ALOMI 2
2
Ayuti o nao nĩ avĩtan’ya
1 #
Mt 7.2; Yoa 8.7. Kwondũ wa ũu naku ndwĩ na wĩmilo, we mũndũ, ũla ũsilĩlaa ũngĩ: nũndũ maũndũnĩ ala ũsilĩlaa ũngĩ, wĩsilĩlaa mwene kana wĩ mũvĩtan’ya; nĩkwĩthĩwa we ũla ũsilĩlaa wĩkaa maũndũ o asu. 2Naitũ nĩtwĩsĩ kana ũsilĩlo wa Ngai nĩ kwĩanana na w’o ĩũlũ wa ala mekaa maũndũ ta asu. 3Naku mũndũ, ũla ũsilĩlaa ala mavikĩlaa maũndũ ta asu, naku mwene nũmekaa, wĩtalĩlya kana we ũkavonoka ũsilĩlo wa Ngai? 4#2 Vet 3.15.Kana we wĩvũthya wingĩ wa ũseo wake na wĩtũngi na wũmĩĩsyo, ũteũmanya kana ũseo wa Ngai ũkũtongoeasya ũalyũloni wa ngoo? 5Ĩndĩ kũatĩĩa wũmũ waku na ngoo yaku ĩte na wĩlilo wĩyiĩaa ũthatu wa mũthenya wa ũthatu na wa wonan’yo wa ũsilĩlo mũlũngalu wa Ngai: 6#Sav 62.12; Nth 24.12; Mt 16.27; Yoa 5.29; 2 Ako 5.10.ũla ũkamũnenga kĩla mũndũ kwĩanana na meko make: 7kwa asu ala mekwĩyũmĩĩsya kwĩkaa nesa mamanthaa ndaĩa na nguma na maũndũ matanangĩkaa, akamanenga thayũ ũtathela: 8#2 Ath 1.8.ĩndĩ kwa ala maetae ngananĩo, na matew’aa ũla w’o, ĩndĩ nĩmew’aa ũndũ ũte ũlũngalu, kũkeethĩwa ũthilĩku na ũthatu, 9#Alo 1.16; 3.9.thĩna na ũnyamao, ĩũlũ wa kĩla mũndũ ũla wĩkaa nai, wa Mũyuti mbee, na wa Mũkiliki nake; 10ĩndĩ ndaĩa na nguma na mũuo kwa kĩla mũndũ ũla wĩkaa nesa, Mũyuti mbee, na Mũkiliki nake: 11#Meko 10.34; 1 Vet 1.17.nũndũ Ngai ti mwendeesya wa andũ. 12Nũndũ onthe ala meekie nai ĩla mĩao ĩte vo makaaa vate ĩla mĩao; na asu onthe ala meekie nai me na ĩla mĩao makasilĩlwa na ĩla mĩao; 13#Mt 7.21; 1 Yoa 3.7; Yak 1.22,25.nũndũ ti ewi ma ĩla mĩao alũngalu mbee wa Ngai, ĩndĩ nĩ eki ma mĩao makatalĩlwa ũlũngalu; 14#Meko 10.35.(nũndũ yĩla Andũ‐ma‐mbaĩ‐ingĩ mate na ĩla mĩao mekaa maũndũ ala me nthĩnĩ wa mĩao kwa mũtuo woo, andũ asu, mate na mĩao, no mo mĩao ene; 15#Alo 1.32.nũndũ maũndũnĩ asu meonan’ya wĩa wa ĩla mĩao ũandĩkĩtwe ngoonĩ syoo, wasya wa ngoo woo ũkĩkũsĩĩa, na malilikano moo ene kwa ene maimon’ya mavĩtyo kana kũmaekea;) 16#2 Tim 2.8.mũthenya ũla Ngai ũkasilĩla syĩmbithĩ sya andũ, kwa nzĩa ya Yesũ Klĩsto, kwĩanana na ũvoo mũseo wakwa.
