩngũtuma wĩthĩwa na ndaĩa tene na tene,
na ũkeethĩwa ndũa yĩ na ũtanu ĩvindanĩ yonthe yĩla yũkĩte.
16Andũ ma nthĩ syonthe na asumbĩ makakũsũvĩa,
ũndũ nyinyia wa kana ũkasũvĩaa.
Nĩvo ĩndĩ wĩmanya kana nyie Mwĩai Ngai ninyie Mũtangĩĩi waku,
Mwovosya waku, Ngai wa Yakovo Ũla wĩ Ũtonyi.
17Ngakũetee thaavu vandũ va mbulonzi,
silĩva vandũ va kyũma,
mbulonzi vandũ va mũtĩ,
na kyũma vandũ va mavia.
Ngatuma mũuo wĩthĩwa ta w'o mũsyaĩĩsya waku,
na ũlũngalu ũyĩthĩwa ta w'o mũũngamĩi waku.
18Nthĩ yaku ndĩkethĩwa na kĩthokoo ĩngĩ;
vaikethĩwa ũomboku na wanangĩko nthĩnĩ waku.
Ũkeeta ngũta syaku Ũtangĩĩo,
na ũyĩta mĩvĩa yaku Ũtaĩo.
19 #
Ũvu 21.23; 22.5 Syũa yĩikethĩwa ĩngĩ kyeni kyaku kya mũthenya,
o na mwei ndũkakũmulĩkĩla ũtukũ;
nũndũ nyie Mwĩai Ngai ninyie kyeni kyaku kya tene na tene,
nakwa nyie Ngai waku ngeethĩwa ũkumyo waku.
20Syũa yaku yĩikathũa ĩngĩ,
na mwei waku ndũkatuka ĩngĩ,
nũndũ nyie Mwĩai Ngai ngeethĩwa kyeni kyaku kya tene na tene,
na mĩthenya yaku ya kyeva ĩkathela.
21Nĩvo ĩndĩ andũ maku onthe meĩthĩwa me alũngalu,
na makamesya nthĩ ĩno tene na tene.
Nĩmo nthongoo ĩla nĩvandĩte,
nĩ wĩa wa moko makwa nĩ kana nĩtaĩwe.
22Ala anini katĩ woo makaingĩva matw'ĩke mbaĩ,
na ala anini vyũ maitw'ĩka nthĩ nene.
Ninyie Mwĩai Ngai,
na ĩvinda yavika ngeeka ũu mĩtũkĩ.”
Currently Selected:
Ĩsa 60: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 60
60
Ũkumyo wa Yelũsalemu ũla Wũkĩte
1Ũkĩla we Yelũsalemu, na ũitisa ta syũa,
nũndũ ũtheu mũtisu wa Mwĩai Ngai nũkũmulĩkĩte.
2Nthĩ ĩkavw'ĩkwa nĩ kĩvindu,
andũ ma mbaĩ syonthe makavw'ĩkwa nĩ kĩvindu kĩkamu,
ĩndĩ Mwĩai Ngai akakũmulĩkĩla,
na ũtheu wake mũtisu ũkakumĩlĩĩla.
3Mbaĩ sya andũ ikooka kũla ũĩ nũndũ wa kyeni kyaku,
na asumbĩ makooka kũla ũĩ nũndũ wa ũtisu waku ũla ũkethĩwa ta wa syũa yĩyuma.
4Sisya ngalĩko syonthe wone,
andũ mombanĩte vamwe mokĩte vala ũĩ.
Ana maku makooka kuma kũasa,
na eĩtu maku makakuwa ta twana.
5Nĩvo ĩndĩ wĩona ũu na ũyusũwa nĩ ũtanu,
ngoo yaku ĩkatana na kwĩw'a mũyo mũno,
nũndũ ũkaetewe ũthwii ũla wĩ mokanganĩ,
na kũetewe mothwii ma andũ ma nthĩ ingĩ.
6Ngamĩle mbingĩ ikooka syusũe nthĩ yaku,
ngamĩle sya mũika kuma Mitiani na Evaa;
syonthe sya kuma Sieva ikooka.
Ikooka ikuĩte thaavu na ũvani,
na andũ makatavany'a nguma sya Mwĩai Ngai.
7Ũkoombanĩw'a ndĩthya syonthe sya mbũi na malondu kuma Ketali,
ũkaetewe ndũũme sya Nevaiothi syĩthĩwe nthembo.
Ikathembewa kĩthembeonĩ kyakwa nyie Mwĩai Ngai na ngasyĩtĩkĩla,
na ngatuma Ĩkalũ yakwa yĩla yĩkumaw'a yĩtaĩwa.
