Ĩsa 19
19
Ngai Akakany'a Misili
1 #
Yel 46.2-26; Esek 29.1—32.32 Ii nĩ ndeto ngito ila Ngai waneenie ĩũlũ wa Misili:
Mwĩai Ngai okĩte Misili atũlĩte ĩũlũ wa ĩtu yĩendete mĩtũkĩ.
Mĩvw'anano ya ngai sya Misili ĩkatetema yĩ mbee wake,
na andũ ma Misili makakwatwa nĩ w'ĩa mwingĩ mũno.
2“Ngathangaasya andũ ma Misili mokite ene kwa ene:
Mũndũ akokita na mwana-a-inyia,
mũtũi na mũtũi wake,
ndũa na ndũa ĩngĩ,
ũsumbĩ na ũsumbĩ ũngĩ.
3Andũ ma Misili makakw'a ngoo,
na ngatuma mĩvango yoo yĩthĩwa ya mana;
makakũlya ũtao kuma kwa ngai sya mĩvw'anano na awe,
na kwa ala mamanyaa maũndũ kwĩsĩla mavevanĩ ma andũ ala makwie, na ala maaũasya.
4Nganengane andũ ma Misili,
kwa mũtongoi mũthũku;
mũsumbĩ mwai akamasumbĩka.
Nĩasya ũu nyie Mwĩai, ũla ninyie Mwĩai Ngai Mwene Ũtonyi W'onthe.”
5Kĩw'ũ kya Ũsĩ wa Naeli kĩkang'ala,
naw'o ũsĩ ũsu ũkanyiaa wũme vyũ.
6Mĩtaũ yaw'o ĩkanyunga naĩ,
na tũlũsĩ twa ũsĩ ũsu tũkathela na tũing'ala,
mĩangi na makangaa ala me ũsĩnĩ ũsu makooma.
7Ndee sya ũsĩ wa Naeli ikatiwa syĩ nthei,
na syĩndũ syonthe ila ivandĩtwe ũtee wa Ũsĩ ũsu ikooma,
na kũũlũkw'a nĩ kĩseve ithele vyũ.
8Atei ma makũyũ makaĩa na kũmeta,
onthe ala mekasya ndoano ũsĩnĩ wa Naeli;
onthe ala manyaĩĩkasya itei kĩw'ũnĩ,
makakw'a ngoo.
9Athũkũmi ala matethasya wĩa wa kũseũvya itambaa maitũmĩa ndii makakw'a ngoo,
na ala matumaa maitũmĩa ndii nzeo ndũmu maikethĩwa na wĩkwatyo.
10Atumi ma ngũa makasaanĩw'a,
na ala mathũkũmaa wĩa wa kũtuvwa makakwatwa nĩ kyeva.
11Atongoi ma ndũa ya Nzoani nĩ atumanu mũno;
atai ala oĩ ma mũsumbĩ wa Misili manenganae ũtao wa ũtumanu!
Matonya ata kũneena na mũsumbĩ makamwĩa,
“Nyie nĩ mwana wa mũndũ mũĩ,
nĩ nzyawa ya asumbĩ ma tene?”
12Yu ĩndĩ, we Mũsumbĩ wa Misili, maĩva andũ maku oĩ?
Nĩmakũtavye na ũkũmanyĩthya,
ũndũ Mwĩai Ngai Mwene Ũtonyi W'onthe ũvangĩte kwĩkana na Misili.
13Atongoi ma Nzoani nĩmatw'ĩkĩte ndia,
atongoi ma Memivisi nĩmakengetwe;
andũ ala matongoeasya mbaĩ syoo,
nĩmatumĩte Misili yaa.
14Mwĩai Ngai nũtumĩte methĩwa na veva wa kũvũavũana,
na nĩmaluluutĩkĩtye andũ ma Misili maũndũnĩ moo onthe.
Andũ ma Misili mailyĩ ta mũthengi ũkũvalũkw'a nĩ matavĩka make.
15Andũnĩ onthe ma Misili,
vaiĩ o na ũmwe mũtongoi kana andũ ala angĩ;
mũndũ wĩ ndaĩa kana ũte ndaĩa ũtonya kwĩka ũndũ o na wĩva atethye nthĩ ĩsu!
Andũ ma Misili Makamũthaitha Mwĩai Ngai
16Mũthenya ũsu, andũ ma Misili makeethĩwa na w'ĩa ta aka. Makatetema nĩ w'ĩa yĩla memwona Mwĩai Ngai Mwene Ũtonyi W'onthe amatambũũkĩsye kw'oko kwake amakany'e. 17Andũ ma Yuta makatelemya andũ ma Misili. Mũndũ o na wĩva wa Misili ũla wĩtavw'a ũvoo wa Yuta akakwatwa nĩ w'ĩa, nũndũ wa ũndũ ũla Mwĩai Ngai Mwene Ũtonyi W'onthe ũvangĩte kwĩkana na andũ ma Misili.
