Ĩsa 6
6
Ngai Ayĩta Ĩsaia Atw'ĩke Mwathani
1 #
2Asu 15.7; 2Mav 26.23 Mwakanĩ ũla Mũsumbĩ Usia wakwie, nĩnoonie Mwĩai ekalĩte kĩvĩlanĩ kya ũsumbĩ kĩtũlu na kya ndaĩa. Ngũa yake ndaasa ya kĩ-ũsumbĩ yausũĩte Ĩkalũnĩ. 2Ĩũlũ wake vaĩ aselavi.#6.2 aselavi: Kana alaĩka Kĩla ũmwe aĩ na nthwau thanthatũ; ilĩ ivw'ĩkĩte ũthyũ, ilĩ ikavw'ĩka mwĩĩ, na ilĩ sya kũũlũka nasyo. 3#Ũvu 4.8 Kĩla ũmwe aneenanasya na ũla ũngĩ ayasya atĩĩ,
“Mũtheu, mũtheu, mũtheu,
nĩ Mwĩai Ngai Mwene Ũtonyi W'onthe!
Nthĩ yonthe yusũĩte ũtheu wake mũtisu.”
4 #
Ũvu 15.8
Mawasya moo nĩmathingithisye mĩsingi ya mĩomo ya Ĩkalũ, na Ĩkalũ yonthe yausũa syũki.
5Nĩvo ĩndĩ nakwa naneenie nasya atĩĩ, “Kyeva nĩ kwakwa! Nyie nĩnathela, nĩkwĩthĩwa ilomo syakwa ti ntheu, na nĩkalaa katĩ wa andũ me na ilomo ite ntheu, na nĩnoona Mũsumbĩ, Mwĩai Ngai Mwene Ũtonyi W'onthe!”
6Nĩvo ĩndĩ ũmwe wa ala aselavi waũlũkile ooka vala nĩĩ akwete ĩkaa yĩ mwaki, yĩla woosete kĩthembeonĩ na kĩndũ kya kũkwata makaa. 7Nĩwangiitie ilomo nayo na ambĩa atĩĩ, “Ĩkaa yĩĩ nĩyakiita ilomo syaku nayu ĩvĩtyo yaku nĩyavetwa, na naĩ yaku nĩyaekewa.” 8Nĩvo ĩndĩ neewie Mwĩai aikũlya atĩĩ, “Ngatũma ũũ, na nũũ ũla wĩtw'ĩka mũtũmwa waitũ?”
Nĩnasũngĩie nasya atĩĩ, “Ninyioo! Ndũme.”
9 #
Mat 13.14-15; Mk 4.12; Lk 8.10; Yoa 12.40; Meko 28.26-27 Nĩwaneenie nakwa ambĩa atĩĩ, “Enda ũkaneene na andũ aa ũmee atĩĩ,
‘Kwĩw'a nĩmũkwĩw'a ĩndĩ mũikũmanya;
kũsisya nĩmũkũsisya, ĩndĩ mũikwona.’
10Tuma ilĩko sya andũ aa syĩthĩwa ndumanu,
na matũ moo methĩwa matekwĩw'a,
na metho moo methĩwa matekwona,
maikese kwona na metho moo,
kana kwĩw'a na matũ moo,
na mayĩelewa na ilĩko syoo,
na mainzyokea na kũvow'a.”
11Nĩnakũlilye atĩĩ, “Mwĩai, kwĩĩthĩwa kũilyĩ ũu vandũ va ĩvinda yĩana ata?”
Nĩwanzũngĩie ambĩa atĩĩ,
“Nginya yĩla ndũa ikatiwa syĩ mbanange,
vate mũndũ ũkwĩkala nthĩnĩ wasyo,
na nyũmba iitiwa ite na andũ,
na nthĩ ĩitiwa yĩ nthei vyũ,
12nakwa nyie Mwĩai Ngai ngĩveta andũ nĩmatwae kũasa,
na kũyĩthĩwa kũndũ kwingĩ ĩũlũ wa nthĩ kũtiĩtwe kũte andũ.
13O na vatiala mũndũ ũmwe katĩ wa kĩla andũ ĩkũmi ma nthĩ ĩsu,
o namo makavĩvw'a,
makeethĩwa mailyĩ ta kĩthukĩ kya mũtĩ wa mwalonĩ,
kĩla kĩtiawa mũtĩ wamina kũtemwa.”
(Kĩthukĩ kĩu nĩ mbeũ ntheu ya mwambĩlĩĩlyo mweũ.)
