Meko 8
8
1Saũlo nĩwoonie kũawa kwa Sitivini kwĩ kwaĩlu.
Kũthĩnw'a na Kũnyaĩĩkw'a kwa Aĩkĩĩi
Mũthenya ũsu aĩkĩĩi ala maĩ Yelũsalemu nĩmambĩĩie kũthĩnw'a mũno, na aingĩ moo manyaĩĩkw'a kĩla vandũ nthĩ ya Yutia na ya Samalia. No atũmwa mataanyaĩĩka. 2Andũ maĩ na kĩkĩo kya Ngai nĩmamũthikie Sitivini, na maĩa mũno na wasya mũnene nũndũ wa kĩkw'ũ kyake.
3 #
Meko 22.4-5; 26.9-11 Ĩndĩ Saũlo nake nĩwatatie kwananga ĩkanisa; nĩwaendaa kĩla mũsyĩ akakuthũany'a aĩkĩĩi ma aũme na ma aka, na kũmavingĩa yela.
Kũtavanw'a kwa Ũvoo Mũseo Nthĩ ya Samalia
4Aĩkĩĩi ala manyaĩĩkiw'e maendie kĩla vandũ matavanĩtye Ũvoo Mũseo. 5Vilivũ nĩwaendie ndũanĩ yĩ Samalia, na kũu atavya andũ ũvoo wa Klĩsto. 6Makomano ma andũ kwa ngoo ĩmwe, nĩmakwatie kĩla mataviw'e nĩ Vilivũ ĩtina wa kwĩw'a ndeto syake na kwona syama ila weekie. 7Maimũ malikĩte andũnĩ aingĩ nĩmaumie mauĩte mbu, na andũ aingĩ ala maĩ na mamutha monzu na maũũ mathũku nĩmavoiw'e. 8Kwoou kwaĩ na ũtanu mũnene ndũanĩ ĩsu.
9Nthĩnĩ wa ndũa ĩsu vaĩ mũndũ ũmwe weetawa Simioni, wekalaa ayĩka syama vo aitũmĩa ũwe na nĩwaseng'asya andũ onthe ma Samalia. Mũndũ ũsu nĩwaasya kana we nĩ mũndũ mũnene, 10na andũ onthe ma kĩla mũthemba, nĩmamwĩw'aa na kwaasya, “Mũndũ ũũ nĩwe ũtonyi wa Ngai ũla wĩtawa Ũtonyi Mũnene.” 11Mamwĩw'aa nũndũ vandũ va ĩvinda ĩasa nĩwekalĩte aimaseng'ya na syama syake aitũmĩa mowe. 12Ĩndĩ yĩla mamũĩkĩĩe Vilivũ aimatavya Ũvoo Mũseo ĩũlũ wa ũsumbĩ wa Ngai na ĩũlũ wa Yesũ Klĩsto, onthe nĩmavatisiwe, aũme o vamwe na aka. 13Simioni o nake nĩwaĩkĩĩie, na ĩtina wa kũvatiswa nĩwaendeeie na kwĩkalany'a na Vilivũ. Nĩwaseng'iw'e nĩ syama na maũndũ ma kũseng'ya ala woonaa mayĩkwa.
14Yĩla atũmwa me Yelũsalemu meewie kana andũ ma Samalia nĩmetĩkĩlile ndeto ya Ngai, nĩmamatũmĩie Vetelo na Yoana. 15Atũmwa asu elĩ nĩmaendie na mavoyea aĩkĩĩi nĩ kana matonye kũkwata Veva Mũtheu. 16Nĩkwĩthĩwa Veva Mũtheu ndaĩ anamba kũtheea o na kwa ũmwe woo; meekĩte o kũvatiswa ĩsyĩtwanĩ ya Mwĩai Yesũ. 17Nĩvo ĩndĩ Vetelo na Yoana mamailĩĩle moko, namo manengwa Veva Mũtheu.
18Yĩla Simioni woonie kana aĩkĩĩi manengwa Veva Mũtheu kwa nzĩa ya kwilĩĩlwa moko nĩ atũmwa, nĩwaeteie atũmwa asu mbesa 19amea atĩĩ, “Nengei ũtonyi ũũ o nakwa, nĩ kana nailĩĩla mũndũ o na wĩva moko atonye kũnengwa Veva Mũtheu.”