18Mũthenya ũsu, ndũa itano sya Misili ikeethĩwa iineenwa Kĩevelania, na andũ ma ndũa isu makeevĩta kana nĩmekwĩthĩwa me aĩkĩĩku kũla kwĩ Mwĩai Ngai Mwene Ũtonyi W'onthe. Ndũa ĩmwe ya isu itano ĩkeetwa, “Ndũa ya Syũa.”#19.18 Ndũa ya Syũa: Maandĩko amwe ma Ndeto ya Ngai maĩtye Ndũa ya Wanangĩko
19Mũthenya ũsu, nthĩ ya Misili katĩ vakeethĩwa kĩthembeo kya Mwĩai Ngai, na o ta ũu mũvakanĩ wa Misili vakeethĩwa kĩtuĩ kĩvathĩtwe kwondũ wa Mwĩai Ngai.
20Ũsu ũkeethĩwa wonany'o na ũkũsĩ kwa Mwĩai Ngai Mwene Ũtonyi W'onthe kũu nthĩ ya Misili. Yĩla andũ mamwĩkaĩla Mwĩai Ngai nũndũ wa kũthĩnw'a, akamaeteae mũtangĩĩi, na akamasũvĩaa na kũmovosya. 21Mwĩai Ngai akeemanyĩthany'a kwa andũ ma Misili, namo makamũmanya mũthenya ũsu na kũmũthaitha kwa kũmumĩsya nthembo, na nthembo ingĩ sya kũvĩvw'a. O ta ũu makeevĩta kũla kwĩ Mwĩai Ngai na mayĩanĩsya mawĩvĩto asu. 22Mwĩai Ngai akamakũna andũ ma Misili na kũmavosya. Makamũsyokea, nake ayĩthukĩĩsya mboya syoo na kũmavosya.
23Mũthenya ũsu, kũkeethĩwa na nzĩa nene yumĩte Misili nginya nthĩ ya Asuli. Andũ ma Asuli makaendaa Misili, namo andũ ma Misili makaendaa Asuli, na andũ ma Misili makathaitha vamwe na andũ ma Asuli.
24Mũthenya ũsu, Ĩsilaeli ĩkatalanĩlw'a vamwe na Misili na Asuli; nthĩ isu itatũ ikeethĩwa syĩ ũathimo kwa nthĩ yonthe. 25Mwĩai Ngai Mwene Ũtonyi W'onthe nũmaathimĩte akyasya atĩĩ, “Nĩngũmũathima inyw'ĩ andũ ma Misili, andũ makwa, nenyu andũ ma Asuli, andũ ala noombie, na andũ ma Ĩsilaeli, andũ ala nanyuvie matw'ĩke makwa.”
Currently Selected:
Ĩsa 19: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 19
19
Ngai Akakany'a Misili
1 #
Yel 46.2-26; Esek 29.1—32.32 Ii nĩ ndeto ngito ila Ngai waneenie ĩũlũ wa Misili:
Mwĩai Ngai okĩte Misili atũlĩte ĩũlũ wa ĩtu yĩendete mĩtũkĩ.
Mĩvw'anano ya ngai sya Misili ĩkatetema yĩ mbee wake,
na andũ ma Misili makakwatwa nĩ w'ĩa mwingĩ mũno.
2“Ngathangaasya andũ ma Misili mokite ene kwa ene:
Mũndũ akokita na mwana-a-inyia,
mũtũi na mũtũi wake,
ndũa na ndũa ĩngĩ,
ũsumbĩ na ũsumbĩ ũngĩ.
3Andũ ma Misili makakw'a ngoo,
na ngatuma mĩvango yoo yĩthĩwa ya mana;
makakũlya ũtao kuma kwa ngai sya mĩvw'anano na awe,
na kwa ala mamanyaa maũndũ kwĩsĩla mavevanĩ ma andũ ala makwie, na ala maaũasya.
4Nganengane andũ ma Misili,
kwa mũtongoi mũthũku;
mũsumbĩ mwai akamasumbĩka.
Nĩasya ũu nyie Mwĩai, ũla ninyie Mwĩai Ngai Mwene Ũtonyi W'onthe.”
5Kĩw'ũ kya Ũsĩ wa Naeli kĩkang'ala,
naw'o ũsĩ ũsu ũkanyiaa wũme vyũ.
6Mĩtaũ yaw'o ĩkanyunga naĩ,
na tũlũsĩ twa ũsĩ ũsu tũkathela na tũing'ala,
mĩangi na makangaa ala me ũsĩnĩ ũsu makooma.
7Ndee sya ũsĩ wa Naeli ikatiwa syĩ nthei,
na syĩndũ syonthe ila ivandĩtwe ũtee wa Ũsĩ ũsu ikooma,
na kũũlũkw'a nĩ kĩseve ithele vyũ.
8Atei ma makũyũ makaĩa na kũmeta,
onthe ala mekasya ndoano ũsĩnĩ wa Naeli;
onthe ala manyaĩĩkasya itei kĩw'ũnĩ,
makakw'a ngoo.
9Athũkũmi ala matethasya wĩa wa kũseũvya itambaa maitũmĩa ndii makakw'a ngoo,
na ala matumaa maitũmĩa ndii nzeo ndũmu maikethĩwa na wĩkwatyo.
