2Ako 11
11
Vaũlo Aineena ĩũlũ wa Atũmwa ma Ũvũngũ
1Nenda kethĩwa nĩmũmĩanĩsya na ũtumanu mũnini wakwa! Kwa w'o ũmĩanĩsyai nakwa. 2Nĩngũmwĩw'ĩa kĩwĩu, ĩĩ, kĩwĩu kya Ngai, nũndũ inyw'ĩ mũilyĩ ta mwĩĩtu ũtaamanyana kĩ-mwĩĩ na mũndũ-ũme nĩvaaĩsye mũndũ-ũme ũmwe, nake nĩ Klĩsto. 3#Mwa 3.1-5,13 Ĩndĩ nĩ na w'ĩa wa kana o ũndũ nzoka yamũkengie Awa na ũseleke wayo, mosũanĩo menyu nĩmatonya kũthũkw'a mũkaeka kwĩthĩwa mwĩ aĩkĩĩku kwa Klĩsto. 4Nũndũ inyw'ĩ mwĩoneka mwĩyũmbanĩtye kũthokya o mũndũ ũla wooka kwenyu, na kũmũtavya ĩũlũ wa Yesũ ũngĩ eka ũla twamũtavisye. O ta ũu mũkeie kwosa veva wĩ kĩvathũkany'o na ũla mwoosie kuma kwitũ, na kwĩtĩkĩla ũvoo mũseo wĩ kĩvathũkany'o na ũla mweewie kuma kwitũ.
5Ndikwona ta nĩ ĩtheo wa andũ asu mũkwĩta atũmwa ma kĩlasi kya ĩũlũ. 6O na ethĩwa ndi mũneeni mũseo, ũmanyi nĩ naw'o; ũndũ ũsu nĩtũmwonetye nesa kwa nzĩa syĩ kĩvathũkany'o maũndũnĩ maingĩ.
7Ko neekie naĩ kwĩtheesya nĩ kana inyw'ĩ mũneneve, kwa kũmũtavya Ũvoo Mũseo wa Ngai ndeũmwĩtya kĩndũ? 8Nĩnooyĩaa makanisa angĩ kwa kwĩtĩkĩla ũtethyo kuma kwoo nĩ kana nĩmũthũkũme inyw'ĩ. 9#Avi 4.15-18 Yĩla naĩ nenyu nakwatwa nĩ vata wa kĩndũ, ndyaamũthĩny'a nĩkwĩthĩwa ana-a-asa ala mookie kuma Masendonia nĩmo mandethasya mavatanĩ makwa. Kwoou nĩneesũvĩie ndikatw'ĩke mũio kwenyu kwa ũndũ o na wĩva, na ngeesũvĩa oou ĩvinda yĩla yũkĩte. 10Ngĩneena w'o nthĩnĩ wa Klĩsto ũla ũtwĩe nthĩnĩ wakwa, kwĩkathĩĩa kũũ kwakwa kũikavindĩthw'a o na va nthĩ yonthe ya Akaia. 11Nĩasya ũu nĩkĩ? Nĩkwĩthĩwa ndimwendete? Aiee! Ngai nĩwĩsĩ nĩnĩmwendete.
12Ĩndĩ ũndũ ũsu ngwĩka nĩendeea o kũwĩka, nĩ kana nanange vau andũ asu mekwĩlingya navo, mayĩkathĩĩa atĩ metethya wĩa o ũndũ ũmwe naitũ. 13Andũ asu nĩ atũmwa ma ũvũngũ, meũkengana ĩũlũ wa ũthũkũmi woo, na kwĩtw'ĩkĩthasya ta atũmwa ma Klĩsto. 14Ũu ti ũseng'yo, nũndũ o nake Satani etw'ĩkĩthasya ta mũlaĩka wa kyeni. 15Kwoou ti ũndũ wa kũseng'ya kwona athũkũmi make o namo, mayĩtw'ĩkĩthya ta athũkũmi ma ũla ũlũngalu. Mũminũkĩlyonĩ woo makasilĩlwa kwĩanana na meko moo.