20Ĩndĩ nake Vetelo amwĩa atĩĩ, “Woothela na mbesa syaku, nĩkwĩthĩwa wĩsũanĩa nũtonya kũthooa mũthĩnzĩo wa Ngai na mbesa! 21Ndwĩ kĩlungu o na kĩmwe kana kĩanda ũthũkũminĩ ũũ, nũndũ Ngai nĩwene kana ngoo yaku ti ntheu. 22Kwoou ĩlile kwondũ wa naĩ syaku na ũimũvoya Mwĩai, nũtonya ũkũekea mosũanĩo asu wĩ namo ngoonĩ yaku. 23Nyie nĩnene kana wĩ na kĩwĩu kingĩ mũno na nĩwovetwe nĩ naĩ ũkalũma ki.”
24Nĩvo ĩndĩ Simioni wameie atĩĩ, “Mwa mboyeei kwa Mwĩai maũndũ asu mwaweta maikangwate.”
25Vetelo na Yoana mamina kumya ũkũsĩ woo ĩũlũ wa Yesũ na kũtavany'a ndeto ya Mwĩai, nĩmasyokie Yelũsalemu. Me nzĩanĩ masyokete nĩmatavanisye Ũvoo Mũseo ndũanĩ mbingĩ sya Samalia.
Vilivũ na Mũethiovia Ũmwe Mũvakũe
26Mũlaĩka wa Mwĩai nĩwamwĩie Vilivũ atĩĩ, “Ũkĩla ũthi ngalĩko ya ĩtheo#8.26 ũthi ngalĩko ya ĩtheo: Kana: Syavika saa sita ki sya mũthenya, enda ũkavike nzĩanĩ ĩla yumĩte Yelũsalemu ĩkathi Ngasa.” (Nzĩa ĩsu yĩsĩlĩte weũnĩ). 27Kwoou Vilivũ nĩwookĩlile ambĩĩa kyalo saanĩ ũsu. Mũethiovia ũmwe waĩ mũvakũe, na waiĩtwe kwĩthĩwa mũũngamĩi wa syĩndũ syonthe sya mũsumbĩ mũndũ mũka wa Ethiovia weetawa Kandake, nĩ waĩ anookie Yelũsalemu kũthaitha Ngai, 28na yu aĩ nzĩanĩ enũkĩte. Nĩwailyĩ nthĩ ĩkasyanĩ yake aisoma ĩvuku ya mwathani Ĩsaia. 29Veva Mũtheu nĩwamwĩie Vilivũ atĩĩ, “Semba ũkwate ĩkasya yĩ ya ũendany'e nayo wĩ vakuvĩ.” 30Kwoou Vilivũ asemba ayĩthengeea, na eew'a mũndũ ũsu aisoma ĩvuku ya mwathani Ĩsaia na wasya mũnene. Vilivũ nĩwamũkũlilye atĩĩ, “Nũkũelewa nĩ vau ũũsoma?”
31Mũethiovia ũsu nĩwamũsũngĩie amwĩa, “Ndonya kũelewa ata nde mũelesye nĩ mũndũ?” Nĩwamũthokisye Vilivũ alĩse ĩkasyanĩ ĩũlũ ekale nthĩ vakuvĩ nake. 32#Ĩsa 53.7-8 Kĩlungu kya Maandĩko Matheu kĩla mũndũ ũsu wasomaa nĩkyo kĩĩ:
“Nĩwatwaiwe ta ĩlondu yĩtwaĩtwe kũthĩnzwa,
na o tondũ katena ka ĩlondu kavindasya kaitilwa w'ĩa,
now'o o nake ũtaaneena ũndũ.
33Nĩweekĩĩthiw'e nthoni na ndaaumĩw'a ũtw'ĩo ũla ũmwaĩlĩte,
vai mũndũ ũtonya kũtavany'a nzyawa syake,
nũndũ nĩwavetiwe kũũ ĩũlũ wa nthĩ.”
