Mũta 4
4
1Nĩnasyaisye ĩngĩ noona ũndũ andũ mathĩnaw'a nĩ ala angĩ ĩũlũ wa nthĩ. Nĩnoonie asu mathĩnaw'a me na kĩĩo kĩnene ĩndĩ vayaĩ mũndũ wa kũmakiakisya, nũndũ ala mamathĩnasya nĩmo maĩ na ũtonyi. 2Nĩnasũanĩie akw'ũ me vaseo mũno kwĩ ala me thayũ. 3Ĩndĩ ũla ũtaasyawa na kwona maũndũ mathũku ala mekawa nĩ andũ ĩũlũ wa nthĩ, e vaseo mũno kwĩ andũ asu.
4Nĩnĩmanyĩte kana andũ mathũkũmaa na kĩthito nũndũ nĩmekwĩw'ĩa kĩwĩu andũ ala angĩ. Ũu o naw'o nĩ mana, na nĩ ta kũsembany'a na kĩseve.
5Ndia ndĩtethasya wĩa;
yĩyĩekeaa nzaa nginya ĩkakw'a.
6Nĩ kavaa kwĩthĩwa na kĩndũ kĩnini wĩ na mũuo ngoonĩ,
kũte kwĩthĩwa na syĩndũ mbingĩ wĩ na kyeva,
ũla nĩ ũndũ ũmwe na kũsembany'a na kĩseve.
7Ve ũndũ ũngĩ nonete nĩ thayũ naw'o no mana. 8Ve mũndũ wĩkalaa e weka; nde kana, nde mwana-a-inyia ĩndĩ atindaa athũkũmĩte ĩvinda yonthe, na ndesaa kwĩanĩwa nĩ ũthwii ũla wĩ naw'o. Athũkũmĩaa ũũ na kĩthito kĩana ũu, na kwĩyĩima mwene maũndũ ma kwĩtanĩthya? Ũu o naw'o no mana na nĩ wĩa ũte ũtanu.
9Andũ elĩ maitethya wĩa me vamwe me kavaa kwĩ mũndũ ũmwe, nũndũ nĩmatonya kũtethya wĩa mwingĩ mbeange. 10Nũndũ ũmwe woo avalũka nũtonya kũkĩlw'a nĩ ũla ũngĩ. Ĩndĩ kyeva nĩ kwaku we ũthũkũmaa wĩ weka nũndũ yĩla wavalũka ndwĩ na mũndũ ũkũkĩlya! 11O ĩngĩ, ethĩwa andũ elĩ makakoma ũkomonĩ ũmwe makakwatany'a muutĩa. Ĩndĩ mũndũ ndatonya kwĩw'a muutĩa akomete e weka. 12Andũ elĩ nĩmatonya kwĩsiĩĩa mũmaitha ũla ũtonya kũsinda mũndũ ũmwe. Ĩkanda yĩtumĩtwe na ndii itatũ yĩ vinya kũtw'ĩka mĩtũkĩ.
13Kavaa mũndũ wa mũika ngya ĩndĩ mũĩ, kũte mũsumbĩ mũkũũ mũtumanu ũtethukĩĩasya ũtao. 14O na ethĩwa mũndũ ndasyaĩtwe mũsyĩnĩ wa kĩ-ũsumbĩ, na ayĩthĩwa anaĩ mwove yela na nĩ ngya, nũtonya kũtw'ĩka mũsumbĩ. 15Nĩnoonie kana andũ onthe ala mekalaa ĩũlũ wa nthĩ nĩmamwĩwie mũsumbĩ ũsu wa mũika ũla wasumbĩkie vandũ va ũsu mũkũũ. 16Andũ ala wasumbĩkĩte mayaĩ matalĩka, ĩndĩ amasumbĩkĩte onthe. Ũu wĩ o vo, ala meũka ĩtina wake maikatanĩthw'a nĩwe. Kwa w'o ki, ũu o naw'o nĩ mana; nĩ ta kũsembany'a na kĩseve.