Mathĩna ma Vaũlo ta Mũtũmwa
16Nĩngũtũngĩlĩĩla o ĩngĩ: Vai ũmwe wenyu waĩlĩte kũmbosa ta nĩ mũtumanu. Ĩndĩ o na ethĩwa nĩmũkwĩka ũu, mbĩtĩkĩlei ta nĩ mũtumanu nĩ kana o nakwa nĩkathĩĩe o vanini. 17Kĩla ngũneena yu kĩyumĩte kwa Mwĩai; ũndũnĩ ũũ wa kwĩkathĩĩa, nĩneena ta mũndũ mũtumanu. 18Nũndũ andũ aingĩ nĩmekathĩĩaa na maũndũ ma nthĩ ĩno, o nakwa nĩngwĩkathĩĩa. 19Inyw'ĩ mwĩona mwĩ oĩ mũno, na kwoou nĩmũmĩĩasya andũ atumanu na ũtanu! 20Mũmĩĩasya mũndũ ũkũmũtw'a ngombo, kana ũkũmũya na mawũĩ, kana ũkũmũkusĩĩsya kwake, kana ũkũmũvinyĩĩa, kana ũkũmũkũna ĩkovi ya metho. 21Nĩngwĩw'a nthoni ngyasya kana ithyĩ tũyaĩ tũtonya kwĩka maũndũ asu.
Ĩndĩ ethĩwa ve syĩndũ mũndũ ũtonya kwĩkathĩĩa nasyo, o ngĩneena ta mũndũ mũtumanu, o nakwa nokwĩkathĩĩa nasyo. 22Measya nĩ Aevelania? O nakwa nĩ o ũmwe. Measya nĩ andũ ma Ĩsilaeli? O nakwa nĩ o ũmwe. Measya nĩ nzyawa sya Avalaamu? O nakwa nĩ o ũmwe. 23#Meko 16.23 Measya nĩ athũkũmi ma Klĩsto? Nyie ngĩneena ta mũndũ wĩ na mũtwe mũthũku, nĩ mũthũkũmi mũseo kwĩ mo! Nĩtethetye wĩa na kĩthito mbee, ngavingĩwa yela kaingangĩ, ngavũwa mavinda maingangĩ, na ngew'a kũawa mavinda maingangĩ. 24#Kũt 25.3 Mavinda atano nĩnakũniwe ila ivoko mĩongo ĩtatũ na kenda nĩ Ayuti, 25#Meko 16.22; 14.19 mavinda atatũ navũwa na ndata nĩ Alomi, na ĩvinda yĩmwe nakimangwa na mavia. Mavinda atatũ nĩ melinĩ nĩyalikile kĩw'ũnĩ nthĩnĩ, na ĩvinda yĩmwe nekala kĩw'ũnĩ vandũ va masaa mĩongo ĩlĩ na ana. 26#Meko 9.23; 14.15 Syalonĩ syakwa mbingĩ, nĩnĩthĩawa mũisyonĩ wa kũtwawa nĩ ũsĩ, mũisyonĩ wa ing'ei, mũisyonĩ wa andũ ma mbaitũ, na mũisyonĩ wa Andũ-ma-mbaĩ-ingĩ. O ta ũu thayũ wakwa nĩwĩthĩawa mũisyonĩ kũũ ndũanĩ, weũnĩ, mokanganĩ, andũnĩ mate aĩkĩĩi maw'o. 27Nĩndethasya wĩa mũito na wĩ mĩnoo, ngamina matukũ ndakoma; nĩnĩkalaa na nzaa na waũni, ngamina matukũ ndona lĩu nĩya, na ngekala mbevonĩ nde ngũa. 28Na ĩndĩ ndeũweta maũndũ ala angĩ, kĩla mũthenya nĩnĩw'aa nĩmũvinyĩĩe, nũndũ nĩngũthĩnĩka ngoonĩ kwondũ wa makanisa onthe. 29Yĩla ve mũndũ mwonzu, o nakwa nĩw'aa nĩ mwonzu, na yĩla mũndũ walikw'a naĩnĩ, nyie nakwa nĩw'aa naũmĩa vevanĩ.
30Ethĩwa no nginya nĩkathĩĩe, nĩĩkathĩĩa na maũndũ ala monanasya wonzu wakwa. 31Ngai, Ĩthe wa Mwĩai Yesũ, ũla ũkathawa tene na tene, nĩwĩsĩ kana nyie ndiũkengana. 32#Meko 9.23-25 Yĩla naĩ Ndamasikũ, ngavana ũla waĩ ungu wa Mũsumbĩ Aletasi, nĩwaiie asikalĩ mĩvĩanĩ ya ndũa isu nĩ kana mangwate. 33Ĩndĩ nĩnang'okelilw'e ndĩlĩsyanĩ ya ũkũta, natheew'a nĩ kĩkavũnĩ na nathi aema kũngwata.
