1Ako 1
1
1Kuma vala nĩĩ nyie Vaũlo, ũla neetiwe kwendanĩ kwa Ngai nĩtw'ĩke mũtũmwa wa Klĩsto Yesũ, na kuma kwa mwana-a-asa waitũ Sosithene.
2 #
Meko 18.1
Valũa ũũ nĩ kwenyu ĩkanisa ya Ngai yĩla yĩ Kolintho, inyw'ĩ ala mũtheetw'e nthĩnĩ wa Klĩsto Yesũ, na mwĩtĩtwe mwĩthĩwe andũ atheu, vamwe na andũ onthe ma kĩla vandũ ala mamũthaithaa Mwĩai waitũ Yesũ Klĩsto, ũla nĩ Mwĩai woo na Mwĩai waitũ:
3Mumo na mũuo nĩsyĩthĩwe nenyu kuma kwa Ngai Asa waitũ, na kuma kwa Mwĩai Yesũ Klĩsto.
Moathimo ma Ngai Kwĩsĩla kwa Yesũ Klĩsto
4Nĩtũngĩaa Ngai mũvea kĩla ĩvinda kwondũ wenyu, nũndũ wa mumo wake ũla ũmũnengete kwĩsĩla kwa Klĩsto Yesũ. 5Nĩkwĩthĩwa kwĩsĩla kwake inyw'ĩ nĩmũthuĩtw'e maũndũnĩ onthe; nĩmũnengetwe ũneeni na ũmanyi w'onthe. 6Ũvoo ĩũlũ wa Klĩsto nĩ mũlũmu yu nthĩnĩ wenyu, 7ũkethĩa vai mũthĩnzĩo wa kĩ-veva ũmwaĩaa mweteelete kũvuanw'a kwa Mwĩai waitũ Yesũ Klĩsto. 8O ta ũu akamũlũlũmĩĩlya kũvika mũminũkĩlyo, nĩ kana mwĩĩthĩwa mũte na ĩvĩtyo Mũthenyanĩ wa kũka ĩngĩ kwa Mwĩai waitũ Yesũ Klĩsto. 9Ngai nĩ mũĩkĩĩku, ũla ũmwĩtĩte mwĩthĩwe mwĩ mũamba na Mwana wake Mwĩai waitũ Yesũ Klĩsto.
Ũtilĩkangano Ĩkanisanĩ
10Nĩngũmwĩsũva mbaitũ, ĩsyĩtwanĩ ya Mwĩai waitũ Yesũ Klĩsto inyw'onthe mwĩthĩwe na mwĩw'ano, na kũikethĩwe na ũtilĩkangano katĩ wenyu, ĩndĩ mwĩthĩwe na kĩsũanĩo kĩmwe na kĩeleelo o kĩmwe. 11Nũndũ nĩndavĩtw'e nĩ andũ amwe ma mũsyĩ wa Kĩloe kana kwĩ na kũtetany'a katĩ wenyu. 12#Meko 18.24 Kĩla ngũweta nĩ kĩĩ: Kĩla ũmwe wenyu easya, “Nyie nĩ wa Vaũlo,” kana, “Nyie nĩ wa Avolo,” kana, “Nyie nĩ wa Vetelo,” kana, “Nyie nĩ wa Klĩsto.” 13Klĩsto ko mũaany'e? Vaũlo nĩwe wakwie ngelany'onĩ kwondũ wenyu? Kana mwaavatiswa ĩsyĩtwanĩ ya Vaũlo?
14 #
Meko 18.8; 19.29; Alo 16.23 Nĩtũngĩa Ngai mũvea nũndũ vai ũmwe wenyu nyie naavatisa, eka Kĩlisivo na Kaio, 15ũndũ ũmwe wenyu wĩsa kwasya mwavatisiwe ĩsyĩtwanĩ yakwa. 16#1Ako 16.15 Ĩĩ, nĩngũlilikana nĩnavatisie Sitevana na andũ ma mũsyĩ wake, ĩndĩ eka asu, ndyĩsĩ kana naavatisa mũndũ ũngĩ. 17Nĩkwĩthĩwa Klĩsto ndaandũma kũvatisa andũ; andũmie nĩtavany'e Ũvoo Mũseo, na ngĩũtavany'a ndeũtũmĩa ndeto sya ũĩ wa kĩ-mũndũ, nĩ kana kĩkw'ũ kya Klĩsto ngelany'onĩ kĩikoswe ta kya mana.
