Yoa 15
15
Yesũ nĩwe Mũsavivũ wa W'o
1“Nyie ninyie mũsavivũ ũla wa w'o, na Asa wakwa nĩwe ũĩmĩaa mũsavivũ ũsu. 2Nũtemaa akaveta kĩla kaũvonge ke nthĩnĩ wakwa kala katasyaa, ĩndĩ nũseaa kĩla kaũvonge kasyaa nĩ kana katonye kũsyaa ũsyao mwingangĩ. 3Inyw'ĩ nĩmũminĩte kũthew'a kwĩsĩla ndetonĩ ila nĩmũtavĩtye. 4Ĩkalaai nthĩnĩ wakwa, nakwa ngekalaa nthĩnĩ wenyu. Kaũvonge kaitonya kũsyaa keyĩũngamĩtye ke koka, ate o kayĩkala nthĩnĩ wa mũsavivũ. O ta ũu o nenyu mũitonya kũsyaa ate o mũyĩkala nthĩnĩ wakwa.
5“Nyie ninyie mũsavivũ, nenyu mwĩ tũũvonge. Mũndũ ũla wĩkalaa nthĩnĩ wakwa, nakwa ngĩkala nthĩnĩ wake, mũndũ ũsu asyaa ũsyao mwingĩ. Nũndũ vate ũtethyo wakwa mũitonya kwĩka ũndũ. 6Mũndũ ũla ũtekalaa nthĩnĩ wakwa nĩwĩkaw'a ĩtheka o tondũ kaũvonge kekaw'a na kayũma. Tũũvonge twa mũthemba ũsu nĩtũmbanaw'a tũkekw'a mwakinĩ na tũivya. 7Ethĩwa mũkekala nthĩnĩ wakwa, na ndeto syakwa iyĩkala nthĩnĩ wenyu, voyai kĩndũ o na kĩva kĩla mũkwenda na mũkakwata. 8Nĩ kwondũ wa ũkumyo wa Asa wakwa mwaĩlwe nĩ kũsyaa ũsyao mwingĩ, na kwĩthĩwa amanyĩw'a makwa. 9Ũndũ Asa ũmwendete, now'o o nakwa nĩmwendete. Kwoou ĩkalaai nthĩnĩ wa wendo wakwa. 10Ethĩwa mũkeekaa ũndũ mĩao yakwa ĩkwasya, mũkekalaa nthĩnĩ wa wendo wakwa, o tondũ nyie nĩkaa ũndũ mĩao ya Asa ĩkwasya na nĩkalaa wendonĩ wake.
11“Namũtavya maũndũ asu nĩ kana ũtanu wakwa ũtonye kwĩthĩwa nthĩnĩ wenyu, na ũtanu wenyu ũyĩthĩwa wĩ musũu. 12#Yoa 13.34; 15.17; 1Yoa 3.23; 2Yoa 5 Mwĩao wakwa nĩw'o ũũ: Endanaai ũmwe kwa ũla ũngĩ, o ũndũ nyie nĩmwendete. 13Vai mũndũ wĩthĩwa na wendo ũthonokete ũũ, wa mũndũ kwĩyumya akw'e kwondũ wa anyanyae. 14Mwĩ anyanyawa ethĩwa nĩmwĩkaa kĩla namũtavya. 15Ndimwosaa ta mwĩ athũkũmi, nĩkwĩthĩwa mũthũkũmi ndethĩawa esĩ kĩla mũnene wake ũkwĩka; nĩmwosaa ta mwĩ anyanyawa, nũndũ nĩnĩmũmanyĩthĩtye maũndũ onthe ala nĩw'ĩte kuma kwa Asa. 16Ti inyw'ĩ mwanyuvie, ĩndĩ ninyie namũnyuvie na namũtũma mũthi mũkasyae ũsyao, ũsyao ũla wĩtũa tene na tene. Nĩvo ĩndĩ nake Asa wĩmũnengae kyonthe kĩla mwamũvoya ĩsyĩtwanĩ yakwa. 17Ũũ ĩndĩ nĩ w'o mwĩao wakwa kwenyu; endanaai ũmwe kwa ũla ũngĩ.