34Nĩvo ĩndĩ Mũethiovia ũsu wamũkũlilye Vilivũ, “Kwa ndavye atĩĩ, mwathani ũũ we eneena ĩũlũ waũ? Eneena ĩũlũ wake mwene kana eneena ĩũlũ wa mũndũ ũngĩ?” 35Vilivũ nĩwambĩĩie kũmũelesya amũtavya Ũvoo Mũseo ĩũlũ wa Yesũ, ambĩlĩĩlye na kĩlungu kĩu kya Maandĩko Matheu. 36Me o nzĩanĩ maendete nĩmavikie vandũ vaĩ kĩw'ũ, na Mũethiovia ũsu amwĩa atĩĩ, “Sisya, kĩw'ũ nĩ kĩĩ vaa. Yu nĩ kyaũ kĩtonya kũnziĩĩa ngĩvatiswa?”
[ 37Vilivũ amwĩa atĩĩ, “Ethĩwa nũkũĩkĩĩa na ngoo yaku yonthe, nũtonya kũvatiswa.” Nake Mũethiovia ũsu asũngĩa, “Nyie nĩngũĩkĩĩa kana Yesũ Klĩsto nĩ Mwana wa Ngai.”]#8.37 Maandĩko amwe ma tene ma Ndeto ya Ngai nĩmatiĩte mũsoa ũũ 38Nĩvo ĩndĩ weeaie ĩkasya yĩu yĩũngamw'e na me elĩ, Vilivũ na Mũethiovia ũsu mauma mathi kĩla kĩw'ũnĩ, na Vilivũ amũvatisa. 39Mauma kĩw'ũnĩ, o vau kwa vau Veva wa Mwĩai nĩwamũvulilye Vilivũ, na Mũethiovia ũsu ndaasyoka kũmwona ĩngĩ, ĩndĩ aendeea na kyalo kyake atanĩte mũno. 40Vilivũ eeyĩthĩĩlile ndũanĩ yĩtawa Asotu, na aendeea athi Kaisalea atavanĩtye Ũvoo Mũseo ndũanĩ syonthe ila wesĩlaa.
Currently Selected:
Meko 8: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Meko 8
8
1Saũlo nĩwoonie kũawa kwa Sitivini kwĩ kwaĩlu.
Kũthĩnw'a na Kũnyaĩĩkw'a kwa Aĩkĩĩi
Mũthenya ũsu aĩkĩĩi ala maĩ Yelũsalemu nĩmambĩĩie kũthĩnw'a mũno, na aingĩ moo manyaĩĩkw'a kĩla vandũ nthĩ ya Yutia na ya Samalia. No atũmwa mataanyaĩĩka. 2Andũ maĩ na kĩkĩo kya Ngai nĩmamũthikie Sitivini, na maĩa mũno na wasya mũnene nũndũ wa kĩkw'ũ kyake.
3 #
Meko 22.4-5; 26.9-11 Ĩndĩ Saũlo nake nĩwatatie kwananga ĩkanisa; nĩwaendaa kĩla mũsyĩ akakuthũany'a aĩkĩĩi ma aũme na ma aka, na kũmavingĩa yela.
Kũtavanw'a kwa Ũvoo Mũseo Nthĩ ya Samalia
4Aĩkĩĩi ala manyaĩĩkiw'e maendie kĩla vandũ matavanĩtye Ũvoo Mũseo. 5Vilivũ nĩwaendie ndũanĩ yĩ Samalia, na kũu atavya andũ ũvoo wa Klĩsto. 6Makomano ma andũ kwa ngoo ĩmwe, nĩmakwatie kĩla mataviw'e nĩ Vilivũ ĩtina wa kwĩw'a ndeto syake na kwona syama ila weekie. 7Maimũ malikĩte andũnĩ aingĩ nĩmaumie mauĩte mbu, na andũ aingĩ ala maĩ na mamutha monzu na maũũ mathũku nĩmavoiw'e. 8Kwoou kwaĩ na ũtanu mũnene ndũanĩ ĩsu.
