2Mav 19
19
Mwathani Aikany'a Yeosavati
1Yeosavati mũsumbĩ wa Yuta nĩwasyokie Yelũsalemu nyũmbanĩ yake ya kĩ-ũsumbĩ e ũsũvĩonĩ. 2Ĩndĩ mwathani ũmwe weetawa Yeũ mwana wa Aanani, nĩwaendie kũkomana na Mũsumbĩ Yeosavati na amũkũlya atĩĩ, “Wĩsũanĩa kana nĩ waĩlu kũtethya ala athũku, na kwenda ala mamenete Mwĩai Ngai? Nũndũ nĩwĩkĩte ũu, Mwĩai Ngai nũkũthatĩe mũno. 3Ĩndĩ o vamwe na ũu, ve o ũseo wĩ nthĩnĩ waku; nũvetangĩte kuma Yuta ituĩ syonthe sya ngai nga ĩla yĩtawa Asela, na nĩwĩyumĩtye na ngoo yaku yonthe kwĩka kwenda kwa Ngai.”
Yeosavati Ainyuva Asili
4Mũsumbĩ Yeosavati ekalaa Yelũsalemu, ĩndĩ o vamwe na ũu, nĩwaendaa kũla andũ matwĩe kĩsionĩ kya Mbeeli-sieva, kĩla kĩ ngalĩko ya ĩtheo, nginya ngalĩko ya ĩũlũ vala kĩsio kya nthĩ yĩ iĩma ya Evalaimu kĩvikĩte. Nĩwatũngie andũ ala maĩ isionĩ isu vala ve Mwĩai Ngai, Ngai wa aaũmae moo. 5Nĩwanyuvie asili kĩla ndũanĩ mbiĩĩe ya Yuta. 6Nĩweeaĩie asili asu amea atĩĩ, “Ĩsũvĩaei ũndũ mwĩtusaa sila, nũndũ mũiũsila na ũtonyi mũnengetwe nĩ mũndũ, ĩndĩ mwĩsila na ũtonyi mũnengetwe nĩ Mwĩai Ngai, na akeethĩawa nenyu yĩla mũkumya ũtw'ĩo. 7Nengai Mwĩai Ngai ndaĩa na mũyĩka maũndũ mwĩsũvĩĩte, nũndũ Mwĩai Ngai, Ngai waitũ ndetĩkĩlaa sila wa katĩ ũithyoekw'a. Ndetĩkĩlaa kyende kana mũndũ ayosa ĩtuvi ya wendeesyo.”
8O ta ũu ndũanĩ ya Yelũsalemu, Yeosavati nĩwanyuvie Alivai, athembi na atongoi ma mĩsyĩ ya andũ ma Ĩsilaeli, nĩ kana masilanasye andũ makoani ala makonetye kũtũla mĩao ya Mwĩai Ngai, na makoani ala meethĩawa katĩ wa andũ ala mekalaa ndũanĩ ĩsu. 9Nĩwameaĩie ayasya atĩĩ, “No nginya mũthũkũmae na ũĩkĩĩku, na ngoo syenyu syonthe mwĩ na kĩkĩo kya Mwĩai Ngai. 10Kĩla ĩvinda mwaetewe ĩkoani nĩ andũ ma nthĩ yenyu maumĩte ndũanĩ syoo; ĩkoani ya kũaa mũndũ kana ĩkoani yĩngĩ yĩkonetye mĩao kana motw'ĩo kana myamũlo, no nginya mũkanasye andũ nĩ kana maikeke naĩ mavĩtĩsye Mwĩai Ngai. Ethĩwa ti ũu, Mwĩai Ngai akamũthatĩa mũno, inyw'ĩ na ana-a-ĩthe menyu. Ĩkaai ũu na mũikethĩwa na ĩvĩtyo. 11Amalia Mũthembi Mũnene nĩwe wĩĩthĩawa ayumya ũtw'ĩo wa mũthya maũndũnĩ ala makonetye ũthaithi wa Mwĩai Ngai. Nake Nzevatia mwana wa Ĩsumaeli, ũla nĩwe ngavana wa mbaĩ ya Yuta, nĩwe wĩĩthĩawa aũngamĩe makoani onthe ala makonetye ũtongoi wa nthĩ. Namo Alivai makeethĩawa anini menyu. Ĩkaai maũndũ mwĩ na ũkũmbaũ, na Mwĩai Ngai nĩethĩwe na ala mekaa maũndũ ala maĩlu!”