Nthĩ Ĩimena Amanyĩw'a
18“Ethĩwa nthĩ ĩkamũmena, lilikanai kana nĩyamenie nyie mbee wa kũmũmena inyw'ĩ. 19Kethĩwa mwĩ ma nthĩ, andũ ma nthĩ no mamwende o ũndũ mendete ala moo. Ĩndĩ inyw'ĩ mũi ma nthĩ nĩkwĩthĩwa nĩnĩmũnyuvĩte mwĩvathane na nthĩ, na nĩkyo kĩtumi andũ ma nthĩ mamũmenete. 20#Mat 10.24; Lk 6.40; Yoa 13.16 Lilikanai ndeto ila namũtavisye: ‘Vai mũthũkũmi wĩthĩawa e na ũtonyi mwingĩ kwĩ mũnene wake.’ Ethĩwa andũ nĩmanthĩnisye, makamũthĩny'a inyw'ĩ o nenyu; ethĩwa nĩmakwatie momanyĩsyo makwa, makakwata momanyĩsyo menyu o namo. 21Makamwĩka maũndũ asu onthe nũndũ wakwa, nĩkwĩthĩwa maimwĩsĩ ũla ũndũmĩte. 22Kethĩwa ndyaaũka na nganeena namo, andũ asu methĩwa matatalĩlwa ĩvĩtyo, ĩndĩ yu vai ũndũ meka makevonokya kuma naĩnĩ syoo. 23Mũndũ ũla ũmenete nyie, nũmenete Asa o nake. 24Kethĩwa nyie ndyĩkĩte katĩ woo maũndũ ala mũndũ ũngĩ o na wĩva ũtaaĩka, andũ asu mayĩthĩwa na naĩ. Ĩndĩ kũilyĩ oou, nĩmonete kĩla nĩkĩte na makamena nyie vamwe na Asa wakwa. 25#Sav 35.19; 69.4 Ĩndĩ naw'o ũu waĩ wĩkĩke nĩ kana wĩanĩsye kĩla kĩandĩkĩtwe Maandĩkonĩ Matheu: ‘Mamenie o mana.’
26“Yĩla Mũtetheesya wĩũka, ũla nĩtũma kuma kwa Asa, nake nĩ Veva ũla ũvuanasya ũw'o na wumaa kwa Asa, akaneenaa ĩũlũ wakwa. 27O nenyu mũkaneenaa ĩũlũ wakwa, nũndũ mwĩthĩĩtwe nakwa kuma mwambĩlĩĩlyonĩ.
Currently Selected:
Yoa 15: KAMBA
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Yoa 15
15
Yesũ nĩwe Mũsavivũ wa W'o
1“Nyie ninyie mũsavivũ ũla wa w'o, na Asa wakwa nĩwe ũĩmĩaa mũsavivũ ũsu. 2Nũtemaa akaveta kĩla kaũvonge ke nthĩnĩ wakwa kala katasyaa, ĩndĩ nũseaa kĩla kaũvonge kasyaa nĩ kana katonye kũsyaa ũsyao mwingangĩ. 3Inyw'ĩ nĩmũminĩte kũthew'a kwĩsĩla ndetonĩ ila nĩmũtavĩtye. 4Ĩkalaai nthĩnĩ wakwa, nakwa ngekalaa nthĩnĩ wenyu. Kaũvonge kaitonya kũsyaa keyĩũngamĩtye ke koka, ate o kayĩkala nthĩnĩ wa mũsavivũ. O ta ũu o nenyu mũitonya kũsyaa ate o mũyĩkala nthĩnĩ wakwa.
5“Nyie ninyie mũsavivũ, nenyu mwĩ tũũvonge. Mũndũ ũla wĩkalaa nthĩnĩ wakwa, nakwa ngĩkala nthĩnĩ wake, mũndũ ũsu asyaa ũsyao mwingĩ. Nũndũ vate ũtethyo wakwa mũitonya kwĩka ũndũ. 6Mũndũ ũla ũtekalaa nthĩnĩ wakwa nĩwĩkaw'a ĩtheka o tondũ kaũvonge kekaw'a na kayũma. Tũũvonge twa mũthemba ũsu nĩtũmbanaw'a tũkekw'a mwakinĩ na tũivya. 7Ethĩwa mũkekala nthĩnĩ wakwa, na ndeto syakwa iyĩkala nthĩnĩ wenyu, voyai kĩndũ o na kĩva kĩla mũkwenda na mũkakwata. 8Nĩ kwondũ wa ũkumyo wa Asa wakwa mwaĩlwe nĩ kũsyaa ũsyao mwingĩ, na kwĩthĩwa amanyĩw'a makwa. 9Ũndũ Asa ũmwendete, now'o o nakwa nĩmwendete. Kwoou ĩkalaai nthĩnĩ wa wendo wakwa. 10Ethĩwa mũkeekaa ũndũ mĩao yakwa ĩkwasya, mũkekalaa nthĩnĩ wa wendo wakwa, o tondũ nyie nĩkaa ũndũ mĩao ya Asa ĩkwasya na nĩkalaa wendonĩ wake.