9Nthĩnĩ wa ndũa ĩsu vaĩ mũndũ ũmwe weetawa Simioni, wekalaa ayĩka syama vo aitũmĩa ũwe na nĩwaseng'asya andũ onthe ma Samalia. Mũndũ ũsu nĩwaasya kana we nĩ mũndũ mũnene, 10na andũ onthe ma kĩla mũthemba, nĩmamwĩw'aa na kwaasya, “Mũndũ ũũ nĩwe ũtonyi wa Ngai ũla wĩtawa Ũtonyi Mũnene.” 11Mamwĩw'aa nũndũ vandũ va ĩvinda ĩasa nĩwekalĩte aimaseng'ya na syama syake aitũmĩa mowe. 12Ĩndĩ yĩla mamũĩkĩĩe Vilivũ aimatavya Ũvoo Mũseo ĩũlũ wa ũsumbĩ wa Ngai na ĩũlũ wa Yesũ Klĩsto, onthe nĩmavatisiwe, aũme o vamwe na aka. 13Simioni o nake nĩwaĩkĩĩie, na ĩtina wa kũvatiswa nĩwaendeeie na kwĩkalany'a na Vilivũ. Nĩwaseng'iw'e nĩ syama na maũndũ ma kũseng'ya ala woonaa mayĩkwa.
14Yĩla atũmwa me Yelũsalemu meewie kana andũ ma Samalia nĩmetĩkĩlile ndeto ya Ngai, nĩmamatũmĩie Vetelo na Yoana. 15Atũmwa asu elĩ nĩmaendie na mavoyea aĩkĩĩi nĩ kana matonye kũkwata Veva Mũtheu. 16Nĩkwĩthĩwa Veva Mũtheu ndaĩ anamba kũtheea o na kwa ũmwe woo; meekĩte o kũvatiswa ĩsyĩtwanĩ ya Mwĩai Yesũ. 17Nĩvo ĩndĩ Vetelo na Yoana mamailĩĩle moko, namo manengwa Veva Mũtheu.
18Yĩla Simioni woonie kana aĩkĩĩi manengwa Veva Mũtheu kwa nzĩa ya kwilĩĩlwa moko nĩ atũmwa, nĩwaeteie atũmwa asu mbesa 19amea atĩĩ, “Nengei ũtonyi ũũ o nakwa, nĩ kana nailĩĩla mũndũ o na wĩva moko atonye kũnengwa Veva Mũtheu.”
20Ĩndĩ nake Vetelo amwĩa atĩĩ, “Woothela na mbesa syaku, nĩkwĩthĩwa wĩsũanĩa nũtonya kũthooa mũthĩnzĩo wa Ngai na mbesa! 21Ndwĩ kĩlungu o na kĩmwe kana kĩanda ũthũkũminĩ ũũ, nũndũ Ngai nĩwene kana ngoo yaku ti ntheu. 22Kwoou ĩlile kwondũ wa naĩ syaku na ũimũvoya Mwĩai, nũtonya ũkũekea mosũanĩo asu wĩ namo ngoonĩ yaku. 23Nyie nĩnene kana wĩ na kĩwĩu kingĩ mũno na nĩwovetwe nĩ naĩ ũkalũma ki.”
24Nĩvo ĩndĩ Simioni wameie atĩĩ, “Mwa mboyeei kwa Mwĩai maũndũ asu mwaweta maikangwate.”
25Vetelo na Yoana mamina kumya ũkũsĩ woo ĩũlũ wa Yesũ na kũtavany'a ndeto ya Mwĩai, nĩmasyokie Yelũsalemu. Me nzĩanĩ masyokete nĩmatavanisye Ũvoo Mũseo ndũanĩ mbingĩ sya Samalia.
