Ĩsa 17
17
Ngai Akaananga Ndamasikũ
1 #
Yel 49.23-27; Amo 1.3-5; Nzek 9.1 Ii nĩ ndeto ngito ila Ngai waneenie ĩũlũ wa Ndamasikũ:
“Ndamasikũ ĩkaeka kwĩthĩwa yĩ ndũa,
na ĩkaombowa ĩtw'ĩke kĩvumbu.
2Ndũa sya Aloeli ikatiwa syĩ nthei,
na kũtw'ĩka kũndũ kwa kũtindia mbũi na malondu,
na vai mũndũ ũkaitelemya.
3Ndũa mbiĩĩe sya Evalaimu ikathela,
na ũsumbĩ wa Ndamasikũ ũkathela.
Asilia ala metiwa thayũ,
makeethĩwa maivũthw'a ta andũ ma Ĩsilaeli.
Nyie Mwĩai Ngai Mwene Ũtonyi W'onthe nĩnaneena.”
Ala Makatiala Ĩsilaeli
4“Mũthenya ũsu, ndaĩa ya nzyawa sya Yakovo ĩkathela,
na ũthwii woo ũkathela matiwe me ngya.
5Makeethĩwa ta mũũnda ũminĩte kũkethwa,
na ta mũũnda wĩ Mwandanĩ wa Levaimu ũkolanĩtw'e kĩla kĩtialĩte ũkatiwa wĩ mũthei.
6Ĩndĩ vakatiala andũ anini,
o tondũ vatialaa ũsyao mũnini;
yĩla mũtĩ wa mũthata wakũnangwa,
vatialaa matunda elĩ kana atatũ mbongenĩ sya ĩũlũ,
matunda ana kana atano mũtĩnĩ ũla ũsyaa mũno.
Nĩasya ũu nyie Mwĩai Ngai, Ngai wa Ĩsilaeli.”
Mũminũkĩlyo wa Ũthaithi wa Ngai sya Mũvw'anano
7Mũthenya ũsu, andũ makamũsyokea Mũmbi woo, na kũmũsisya ũsu Mũtheu wa Ĩsilaeli amatethye. 8Maikekwatya ĩngĩ ithembeo ila maseũvĩtye na moko moo ene, na maikathaitha kĩla mo ene maseũvĩtye, mĩvw'anano ya ngai nga ĩla yĩtawa Asela kana ithembeo sya kũvĩvĩsya ũvani.
9Mũthenya ũsu, ndũa syoo ndũmu ikatiwa ite andũ, ta ndũa ila Aivi na Aamoli matiie yĩla makĩĩte andũ ma Ĩsilaeli. Kũndũ kw'onthe kũkatiwa kwĩ kũthei.
10We Ĩsilaeli nĩwũlĩtwe nĩ Ngai Mũtangĩĩi waku,
na ndwaalilikana Ĩvia yĩla nĩyo wĩvitho waku.
Kwoou o na vala nĩmũvandaa mĩtĩ mĩseo,
na kũmĩvatha yĩthĩwe yĩ mĩtheu kwondũ wa ngai ngeni,
11o na ethĩwa nĩmũkũtuma yĩana o mũthenyanĩ ũla mwamĩvanda,
na kũtuma ĩlaũka kwakya kũla mwamĩvuĩa,
mũikwata ngetha o na ĩmwe,
mũthenyanĩ wa kĩmako na wa kyalya kĩtaiitĩka.
Kũsindwa kwa Nthĩ sya Amaitha ma Ĩsilaeli
12Asi! Kĩtuu kya andũ aingĩ,
maambĩte ta kĩlitũko kya ũkanga!
Asi! Wasya wa andũ ma nthĩ ingĩ,
meumya wasya ũilyĩ ta wa kĩw'ũ kingĩ!
13Andũ ma nthĩ ingĩ meumya wasya ũilyĩ ta wa kĩw'ũ kingĩ,
ĩndĩ Ngai akamakany'a na makakĩa mathi kũasa;
makakũĩthw'a ta mavuti me iĩmanĩ maũlũkĩtw'e nĩ kĩseve,
na ta kĩtoo kĩũlũkĩtw'e nĩ kĩuutani.
14Wĩoo maetae ũtĩsyo!
Ĩndĩ mbee wa kũtanakya mayĩthĩwa mate vo!
Ũndũ ũsu nĩw'o wĩkwata andũ ala matũvenaa ũthwii witũ,
nĩw'o wĩkwata ala matavaa syĩndũ sitũ.
