Ĩsa 26
26
Wathi wa Ũsindi
1Mũthenya ũsu wathi ũũ ũkainwa nthĩ ya Yuta:
Twĩ na ndũa ndũmu;
Ngai aiĩte ũtangĩĩo wĩthĩwe ta w'o mokũta na myako mĩlũmu ya ndũa ĩsu.
2Vingũai mĩvĩa ya ndũa,
nĩ kana mbaĩ ya andũ alũngalu ĩlike,
mbaĩ ĩla yĩthĩĩtwe yĩ na ũĩkĩĩku.
3We Mwĩai Ngai nĩwĩkalasya mũuonĩ mwĩanĩu vyũ,
mũndũ ũla wĩ na mosũanĩo malũmu,
nĩkwĩthĩwa nũkũĩkĩĩaa.
4Mũĩkĩĩei Mwĩai Ngai tene na tene,
nũndũ Mwĩai Ngai Mũsumbĩ nĩ ũsũvĩo wa tene na tene.
5Nũnyivĩtye ala mekathĩĩaa,
nĩwanangĩte ndũa ndũmu ĩla matũaa,
na akavalũkangya ngũta syayo nthĩ.
6Nĩkinyangĩawa nthĩ na maũũ,
maũũ ma ala ngya,
na kũkinyangwa nĩ nyaĩĩ sya athĩni.
7Nzĩa ya ala alũngalu nĩ ndindimalu;
we Ũla Mũlũngalu nũseũvasya nzĩa ya ala alũngalu.
8Nzĩanĩ ya mosilĩlo maku,
we Mwĩai Ngai nĩtũkweteelaa,
ĩsyĩtwa yaku na nguma yaku nĩsyo ngoo sitũ syendaa.
9Ũtukũ ngoo yakwa nĩyĩthĩawa ĩikwenda,
veva wakwa nũkũmanthaa na kĩthito;
nũndũ yĩla wasilĩla nthĩ,
andũ ala mekalaa ĩũlũ wayo nĩmemanyĩasya kwĩka ũlũngalu.
10O na mũndũ mũthũku eekwa nesa,
ndemanyĩasya kwĩka ũlũngalu;
o na e nthĩ ya ala alũngalu ekaa naĩ,
na ndonaa ũnene wa Mwĩai Ngai.
11 #
Aevl 10.27
We Mwĩai Ngai nĩwũkĩlĩtye kw'oko kwaku ũmakany'e,
ĩndĩ mayene kw'oko kũu.
Eka mone wendo ũla wendete andũ maku naw'o, na mayĩw'a nthoni.
Eka mavĩvw'e nĩ mwaki ũla ũvĩvasya amaitha maku.
12Ame Mwĩai Ngai, tũnenge kwĩthĩwa na mũuo,
nũndũ nue ũtũtetheasya mawĩa onthe ala twĩkĩte.
13Ame Mwĩai Ngai, Ngai waitũ,
nĩtwĩthĩĩtwe tũsumbĩkĩtwe nĩ anene aingĩ,
ĩndĩ we wĩ weka nue tũtaĩaa.
14Anene asu nĩmakwie, maikethĩwa thayũ;
nĩmatw'ĩkie maveva, maikathayũũka;
nĩwamakanisye na wamamina,
maikalilikanwa ĩngĩ.
15Ĩndĩ we Mwĩai Ngai nĩwingĩvĩtye andũ ma mbaĩ yaitũ,
ĩĩ, nĩwingĩvĩtye andũ ma mbaĩ yaitũ;
nũthanthaĩtye mĩvaka yonthe ya nthĩ yaitũ,
na kwoou wĩ wa kũkumw'a we Mwĩai Ngai.
16Ame Mwĩai Ngai, andũ nĩmakwĩkaĩlile me thĩnanĩ,
nĩmakũvoyie yĩla wamakanasya.
17O tondũ mũndũ mũka ũkwaũnya wĩmilaa na kũĩa nĩ woo,
yĩla wĩ vakuvĩ kũsyaa,
now'o twailyĩ nũndũ waku we Mwĩai Ngai.
18Nĩtwaũnyaa, nĩtweemilaa nĩ woo,
ĩndĩ twasyaie vathei.
Tũyaaetee nthĩ ũsindi,
o na tũyaasyaa andũ ma kũtũa nthĩ.
19Andũ maku ala makwie makeethĩwa thayũ,
mĩĩ yoo ĩkathayũũka.
Ala makomete kĩtoonĩ,
makaamũka maine na ũtanu!
O tondũ mbua ĩtumaa syĩndũ imea,
now'o Mwĩai Ngai wĩthayũũkya ala makwie tene.
20Inyw'ĩ andũ makwa, endai mũlike nyũmbanĩ syenyu,
na mũyĩvingĩa nthĩnĩ;
ĩvithei kwa kavinda kanini,
kũvika ũthatu mwingĩ wa Ngai wambe kũthela.
21Mwĩai Ngai nĩwũkĩte kuma wĩkalonĩ wake,
akany'e ala matũaa ĩũlũ wa nthĩ nũndũ wa mavĩtyo moo;
nthĩ ĩkoonany'a nthakame yonthe ĩla yetiwe ĩũlũ wayo,
na ndĩkasyoka kũvitha ala mooaiwe.
