Ĩsa 44
44
Mwĩai Ngai nowe Ngai e Weka
1Mwĩai Ngai easya atĩĩ,
“Ĩthukĩĩsye yu we Yakovo mũthũkũmi wakwa,
we Ĩsilaeli ũla nĩnyuvĩte.
2Ninyie Mwĩai Ngai ũla wakũmbie,
ũla wakũmbĩie ĩvunĩ ya inyia waku,
nyie ũla ũkũtethasya nĩkwĩa atĩĩ: Ndũkakĩe we Yakovo mũthũkũmi wakwa,
andũ makwa anyuve ala nendete mũno.
3Nĩkwĩthĩwa ngatulũĩla nthĩ ĩla yĩna waũni kĩw'ũ,
na kũtuma mbũsĩ syĩsĩla nthĩ nyũmũ.
Ngatulũĩla syana syenyu Veva wakwa,
na kũathima nzyawa syenyu.
4Makaendeea nesa ta nyeki yĩ vandũ ve kĩw'ũ,
na ta mĩtĩ ĩla ĩmeaa vakuvĩ na ũsĩ.
5Mũndũ ũmwe akaneena asye atĩĩ,
‘Nyie nĩ wa Mwĩai Ngai.’
Ũngĩ akeeyĩtanĩsya na ĩsyĩtwa ya Yakovo,
na o ta ũu ũngĩ akaandĩka ndeto ii kw'okonĩ kwake,
‘Nĩ wa Mwĩai Ngai,’ na kwĩyĩta ĩsyĩtwa ya Ĩsilaeli.”
6 #
Ĩsa 48.12; Ũvu 1.17; 2.8; 22.13 Mwĩai Ngai Mũsumbĩ na Mwovosya wa Ĩsilaeli, Mwĩai Ngai Mwene Ũtonyi W'onthe easya atĩĩ,
“Ninyie wa mbee na wa mũminũkĩlyo,
vai Ngai ũngĩ ate o nyie.
7Nũũ ũla ũilyĩ takwa,
nĩatavany'e na kũneena mbee wakwa.
Nũũ ũla watavanisye maũndũ ala makekĩka mbee wa matanekĩka?
Nĩatũtavye maũndũ ala makekĩka.
8Inyw'ĩ andũ makwa, mũikakĩe; o na mũikateleme.
Nĩmũkũlya, nũndũ ndaaweta maũndũ aa na kũmathana kuma tene?
Inyw'ĩ mwĩ ngũsĩ syakwa. Nĩmũkũlya, ve Ngai ũngĩ ate o nyie?
Aiee, vai Ĩvia yĩngĩ; ndyĩsĩ yĩngĩ o na yĩva.”
Ũtumanu wa Kũthaitha Ngai sya Mĩvw'anano
9Andũ onthe ala maseũvasya ngai sya mĩvw'anano nĩ ma mana, na syĩndũ ila matalaa kwĩthĩwa syĩ sya vata iikamatethya. Ala mathaithaa ngai isu nĩ atumanu na nĩ ilalinda, na makeekĩĩthw'a nthoni. 10Vai vata wa mũndũ kwasũvya ngai ya mũvw'anano, kana kũseũvya mũvw'ano wa ngai ĩtatonya kũtethya ũndũnĩ o na wĩva! 11Andũ onthe ala mathaithaa mũvw'anano ta ũsu makakwatwa nĩ nthoni. Ala maseũvasya ngai sya mĩvw'anano no andũ; nĩmombane vamwe mbee wakwa metetee; onthe nĩmeũtelemw'a na kwĩkĩĩthw'a nthoni.
12Mũtwii wa syũma nĩwosaa kĩlungu kya kyũma akakĩkĩa mwakinĩ, na kũkĩseũvya aitũmĩa syĩiva. Nũseũvasya mũvw'anano aitũmĩa kw'oko kwake kwĩ vinya. Nĩwĩw'aa nzaa na aithela vinya; nĩwĩw'aa waũni na kũnoa mũno.