Currently Selected:
Ĩsa 6: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 6
6
Ngai Ayĩta Ĩsaia Atw'ĩke Mwathani
1 #
2Asu 15.7; 2Mav 26.23 Mwakanĩ ũla Mũsumbĩ Usia wakwie, nĩnoonie Mwĩai ekalĩte kĩvĩlanĩ kya ũsumbĩ kĩtũlu na kya ndaĩa. Ngũa yake ndaasa ya kĩ-ũsumbĩ yausũĩte Ĩkalũnĩ. 2Ĩũlũ wake vaĩ aselavi.#6.2 aselavi: Kana alaĩka Kĩla ũmwe aĩ na nthwau thanthatũ; ilĩ ivw'ĩkĩte ũthyũ, ilĩ ikavw'ĩka mwĩĩ, na ilĩ sya kũũlũka nasyo. 3#Ũvu 4.8 Kĩla ũmwe aneenanasya na ũla ũngĩ ayasya atĩĩ,
“Mũtheu, mũtheu, mũtheu,
nĩ Mwĩai Ngai Mwene Ũtonyi W'onthe!
Nthĩ yonthe yusũĩte ũtheu wake mũtisu.”
4 #
Ũvu 15.8
Mawasya moo nĩmathingithisye mĩsingi ya mĩomo ya Ĩkalũ, na Ĩkalũ yonthe yausũa syũki.
5Nĩvo ĩndĩ nakwa naneenie nasya atĩĩ, “Kyeva nĩ kwakwa! Nyie nĩnathela, nĩkwĩthĩwa ilomo syakwa ti ntheu, na nĩkalaa katĩ wa andũ me na ilomo ite ntheu, na nĩnoona Mũsumbĩ, Mwĩai Ngai Mwene Ũtonyi W'onthe!”
6Nĩvo ĩndĩ ũmwe wa ala aselavi waũlũkile ooka vala nĩĩ akwete ĩkaa yĩ mwaki, yĩla woosete kĩthembeonĩ na kĩndũ kya kũkwata makaa. 7Nĩwangiitie ilomo nayo na ambĩa atĩĩ, “Ĩkaa yĩĩ nĩyakiita ilomo syaku nayu ĩvĩtyo yaku nĩyavetwa, na naĩ yaku nĩyaekewa.” 8Nĩvo ĩndĩ neewie Mwĩai aikũlya atĩĩ, “Ngatũma ũũ, na nũũ ũla wĩtw'ĩka mũtũmwa waitũ?”
Nĩnasũngĩie nasya atĩĩ, “Ninyioo! Ndũme.”
9 #
Mat 13.14-15; Mk 4.12; Lk 8.10; Yoa 12.40; Meko 28.26-27 Nĩwaneenie nakwa ambĩa atĩĩ, “Enda ũkaneene na andũ aa ũmee atĩĩ,
‘Kwĩw'a nĩmũkwĩw'a ĩndĩ mũikũmanya;
kũsisya nĩmũkũsisya, ĩndĩ mũikwona.’
10Tuma ilĩko sya andũ aa syĩthĩwa ndumanu,
na matũ moo methĩwa matekwĩw'a,
na metho moo methĩwa matekwona,
maikese kwona na metho moo,
kana kwĩw'a na matũ moo,
na mayĩelewa na ilĩko syoo,
na mainzyokea na kũvow'a.”
11Nĩnakũlilye atĩĩ, “Mwĩai, kwĩĩthĩwa kũilyĩ ũu vandũ va ĩvinda yĩana ata?”
Nĩwanzũngĩie ambĩa atĩĩ,
“Nginya yĩla ndũa ikatiwa syĩ mbanange,
vate mũndũ ũkwĩkala nthĩnĩ wasyo,
na nyũmba iitiwa ite na andũ,
na nthĩ ĩitiwa yĩ nthei vyũ,
12nakwa nyie Mwĩai Ngai ngĩveta andũ nĩmatwae kũasa,
na kũyĩthĩwa kũndũ kwingĩ ĩũlũ wa nthĩ kũtiĩtwe kũte andũ.
13O na vatiala mũndũ ũmwe katĩ wa kĩla andũ ĩkũmi ma nthĩ ĩsu,
o namo makavĩvw'a,
makeethĩwa mailyĩ ta kĩthukĩ kya mũtĩ wa mwalonĩ,
kĩla kĩtiawa mũtĩ wamina kũtemwa.”
(Kĩthukĩ kĩu nĩ mbeũ ntheu ya mwambĩlĩĩlyo mweũ.)
BIBLE SOCIETY OF KENYA © 2011