10Atumi ma ngũa makasaanĩw'a,
na ala mathũkũmaa wĩa wa kũtuvwa makakwatwa nĩ kyeva.
11Atongoi ma ndũa ya Nzoani nĩ atumanu mũno;
atai ala oĩ ma mũsumbĩ wa Misili manenganae ũtao wa ũtumanu!
Matonya ata kũneena na mũsumbĩ makamwĩa,
“Nyie nĩ mwana wa mũndũ mũĩ,
nĩ nzyawa ya asumbĩ ma tene?”
12Yu ĩndĩ, we Mũsumbĩ wa Misili, maĩva andũ maku oĩ?
Nĩmakũtavye na ũkũmanyĩthya,
ũndũ Mwĩai Ngai Mwene Ũtonyi W'onthe ũvangĩte kwĩkana na Misili.
13Atongoi ma Nzoani nĩmatw'ĩkĩte ndia,
atongoi ma Memivisi nĩmakengetwe;
andũ ala matongoeasya mbaĩ syoo,
nĩmatumĩte Misili yaa.
14Mwĩai Ngai nũtumĩte methĩwa na veva wa kũvũavũana,
na nĩmaluluutĩkĩtye andũ ma Misili maũndũnĩ moo onthe.
Andũ ma Misili mailyĩ ta mũthengi ũkũvalũkw'a nĩ matavĩka make.
15Andũnĩ onthe ma Misili,
vaiĩ o na ũmwe mũtongoi kana andũ ala angĩ;
mũndũ wĩ ndaĩa kana ũte ndaĩa ũtonya kwĩka ũndũ o na wĩva atethye nthĩ ĩsu!
Andũ ma Misili Makamũthaitha Mwĩai Ngai
16Mũthenya ũsu, andũ ma Misili makeethĩwa na w'ĩa ta aka. Makatetema nĩ w'ĩa yĩla memwona Mwĩai Ngai Mwene Ũtonyi W'onthe amatambũũkĩsye kw'oko kwake amakany'e. 17Andũ ma Yuta makatelemya andũ ma Misili. Mũndũ o na wĩva wa Misili ũla wĩtavw'a ũvoo wa Yuta akakwatwa nĩ w'ĩa, nũndũ wa ũndũ ũla Mwĩai Ngai Mwene Ũtonyi W'onthe ũvangĩte kwĩkana na andũ ma Misili.
18Mũthenya ũsu, ndũa itano sya Misili ikeethĩwa iineenwa Kĩevelania, na andũ ma ndũa isu makeevĩta kana nĩmekwĩthĩwa me aĩkĩĩku kũla kwĩ Mwĩai Ngai Mwene Ũtonyi W'onthe. Ndũa ĩmwe ya isu itano ĩkeetwa, “Ndũa ya Syũa.”#19.18 Ndũa ya Syũa: Maandĩko amwe ma Ndeto ya Ngai maĩtye Ndũa ya Wanangĩko
19Mũthenya ũsu, nthĩ ya Misili katĩ vakeethĩwa kĩthembeo kya Mwĩai Ngai, na o ta ũu mũvakanĩ wa Misili vakeethĩwa kĩtuĩ kĩvathĩtwe kwondũ wa Mwĩai Ngai.
20Ũsu ũkeethĩwa wonany'o na ũkũsĩ kwa Mwĩai Ngai Mwene Ũtonyi W'onthe kũu nthĩ ya Misili. Yĩla andũ mamwĩkaĩla Mwĩai Ngai nũndũ wa kũthĩnw'a, akamaeteae mũtangĩĩi, na akamasũvĩaa na kũmovosya. 21Mwĩai Ngai akeemanyĩthany'a kwa andũ ma Misili, namo makamũmanya mũthenya ũsu na kũmũthaitha kwa kũmumĩsya nthembo, na nthembo ingĩ sya kũvĩvw'a. O ta ũu makeevĩta kũla kwĩ Mwĩai Ngai na mayĩanĩsya mawĩvĩto asu. 22Mwĩai Ngai akamakũna andũ ma Misili na kũmavosya. Makamũsyokea, nake ayĩthukĩĩsya mboya syoo na kũmavosya.
23Mũthenya ũsu, kũkeethĩwa na nzĩa nene yumĩte Misili nginya nthĩ ya Asuli. Andũ ma Asuli makaendaa Misili, namo andũ ma Misili makaendaa Asuli, na andũ ma Misili makathaitha vamwe na andũ ma Asuli.
24Mũthenya ũsu, Ĩsilaeli ĩkatalanĩlw'a vamwe na Misili na Asuli; nthĩ isu itatũ ikeethĩwa syĩ ũathimo kwa nthĩ yonthe. 25Mwĩai Ngai Mwene Ũtonyi W'onthe nũmaathimĩte akyasya atĩĩ, “Nĩngũmũathima inyw'ĩ andũ ma Misili, andũ makwa, nenyu andũ ma Asuli, andũ ala noombie, na andũ ma Ĩsilaeli, andũ ala nanyuvie matw'ĩke makwa.”
BIBLE SOCIETY OF KENYA © 2011