13Mũndũ ũla ũseũvasya syĩndũ sya mbwaũ nũthimaa mũtĩ na ũlii, na kũkulula na kĩandĩki; nĩwasũvasya mũtĩ ũsu na landa, na kũũkulula na kĩndũ kya kũthima. Nũwasũvasya ũkekala ta mũndũ, mũndũ mũmbe nesa, nĩ kana wĩkalae nyũmba. 14Nũtemaa mũkũũ, kana akanyuva mũtĩ wa mũtalakwe, kana mũtĩ wa mwalonĩ na aiwũeka wĩane katĩ wa mĩtĩ ĩla ĩngĩ ya kĩthekanĩ, kana akavanda mũsonovali na mbua ĩituma wĩana. 15Nĩvo ĩndĩ mũtĩ ũsu ũtw'ĩkaa ngũ; mũndũ nĩwosaa ngũ imwe akavuva mwaki akota, nũvuvaa mwaki na kũua lĩu. O ta ũu nĩwosaa mũtĩ ũsu akaũseũvya ngai na kũmĩthaitha; nĩwasũvasya mũvw'anano na kũũthaitha. 16Nũvuvaa mwaki na ilungu imwe sya mũtĩ ũsu, akavĩvya nyama na kũmĩya akavũna; nĩwotaa mwaki na kwasya, “Aa! Nĩngwĩw'a muutĩa, nĩnotete mwaki.” 17Nũseũvasya ngai ya mũvw'anano aitũmĩa mũtĩ ũla ũtialĩte. Nũkumanaa mbee waw'o akaũthaitha; nũvoyaa mũvw'anano ũsu na ayasya, “Ndangĩĩe, nũndũ nue ngai wakwa!”
18Vai kĩndũ andũ asu mesĩ, o na vai kĩndũ mamanyaa; metho moo nĩmalinde ũkethĩa maitonya kwona, na akili syoo ikalindwa ũkethĩa maitonya kũmanya. 19Vai mũndũ ũsũanĩaa kana akethĩwa na ũmanyi wa kwĩkũlya atĩĩ, “Nĩnĩnavĩvisye ilungu imwe sya mũtĩ ũsu, naua lĩu na makaa maw'o na navĩvya nyama naya, yu nĩngwosa ila itialĩte nĩseũvye kĩndũ kya kũthatya? Nĩngũkumana nĩthaithe kĩlungu kya mũtĩ?”
20Mũndũ ũsu ko ũtumanĩte ata akaĩkĩĩa kĩndũ kĩtonya kũvĩvw'a kĩkatw'ĩka mũu? Kĩsũanĩo kyake kĩtumanu nĩkĩmwaĩtye; ndatonya kwĩtangĩĩa kana akekũlya, “Kĩndũ kĩĩ kĩ kw'okonĩ kwakwa kwa aũme tyo ũvũngũ mũthei?”
Mwĩai Ngai Ndakolwa nĩ Andũ ma Ĩsilaeli
21Mwĩai Ngai easya atĩĩ,
“We Yakovo lilikana maũndũ aa,
ĩĩ, nũndũ we Ĩsilaeli wĩ mũthũkũmi wakwa.
Nĩnakũmbie, wĩ mũthũkũmi wakwa;
we Ĩsilaeli ndikolwa nue.
22Nĩnĩvetangĩte mavĩtyo maku ta ĩtu,
na naĩ syaku ngaivetanga ta mũumbĩ;
nzyokee, nĩkwĩthĩwa nyie nĩngwovoetye.”
23Inai na ũtanu inyw'ĩ matu,
nũndũ Mwĩai Ngai nĩwĩkĩte ũu;
ũkĩlyai wasya inyw'ĩ kũndũ kũliku kwa nthĩ;
inai na ũtanu inyw'ĩ iĩma, mĩtitũ na mĩtĩ yenyu yonthe.
Nĩkwĩthĩwa Mwĩai Ngai nĩwovoetye Yakovo,
nĩwonanasya ũkumyo wake nthĩnĩ wa Ĩsilaeli.