17 #
Yak 2.19. Ĩndĩ ethĩwa we nĩwĩtawa Mũyuti na kwĩlingya ĩla mĩao, na kwĩkathĩĩa nthĩnĩ wa Ngai, 18#Avi 1.10.na kũmanya kwenda kwake, na kũmakũnĩa kĩthalũ maũndũ ala maseo mbee, ũmanyĩĩtw’e ĩla mĩaonĩ. 19#Mt 15.14; Lk 18.9.Na kũmanya nesa vyũ kana we mwene wĩ mũtongoi wa ililinda, na kyeni kya ala me kĩvindunĩ, 20#2 Tim 3.5.mũtai wa ala atumanu, na mũmanyĩsya wa tũũkenge, na wĩ na mũvw’ano wa ũmanyi na wa ũla w’o mĩaonĩ: 21#Sav 50.16–21; Mt 23.3,4.kwondũ wa ũu we ũla ũmanyĩasya ũngĩ, ndwĩmanyĩasya mwene? We ũla ũtavanasya kana mũndũ ndakoye, nĩwũyaa? 22We ũla waasya mũndũ ndakalaalae, nũlaalaaa? We ũla ũmenaa mĩvw’anano, nĩwũyaa makalũnĩ mayo? 23We ũla wĩkathĩĩaa nthĩnĩ wa ĩla mĩao, kwondũ wa kũvĩtya ĩla mĩao ndũkwanangĩa Ngai ndaĩa? 24#Isa 52.5; Esek 36.20.Nũndũ syĩtwa ya Ngai yĩumawa Andũnĩ‐mambaĩ‐ingĩ nũndũ wenyu, o tondũ kũandĩkĩtwe. 25#Yel 4.4; 9.24,25.Nũndũ nĩ w’o nzaĩko yĩ vata, ethĩwa wĩ mwĩki wa ĩla mĩao: ĩndĩ ethĩwa wĩ mũvĩtan’ya wa ĩla mĩao, nzaĩko yaku ĩtw’ĩkĩte ti nzaĩko. 26#Aka 5.6.Ĩndĩ ethĩwa ũla ũtaĩkawa akwataa motw’io ma ĩla mĩao, kũtaĩkwa kwake kũikatalwa kwĩthĩwa nĩ nzaĩko? 27Na ethĩwa ũla wa mũtuo wa kũlea kwaĩkwa, nũkwĩanĩsya ĩla mĩao, ndakaũsilĩla we, ũla wĩ na maandĩko na nzaĩko, na wĩ mũvĩtan’ya wa ĩla mĩao? 28#Yoa 8.15,39; 7.24.Nũndũ we ti Mũyuti ũla wĩ Mũyuti kwa ũvano wa ũtheinĩ: o na nzaĩko ti ĩla yĩ ũtheinĩ mwĩĩnĩ: 29#Mwa 49.8; Kũt 30.6; Ako 2.11.ĩndĩ we nĩ Mũyuti, ũla wĩ Mũyuti nthĩnĩ; na nzaĩko nĩ ĩla ya ngoo, vevanĩ na ti nthĩnĩ wa maandĩko; na ndaĩa yake ndyumaa andũnĩ, ĩndĩ yumaa kwa Ngai.
Currently Selected:
ALOMI 2: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
ALOMI 2
2
Ayuti o nao nĩ avĩtan’ya
1 #
Mt 7.2; Yoa 8.7. Kwondũ wa ũu naku ndwĩ na wĩmilo, we mũndũ, ũla ũsilĩlaa ũngĩ: nũndũ maũndũnĩ ala ũsilĩlaa ũngĩ, wĩsilĩlaa mwene kana wĩ mũvĩtan’ya; nĩkwĩthĩwa we ũla ũsilĩlaa wĩkaa maũndũ o asu. 2Naitũ nĩtwĩsĩ kana ũsilĩlo wa Ngai nĩ kwĩanana na w’o ĩũlũ wa ala mekaa maũndũ ta asu. 3Naku mũndũ, ũla ũsilĩlaa ala mavikĩlaa maũndũ ta asu, naku mwene nũmekaa, wĩtalĩlya kana we ũkavonoka ũsilĩlo wa Ngai? 4#2 Vet 3.15.Kana we wĩvũthya wingĩ wa ũseo wake na wĩtũngi na wũmĩĩsyo, ũteũmanya kana ũseo wa Ngai ũkũtongoeasya ũalyũloni wa ngoo? 5Ĩndĩ kũatĩĩa wũmũ waku na ngoo yaku ĩte na wĩlilo wĩyiĩaa ũthatu wa mũthenya wa ũthatu na wa wonan’yo wa ũsilĩlo mũlũngalu wa Ngai: 6#Sav 62.12; Nth 24.12; Mt 16.27; Yoa 5.29; 2 Ako 5.10.ũla ũkamũnenga kĩla mũndũ kwĩanana na meko make: 7kwa asu ala mekwĩyũmĩĩsya kwĩkaa nesa mamanthaa ndaĩa na nguma na maũndũ matanangĩkaa, akamanenga thayũ ũtathela: 8#2 Ath 1.8.