Ĩsa 1
1
Ũng'endu wa Mbaĩ ya Yuta
1 #
2Asu 15.1-7; 15.32—16.20; 18.1—20.21; 2Mav 26.1-23; 27.1-9; 28.1-27; 29.1—32.33 Woni wa Ĩsaia mwana wa Amosu ũla woonie ĩũlũ wa Yuta na Yelũsalemu ĩvindanĩ ya kũsumbĩka kwa Usia, Yothamu, Aasu na Esekia asumbĩ ma Yuta.
2Ĩthukĩĩsyei inyw'ĩ matu,
tea kũtũ we nthĩ,
nĩkwĩthĩwa Mwĩai Ngai easya atĩĩ,
“Nĩnĩeete syana ikeana,
ĩndĩ yu ning'endeete.
3Ng'ombe nĩyĩsĩ mwene wayo,
na ĩng'oi nĩyĩsĩ vala mũnene wayo ũyĩĩthĩasya,
ĩndĩ andũ ma Ĩsilaeli mayĩsĩ kĩndũ o na kĩmwe,
andũ makwa maikũmanya kĩndũ!”
4Kyeva nĩ kwaku we nthĩ wĩ na naĩ,
andũ mausũĩtwe nĩ mavĩtyo,
nzyawa sya eki ma naĩ,
andũ mekalaa maikengana!
Nĩmamũekete Mwĩai Ngai,
nĩmavũthĩtye Ũla Mũtheu wa Ĩsilaeli,
nĩmataanĩsye nake vyũ.
5Wĩlea kũeka ũng'endu waku nĩkĩ?
Wĩenda kũendeea kũkanw'a nĩkĩ?
Mũtwe waku w'onthe nĩ mũũmĩsye,
na ngoo yaku yonthe nĩthelete vinya.
6Kuma ũnyaĩĩ wa kũũ kũvika mũtwe,
ndwĩna ũima wa mwĩĩ,
kusĩe maũũmĩsye na itau,
na makũna mekũua;
itau isu ti nthambye kana ikovwa,
kana ikololow'a na mauta.
7Nthĩ yenyu nĩ nthei,
ndũa syenyu ivĩvĩtw'e na mwaki;
aeni memina nthĩ yenyu mũsyaĩĩsye;
nĩ nthei ta yosetwe nĩ aeni makamĩmesya.
8Ndũa ya Saioni ĩtiĩtwe ĩilyĩ ta kĩvanda kĩ mũũndanĩ wa mĩsavivũ,
ta kasũmba ke mũũndanĩ wa mongũ,
ta ndũa ĩthyũlũlũkĩtwe nĩ amaitha.
9 #
Mwa 19.24; Alo 9.29 Kethĩwa Mwĩai Ngai Mwene Ũtonyi W'onthe ndaatialya amwe maitũ anini,
twĩthĩwa twathelile ta ndũa ya Sondomu,
na ta ndũa ya Ngomola.
Wĩtano wa Kũalyũka kwa W'o
10Ĩthukĩĩsyei ndeto ya Mwĩai Ngai,
inyw'ĩ atongoi athũku ta ala ma Sondomu!
Teai kũtũ mwĩw'e ũmanyĩsyo wa Ngai waitũ,
inyw'ĩ andũ athũku ta ala ma Ngomola!
11 #
Amo 5.21-22
Mwĩai Ngai ekũlya atĩĩ,
“Wingĩ wa nthembo syenyu nĩ kyaũ kũla nĩĩ?
Nĩnĩkolete nthembo syenyu sya kũvĩvw'a sya ndũũme na mathunya ma nyamũ syenyu nou.
Nditanĩthaw'a nĩ nthakame ya tũsalũ,
kana ya tũtena twa malondu kana ya nthenge.
12Yĩla mũkaa vala nĩĩ kũnthaitha,
nũũ ũla wĩthĩawa amwĩĩte mũke kũkinyanga nza syakwa?
13Mũikandetee ĩngĩ nthembo syenyu sya mana;
ũvani wenyu nĩ ũvuku kwakwa.
Ndikwenda Mboka syenyu sya Kũtisa kwa Mwei,
sya Savato na mbũmbano syenyu sya kĩ-ũthaithi;
isu syonthe nĩsyanangĩtwe nĩ naĩ syenyu.