Yelũsalemu Ĩkatũwa
24Mwĩai Ngai mwovosya waku, ũla wakũmbie kuma wĩ ĩvunĩ easya atĩĩ,
“Ninyie Mwĩai Ngai, ninyie noombie syĩndũ syonthe,
nĩ nyioka nĩnatambũũkisye matu,
na noomba nthĩ ndekũtetheew'a nĩ mũndũ.
25 #
1Ako 1.20
Ninyie nĩtumaa syama sya athani ma ũvũngũ syĩthĩwa syĩ sya mana,
na kũtuma ala maaũasya matumana.
Ninyie nanangaa ũmanyi wa ala oĩ,
na kũtw'ĩkĩthya ũmanyi woo ũtumanu.
26Ninyie nĩlũlũmĩĩlasya ndeto sya mũthũkũmi wakwa,
na kwĩanĩsya mawathani ma atũmwa makwa.
Nĩneenaa ĩũlũ wa Yelũsalemu ngasya atĩĩ, ‘Ndũa ĩno ĩkatũwa,’
na ĩũlũ wa ndũa sya Yuta ngasya, ‘Ndũa ii ikaakwa, na ngatũngĩĩa kũla iombokete.’
27Ninyie nĩaa kũla kũliku ũkanganĩ atĩĩ, ‘Ng'ala,
nĩngũng'alya mbũsĩ syaku.’
28 #
2Mav 36.23; Esa 1.2 Ninyie nĩaa Kulusu atĩĩ,
‘Nue mũĩthi wa andũ makwa, na ũkeanĩsya kwenda kwakwa.’
Ninyie nĩneenaa ĩũlũ wa Yelũsalemu ngasya, ‘Ndũa ĩno ĩkaakwa ĩngĩ,’
na ĩũlũ wa Ĩkalũ ngasya, ‘Mũsingi waku ũkaakwa.’ ”
Currently Selected:
Ĩsa 44: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 44
44
Mwĩai Ngai nowe Ngai e Weka
1Mwĩai Ngai easya atĩĩ,
“Ĩthukĩĩsye yu we Yakovo mũthũkũmi wakwa,
we Ĩsilaeli ũla nĩnyuvĩte.
2Ninyie Mwĩai Ngai ũla wakũmbie,
ũla wakũmbĩie ĩvunĩ ya inyia waku,
nyie ũla ũkũtethasya nĩkwĩa atĩĩ: Ndũkakĩe we Yakovo mũthũkũmi wakwa,
andũ makwa anyuve ala nendete mũno.
3Nĩkwĩthĩwa ngatulũĩla nthĩ ĩla yĩna waũni kĩw'ũ,
na kũtuma mbũsĩ syĩsĩla nthĩ nyũmũ.
Ngatulũĩla syana syenyu Veva wakwa,
na kũathima nzyawa syenyu.
4Makaendeea nesa ta nyeki yĩ vandũ ve kĩw'ũ,
na ta mĩtĩ ĩla ĩmeaa vakuvĩ na ũsĩ.
5Mũndũ ũmwe akaneena asye atĩĩ,
‘Nyie nĩ wa Mwĩai Ngai.’
Ũngĩ akeeyĩtanĩsya na ĩsyĩtwa ya Yakovo,
na o ta ũu ũngĩ akaandĩka ndeto ii kw'okonĩ kwake,
‘Nĩ wa Mwĩai Ngai,’ na kwĩyĩta ĩsyĩtwa ya Ĩsilaeli.”
6 #
Ĩsa 48.12; Ũvu 1.17; 2.8; 22.13 Mwĩai Ngai Mũsumbĩ na Mwovosya wa Ĩsilaeli, Mwĩai Ngai Mwene Ũtonyi W'onthe easya atĩĩ,
“Ninyie wa mbee na wa mũminũkĩlyo,
vai Ngai ũngĩ ate o nyie.
