Ĩsa 40
40
Ndeto Sya Kũnenga Yelũsalemu Ũkiakisyo na Wĩkwatyo
1Kiakisyai, kiakisyai andũ makwa,
easya ũu Ngai wenyu.
2Neenai na andũ ma Yelũsalemu ndeto nzeo,
matavyei mũmee kana kaũ woo nĩ mũthelu, na ũthũku woo nũekeetwe,
na kana Mwĩai Ngai amakanĩtye ũkany'o mwĩanĩu nũndũ wa naĩ syoo syonthe.
3 #
Mat 3.3; Mk 1.3; Yoa 1.23 #Lk 3.4-6 Ve mũndũ ũkũneena na wasya mũnene ayasya:
Seũvĩsyai Mwĩai Ngai nzĩa weũnĩ,
seũvĩsyai Ngai waitũ lelũ mũlũngalu kũla kwĩ nthĩ nyũmũ.
4Kĩla mwanda ũkalindwa,
na kĩla kĩĩma na kalĩma ikatuũwa;
kũla kwĩ maliko kũkeananw'a,
na kũndũ kũla kũthũku kũkatindimalw'a.
5Nĩvo ĩndĩ ũtheu mũtisu wa Mwĩai Ngai wĩvuanw'a,
na andũ onthe makawona vamwe,
nũndũ Mwĩai Ngai nũwetete kana ũu ũkeethĩwa.
6 #
Yak 1.10-11; 1Vet 1.24-25 Ve mũndũ waneenie na wasya mũnene ambĩa atĩĩ, “Ũkĩlya wasya ũtavany'e.”
Nĩvo ĩndĩ namũkũlilye, “Wĩenda nĩtavany'e ata?”
Nake anzũngĩa, “Tavany'a wasye andũ onthe mailyĩ ta nyeki,
na wanake woo w'onthe ũilyĩ ta malaa ma kĩthekanĩ.
7Nyeki nĩyũmaa namo malaa nĩmavovaa na maketĩka,
yĩla Mwĩai Ngai wamaveveea mĩthũmũ yake;
nĩw'o ki andũ mailyĩ ta nyeki.
8Nyeki nĩyũmaa namo malaa nĩmavovaa na maketĩka,
ĩndĩ ndeto ya Ngai waitũ ĩkekalaa tene na tene.”
9We ũla ũtavasya Saioni ũvoo mũseo,
ambata kĩĩmanĩ kĩtũlu;
we ũla ũtavasya Yelũsalemu ũvoo mũseo,
neena na ũkũmbaũ,
ũkĩlya wasya waku na ndũkakĩe,
tavya andũ ma ndũa sya Yuta ũmee atĩĩ,
“Sisyai Ngai wenyu!”
10 #
Ĩsa 62.11; Ũvu 22.12 Mwĩai Ngai Mũsumbĩ okĩte na ũtonyi,
asumbĩke na vinya wake;
e na ĩtuvi yake,
na akuĩte mũthĩnzĩo wake.
11 #
Esek 34.15; Yoa 10.11 Akaĩthya ndĩthya yake ta mũĩthi,
akoombany'a tũtena twa malondu mokonĩ make,
akatũkua atwaĩĩsye kĩthũinĩ kyake,
na akatongoesya mbola malondu ala mekwongya.
Ngai wa Ĩsilaeli Ndeananw'a na ũngĩ
12Ve mũndũ waathima kĩw'ũ kya ũkanga na ũvĩ wake,
kana akathima ĩtu na kĩtaa kya kw'oko kwake?
Ve mũndũ waaĩkĩa mũthanga wa nthĩ yonthe nthũngĩnĩ ũkeanĩa,
kana akathima iĩma na tũlĩma aitũmĩa kĩthimi?
13 #
Alo 11.34; 1Ako 2.16 Ve mũndũ waatavya Veva wa Mwĩai Ngai ũndũ waĩlĩte kwĩka,
kana watw'ĩkie mũtai wake na amũmanyĩsya?
14Ngai aakũlya mũndũ ũtao,
kana ve mũndũ waamanyĩsya Ngai kũsila katĩ?
Ve mũndũ waamũmanyĩsya ũĩ,
kana akamwony'a nzĩa ya kũkwata ũmanyi?