Vilivũ na Mũethiovia Ũmwe Mũvakũe
26Mũlaĩka wa Mwĩai nĩwamwĩie Vilivũ atĩĩ, “Ũkĩla ũthi ngalĩko ya ĩtheo#8.26 ũthi ngalĩko ya ĩtheo: Kana: Syavika saa sita ki sya mũthenya, enda ũkavike nzĩanĩ ĩla yumĩte Yelũsalemu ĩkathi Ngasa.” (Nzĩa ĩsu yĩsĩlĩte weũnĩ). 27Kwoou Vilivũ nĩwookĩlile ambĩĩa kyalo saanĩ ũsu. Mũethiovia ũmwe waĩ mũvakũe, na waiĩtwe kwĩthĩwa mũũngamĩi wa syĩndũ syonthe sya mũsumbĩ mũndũ mũka wa Ethiovia weetawa Kandake, nĩ waĩ anookie Yelũsalemu kũthaitha Ngai, 28na yu aĩ nzĩanĩ enũkĩte. Nĩwailyĩ nthĩ ĩkasyanĩ yake aisoma ĩvuku ya mwathani Ĩsaia. 29Veva Mũtheu nĩwamwĩie Vilivũ atĩĩ, “Semba ũkwate ĩkasya yĩ ya ũendany'e nayo wĩ vakuvĩ.” 30Kwoou Vilivũ asemba ayĩthengeea, na eew'a mũndũ ũsu aisoma ĩvuku ya mwathani Ĩsaia na wasya mũnene. Vilivũ nĩwamũkũlilye atĩĩ, “Nũkũelewa nĩ vau ũũsoma?”
31Mũethiovia ũsu nĩwamũsũngĩie amwĩa, “Ndonya kũelewa ata nde mũelesye nĩ mũndũ?” Nĩwamũthokisye Vilivũ alĩse ĩkasyanĩ ĩũlũ ekale nthĩ vakuvĩ nake. 32#Ĩsa 53.7-8 Kĩlungu kya Maandĩko Matheu kĩla mũndũ ũsu wasomaa nĩkyo kĩĩ:
“Nĩwatwaiwe ta ĩlondu yĩtwaĩtwe kũthĩnzwa,
na o tondũ katena ka ĩlondu kavindasya kaitilwa w'ĩa,
now'o o nake ũtaaneena ũndũ.
33Nĩweekĩĩthiw'e nthoni na ndaaumĩw'a ũtw'ĩo ũla ũmwaĩlĩte,
vai mũndũ ũtonya kũtavany'a nzyawa syake,
nũndũ nĩwavetiwe kũũ ĩũlũ wa nthĩ.”
34Nĩvo ĩndĩ Mũethiovia ũsu wamũkũlilye Vilivũ, “Kwa ndavye atĩĩ, mwathani ũũ we eneena ĩũlũ waũ? Eneena ĩũlũ wake mwene kana eneena ĩũlũ wa mũndũ ũngĩ?” 35Vilivũ nĩwambĩĩie kũmũelesya amũtavya Ũvoo Mũseo ĩũlũ wa Yesũ, ambĩlĩĩlye na kĩlungu kĩu kya Maandĩko Matheu. 36Me o nzĩanĩ maendete nĩmavikie vandũ vaĩ kĩw'ũ, na Mũethiovia ũsu amwĩa atĩĩ, “Sisya, kĩw'ũ nĩ kĩĩ vaa. Yu nĩ kyaũ kĩtonya kũnziĩĩa ngĩvatiswa?”
[ 37Vilivũ amwĩa atĩĩ, “Ethĩwa nũkũĩkĩĩa na ngoo yaku yonthe, nũtonya kũvatiswa.” Nake Mũethiovia ũsu asũngĩa, “Nyie nĩngũĩkĩĩa kana Yesũ Klĩsto nĩ Mwana wa Ngai.”]#8.37 Maandĩko amwe ma tene ma Ndeto ya Ngai nĩmatiĩte mũsoa ũũ 38Nĩvo ĩndĩ weeaie ĩkasya yĩu yĩũngamw'e na me elĩ, Vilivũ na Mũethiovia ũsu mauma mathi kĩla kĩw'ũnĩ, na Vilivũ amũvatisa. 39Mauma kĩw'ũnĩ, o vau kwa vau Veva wa Mwĩai nĩwamũvulilye Vilivũ, na Mũethiovia ũsu ndaasyoka kũmwona ĩngĩ, ĩndĩ aendeea na kyalo kyake atanĩte mũno. 40Vilivũ eeyĩthĩĩlile ndũanĩ yĩtawa Asotu, na aendeea athi Kaisalea atavanĩtye Ũvoo Mũseo ndũanĩ syonthe ila wesĩlaa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011