Currently Selected:
Ĩsa 26: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 26
26
Wathi wa Ũsindi
1Mũthenya ũsu wathi ũũ ũkainwa nthĩ ya Yuta:
Twĩ na ndũa ndũmu;
Ngai aiĩte ũtangĩĩo wĩthĩwe ta w'o mokũta na myako mĩlũmu ya ndũa ĩsu.
2Vingũai mĩvĩa ya ndũa,
nĩ kana mbaĩ ya andũ alũngalu ĩlike,
mbaĩ ĩla yĩthĩĩtwe yĩ na ũĩkĩĩku.
3We Mwĩai Ngai nĩwĩkalasya mũuonĩ mwĩanĩu vyũ,
mũndũ ũla wĩ na mosũanĩo malũmu,
nĩkwĩthĩwa nũkũĩkĩĩaa.
4Mũĩkĩĩei Mwĩai Ngai tene na tene,
nũndũ Mwĩai Ngai Mũsumbĩ nĩ ũsũvĩo wa tene na tene.
5Nũnyivĩtye ala mekathĩĩaa,
nĩwanangĩte ndũa ndũmu ĩla matũaa,
na akavalũkangya ngũta syayo nthĩ.
6Nĩkinyangĩawa nthĩ na maũũ,
maũũ ma ala ngya,
na kũkinyangwa nĩ nyaĩĩ sya athĩni.
7Nzĩa ya ala alũngalu nĩ ndindimalu;
we Ũla Mũlũngalu nũseũvasya nzĩa ya ala alũngalu.
8Nzĩanĩ ya mosilĩlo maku,
we Mwĩai Ngai nĩtũkweteelaa,
ĩsyĩtwa yaku na nguma yaku nĩsyo ngoo sitũ syendaa.
9Ũtukũ ngoo yakwa nĩyĩthĩawa ĩikwenda,
veva wakwa nũkũmanthaa na kĩthito;
nũndũ yĩla wasilĩla nthĩ,
andũ ala mekalaa ĩũlũ wayo nĩmemanyĩasya kwĩka ũlũngalu.
10O na mũndũ mũthũku eekwa nesa,
ndemanyĩasya kwĩka ũlũngalu;
o na e nthĩ ya ala alũngalu ekaa naĩ,
na ndonaa ũnene wa Mwĩai Ngai.
11 #
Aevl 10.27
We Mwĩai Ngai nĩwũkĩlĩtye kw'oko kwaku ũmakany'e,
ĩndĩ mayene kw'oko kũu.
Eka mone wendo ũla wendete andũ maku naw'o, na mayĩw'a nthoni.
Eka mavĩvw'e nĩ mwaki ũla ũvĩvasya amaitha maku.
12Ame Mwĩai Ngai, tũnenge kwĩthĩwa na mũuo,
nũndũ nue ũtũtetheasya mawĩa onthe ala twĩkĩte.
13Ame Mwĩai Ngai, Ngai waitũ,
nĩtwĩthĩĩtwe tũsumbĩkĩtwe nĩ anene aingĩ,
ĩndĩ we wĩ weka nue tũtaĩaa.
14Anene asu nĩmakwie, maikethĩwa thayũ;
nĩmatw'ĩkie maveva, maikathayũũka;
nĩwamakanisye na wamamina,
maikalilikanwa ĩngĩ.
15Ĩndĩ we Mwĩai Ngai nĩwingĩvĩtye andũ ma mbaĩ yaitũ,
ĩĩ, nĩwingĩvĩtye andũ ma mbaĩ yaitũ;
nũthanthaĩtye mĩvaka yonthe ya nthĩ yaitũ,
na kwoou wĩ wa kũkumw'a we Mwĩai Ngai.
16Ame Mwĩai Ngai, andũ nĩmakwĩkaĩlile me thĩnanĩ,
nĩmakũvoyie yĩla wamakanasya.
17O tondũ mũndũ mũka ũkwaũnya wĩmilaa na kũĩa nĩ woo,
yĩla wĩ vakuvĩ kũsyaa,
now'o twailyĩ nũndũ waku we Mwĩai Ngai.
18Nĩtwaũnyaa, nĩtweemilaa nĩ woo,
ĩndĩ twasyaie vathei.
Tũyaaetee nthĩ ũsindi,
o na tũyaasyaa andũ ma kũtũa nthĩ.
19Andũ maku ala makwie makeethĩwa thayũ,
mĩĩ yoo ĩkathayũũka.
Ala makomete kĩtoonĩ,
makaamũka maine na ũtanu!
O tondũ mbua ĩtumaa syĩndũ imea,
now'o Mwĩai Ngai wĩthayũũkya ala makwie tene.
20Inyw'ĩ andũ makwa, endai mũlike nyũmbanĩ syenyu,
na mũyĩvingĩa nthĩnĩ;
ĩvithei kwa kavinda kanini,
kũvika ũthatu mwingĩ wa Ngai wambe kũthela.
21Mwĩai Ngai nĩwũkĩte kuma wĩkalonĩ wake,
akany'e ala matũaa ĩũlũ wa nthĩ nũndũ wa mavĩtyo moo;
nthĩ ĩkoonany'a nthakame yonthe ĩla yetiwe ĩũlũ wayo,
na ndĩkasyoka kũvitha ala mooaiwe.
BIBLE SOCIETY OF KENYA © 2011