15Ngai atalaa mbaĩ sya andũ kwĩthĩwa ta ĩlovoto ya kĩw'ũ yĩ ndoonĩ,
kana ta kĩtoo kĩvinyu kĩ kĩthiminĩ;
athimaa ithama o tondũ mũndũ ũthimaa kĩtoo kĩvinyu.
16Mĩtĩ yonthe ya Levanoni ndĩany'a ngũ sya kũvĩvya nthembo,
nasyo nyamũ syonthe ila syĩ kĩthekanĩ kya Levanoni iyĩana nthembo ya kũvĩvw'a.
17Kwa Ngai mbaĩ syonthe italawa kwĩthĩwa mana,
Ngai aitalaa kwĩthĩwa vathei vyũ.
18 #
Meko 17.29
Yu ĩndĩ mũtonya kũvw'anany'a Ngai naũ?
Kana nĩ mũvw'anano wĩva mũtonya kũũelekany'a nake?
19Ngai ndailyĩ ta mũvw'anano ũla ũseũvĩtw'e nĩ mũndũ,
na mũtwii wa syũma akawũmbĩĩa thaavu,
na kũũseũvĩsya nyololo sya silĩva.
20Mũndũ ũla ngya ũtona nthembo ya thaavu kana silĩva,
nũnyuvaa mũtĩ mũũmu ũtatonya kwoa;
nũmanthaa mũndũ wĩsĩ kwasa syĩndũ nesa,
amwasũvĩsye mũvw'anano mũlũmu ũtavalũka.
21Nũndũ mũtaamanya? Nũndũ mũtaaĩw'a?
Nũndũ mũtaatavw'a kuma mwambĩlĩĩlyonĩ?
Nũndũ mũtaamanya kuma nthĩ yoombwa?
22Ngai ekalaa ĩũlũ wa kilinge kya nthĩ,
asiasya andũ akona mailyĩ ta itooli;
atambũũkasya matu ta suka,
amambaa ta ĩeema ya kwĩkalwa.
23Atw'ĩkĩthasya atongoi kwĩthĩwa ti kĩndũ,
na aĩtw'ĩkĩthya asumbĩ ma nthĩ kwĩthĩwa vathei.
24Mailyĩ ta mĩtĩ yamina kũvandwa oou,
ĩtanamba kũtwaa mĩi nthĩ nesa.
Yĩla Ngai wamĩetee kĩseve kyamĩuutanĩa nĩyũmaa,
na kĩseve nĩkĩmĩkuaa ta mavuti.
25Ũla Mũtheu ekũlya atĩĩ,
“Yu ĩndĩ mwĩenda kũngelekany'a naũ?
Nũũ ũla twĩanene?”
26Ũkĩlyai metho mũsisye matunĩ:
Syĩndũ ii syonthe syoombiwe nũũ?
Nĩ Ngai ũtongoeasya nguthu ya ndata ta asikalĩ na kũitala,
na nĩwĩtaa kĩla ĩmwe na ĩsyĩtwa ya yo.
Nũndũ e vinya na ũtonyi mwingĩ,
vai ĩmwe yasyo yĩsaa kwĩthĩwa ĩte vo.
27Nĩkĩ mũkũneena inyw'ĩ andũ ma Ĩsilaeli mũkasya atĩĩ,
“Mwĩai Ngai ndeanĩasya mavata maitũ,
Ngai waitũ ndatũtethasya tũkwate sila wa katĩ”?
28Nũndũ mũtaamanya? Nũndũ mũtaaĩw'a?
Mwĩai Ngai nĩwe Ngai wa tene na tene,
Mũmbi wa syĩndũ syonthe ĩũlũ wa nthĩ.
Ndathelaa vinya kana kũnoa,
ũmanyi wake nĩ mwingĩ ũndũ ũtamanyĩka.
29Mwĩai Ngai nĩwĩkĩaa vinya ala mate na vinya,
na nĩwongelaa ala onzu vinya.
30O na andũ ma mũika nĩmathelaa vinya na kũnoa,
na anake nĩmavalũkaa nĩ kũnoa,
31ĩndĩ ala mamwĩkwatasya Mwĩai Ngai makakwata vinya mweũ,
makambata maũlũkĩte ta ndiũ,
makasemba na maikanoa,
makathi na maũũ na maikathela vinya.