Currently Selected:
2Mav 19: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
2Mav 19
19
Mwathani Aikany'a Yeosavati
1Yeosavati mũsumbĩ wa Yuta nĩwasyokie Yelũsalemu nyũmbanĩ yake ya kĩ-ũsumbĩ e ũsũvĩonĩ. 2Ĩndĩ mwathani ũmwe weetawa Yeũ mwana wa Aanani, nĩwaendie kũkomana na Mũsumbĩ Yeosavati na amũkũlya atĩĩ, “Wĩsũanĩa kana nĩ waĩlu kũtethya ala athũku, na kwenda ala mamenete Mwĩai Ngai? Nũndũ nĩwĩkĩte ũu, Mwĩai Ngai nũkũthatĩe mũno. 3Ĩndĩ o vamwe na ũu, ve o ũseo wĩ nthĩnĩ waku; nũvetangĩte kuma Yuta ituĩ syonthe sya ngai nga ĩla yĩtawa Asela, na nĩwĩyumĩtye na ngoo yaku yonthe kwĩka kwenda kwa Ngai.”
Yeosavati Ainyuva Asili
4Mũsumbĩ Yeosavati ekalaa Yelũsalemu, ĩndĩ o vamwe na ũu, nĩwaendaa kũla andũ matwĩe kĩsionĩ kya Mbeeli-sieva, kĩla kĩ ngalĩko ya ĩtheo, nginya ngalĩko ya ĩũlũ vala kĩsio kya nthĩ yĩ iĩma ya Evalaimu kĩvikĩte. Nĩwatũngie andũ ala maĩ isionĩ isu vala ve Mwĩai Ngai, Ngai wa aaũmae moo. 5Nĩwanyuvie asili kĩla ndũanĩ mbiĩĩe ya Yuta. 6Nĩweeaĩie asili asu amea atĩĩ, “Ĩsũvĩaei ũndũ mwĩtusaa sila, nũndũ mũiũsila na ũtonyi mũnengetwe nĩ mũndũ, ĩndĩ mwĩsila na ũtonyi mũnengetwe nĩ Mwĩai Ngai, na akeethĩawa nenyu yĩla mũkumya ũtw'ĩo. 7Nengai Mwĩai Ngai ndaĩa na mũyĩka maũndũ mwĩsũvĩĩte, nũndũ Mwĩai Ngai, Ngai waitũ ndetĩkĩlaa sila wa katĩ ũithyoekw'a. Ndetĩkĩlaa kyende kana mũndũ ayosa ĩtuvi ya wendeesyo.”
8O ta ũu ndũanĩ ya Yelũsalemu, Yeosavati nĩwanyuvie Alivai, athembi na atongoi ma mĩsyĩ ya andũ ma Ĩsilaeli, nĩ kana masilanasye andũ makoani ala makonetye kũtũla mĩao ya Mwĩai Ngai, na makoani ala meethĩawa katĩ wa andũ ala mekalaa ndũanĩ ĩsu. 9Nĩwameaĩie ayasya atĩĩ, “No nginya mũthũkũmae na ũĩkĩĩku, na ngoo syenyu syonthe mwĩ na kĩkĩo kya Mwĩai Ngai. 10Kĩla ĩvinda mwaetewe ĩkoani nĩ andũ ma nthĩ yenyu maumĩte ndũanĩ syoo; ĩkoani ya kũaa mũndũ kana ĩkoani yĩngĩ yĩkonetye mĩao kana motw'ĩo kana myamũlo, no nginya mũkanasye andũ nĩ kana maikeke naĩ mavĩtĩsye Mwĩai Ngai. Ethĩwa ti ũu, Mwĩai Ngai akamũthatĩa mũno, inyw'ĩ na ana-a-ĩthe menyu. Ĩkaai ũu na mũikethĩwa na ĩvĩtyo. 11Amalia Mũthembi Mũnene nĩwe wĩĩthĩawa ayumya ũtw'ĩo wa mũthya maũndũnĩ ala makonetye ũthaithi wa Mwĩai Ngai. Nake Nzevatia mwana wa Ĩsumaeli, ũla nĩwe ngavana wa mbaĩ ya Yuta, nĩwe wĩĩthĩawa aũngamĩe makoani onthe ala makonetye ũtongoi wa nthĩ. Namo Alivai makeethĩawa anini menyu. Ĩkaai maũndũ mwĩ na ũkũmbaũ, na Mwĩai Ngai nĩethĩwe na ala mekaa maũndũ ala maĩlu!”
BIBLE SOCIETY OF KENYA © 2011