Currently Selected:
2Ako 11: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
2Ako 11
11
Vaũlo Aineena ĩũlũ wa Atũmwa ma Ũvũngũ
1Nenda kethĩwa nĩmũmĩanĩsya na ũtumanu mũnini wakwa! Kwa w'o ũmĩanĩsyai nakwa. 2Nĩngũmwĩw'ĩa kĩwĩu, ĩĩ, kĩwĩu kya Ngai, nũndũ inyw'ĩ mũilyĩ ta mwĩĩtu ũtaamanyana kĩ-mwĩĩ na mũndũ-ũme nĩvaaĩsye mũndũ-ũme ũmwe, nake nĩ Klĩsto. 3#Mwa 3.1-5,13 Ĩndĩ nĩ na w'ĩa wa kana o ũndũ nzoka yamũkengie Awa na ũseleke wayo, mosũanĩo menyu nĩmatonya kũthũkw'a mũkaeka kwĩthĩwa mwĩ aĩkĩĩku kwa Klĩsto. 4Nũndũ inyw'ĩ mwĩoneka mwĩyũmbanĩtye kũthokya o mũndũ ũla wooka kwenyu, na kũmũtavya ĩũlũ wa Yesũ ũngĩ eka ũla twamũtavisye. O ta ũu mũkeie kwosa veva wĩ kĩvathũkany'o na ũla mwoosie kuma kwitũ, na kwĩtĩkĩla ũvoo mũseo wĩ kĩvathũkany'o na ũla mweewie kuma kwitũ.
5Ndikwona ta nĩ ĩtheo wa andũ asu mũkwĩta atũmwa ma kĩlasi kya ĩũlũ. 6O na ethĩwa ndi mũneeni mũseo, ũmanyi nĩ naw'o; ũndũ ũsu nĩtũmwonetye nesa kwa nzĩa syĩ kĩvathũkany'o maũndũnĩ maingĩ.
7Ko neekie naĩ kwĩtheesya nĩ kana inyw'ĩ mũneneve, kwa kũmũtavya Ũvoo Mũseo wa Ngai ndeũmwĩtya kĩndũ? 8Nĩnooyĩaa makanisa angĩ kwa kwĩtĩkĩla ũtethyo kuma kwoo nĩ kana nĩmũthũkũme inyw'ĩ. 9#Avi 4.15-18 Yĩla naĩ nenyu nakwatwa nĩ vata wa kĩndũ, ndyaamũthĩny'a nĩkwĩthĩwa ana-a-asa ala mookie kuma Masendonia nĩmo mandethasya mavatanĩ makwa. Kwoou nĩneesũvĩie ndikatw'ĩke mũio kwenyu kwa ũndũ o na wĩva, na ngeesũvĩa oou ĩvinda yĩla yũkĩte. 10Ngĩneena w'o nthĩnĩ wa Klĩsto ũla ũtwĩe nthĩnĩ wakwa, kwĩkathĩĩa kũũ kwakwa kũikavindĩthw'a o na va nthĩ yonthe ya Akaia. 11Nĩasya ũu nĩkĩ? Nĩkwĩthĩwa ndimwendete? Aiee! Ngai nĩwĩsĩ nĩnĩmwendete.
12Ĩndĩ ũndũ ũsu ngwĩka nĩendeea o kũwĩka, nĩ kana nanange vau andũ asu mekwĩlingya navo, mayĩkathĩĩa atĩ metethya wĩa o ũndũ ũmwe naitũ. 13Andũ asu nĩ atũmwa ma ũvũngũ, meũkengana ĩũlũ wa ũthũkũmi woo, na kwĩtw'ĩkĩthasya ta atũmwa ma Klĩsto. 14Ũu ti ũseng'yo, nũndũ o nake Satani etw'ĩkĩthasya ta mũlaĩka wa kyeni. 15Kwoou ti ũndũ wa kũseng'ya kwona athũkũmi make o namo, mayĩtw'ĩkĩthya ta athũkũmi ma ũla ũlũngalu. Mũminũkĩlyonĩ woo makasilĩlwa kwĩanana na meko moo.
