Alo 16
16
Ngethi sya Vaũlo kwa Andũ me Kĩvathũkany'o Loma
1Nĩenda kũmũmanyĩthany'a na mwĩĩtu-a-asa waitũ Voevi, ũla ũthũkũmaa ĩkanisa yĩla yĩ Kengelea. 2Nĩmũkũlya mũmũthokye ĩsyĩtwanĩ ya Mwĩai ũndũ kwaĩlĩte kwa andũ ma Ngai. Mũtethyei na kyonthe kĩla ũtonya kwenda kuma kwenyu, nĩkwĩthĩwa ethĩĩtwe akĩtethya andũ aingĩ mũno, nyie nĩ ũmwe.
3 #
Meko 18.2
Ngethi syakwa nimũvikĩe Vilisila na Akwila, ala twĩthĩĩtwe vamwe ũthũkũminĩ wa Klĩsto Yesũ. 4Asu nĩmeeyũmbanĩtye kũkw'a kwondũ wakwa. Nĩngũmatũngĩa mũvea mũno; o na ti inyie nyioka, ĩndĩ o vamwe na makanisa onthe ma Andũ-ma-mbaĩ-ingĩ. 5O ta ũu nĩnĩkethew'e ĩkanisa yĩla yũmbanĩaa mũsyĩ kwoo.
Ngethi syakwa nimũvikĩe mũnyanyawa Evenetusi, ũla nĩwe mũndũ wa mbee nthĩ ya Asia kũĩkĩĩa Klĩsto. 6Ngethesyei Meli, ũla watethisye wĩa mwingĩ kwondũ wenyu. 7O ta ũu ngethesyei Andelonikũsi na Yuniasi, ala nĩ andũ ma mbaĩ yakwa na moovetwe yela vamwe nakwa. Nĩmeesĩkĩe mũno katĩ wa atũmwa na matw'ĩkie Aklĩsto mbee wakwa.
8Ngethi syakwa nĩmũvikĩe Ambiliatũsi, nake nĩ mũnyanyae wakwa nthĩnĩ wa Mwĩai. 9O ta ũu Ngethesyei Alũvanusi, ũla wĩthĩawa vamwe naitũ ũthũkũminĩ wa Klĩsto, na ndikethew'a mũnyanyawa Sitakisi. 10Ngethesyei Avelesi, ũla woonanisye nesa ũndũ wĩnenganĩte kwa Klĩsto. O ta ũu ngethesyei andũ onthe ma nyũmba ya Alisitovulusi. 11Ngethesyei Elotiani, ũla nĩ wa mbaĩ yakwa, na ndikethew'a andũ ma nyũmba ya Nalikisũsi, ala me nthĩnĩ wa Mwĩai.
12Ngethi syakwa nimũvikĩe Tilivena na Tilivosa ala matethasya wĩa kwondũ wa Mwĩai, na o ta ũu ndikethew'a mũnyanyawa Velisisi ũla watethisye wĩa mwingĩ mũno kwondũ wa Mwĩai. 13#Mk 15.21 Ngethesyei Lũvũsi, ũla nĩ mũthũkũmi wĩ kĩthito wa Mwĩai, na mũingethesya inyia wake ũla wĩthĩĩtwe e mwaitũ kwakwa. 14O ta ũu ngethesyei Asiningilitũsi, na Vilengoni, na Elimesi, na Vatelovasi, na aĩkĩĩi onthe ala methĩawa namo. 15O ta ũu ngethesyei Vilolongusi na Yulia; Naleũsi na mwĩĩtu-a-inyia; Olimbasi na aĩkĩĩi onthe ala methĩawa namo.
16Kethany'ai ene na ngethi ya wendo. Nĩmwakethw'a mũno nĩ makanisa onthe ma Klĩsto.
Ndeto sya Mũthya sya Vaũlo
17Nĩngũmwĩsũva mbaitũ, mwĩsũvĩane na andũ ala maetae ũtilĩkangano, na kũtiĩthya andũ nzĩa kwa kũmanyĩsya maũndũ matekwosana na momanyĩsyo ala mwamanyĩiw'e. Ĩkalai vaasa na andũ asu, 18nũndũ andũ ma mũthemba ũsu maimũthũkũmaa Klĩsto Mwĩai waitũ, ĩndĩ mathũkũmĩaa mavu moo ene. Kwa ndeto syoo nduu na sya kwendeesya, nĩmakengaa andũ ala me na ilĩko mbũthũ. 19Kĩla mũndũ nĩwĩw'ĩte ũndũ mwĩnenganĩte Ũvoonĩ Mũseo, na kwa kĩtumi kĩu nĩngwĩw'a mũyo nũndũ wenyu. Ĩndĩ nĩngwenda mwĩthĩwe mwĩ oĩ maũndũnĩ ala maseo na mũtaweteka ũndũnĩ mũthũku. 20Nake Ngai ũla ũnenganae mũuo, o mĩtũkĩ nũkũmũtumba Satani mũmũkinyangĩae nthĩ.