Klĩsto ta we Ũtonyi na Ũĩ wa Ngai
18Ũvoo wa Klĩsto wa kũkw'a ngelany'onĩ nĩ ũtumanu kwa ala mekwaa, ĩndĩ kwitũ ithyĩ ala tũũtangĩĩwa, nĩ wonany'o wa ũtonyi wa Ngai. 19#Ĩsa 29.14 Nũndũ Maandĩko Matheu maĩtye:
“Ngaananga ũĩ wa ala oĩ,
ngaveta ũmanyi wa ala me na ũmanyi.”
20 #
Yovu 12.17; Ĩsa 19.12; 33.18; 44.25 Kwoou aĩva yu ũla mũndũ mũĩ? Aĩva yu ũla mũmanyĩsya wa mĩao? Aĩva yu ũla mũndũ ũtasindĩka maũndũnĩ ma ngananĩo ĩvindanĩ yĩĩ tũĩ? Ngai nũtw'ĩkĩthĩtye ũĩ wa nthĩ ĩno kwĩthĩwa ũtumanu.
21Nĩkwĩthĩwa ũĩnĩ wa Ngai, nthĩ ndyaamũmanya kwĩsĩla ũĩnĩ wayo; Ngai endie kũtangĩĩa ala maĩkĩĩaa kwĩsĩla kĩla kyosawa kwĩthĩwa ũtumanu, nakyo nĩ kĩla ithyĩ tũtavanasya. 22Ayuti mo mendaa maĩkĩĩthw'e na syama, namo Akiliki mamanthaa ũĩ. 23Ĩndĩ naitũ tũtavanasya Klĩsto ũla wambiwe, o yĩla kwa Ayuti nĩ ũluluutĩkyo, na kwa Andũ-ma-mbaĩ-ingĩ nĩ ũtumanu mũnene. 24Ĩndĩ kwa andũ ala Ngai wĩtĩte, Ayuti o vamwe na Andũ-ma-mbaĩ-ingĩ, Klĩsto nĩ ũtonyi wa Ngai na nĩ ũĩ wa Ngai. 25Nũndũ ũla wonekaa ta ũtumanu wa Ngai wĩthĩawa wĩ ũĩ mwingĩ kwĩ ũĩ wa mũndũ, na kĩla kyonekaa ta wonzu wa Ngai kĩ vinya kwĩ vinya wa mũndũ.
26Mbaitũ, kwa sũanĩai ũndũ mwailyĩ Ngai aimwĩta; ti aingĩ menyu maĩ oĩ kwĩanana na ũĩ wa nthĩ ĩno, o na ti aingĩ menyu maĩ na ũkũmũ kana masyaĩtwe mĩsyĩnĩ yĩ nguma. 27Ĩndĩ Ngai anyuvie ala monekaa kũũ nthĩ kwĩthĩwa atumanu nĩ kana asonokye ala oĩ, na anyuva ala monekaa mate na ũtonyi nĩ kana asonokye ala me na ũtonyi. 28Ngai anyuvie kĩla kĩtanengawe ndaĩa kũũ nthĩ na kĩvũthĩĩaw'a na kyonekaa kĩte kĩndũ, nĩ kana atw'ĩkĩthye sya mana syĩndũ ila syonekaa syĩ sya vata. 29Eekie ũu nĩ kana vaikethĩwe mũndũ ũtonya kwĩkathĩĩa mbee wa Ngai. 30Nĩ kwondũ wa Ngai inyw'ĩ mwĩ nthĩnĩ wa Klĩsto Yesũ, ũla Ngai ũmũtw'ĩkĩthĩtye ũĩ witũ, ũlũngalu witũ, ũtheu witũ na ũtangĩĩo witũ. 31#Yel 9.24 Kwoou o tondũ Maandĩko Matheu maĩtye, “Ũla ũkwenda kwĩkathĩĩa, nĩekathĩĩe nthĩnĩ wa Mwĩai.”