Currently Selected:
Ĩsa 40: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 40
40
Ndeto Sya Kũnenga Yelũsalemu Ũkiakisyo na Wĩkwatyo
1Kiakisyai, kiakisyai andũ makwa,
easya ũu Ngai wenyu.
2Neenai na andũ ma Yelũsalemu ndeto nzeo,
matavyei mũmee kana kaũ woo nĩ mũthelu, na ũthũku woo nũekeetwe,
na kana Mwĩai Ngai amakanĩtye ũkany'o mwĩanĩu nũndũ wa naĩ syoo syonthe.
3 #
Mat 3.3; Mk 1.3; Yoa 1.23 #Lk 3.4-6 Ve mũndũ ũkũneena na wasya mũnene ayasya:
Seũvĩsyai Mwĩai Ngai nzĩa weũnĩ,
seũvĩsyai Ngai waitũ lelũ mũlũngalu kũla kwĩ nthĩ nyũmũ.
4Kĩla mwanda ũkalindwa,
na kĩla kĩĩma na kalĩma ikatuũwa;
kũla kwĩ maliko kũkeananw'a,
na kũndũ kũla kũthũku kũkatindimalw'a.
5Nĩvo ĩndĩ ũtheu mũtisu wa Mwĩai Ngai wĩvuanw'a,
na andũ onthe makawona vamwe,
nũndũ Mwĩai Ngai nũwetete kana ũu ũkeethĩwa.
6 #
Yak 1.10-11; 1Vet 1.24-25 Ve mũndũ waneenie na wasya mũnene ambĩa atĩĩ, “Ũkĩlya wasya ũtavany'e.”
Nĩvo ĩndĩ namũkũlilye, “Wĩenda nĩtavany'e ata?”
Nake anzũngĩa, “Tavany'a wasye andũ onthe mailyĩ ta nyeki,
na wanake woo w'onthe ũilyĩ ta malaa ma kĩthekanĩ.
7Nyeki nĩyũmaa namo malaa nĩmavovaa na maketĩka,
yĩla Mwĩai Ngai wamaveveea mĩthũmũ yake;
nĩw'o ki andũ mailyĩ ta nyeki.
8Nyeki nĩyũmaa namo malaa nĩmavovaa na maketĩka,
ĩndĩ ndeto ya Ngai waitũ ĩkekalaa tene na tene.”
9We ũla ũtavasya Saioni ũvoo mũseo,
ambata kĩĩmanĩ kĩtũlu;
we ũla ũtavasya Yelũsalemu ũvoo mũseo,
neena na ũkũmbaũ,
ũkĩlya wasya waku na ndũkakĩe,
tavya andũ ma ndũa sya Yuta ũmee atĩĩ,
“Sisyai Ngai wenyu!”
10 #
Ĩsa 62.11; Ũvu 22.12 Mwĩai Ngai Mũsumbĩ okĩte na ũtonyi,
asumbĩke na vinya wake;
e na ĩtuvi yake,
na akuĩte mũthĩnzĩo wake.
11 #
Esek 34.15; Yoa 10.11 Akaĩthya ndĩthya yake ta mũĩthi,
akoombany'a tũtena twa malondu mokonĩ make,
akatũkua atwaĩĩsye kĩthũinĩ kyake,
na akatongoesya mbola malondu ala mekwongya.
Ngai wa Ĩsilaeli Ndeananw'a na ũngĩ
12Ve mũndũ waathima kĩw'ũ kya ũkanga na ũvĩ wake,
kana akathima ĩtu na kĩtaa kya kw'oko kwake?
Ve mũndũ waaĩkĩa mũthanga wa nthĩ yonthe nthũngĩnĩ ũkeanĩa,
kana akathima iĩma na tũlĩma aitũmĩa kĩthimi?
13 #
Alo 11.34; 1Ako 2.16 Ve mũndũ waatavya Veva wa Mwĩai Ngai ũndũ waĩlĩte kwĩka,
kana watw'ĩkie mũtai wake na amũmanyĩsya?
14Ngai aakũlya mũndũ ũtao,
kana ve mũndũ waamanyĩsya Ngai kũsila katĩ?
Ve mũndũ waamũmanyĩsya ũĩ,
kana akamwony'a nzĩa ya kũkwata ũmanyi?