14Nĩnĩmenete Mboka syenyu sya Kũtisa kwa Mwei na ila ingĩ itw'ĩtwe.
Itw'ĩkĩte mũio mũito kwakwa,
nĩnĩnoetw'e nĩ kũsyũmĩĩsya.
15“Yĩla mwookĩlya moko mũvoye,
ngavithaa ũthyũ wakwa ndikamwone;
o na mwavoya mboya singĩvĩte ata, ndikamwĩthukĩĩsya,
nĩkwĩthĩwa moko menyu mausũĩte nthakame.
16Thambai, ĩthesyei;
vetangai ũthũku ũla mũkwĩka nĩeke kũwona!
Ekai kwĩka ũthũku.
17Ĩmanyĩsyei kwĩka ũla ũseo,
atĩĩai sila wa katĩ,
mũtethyei ũla ũthĩnaw'a,
sũvĩai syana ndiwa,
teteai mũndũ mũka ndiwa.”
18Mwĩai Ngai easya atĩĩ,
“Ũkai yu tũsũanĩe vamwe,
o na vala naĩ syenyu nĩ ndune mũno,
mũkathew'a mwĩthĩwe mwĩ eũ ta ĩa;
o na vala nĩ ndune ta nthakame,
mũkeeũvw'a ta w'ĩa wa ĩlondu.
19Ethĩwa nĩmũkwenda kũmbĩw'a,
mũkaya mosyao maseo ma nthĩ ĩno,
20ĩndĩ mwalea kũmbĩw'a na mũing'endea,
mũkaminwa na ũvyũ.
Nyie Mwĩai Ngai nĩnaneena.”
Ndũa Yusũĩte Naĩ
21Sisya ũndũ ndũa ĩla yaĩ na ũĩkĩĩku,
yu ĩtw'ĩkĩte ta ĩlwaya!
Ndũa ĩsu yausũĩte sila wa katĩ,
ũlũngalu watwĩe nthĩnĩ wayo,
ĩndĩ yu yusũĩte oaani.
22Silĩva wa ndũa ĩsu nũtw'ĩkĩte mavuti;
ndivai ya yo nĩvulanĩtw'e na kĩw'ũ.
23Atongoi mayo nĩmatw'ĩkĩte andũ ang'endu,
na atindany'a ma ing'ei.
Kĩla ũmwe woo nĩwendaa ĩtuvi ya wendeesyo,
na asembanasya na mĩthĩnzĩo.
Maisũvĩaa syana ndiwa,
na maiteteaa aka ndiwa.
24Kwoou Mwĩai, ũla nĩwe Mwĩai Ngai Mwene Ũtonyi W'onthe,
Ũla wĩ Ũtonyi wa Ĩsilaeli easya atĩĩ,
“Ngatulũĩla amaitha makwa ũthatu wakwa,
na kwĩyĩĩvanĩsya kwa nthũ syakwa.
25Ngakwosea ĩtambya,
ngakũthesya ũndũ kyũma kĩtheaw'a,
na kũveta ĩko yaku.
26Ngakũtũngĩa asili maku ta ala waĩ namo mbeenĩ,
na atai maku ta ala waĩ namo mwambĩlĩĩlyonĩ.
Nĩvo ĩndĩ we Yelũsalemu ũketwa ‘Ndũa ya Ũlũngalu,
Ndũa yĩ na Ũĩkĩĩku.’ ”
27Ndũa ya Saioni ĩkoovow'a na sila wa katĩ,
ala matwĩe vo meelila makoovow'a na ũlũngalu.
28Ĩndĩ ala ang'endu na eki ma naĩ makaminwa vamwe,
na ala mamũekaa Mwĩai Ngai makavĩvw'a.
29Mũkakwatwa nĩ nthoni nũndũ wa mĩtĩ ya myalonĩ ĩla mwendete mũno;
mũkathĩnw'a nũndũ wa mĩũnda ĩla yamũtanĩthasya.
30Nĩkwĩthĩwa mũkeethĩwa mũilyĩ ta mũtĩ wa mwalonĩ ũvovetye matũ,
na ta mũũnda ũte kĩw'ũ.
31Ala me vinya makeethĩwa mailyĩ ta matũ momũ,
na meko moo ta ngala sya mwaki;
makavya vamwe na meko moo,
na vaikethĩwa mũndũ wa kũvosya mwaki ũsu.