7Nũũ ũla ũilyĩ takwa,
nĩatavany'e na kũneena mbee wakwa.
Nũũ ũla watavanisye maũndũ ala makekĩka mbee wa matanekĩka?
Nĩatũtavye maũndũ ala makekĩka.
8Inyw'ĩ andũ makwa, mũikakĩe; o na mũikateleme.
Nĩmũkũlya, nũndũ ndaaweta maũndũ aa na kũmathana kuma tene?
Inyw'ĩ mwĩ ngũsĩ syakwa. Nĩmũkũlya, ve Ngai ũngĩ ate o nyie?
Aiee, vai Ĩvia yĩngĩ; ndyĩsĩ yĩngĩ o na yĩva.”
Ũtumanu wa Kũthaitha Ngai sya Mĩvw'anano
9Andũ onthe ala maseũvasya ngai sya mĩvw'anano nĩ ma mana, na syĩndũ ila matalaa kwĩthĩwa syĩ sya vata iikamatethya. Ala mathaithaa ngai isu nĩ atumanu na nĩ ilalinda, na makeekĩĩthw'a nthoni. 10Vai vata wa mũndũ kwasũvya ngai ya mũvw'anano, kana kũseũvya mũvw'ano wa ngai ĩtatonya kũtethya ũndũnĩ o na wĩva! 11Andũ onthe ala mathaithaa mũvw'anano ta ũsu makakwatwa nĩ nthoni. Ala maseũvasya ngai sya mĩvw'anano no andũ; nĩmombane vamwe mbee wakwa metetee; onthe nĩmeũtelemw'a na kwĩkĩĩthw'a nthoni.
12Mũtwii wa syũma nĩwosaa kĩlungu kya kyũma akakĩkĩa mwakinĩ, na kũkĩseũvya aitũmĩa syĩiva. Nũseũvasya mũvw'anano aitũmĩa kw'oko kwake kwĩ vinya. Nĩwĩw'aa nzaa na aithela vinya; nĩwĩw'aa waũni na kũnoa mũno.
13Mũndũ ũla ũseũvasya syĩndũ sya mbwaũ nũthimaa mũtĩ na ũlii, na kũkulula na kĩandĩki; nĩwasũvasya mũtĩ ũsu na landa, na kũũkulula na kĩndũ kya kũthima. Nũwasũvasya ũkekala ta mũndũ, mũndũ mũmbe nesa, nĩ kana wĩkalae nyũmba. 14Nũtemaa mũkũũ, kana akanyuva mũtĩ wa mũtalakwe, kana mũtĩ wa mwalonĩ na aiwũeka wĩane katĩ wa mĩtĩ ĩla ĩngĩ ya kĩthekanĩ, kana akavanda mũsonovali na mbua ĩituma wĩana. 15Nĩvo ĩndĩ mũtĩ ũsu ũtw'ĩkaa ngũ; mũndũ nĩwosaa ngũ imwe akavuva mwaki akota, nũvuvaa mwaki na kũua lĩu. O ta ũu nĩwosaa mũtĩ ũsu akaũseũvya ngai na kũmĩthaitha; nĩwasũvasya mũvw'anano na kũũthaitha. 16Nũvuvaa mwaki na ilungu imwe sya mũtĩ ũsu, akavĩvya nyama na kũmĩya akavũna; nĩwotaa mwaki na kwasya, “Aa! Nĩngwĩw'a muutĩa, nĩnotete mwaki.” 17Nũseũvasya ngai ya mũvw'anano aitũmĩa mũtĩ ũla ũtialĩte. Nũkumanaa mbee waw'o akaũthaitha; nũvoyaa mũvw'anano ũsu na ayasya, “Ndangĩĩe, nũndũ nue ngai wakwa!”