Currently Selected:
1Ako 1: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
1Ako 1
1
1Kuma vala nĩĩ nyie Vaũlo, ũla neetiwe kwendanĩ kwa Ngai nĩtw'ĩke mũtũmwa wa Klĩsto Yesũ, na kuma kwa mwana-a-asa waitũ Sosithene.
2 #
Meko 18.1
Valũa ũũ nĩ kwenyu ĩkanisa ya Ngai yĩla yĩ Kolintho, inyw'ĩ ala mũtheetw'e nthĩnĩ wa Klĩsto Yesũ, na mwĩtĩtwe mwĩthĩwe andũ atheu, vamwe na andũ onthe ma kĩla vandũ ala mamũthaithaa Mwĩai waitũ Yesũ Klĩsto, ũla nĩ Mwĩai woo na Mwĩai waitũ:
3Mumo na mũuo nĩsyĩthĩwe nenyu kuma kwa Ngai Asa waitũ, na kuma kwa Mwĩai Yesũ Klĩsto.
Moathimo ma Ngai Kwĩsĩla kwa Yesũ Klĩsto
4Nĩtũngĩaa Ngai mũvea kĩla ĩvinda kwondũ wenyu, nũndũ wa mumo wake ũla ũmũnengete kwĩsĩla kwa Klĩsto Yesũ. 5Nĩkwĩthĩwa kwĩsĩla kwake inyw'ĩ nĩmũthuĩtw'e maũndũnĩ onthe; nĩmũnengetwe ũneeni na ũmanyi w'onthe. 6Ũvoo ĩũlũ wa Klĩsto nĩ mũlũmu yu nthĩnĩ wenyu, 7ũkethĩa vai mũthĩnzĩo wa kĩ-veva ũmwaĩaa mweteelete kũvuanw'a kwa Mwĩai waitũ Yesũ Klĩsto. 8O ta ũu akamũlũlũmĩĩlya kũvika mũminũkĩlyo, nĩ kana mwĩĩthĩwa mũte na ĩvĩtyo Mũthenyanĩ wa kũka ĩngĩ kwa Mwĩai waitũ Yesũ Klĩsto. 9Ngai nĩ mũĩkĩĩku, ũla ũmwĩtĩte mwĩthĩwe mwĩ mũamba na Mwana wake Mwĩai waitũ Yesũ Klĩsto.
Ũtilĩkangano Ĩkanisanĩ
10Nĩngũmwĩsũva mbaitũ, ĩsyĩtwanĩ ya Mwĩai waitũ Yesũ Klĩsto inyw'onthe mwĩthĩwe na mwĩw'ano, na kũikethĩwe na ũtilĩkangano katĩ wenyu, ĩndĩ mwĩthĩwe na kĩsũanĩo kĩmwe na kĩeleelo o kĩmwe. 11Nũndũ nĩndavĩtw'e nĩ andũ amwe ma mũsyĩ wa Kĩloe kana kwĩ na kũtetany'a katĩ wenyu. 12#Meko 18.24 Kĩla ngũweta nĩ kĩĩ: Kĩla ũmwe wenyu easya, “Nyie nĩ wa Vaũlo,” kana, “Nyie nĩ wa Avolo,” kana, “Nyie nĩ wa Vetelo,” kana, “Nyie nĩ wa Klĩsto.” 13Klĩsto ko mũaany'e? Vaũlo nĩwe wakwie ngelany'onĩ kwondũ wenyu? Kana mwaavatiswa ĩsyĩtwanĩ ya Vaũlo?
14 #
Meko 18.8; 19.29; Alo 16.23 Nĩtũngĩa Ngai mũvea nũndũ vai ũmwe wenyu nyie naavatisa, eka Kĩlisivo na Kaio, 15ũndũ ũmwe wenyu wĩsa kwasya mwavatisiwe ĩsyĩtwanĩ yakwa. 16#1Ako 16.15 Ĩĩ, nĩngũlilikana nĩnavatisie Sitevana na andũ ma mũsyĩ wake, ĩndĩ eka asu, ndyĩsĩ kana naavatisa mũndũ ũngĩ. 17Nĩkwĩthĩwa Klĩsto ndaandũma kũvatisa andũ; andũmie nĩtavany'e Ũvoo Mũseo, na ngĩũtavany'a ndeũtũmĩa ndeto sya ũĩ wa kĩ-mũndũ, nĩ kana kĩkw'ũ kya Klĩsto ngelany'onĩ kĩikoswe ta kya mana.