Currently Selected:
Mũta 4: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Mũta 4
4
1Nĩnasyaisye ĩngĩ noona ũndũ andũ mathĩnaw'a nĩ ala angĩ ĩũlũ wa nthĩ. Nĩnoonie asu mathĩnaw'a me na kĩĩo kĩnene ĩndĩ vayaĩ mũndũ wa kũmakiakisya, nũndũ ala mamathĩnasya nĩmo maĩ na ũtonyi. 2Nĩnasũanĩie akw'ũ me vaseo mũno kwĩ ala me thayũ. 3Ĩndĩ ũla ũtaasyawa na kwona maũndũ mathũku ala mekawa nĩ andũ ĩũlũ wa nthĩ, e vaseo mũno kwĩ andũ asu.
4Nĩnĩmanyĩte kana andũ mathũkũmaa na kĩthito nũndũ nĩmekwĩw'ĩa kĩwĩu andũ ala angĩ. Ũu o naw'o nĩ mana, na nĩ ta kũsembany'a na kĩseve.
5Ndia ndĩtethasya wĩa;
yĩyĩekeaa nzaa nginya ĩkakw'a.
6Nĩ kavaa kwĩthĩwa na kĩndũ kĩnini wĩ na mũuo ngoonĩ,
kũte kwĩthĩwa na syĩndũ mbingĩ wĩ na kyeva,
ũla nĩ ũndũ ũmwe na kũsembany'a na kĩseve.
7Ve ũndũ ũngĩ nonete nĩ thayũ naw'o no mana. 8Ve mũndũ wĩkalaa e weka; nde kana, nde mwana-a-inyia ĩndĩ atindaa athũkũmĩte ĩvinda yonthe, na ndesaa kwĩanĩwa nĩ ũthwii ũla wĩ naw'o. Athũkũmĩaa ũũ na kĩthito kĩana ũu, na kwĩyĩima mwene maũndũ ma kwĩtanĩthya? Ũu o naw'o no mana na nĩ wĩa ũte ũtanu.
9Andũ elĩ maitethya wĩa me vamwe me kavaa kwĩ mũndũ ũmwe, nũndũ nĩmatonya kũtethya wĩa mwingĩ mbeange. 10Nũndũ ũmwe woo avalũka nũtonya kũkĩlw'a nĩ ũla ũngĩ. Ĩndĩ kyeva nĩ kwaku we ũthũkũmaa wĩ weka nũndũ yĩla wavalũka ndwĩ na mũndũ ũkũkĩlya! 11O ĩngĩ, ethĩwa andũ elĩ makakoma ũkomonĩ ũmwe makakwatany'a muutĩa. Ĩndĩ mũndũ ndatonya kwĩw'a muutĩa akomete e weka. 12Andũ elĩ nĩmatonya kwĩsiĩĩa mũmaitha ũla ũtonya kũsinda mũndũ ũmwe. Ĩkanda yĩtumĩtwe na ndii itatũ yĩ vinya kũtw'ĩka mĩtũkĩ.
13Kavaa mũndũ wa mũika ngya ĩndĩ mũĩ, kũte mũsumbĩ mũkũũ mũtumanu ũtethukĩĩasya ũtao. 14O na ethĩwa mũndũ ndasyaĩtwe mũsyĩnĩ wa kĩ-ũsumbĩ, na ayĩthĩwa anaĩ mwove yela na nĩ ngya, nũtonya kũtw'ĩka mũsumbĩ. 15Nĩnoonie kana andũ onthe ala mekalaa ĩũlũ wa nthĩ nĩmamwĩwie mũsumbĩ ũsu wa mũika ũla wasumbĩkie vandũ va ũsu mũkũũ. 16Andũ ala wasumbĩkĩte mayaĩ matalĩka, ĩndĩ amasumbĩkĩte onthe. Ũu wĩ o vo, ala meũka ĩtina wake maikatanĩthw'a nĩwe. Kwa w'o ki, ũu o naw'o nĩ mana; nĩ ta kũsembany'a na kĩseve.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011