8Aa naaũ maũlũkĩte ta matu,
na mailyĩ ta mavũĩ maendete ndalanĩ syamo?
9Nĩ meli syumĩte nthĩ syĩ kũasa,
syĩnũkĩtye ana maku makuĩte thaavu na silĩva woo,
kwondũ wa ndaĩa ya Mwĩai Ngai, Ngai waku,
na kwondũ wa ndaĩa ya Ũla Mũtheu wa Ĩsilaeli,
nĩkwĩthĩwa nĩwe ũtumĩte ũnengwa ndaĩa.
10Mwĩai Ngai eĩa Yelũsalemu atĩĩ,
“Aeni makaaka ngũta syaku ĩngĩ,
na asumbĩ moo makaũthũkũma.
O na kau nĩnakũkanisye ũthatunĩ wakwa,
ũseonĩ wakwa nĩngwĩw'ĩĩte tei.
11 #
Ũvu 21.25-26
Mĩvĩa yaku ĩkekalaa yĩ mĩvingũe kĩla ĩvinda,
ndĩkavingwa ũtukũ na mũthenya,
nĩ kana andũ makũetee ũthwii wa nthĩ ingĩ,
me na asumbĩ moo mokĩte maatĩanĩe.
12Nĩkwĩthĩwa nthĩ kana ũsumbĩ ũla ũtakakũthũkũma ũkaminwa,
nthĩ isu ikaanangwa vyũ.
13“Ũkaetewe ũseo w'onthe wa mũtitũ wa Levanoni,
naw'o nĩ mĩtĩ ya mĩtalakwe, mĩtindali na ya mĩkũũ ya kwanakavya Ĩkalũ yakwa,
nakwa ngaanakavya wĩkalo wakwa.
14 #
Ũvu 3.9
Nzyawa sya ala makũthĩnasya ikooka ikumane mbee waku ikũnenge ndaĩa,
na onthe ala makũvũthisye makakumana mbee waku;
makakwĩta, ‘Ndũa ya Mwĩai Ngai,’
‘Saioni, ndũa ya Ũla Mũtheu wa Ĩsilaeli.’
15“O na kau nĩwatiiwe na wamenwa,
na vai mũndũ waĩ esĩla nthĩnĩ waku,
yu nĩngũtuma wĩthĩwa na ndaĩa tene na tene,
na ũkeethĩwa ndũa yĩ na ũtanu ĩvindanĩ yonthe yĩla yũkĩte.
16Andũ ma nthĩ syonthe na asumbĩ makakũsũvĩa,
ũndũ nyinyia wa kana ũkasũvĩaa.
Nĩvo ĩndĩ wĩmanya kana nyie Mwĩai Ngai ninyie Mũtangĩĩi waku,
Mwovosya waku, Ngai wa Yakovo Ũla wĩ Ũtonyi.
17Ngakũetee thaavu vandũ va mbulonzi,
silĩva vandũ va kyũma,
mbulonzi vandũ va mũtĩ,
na kyũma vandũ va mavia.
Ngatuma mũuo wĩthĩwa ta w'o mũsyaĩĩsya waku,
na ũlũngalu ũyĩthĩwa ta w'o mũũngamĩi waku.
18Nthĩ yaku ndĩkethĩwa na kĩthokoo ĩngĩ;
vaikethĩwa ũomboku na wanangĩko nthĩnĩ waku.
Ũkeeta ngũta syaku Ũtangĩĩo,
na ũyĩta mĩvĩa yaku Ũtaĩo.
19 #
Ũvu 21.23; 22.5 Syũa yĩikethĩwa ĩngĩ kyeni kyaku kya mũthenya,
o na mwei ndũkakũmulĩkĩla ũtukũ;
nũndũ nyie Mwĩai Ngai ninyie kyeni kyaku kya tene na tene,
nakwa nyie Ngai waku ngeethĩwa ũkumyo waku.
20Syũa yaku yĩikathũa ĩngĩ,
na mwei waku ndũkatuka ĩngĩ,
nũndũ nyie Mwĩai Ngai ngeethĩwa kyeni kyaku kya tene na tene,
na mĩthenya yaku ya kyeva ĩkathela.
21Nĩvo ĩndĩ andũ maku onthe meĩthĩwa me alũngalu,
na makamesya nthĩ ĩno tene na tene.
Nĩmo nthongoo ĩla nĩvandĩte,
nĩ wĩa wa moko makwa nĩ kana nĩtaĩwe.
22Ala anini katĩ woo makaingĩva matw'ĩke mbaĩ,
na ala anini vyũ maitw'ĩka nthĩ nene.
Ninyie Mwĩai Ngai,
na ĩvinda yavika ngeeka ũu mĩtũkĩ.”
BIBLE SOCIETY OF KENYA © 2011