Currently Selected:
Ĩsa 1: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 1
1
Ũng'endu wa Mbaĩ ya Yuta
1 #
2Asu 15.1-7; 15.32—16.20; 18.1—20.21; 2Mav 26.1-23; 27.1-9; 28.1-27; 29.1—32.33 Woni wa Ĩsaia mwana wa Amosu ũla woonie ĩũlũ wa Yuta na Yelũsalemu ĩvindanĩ ya kũsumbĩka kwa Usia, Yothamu, Aasu na Esekia asumbĩ ma Yuta.
2Ĩthukĩĩsyei inyw'ĩ matu,
tea kũtũ we nthĩ,
nĩkwĩthĩwa Mwĩai Ngai easya atĩĩ,
“Nĩnĩeete syana ikeana,
ĩndĩ yu ning'endeete.
3Ng'ombe nĩyĩsĩ mwene wayo,
na ĩng'oi nĩyĩsĩ vala mũnene wayo ũyĩĩthĩasya,
ĩndĩ andũ ma Ĩsilaeli mayĩsĩ kĩndũ o na kĩmwe,
andũ makwa maikũmanya kĩndũ!”
4Kyeva nĩ kwaku we nthĩ wĩ na naĩ,
andũ mausũĩtwe nĩ mavĩtyo,
nzyawa sya eki ma naĩ,
andũ mekalaa maikengana!
Nĩmamũekete Mwĩai Ngai,
nĩmavũthĩtye Ũla Mũtheu wa Ĩsilaeli,
nĩmataanĩsye nake vyũ.
5Wĩlea kũeka ũng'endu waku nĩkĩ?
Wĩenda kũendeea kũkanw'a nĩkĩ?
Mũtwe waku w'onthe nĩ mũũmĩsye,
na ngoo yaku yonthe nĩthelete vinya.
6Kuma ũnyaĩĩ wa kũũ kũvika mũtwe,
ndwĩna ũima wa mwĩĩ,
kusĩe maũũmĩsye na itau,
na makũna mekũua;
itau isu ti nthambye kana ikovwa,
kana ikololow'a na mauta.
7Nthĩ yenyu nĩ nthei,
ndũa syenyu ivĩvĩtw'e na mwaki;
aeni memina nthĩ yenyu mũsyaĩĩsye;
nĩ nthei ta yosetwe nĩ aeni makamĩmesya.
8Ndũa ya Saioni ĩtiĩtwe ĩilyĩ ta kĩvanda kĩ mũũndanĩ wa mĩsavivũ,
ta kasũmba ke mũũndanĩ wa mongũ,
ta ndũa ĩthyũlũlũkĩtwe nĩ amaitha.
9 #
Mwa 19.24; Alo 9.29 Kethĩwa Mwĩai Ngai Mwene Ũtonyi W'onthe ndaatialya amwe maitũ anini,
twĩthĩwa twathelile ta ndũa ya Sondomu,
na ta ndũa ya Ngomola.
Wĩtano wa Kũalyũka kwa W'o
10Ĩthukĩĩsyei ndeto ya Mwĩai Ngai,
inyw'ĩ atongoi athũku ta ala ma Sondomu!
Teai kũtũ mwĩw'e ũmanyĩsyo wa Ngai waitũ,
inyw'ĩ andũ athũku ta ala ma Ngomola!
11 #
Amo 5.21-22
Mwĩai Ngai ekũlya atĩĩ,
“Wingĩ wa nthembo syenyu nĩ kyaũ kũla nĩĩ?
Nĩnĩkolete nthembo syenyu sya kũvĩvw'a sya ndũũme na mathunya ma nyamũ syenyu nou.
Nditanĩthaw'a nĩ nthakame ya tũsalũ,
kana ya tũtena twa malondu kana ya nthenge.
12Yĩla mũkaa vala nĩĩ kũnthaitha,
nũũ ũla wĩthĩawa amwĩĩte mũke kũkinyanga nza syakwa?
13Mũikandetee ĩngĩ nthembo syenyu sya mana;
ũvani wenyu nĩ ũvuku kwakwa.
Ndikwenda Mboka syenyu sya Kũtisa kwa Mwei,
sya Savato na mbũmbano syenyu sya kĩ-ũthaithi;
isu syonthe nĩsyanangĩtwe nĩ naĩ syenyu.
14Nĩnĩmenete Mboka syenyu sya Kũtisa kwa Mwei na ila ingĩ itw'ĩtwe.