Currently Selected:
Ĩsa 17: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 17
17
Ngai Akaananga Ndamasikũ
1 #
Yel 49.23-27; Amo 1.3-5; Nzek 9.1 Ii nĩ ndeto ngito ila Ngai waneenie ĩũlũ wa Ndamasikũ:
“Ndamasikũ ĩkaeka kwĩthĩwa yĩ ndũa,
na ĩkaombowa ĩtw'ĩke kĩvumbu.
2Ndũa sya Aloeli ikatiwa syĩ nthei,
na kũtw'ĩka kũndũ kwa kũtindia mbũi na malondu,
na vai mũndũ ũkaitelemya.
3Ndũa mbiĩĩe sya Evalaimu ikathela,
na ũsumbĩ wa Ndamasikũ ũkathela.
Asilia ala metiwa thayũ,
makeethĩwa maivũthw'a ta andũ ma Ĩsilaeli.
Nyie Mwĩai Ngai Mwene Ũtonyi W'onthe nĩnaneena.”
Ala Makatiala Ĩsilaeli
4“Mũthenya ũsu, ndaĩa ya nzyawa sya Yakovo ĩkathela,
na ũthwii woo ũkathela matiwe me ngya.
5Makeethĩwa ta mũũnda ũminĩte kũkethwa,
na ta mũũnda wĩ Mwandanĩ wa Levaimu ũkolanĩtw'e kĩla kĩtialĩte ũkatiwa wĩ mũthei.
6Ĩndĩ vakatiala andũ anini,
o tondũ vatialaa ũsyao mũnini;
yĩla mũtĩ wa mũthata wakũnangwa,
vatialaa matunda elĩ kana atatũ mbongenĩ sya ĩũlũ,
matunda ana kana atano mũtĩnĩ ũla ũsyaa mũno.
Nĩasya ũu nyie Mwĩai Ngai, Ngai wa Ĩsilaeli.”
Mũminũkĩlyo wa Ũthaithi wa Ngai sya Mũvw'anano
7Mũthenya ũsu, andũ makamũsyokea Mũmbi woo, na kũmũsisya ũsu Mũtheu wa Ĩsilaeli amatethye. 8Maikekwatya ĩngĩ ithembeo ila maseũvĩtye na moko moo ene, na maikathaitha kĩla mo ene maseũvĩtye, mĩvw'anano ya ngai nga ĩla yĩtawa Asela kana ithembeo sya kũvĩvĩsya ũvani.
9Mũthenya ũsu, ndũa syoo ndũmu ikatiwa ite andũ, ta ndũa ila Aivi na Aamoli matiie yĩla makĩĩte andũ ma Ĩsilaeli. Kũndũ kw'onthe kũkatiwa kwĩ kũthei.
10We Ĩsilaeli nĩwũlĩtwe nĩ Ngai Mũtangĩĩi waku,
na ndwaalilikana Ĩvia yĩla nĩyo wĩvitho waku.
Kwoou o na vala nĩmũvandaa mĩtĩ mĩseo,
na kũmĩvatha yĩthĩwe yĩ mĩtheu kwondũ wa ngai ngeni,
11o na ethĩwa nĩmũkũtuma yĩana o mũthenyanĩ ũla mwamĩvanda,
na kũtuma ĩlaũka kwakya kũla mwamĩvuĩa,
mũikwata ngetha o na ĩmwe,
mũthenyanĩ wa kĩmako na wa kyalya kĩtaiitĩka.
Kũsindwa kwa Nthĩ sya Amaitha ma Ĩsilaeli
12Asi! Kĩtuu kya andũ aingĩ,
maambĩte ta kĩlitũko kya ũkanga!
Asi! Wasya wa andũ ma nthĩ ingĩ,
meumya wasya ũilyĩ ta wa kĩw'ũ kingĩ!
13Andũ ma nthĩ ingĩ meumya wasya ũilyĩ ta wa kĩw'ũ kingĩ,
ĩndĩ Ngai akamakany'a na makakĩa mathi kũasa;
makakũĩthw'a ta mavuti me iĩmanĩ maũlũkĩtw'e nĩ kĩseve,
na ta kĩtoo kĩũlũkĩtw'e nĩ kĩuutani.
14Wĩoo maetae ũtĩsyo!
Ĩndĩ mbee wa kũtanakya mayĩthĩwa mate vo!
Ũndũ ũsu nĩw'o wĩkwata andũ ala matũvenaa ũthwii witũ,
nĩw'o wĩkwata ala matavaa syĩndũ sitũ.
BIBLE SOCIETY OF KENYA © 2011