Klĩsto ta we Ũtonyi na Ũĩ wa Ngai
18Ũvoo wa Klĩsto wa kũkw'a ngelany'onĩ nĩ ũtumanu kwa ala mekwaa, ĩndĩ kwitũ ithyĩ ala tũũtangĩĩwa, nĩ wonany'o wa ũtonyi wa Ngai. 19#Ĩsa 29.14 Nũndũ Maandĩko Matheu maĩtye:
“Ngaananga ũĩ wa ala oĩ,
ngaveta ũmanyi wa ala me na ũmanyi.”
20 #
Yovu 12.17; Ĩsa 19.12; 33.18; 44.25 Kwoou aĩva yu ũla mũndũ mũĩ? Aĩva yu ũla mũmanyĩsya wa mĩao? Aĩva yu ũla mũndũ ũtasindĩka maũndũnĩ ma ngananĩo ĩvindanĩ yĩĩ tũĩ? Ngai nũtw'ĩkĩthĩtye ũĩ wa nthĩ ĩno kwĩthĩwa ũtumanu.
21Nĩkwĩthĩwa ũĩnĩ wa Ngai, nthĩ ndyaamũmanya kwĩsĩla ũĩnĩ wayo; Ngai endie kũtangĩĩa ala maĩkĩĩaa kwĩsĩla kĩla kyosawa kwĩthĩwa ũtumanu, nakyo nĩ kĩla ithyĩ tũtavanasya. 22Ayuti mo mendaa maĩkĩĩthw'e na syama, namo Akiliki mamanthaa ũĩ. 23Ĩndĩ naitũ tũtavanasya Klĩsto ũla wambiwe, o yĩla kwa Ayuti nĩ ũluluutĩkyo, na kwa Andũ-ma-mbaĩ-ingĩ nĩ ũtumanu mũnene. 24Ĩndĩ kwa andũ ala Ngai wĩtĩte, Ayuti o vamwe na Andũ-ma-mbaĩ-ingĩ, Klĩsto nĩ ũtonyi wa Ngai na nĩ ũĩ wa Ngai. 25Nũndũ ũla wonekaa ta ũtumanu wa Ngai wĩthĩawa wĩ ũĩ mwingĩ kwĩ ũĩ wa mũndũ, na kĩla kyonekaa ta wonzu wa Ngai kĩ vinya kwĩ vinya wa mũndũ.
26Mbaitũ, kwa sũanĩai ũndũ mwailyĩ Ngai aimwĩta; ti aingĩ menyu maĩ oĩ kwĩanana na ũĩ wa nthĩ ĩno, o na ti aingĩ menyu maĩ na ũkũmũ kana masyaĩtwe mĩsyĩnĩ yĩ nguma. 27Ĩndĩ Ngai anyuvie ala monekaa kũũ nthĩ kwĩthĩwa atumanu nĩ kana asonokye ala oĩ, na anyuva ala monekaa mate na ũtonyi nĩ kana asonokye ala me na ũtonyi. 28Ngai anyuvie kĩla kĩtanengawe ndaĩa kũũ nthĩ na kĩvũthĩĩaw'a na kyonekaa kĩte kĩndũ, nĩ kana atw'ĩkĩthye sya mana syĩndũ ila syonekaa syĩ sya vata. 29Eekie ũu nĩ kana vaikethĩwe mũndũ ũtonya kwĩkathĩĩa mbee wa Ngai. 30Nĩ kwondũ wa Ngai inyw'ĩ mwĩ nthĩnĩ wa Klĩsto Yesũ, ũla Ngai ũmũtw'ĩkĩthĩtye ũĩ witũ, ũlũngalu witũ, ũtheu witũ na ũtangĩĩo witũ. 31#Yel 9.24 Kwoou o tondũ Maandĩko Matheu maĩtye, “Ũla ũkwenda kwĩkathĩĩa, nĩekathĩĩe nthĩnĩ wa Mwĩai.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011