15Ngai atalaa mbaĩ sya andũ kwĩthĩwa ta ĩlovoto ya kĩw'ũ yĩ ndoonĩ,
kana ta kĩtoo kĩvinyu kĩ kĩthiminĩ;
athimaa ithama o tondũ mũndũ ũthimaa kĩtoo kĩvinyu.
16Mĩtĩ yonthe ya Levanoni ndĩany'a ngũ sya kũvĩvya nthembo,
nasyo nyamũ syonthe ila syĩ kĩthekanĩ kya Levanoni iyĩana nthembo ya kũvĩvw'a.
17Kwa Ngai mbaĩ syonthe italawa kwĩthĩwa mana,
Ngai aitalaa kwĩthĩwa vathei vyũ.
18 #
Meko 17.29
Yu ĩndĩ mũtonya kũvw'anany'a Ngai naũ?
Kana nĩ mũvw'anano wĩva mũtonya kũũelekany'a nake?
19Ngai ndailyĩ ta mũvw'anano ũla ũseũvĩtw'e nĩ mũndũ,
na mũtwii wa syũma akawũmbĩĩa thaavu,
na kũũseũvĩsya nyololo sya silĩva.
20Mũndũ ũla ngya ũtona nthembo ya thaavu kana silĩva,
nũnyuvaa mũtĩ mũũmu ũtatonya kwoa;
nũmanthaa mũndũ wĩsĩ kwasa syĩndũ nesa,
amwasũvĩsye mũvw'anano mũlũmu ũtavalũka.
21Nũndũ mũtaamanya? Nũndũ mũtaaĩw'a?
Nũndũ mũtaatavw'a kuma mwambĩlĩĩlyonĩ?
Nũndũ mũtaamanya kuma nthĩ yoombwa?
22Ngai ekalaa ĩũlũ wa kilinge kya nthĩ,
asiasya andũ akona mailyĩ ta itooli;
atambũũkasya matu ta suka,
amambaa ta ĩeema ya kwĩkalwa.
23Atw'ĩkĩthasya atongoi kwĩthĩwa ti kĩndũ,
na aĩtw'ĩkĩthya asumbĩ ma nthĩ kwĩthĩwa vathei.
24Mailyĩ ta mĩtĩ yamina kũvandwa oou,
ĩtanamba kũtwaa mĩi nthĩ nesa.
Yĩla Ngai wamĩetee kĩseve kyamĩuutanĩa nĩyũmaa,
na kĩseve nĩkĩmĩkuaa ta mavuti.
25Ũla Mũtheu ekũlya atĩĩ,
“Yu ĩndĩ mwĩenda kũngelekany'a naũ?
Nũũ ũla twĩanene?”
26Ũkĩlyai metho mũsisye matunĩ:
Syĩndũ ii syonthe syoombiwe nũũ?
Nĩ Ngai ũtongoeasya nguthu ya ndata ta asikalĩ na kũitala,
na nĩwĩtaa kĩla ĩmwe na ĩsyĩtwa ya yo.
Nũndũ e vinya na ũtonyi mwingĩ,
vai ĩmwe yasyo yĩsaa kwĩthĩwa ĩte vo.
27Nĩkĩ mũkũneena inyw'ĩ andũ ma Ĩsilaeli mũkasya atĩĩ,
“Mwĩai Ngai ndeanĩasya mavata maitũ,
Ngai waitũ ndatũtethasya tũkwate sila wa katĩ”?
28Nũndũ mũtaamanya? Nũndũ mũtaaĩw'a?
Mwĩai Ngai nĩwe Ngai wa tene na tene,
Mũmbi wa syĩndũ syonthe ĩũlũ wa nthĩ.
Ndathelaa vinya kana kũnoa,
ũmanyi wake nĩ mwingĩ ũndũ ũtamanyĩka.
29Mwĩai Ngai nĩwĩkĩaa vinya ala mate na vinya,
na nĩwongelaa ala onzu vinya.
30O na andũ ma mũika nĩmathelaa vinya na kũnoa,
na anake nĩmavalũkaa nĩ kũnoa,
31ĩndĩ ala mamwĩkwatasya Mwĩai Ngai makakwata vinya mweũ,
makambata maũlũkĩte ta ndiũ,
makasemba na maikanoa,
makathi na maũũ na maikathela vinya.
BIBLE SOCIETY OF KENYA © 2011