11“Namũtavya maũndũ asu nĩ kana ũtanu wakwa ũtonye kwĩthĩwa nthĩnĩ wenyu, na ũtanu wenyu ũyĩthĩwa wĩ musũu. 12#Yoa 13.34; 15.17; 1Yoa 3.23; 2Yoa 5 Mwĩao wakwa nĩw'o ũũ: Endanaai ũmwe kwa ũla ũngĩ, o ũndũ nyie nĩmwendete. 13Vai mũndũ wĩthĩwa na wendo ũthonokete ũũ, wa mũndũ kwĩyumya akw'e kwondũ wa anyanyae. 14Mwĩ anyanyawa ethĩwa nĩmwĩkaa kĩla namũtavya. 15Ndimwosaa ta mwĩ athũkũmi, nĩkwĩthĩwa mũthũkũmi ndethĩawa esĩ kĩla mũnene wake ũkwĩka; nĩmwosaa ta mwĩ anyanyawa, nũndũ nĩnĩmũmanyĩthĩtye maũndũ onthe ala nĩw'ĩte kuma kwa Asa. 16Ti inyw'ĩ mwanyuvie, ĩndĩ ninyie namũnyuvie na namũtũma mũthi mũkasyae ũsyao, ũsyao ũla wĩtũa tene na tene. Nĩvo ĩndĩ nake Asa wĩmũnengae kyonthe kĩla mwamũvoya ĩsyĩtwanĩ yakwa. 17Ũũ ĩndĩ nĩ w'o mwĩao wakwa kwenyu; endanaai ũmwe kwa ũla ũngĩ.
Nthĩ Ĩimena Amanyĩw'a
18“Ethĩwa nthĩ ĩkamũmena, lilikanai kana nĩyamenie nyie mbee wa kũmũmena inyw'ĩ. 19Kethĩwa mwĩ ma nthĩ, andũ ma nthĩ no mamwende o ũndũ mendete ala moo. Ĩndĩ inyw'ĩ mũi ma nthĩ nĩkwĩthĩwa nĩnĩmũnyuvĩte mwĩvathane na nthĩ, na nĩkyo kĩtumi andũ ma nthĩ mamũmenete. 20#Mat 10.24; Lk 6.40; Yoa 13.16 Lilikanai ndeto ila namũtavisye: ‘Vai mũthũkũmi wĩthĩawa e na ũtonyi mwingĩ kwĩ mũnene wake.’ Ethĩwa andũ nĩmanthĩnisye, makamũthĩny'a inyw'ĩ o nenyu; ethĩwa nĩmakwatie momanyĩsyo makwa, makakwata momanyĩsyo menyu o namo. 21Makamwĩka maũndũ asu onthe nũndũ wakwa, nĩkwĩthĩwa maimwĩsĩ ũla ũndũmĩte. 22Kethĩwa ndyaaũka na nganeena namo, andũ asu methĩwa matatalĩlwa ĩvĩtyo, ĩndĩ yu vai ũndũ meka makevonokya kuma naĩnĩ syoo. 23Mũndũ ũla ũmenete nyie, nũmenete Asa o nake. 24Kethĩwa nyie ndyĩkĩte katĩ woo maũndũ ala mũndũ ũngĩ o na wĩva ũtaaĩka, andũ asu mayĩthĩwa na naĩ. Ĩndĩ kũilyĩ oou, nĩmonete kĩla nĩkĩte na makamena nyie vamwe na Asa wakwa. 25#Sav 35.19; 69.4 Ĩndĩ naw'o ũu waĩ wĩkĩke nĩ kana wĩanĩsye kĩla kĩandĩkĩtwe Maandĩkonĩ Matheu: ‘Mamenie o mana.’
26“Yĩla Mũtetheesya wĩũka, ũla nĩtũma kuma kwa Asa, nake nĩ Veva ũla ũvuanasya ũw'o na wumaa kwa Asa, akaneenaa ĩũlũ wakwa. 27O nenyu mũkaneenaa ĩũlũ wakwa, nũndũ mwĩthĩĩtwe nakwa kuma mwambĩlĩĩlyonĩ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011