Mumo wa Mwĩai waitũ Yesũ Klĩsto nĩwĩthĩwe nenyu. 21#Meko 16.1 Osai ngethi kuma kwa Timotheo ũla tũthũkũmaa ĩmwe na kuma kwa Lũkio, na Yasani na Sosivata, ala nĩ ma mbaĩ yakwa.
22Nyie Telitiũsi mũandĩki wa valũa ũũ, nĩnamũkethya ĩsyĩtwanĩ ya Mwĩai.
23 #
Meko 19.29; 1Ako 1.14; 2Tim 4.20 Osai ngethi kuma kwa Kaio ũla nĩkalaa kwake na ĩkanisa yũmbanĩaa kwake. O ta ũu osai ngethi kuma kwa Elasitasi ũla nĩ mwii wa kĩnandũ kya ndũa ĩno, na kuma kwa Kwalitũsi mwana-a-asa waitũ. [ 24Mumo wa Mwĩai waitũ Yesũ Klĩsto nĩwĩthĩwe nenyu inyw'onthe. Ameni]#16.24 Maandĩko amwe ma tene ma Ndeto ya Ngai nĩmatiĩte mũsoa ũũ
Mboya ya Mũminũkĩlyo ya Vaũlo
25Tũmũkathe Ngai! We nũtonya kũmũlũlũmĩĩlya mũĩkĩĩonĩ nthĩnĩ wa Ũvoo Mũseo ũla ndavanasya ĩũlũ wa Yesũ Klĩsto, na nthĩnĩ wa ũvuany'o wa kĩmbithĩ kĩla kĩtwĩe kĩvithĩtwe kuma ĩvinda yĩ na ku tene. 26Yu ĩndĩ kĩmbithĩ kĩu nĩkĩvuanĩtw'e kwĩsĩla maandĩkonĩ ma athani, na kwa mwĩao wa Ngai ũla wĩkalaa tene na tene, nĩkĩmanyĩthĩtw'e mbaĩ syonthe nĩ kana syonthe itonye kũĩkĩĩa Ngai na kũmwĩw'a.
27Kwa Ngai ũla nowe e weka mũĩ, nĩkwĩthĩwe ngatho kwĩsĩla kwa Yesũ Klĩsto tene na tene w'onthe! Ameni.
Currently Selected:
Alo 16: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Alo 16
16
Ngethi sya Vaũlo kwa Andũ me Kĩvathũkany'o Loma
1Nĩenda kũmũmanyĩthany'a na mwĩĩtu-a-asa waitũ Voevi, ũla ũthũkũmaa ĩkanisa yĩla yĩ Kengelea. 2Nĩmũkũlya mũmũthokye ĩsyĩtwanĩ ya Mwĩai ũndũ kwaĩlĩte kwa andũ ma Ngai. Mũtethyei na kyonthe kĩla ũtonya kwenda kuma kwenyu, nĩkwĩthĩwa ethĩĩtwe akĩtethya andũ aingĩ mũno, nyie nĩ ũmwe.
3 #
Meko 18.2
Ngethi syakwa nimũvikĩe Vilisila na Akwila, ala twĩthĩĩtwe vamwe ũthũkũminĩ wa Klĩsto Yesũ. 4Asu nĩmeeyũmbanĩtye kũkw'a kwondũ wakwa. Nĩngũmatũngĩa mũvea mũno; o na ti inyie nyioka, ĩndĩ o vamwe na makanisa onthe ma Andũ-ma-mbaĩ-ingĩ. 5O ta ũu nĩnĩkethew'e ĩkanisa yĩla yũmbanĩaa mũsyĩ kwoo.
Ngethi syakwa nimũvikĩe mũnyanyawa Evenetusi, ũla nĩwe mũndũ wa mbee nthĩ ya Asia kũĩkĩĩa Klĩsto. 6Ngethesyei Meli, ũla watethisye wĩa mwingĩ kwondũ wenyu. 7O ta ũu ngethesyei Andelonikũsi na Yuniasi, ala nĩ andũ ma mbaĩ yakwa na moovetwe yela vamwe nakwa. Nĩmeesĩkĩe mũno katĩ wa atũmwa na matw'ĩkie Aklĩsto mbee wakwa.
8Ngethi syakwa nĩmũvikĩe Ambiliatũsi, nake nĩ mũnyanyae wakwa nthĩnĩ wa Mwĩai. 9O ta ũu Ngethesyei Alũvanusi, ũla wĩthĩawa vamwe naitũ ũthũkũminĩ wa Klĩsto, na ndikethew'a mũnyanyawa Sitakisi. 10Ngethesyei Avelesi, ũla woonanisye nesa ũndũ wĩnenganĩte kwa Klĩsto. O ta ũu ngethesyei andũ onthe ma nyũmba ya Alisitovulusi. 11Ngethesyei Elotiani, ũla nĩ wa mbaĩ yakwa, na ndikethew'a andũ ma nyũmba ya Nalikisũsi, ala me nthĩnĩ wa Mwĩai.