Mathĩna ma Vaũlo ta Mũtũmwa
16Nĩngũtũngĩlĩĩla o ĩngĩ: Vai ũmwe wenyu waĩlĩte kũmbosa ta nĩ mũtumanu. Ĩndĩ o na ethĩwa nĩmũkwĩka ũu, mbĩtĩkĩlei ta nĩ mũtumanu nĩ kana o nakwa nĩkathĩĩe o vanini. 17Kĩla ngũneena yu kĩyumĩte kwa Mwĩai; ũndũnĩ ũũ wa kwĩkathĩĩa, nĩneena ta mũndũ mũtumanu. 18Nũndũ andũ aingĩ nĩmekathĩĩaa na maũndũ ma nthĩ ĩno, o nakwa nĩngwĩkathĩĩa. 19Inyw'ĩ mwĩona mwĩ oĩ mũno, na kwoou nĩmũmĩĩasya andũ atumanu na ũtanu! 20Mũmĩĩasya mũndũ ũkũmũtw'a ngombo, kana ũkũmũya na mawũĩ, kana ũkũmũkusĩĩsya kwake, kana ũkũmũvinyĩĩa, kana ũkũmũkũna ĩkovi ya metho. 21Nĩngwĩw'a nthoni ngyasya kana ithyĩ tũyaĩ tũtonya kwĩka maũndũ asu.
Ĩndĩ ethĩwa ve syĩndũ mũndũ ũtonya kwĩkathĩĩa nasyo, o ngĩneena ta mũndũ mũtumanu, o nakwa nokwĩkathĩĩa nasyo. 22Measya nĩ Aevelania? O nakwa nĩ o ũmwe. Measya nĩ andũ ma Ĩsilaeli? O nakwa nĩ o ũmwe. Measya nĩ nzyawa sya Avalaamu? O nakwa nĩ o ũmwe. 23#Meko 16.23 Measya nĩ athũkũmi ma Klĩsto? Nyie ngĩneena ta mũndũ wĩ na mũtwe mũthũku, nĩ mũthũkũmi mũseo kwĩ mo! Nĩtethetye wĩa na kĩthito mbee, ngavingĩwa yela kaingangĩ, ngavũwa mavinda maingangĩ, na ngew'a kũawa mavinda maingangĩ. 24#Kũt 25.3 Mavinda atano nĩnakũniwe ila ivoko mĩongo ĩtatũ na kenda nĩ Ayuti, 25#Meko 16.22; 14.19 mavinda atatũ navũwa na ndata nĩ Alomi, na ĩvinda yĩmwe nakimangwa na mavia. Mavinda atatũ nĩ melinĩ nĩyalikile kĩw'ũnĩ nthĩnĩ, na ĩvinda yĩmwe nekala kĩw'ũnĩ vandũ va masaa mĩongo ĩlĩ na ana. 26#Meko 9.23; 14.15 Syalonĩ syakwa mbingĩ, nĩnĩthĩawa mũisyonĩ wa kũtwawa nĩ ũsĩ, mũisyonĩ wa ing'ei, mũisyonĩ wa andũ ma mbaitũ, na mũisyonĩ wa Andũ-ma-mbaĩ-ingĩ. O ta ũu thayũ wakwa nĩwĩthĩawa mũisyonĩ kũũ ndũanĩ, weũnĩ, mokanganĩ, andũnĩ mate aĩkĩĩi maw'o. 27Nĩndethasya wĩa mũito na wĩ mĩnoo, ngamina matukũ ndakoma; nĩnĩkalaa na nzaa na waũni, ngamina matukũ ndona lĩu nĩya, na ngekala mbevonĩ nde ngũa. 28Na ĩndĩ ndeũweta maũndũ ala angĩ, kĩla mũthenya nĩnĩw'aa nĩmũvinyĩĩe, nũndũ nĩngũthĩnĩka ngoonĩ kwondũ wa makanisa onthe. 29Yĩla ve mũndũ mwonzu, o nakwa nĩw'aa nĩ mwonzu, na yĩla mũndũ walikw'a naĩnĩ, nyie nakwa nĩw'aa naũmĩa vevanĩ.
30Ethĩwa no nginya nĩkathĩĩe, nĩĩkathĩĩa na maũndũ ala monanasya wonzu wakwa. 31Ngai, Ĩthe wa Mwĩai Yesũ, ũla ũkathawa tene na tene, nĩwĩsĩ kana nyie ndiũkengana. 32#Meko 9.23-25 Yĩla naĩ Ndamasikũ, ngavana ũla waĩ ungu wa Mũsumbĩ Aletasi, nĩwaiie asikalĩ mĩvĩanĩ ya ndũa isu nĩ kana mangwate. 33Ĩndĩ nĩnang'okelilw'e ndĩlĩsyanĩ ya ũkũta, natheew'a nĩ kĩkavũnĩ na nathi aema kũngwata.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011