Itw'ĩkĩte mũio mũito kwakwa,
nĩnĩnoetw'e nĩ kũsyũmĩĩsya.
15“Yĩla mwookĩlya moko mũvoye,
ngavithaa ũthyũ wakwa ndikamwone;
o na mwavoya mboya singĩvĩte ata, ndikamwĩthukĩĩsya,
nĩkwĩthĩwa moko menyu mausũĩte nthakame.
16Thambai, ĩthesyei;
vetangai ũthũku ũla mũkwĩka nĩeke kũwona!
Ekai kwĩka ũthũku.
17Ĩmanyĩsyei kwĩka ũla ũseo,
atĩĩai sila wa katĩ,
mũtethyei ũla ũthĩnaw'a,
sũvĩai syana ndiwa,
teteai mũndũ mũka ndiwa.”
18Mwĩai Ngai easya atĩĩ,
“Ũkai yu tũsũanĩe vamwe,
o na vala naĩ syenyu nĩ ndune mũno,
mũkathew'a mwĩthĩwe mwĩ eũ ta ĩa;
o na vala nĩ ndune ta nthakame,
mũkeeũvw'a ta w'ĩa wa ĩlondu.
19Ethĩwa nĩmũkwenda kũmbĩw'a,
mũkaya mosyao maseo ma nthĩ ĩno,
20ĩndĩ mwalea kũmbĩw'a na mũing'endea,
mũkaminwa na ũvyũ.
Nyie Mwĩai Ngai nĩnaneena.”
Ndũa Yusũĩte Naĩ
21Sisya ũndũ ndũa ĩla yaĩ na ũĩkĩĩku,
yu ĩtw'ĩkĩte ta ĩlwaya!
Ndũa ĩsu yausũĩte sila wa katĩ,
ũlũngalu watwĩe nthĩnĩ wayo,
ĩndĩ yu yusũĩte oaani.
22Silĩva wa ndũa ĩsu nũtw'ĩkĩte mavuti;
ndivai ya yo nĩvulanĩtw'e na kĩw'ũ.
23Atongoi mayo nĩmatw'ĩkĩte andũ ang'endu,
na atindany'a ma ing'ei.
Kĩla ũmwe woo nĩwendaa ĩtuvi ya wendeesyo,
na asembanasya na mĩthĩnzĩo.
Maisũvĩaa syana ndiwa,
na maiteteaa aka ndiwa.
24Kwoou Mwĩai, ũla nĩwe Mwĩai Ngai Mwene Ũtonyi W'onthe,
Ũla wĩ Ũtonyi wa Ĩsilaeli easya atĩĩ,
“Ngatulũĩla amaitha makwa ũthatu wakwa,
na kwĩyĩĩvanĩsya kwa nthũ syakwa.
25Ngakwosea ĩtambya,
ngakũthesya ũndũ kyũma kĩtheaw'a,
na kũveta ĩko yaku.
26Ngakũtũngĩa asili maku ta ala waĩ namo mbeenĩ,
na atai maku ta ala waĩ namo mwambĩlĩĩlyonĩ.
Nĩvo ĩndĩ we Yelũsalemu ũketwa ‘Ndũa ya Ũlũngalu,
Ndũa yĩ na Ũĩkĩĩku.’ ”
27Ndũa ya Saioni ĩkoovow'a na sila wa katĩ,
ala matwĩe vo meelila makoovow'a na ũlũngalu.
28Ĩndĩ ala ang'endu na eki ma naĩ makaminwa vamwe,
na ala mamũekaa Mwĩai Ngai makavĩvw'a.
29Mũkakwatwa nĩ nthoni nũndũ wa mĩtĩ ya myalonĩ ĩla mwendete mũno;
mũkathĩnw'a nũndũ wa mĩũnda ĩla yamũtanĩthasya.
30Nĩkwĩthĩwa mũkeethĩwa mũilyĩ ta mũtĩ wa mwalonĩ ũvovetye matũ,
na ta mũũnda ũte kĩw'ũ.
31Ala me vinya makeethĩwa mailyĩ ta matũ momũ,
na meko moo ta ngala sya mwaki;
makavya vamwe na meko moo,
na vaikethĩwa mũndũ wa kũvosya mwaki ũsu.
BIBLE SOCIETY OF KENYA © 2011