12Ngethi syakwa nimũvikĩe Tilivena na Tilivosa ala matethasya wĩa kwondũ wa Mwĩai, na o ta ũu ndikethew'a mũnyanyawa Velisisi ũla watethisye wĩa mwingĩ mũno kwondũ wa Mwĩai. 13#Mk 15.21 Ngethesyei Lũvũsi, ũla nĩ mũthũkũmi wĩ kĩthito wa Mwĩai, na mũingethesya inyia wake ũla wĩthĩĩtwe e mwaitũ kwakwa. 14O ta ũu ngethesyei Asiningilitũsi, na Vilengoni, na Elimesi, na Vatelovasi, na aĩkĩĩi onthe ala methĩawa namo. 15O ta ũu ngethesyei Vilolongusi na Yulia; Naleũsi na mwĩĩtu-a-inyia; Olimbasi na aĩkĩĩi onthe ala methĩawa namo.
16Kethany'ai ene na ngethi ya wendo. Nĩmwakethw'a mũno nĩ makanisa onthe ma Klĩsto.
Ndeto sya Mũthya sya Vaũlo
17Nĩngũmwĩsũva mbaitũ, mwĩsũvĩane na andũ ala maetae ũtilĩkangano, na kũtiĩthya andũ nzĩa kwa kũmanyĩsya maũndũ matekwosana na momanyĩsyo ala mwamanyĩiw'e. Ĩkalai vaasa na andũ asu, 18nũndũ andũ ma mũthemba ũsu maimũthũkũmaa Klĩsto Mwĩai waitũ, ĩndĩ mathũkũmĩaa mavu moo ene. Kwa ndeto syoo nduu na sya kwendeesya, nĩmakengaa andũ ala me na ilĩko mbũthũ. 19Kĩla mũndũ nĩwĩw'ĩte ũndũ mwĩnenganĩte Ũvoonĩ Mũseo, na kwa kĩtumi kĩu nĩngwĩw'a mũyo nũndũ wenyu. Ĩndĩ nĩngwenda mwĩthĩwe mwĩ oĩ maũndũnĩ ala maseo na mũtaweteka ũndũnĩ mũthũku. 20Nake Ngai ũla ũnenganae mũuo, o mĩtũkĩ nũkũmũtumba Satani mũmũkinyangĩae nthĩ.
Mumo wa Mwĩai waitũ Yesũ Klĩsto nĩwĩthĩwe nenyu. 21#Meko 16.1 Osai ngethi kuma kwa Timotheo ũla tũthũkũmaa ĩmwe na kuma kwa Lũkio, na Yasani na Sosivata, ala nĩ ma mbaĩ yakwa.
22Nyie Telitiũsi mũandĩki wa valũa ũũ, nĩnamũkethya ĩsyĩtwanĩ ya Mwĩai.
23 #
Meko 19.29; 1Ako 1.14; 2Tim 4.20 Osai ngethi kuma kwa Kaio ũla nĩkalaa kwake na ĩkanisa yũmbanĩaa kwake. O ta ũu osai ngethi kuma kwa Elasitasi ũla nĩ mwii wa kĩnandũ kya ndũa ĩno, na kuma kwa Kwalitũsi mwana-a-asa waitũ. [ 24Mumo wa Mwĩai waitũ Yesũ Klĩsto nĩwĩthĩwe nenyu inyw'onthe. Ameni]#16.24 Maandĩko amwe ma tene ma Ndeto ya Ngai nĩmatiĩte mũsoa ũũ
Mboya ya Mũminũkĩlyo ya Vaũlo
25Tũmũkathe Ngai! We nũtonya kũmũlũlũmĩĩlya mũĩkĩĩonĩ nthĩnĩ wa Ũvoo Mũseo ũla ndavanasya ĩũlũ wa Yesũ Klĩsto, na nthĩnĩ wa ũvuany'o wa kĩmbithĩ kĩla kĩtwĩe kĩvithĩtwe kuma ĩvinda yĩ na ku tene. 26Yu ĩndĩ kĩmbithĩ kĩu nĩkĩvuanĩtw'e kwĩsĩla maandĩkonĩ ma athani, na kwa mwĩao wa Ngai ũla wĩkalaa tene na tene, nĩkĩmanyĩthĩtw'e mbaĩ syonthe nĩ kana syonthe itonye kũĩkĩĩa Ngai na kũmwĩw'a.
27Kwa Ngai ũla nowe e weka mũĩ, nĩkwĩthĩwe ngatho kwĩsĩla kwa Yesũ Klĩsto tene na tene w'onthe! Ameni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011