18Vai kĩndũ andũ asu mesĩ, o na vai kĩndũ mamanyaa; metho moo nĩmalinde ũkethĩa maitonya kwona, na akili syoo ikalindwa ũkethĩa maitonya kũmanya. 19Vai mũndũ ũsũanĩaa kana akethĩwa na ũmanyi wa kwĩkũlya atĩĩ, “Nĩnĩnavĩvisye ilungu imwe sya mũtĩ ũsu, naua lĩu na makaa maw'o na navĩvya nyama naya, yu nĩngwosa ila itialĩte nĩseũvye kĩndũ kya kũthatya? Nĩngũkumana nĩthaithe kĩlungu kya mũtĩ?”
20Mũndũ ũsu ko ũtumanĩte ata akaĩkĩĩa kĩndũ kĩtonya kũvĩvw'a kĩkatw'ĩka mũu? Kĩsũanĩo kyake kĩtumanu nĩkĩmwaĩtye; ndatonya kwĩtangĩĩa kana akekũlya, “Kĩndũ kĩĩ kĩ kw'okonĩ kwakwa kwa aũme tyo ũvũngũ mũthei?”
Mwĩai Ngai Ndakolwa nĩ Andũ ma Ĩsilaeli
21Mwĩai Ngai easya atĩĩ,
“We Yakovo lilikana maũndũ aa,
ĩĩ, nũndũ we Ĩsilaeli wĩ mũthũkũmi wakwa.
Nĩnakũmbie, wĩ mũthũkũmi wakwa;
we Ĩsilaeli ndikolwa nue.
22Nĩnĩvetangĩte mavĩtyo maku ta ĩtu,
na naĩ syaku ngaivetanga ta mũumbĩ;
nzyokee, nĩkwĩthĩwa nyie nĩngwovoetye.”
23Inai na ũtanu inyw'ĩ matu,
nũndũ Mwĩai Ngai nĩwĩkĩte ũu;
ũkĩlyai wasya inyw'ĩ kũndũ kũliku kwa nthĩ;
inai na ũtanu inyw'ĩ iĩma, mĩtitũ na mĩtĩ yenyu yonthe.
Nĩkwĩthĩwa Mwĩai Ngai nĩwovoetye Yakovo,
nĩwonanasya ũkumyo wake nthĩnĩ wa Ĩsilaeli.
Yelũsalemu Ĩkatũwa
24Mwĩai Ngai mwovosya waku, ũla wakũmbie kuma wĩ ĩvunĩ easya atĩĩ,
“Ninyie Mwĩai Ngai, ninyie noombie syĩndũ syonthe,
nĩ nyioka nĩnatambũũkisye matu,
na noomba nthĩ ndekũtetheew'a nĩ mũndũ.
25 #
1Ako 1.20
Ninyie nĩtumaa syama sya athani ma ũvũngũ syĩthĩwa syĩ sya mana,
na kũtuma ala maaũasya matumana.
Ninyie nanangaa ũmanyi wa ala oĩ,
na kũtw'ĩkĩthya ũmanyi woo ũtumanu.
26Ninyie nĩlũlũmĩĩlasya ndeto sya mũthũkũmi wakwa,
na kwĩanĩsya mawathani ma atũmwa makwa.
Nĩneenaa ĩũlũ wa Yelũsalemu ngasya atĩĩ, ‘Ndũa ĩno ĩkatũwa,’
na ĩũlũ wa ndũa sya Yuta ngasya, ‘Ndũa ii ikaakwa, na ngatũngĩĩa kũla iombokete.’
27Ninyie nĩaa kũla kũliku ũkanganĩ atĩĩ, ‘Ng'ala,
nĩngũng'alya mbũsĩ syaku.’
28 #
2Mav 36.23; Esa 1.2 Ninyie nĩaa Kulusu atĩĩ,
‘Nue mũĩthi wa andũ makwa, na ũkeanĩsya kwenda kwakwa.’
Ninyie nĩneenaa ĩũlũ wa Yelũsalemu ngasya, ‘Ndũa ĩno ĩkaakwa ĩngĩ,’
na ĩũlũ wa Ĩkalũ ngasya, ‘Mũsingi waku ũkaakwa.’ ”
BIBLE SOCIETY OF KENYA © 2011