ĩndĩ kwa ala maetae ngananĩo, na matew’aa ũla w’o, ĩndĩ nĩmew’aa ũndũ ũte ũlũngalu, kũkeethĩwa ũthilĩku na ũthatu, 9#Alo 1.16; 3.9.thĩna na ũnyamao, ĩũlũ wa kĩla mũndũ ũla wĩkaa nai, wa Mũyuti mbee, na wa Mũkiliki nake; 10ĩndĩ ndaĩa na nguma na mũuo kwa kĩla mũndũ ũla wĩkaa nesa, Mũyuti mbee, na Mũkiliki nake: 11#Meko 10.34; 1 Vet 1.17.nũndũ Ngai ti mwendeesya wa andũ. 12Nũndũ onthe ala meekie nai ĩla mĩao ĩte vo makaaa vate ĩla mĩao; na asu onthe ala meekie nai me na ĩla mĩao makasilĩlwa na ĩla mĩao; 13#Mt 7.21; 1 Yoa 3.7; Yak 1.22,25.nũndũ ti ewi ma ĩla mĩao alũngalu mbee wa Ngai, ĩndĩ nĩ eki ma mĩao makatalĩlwa ũlũngalu; 14#Meko 10.35.(nũndũ yĩla Andũ‐ma‐mbaĩ‐ingĩ mate na ĩla mĩao mekaa maũndũ ala me nthĩnĩ wa mĩao kwa mũtuo woo, andũ asu, mate na mĩao, no mo mĩao ene; 15#Alo 1.32.nũndũ maũndũnĩ asu meonan’ya wĩa wa ĩla mĩao ũandĩkĩtwe ngoonĩ syoo, wasya wa ngoo woo ũkĩkũsĩĩa, na malilikano moo ene kwa ene maimon’ya mavĩtyo kana kũmaekea;) 16#2 Tim 2.8.mũthenya ũla Ngai ũkasilĩla syĩmbithĩ sya andũ, kwa nzĩa ya Yesũ Klĩsto, kwĩanana na ũvoo mũseo wakwa.
17 #
Yak 2.19. Ĩndĩ ethĩwa we nĩwĩtawa Mũyuti na kwĩlingya ĩla mĩao, na kwĩkathĩĩa nthĩnĩ wa Ngai, 18#Avi 1.10.na kũmanya kwenda kwake, na kũmakũnĩa kĩthalũ maũndũ ala maseo mbee, ũmanyĩĩtw’e ĩla mĩaonĩ. 19#Mt 15.14; Lk 18.9.Na kũmanya nesa vyũ kana we mwene wĩ mũtongoi wa ililinda, na kyeni kya ala me kĩvindunĩ, 20#2 Tim 3.5.mũtai wa ala atumanu, na mũmanyĩsya wa tũũkenge, na wĩ na mũvw’ano wa ũmanyi na wa ũla w’o mĩaonĩ: 21#Sav 50.16–21; Mt 23.3,4.kwondũ wa ũu we ũla ũmanyĩasya ũngĩ, ndwĩmanyĩasya mwene? We ũla ũtavanasya kana mũndũ ndakoye, nĩwũyaa? 22We ũla waasya mũndũ ndakalaalae, nũlaalaaa? We ũla ũmenaa mĩvw’anano, nĩwũyaa makalũnĩ mayo? 23We ũla wĩkathĩĩaa nthĩnĩ wa ĩla mĩao, kwondũ wa kũvĩtya ĩla mĩao ndũkwanangĩa Ngai ndaĩa? 24#Isa 52.5; Esek 36.20.Nũndũ syĩtwa ya Ngai yĩumawa Andũnĩ‐mambaĩ‐ingĩ nũndũ wenyu, o tondũ kũandĩkĩtwe. 25#Yel 4.4; 9.24,25.Nũndũ nĩ w’o nzaĩko yĩ vata, ethĩwa wĩ mwĩki wa ĩla mĩao: ĩndĩ ethĩwa wĩ mũvĩtan’ya wa ĩla mĩao, nzaĩko yaku ĩtw’ĩkĩte ti nzaĩko. 26#Aka 5.6.Ĩndĩ ethĩwa ũla ũtaĩkawa akwataa motw’io ma ĩla mĩao, kũtaĩkwa kwake kũikatalwa kwĩthĩwa nĩ nzaĩko? 27Na ethĩwa ũla wa mũtuo wa kũlea kwaĩkwa, nũkwĩanĩsya ĩla mĩao, ndakaũsilĩla we, ũla wĩ na maandĩko na nzaĩko, na wĩ mũvĩtan’ya wa ĩla mĩao? 28#Yoa 8.15,39; 7.24.Nũndũ we ti Mũyuti ũla wĩ Mũyuti kwa ũvano wa ũtheinĩ: o na nzaĩko ti ĩla yĩ ũtheinĩ mwĩĩnĩ: 29#Mwa 49.8; Kũt 30.6; Ako 2.11.ĩndĩ we nĩ Mũyuti, ũla wĩ Mũyuti nthĩnĩ; na nzaĩko nĩ ĩla ya ngoo, vevanĩ na ti nthĩnĩ wa maandĩko; na ndaĩa yake ndyumaa andũnĩ, ĩndĩ yumaa kwa Ngai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956