ALOMI 16
16
Ngethi syake mwene
1Nĩngũmũĩkĩĩthya kwenyu Voevi mwĩĩtu‐a‐asa waitũ, nake nĩ mũthũkũmi wa ĩkanisa yĩla yĩ Kengalea: 2nĩ kana mũmwose nthĩnĩ wa Mwĩaĩi, o ũndũ atheu maĩlwe, na ĩngĩ mũmũtethye ũndũnĩ o na wĩva ũla wĩĩthĩwa e na vata naw’o kwenyu: nũndũ nake mwene aĩ mũtethya wa aingĩ, o na wakwa mwene.
3 #
Meko 18.2,18,26. Ngethesyai Vilisika na Akwila atethya ma wĩa vamwe nakwa nthĩnĩ wa Klĩsto Yesũ, 4nao nĩmeeyũmbanĩtye kũtilwa mĩtwe yoo kwondũ wa thayũ wakwa; nĩ na mũvea kwoo, na tii nyie nyioka, ĩndĩ makanisa onthe ma Andũ‐ma‐mbaĩ‐ingĩ vamwe nakwa: 5#1 Ako 16.19.na ngethesyai ĩkanisa yĩla yĩ nyũmba kwoo. Ngethesyai Evaeneto mwendwa wakwa, nake nĩ ũsyao wa mbee wa nthĩ ya Asia kwa Klĩsto. 6Ngethesyai Meli, ũla watethisye wĩa mwingĩ kwondũ wenyu. 7#2 Ako 8.23.Ngethesyai Andeloniko na Yunia, andũ ma mbaĩ yakwa, nao maĩ ove vamwe nakwa, nao nĩmawetawa nesa nĩ atũmwa, o na ĩngĩ maĩ nthĩnĩ wa Klĩsto mbee wakwa. 8Ngethesyai Ambiliato, mwendwa wakwa nthĩnĩ wa Mwĩaĩi. 9Ngethesyai Ulivano, mũtethya wa wĩa vamwe naitũ nthĩnĩ wa Klĩsto, na Sitakisi mwendwa wakwa. 10Ngethesyai Avele ũla mwĩtĩkĩle nthĩnĩ wa Klĩsto. Ngethesyai ala ma nyũmba ya Alisitovulo. 11Ngethesyai Elotioni wa mbaĩ yakwa. Ngethesyai ala ma nyũmba ya Nalikiso, asu ala me nthĩnĩ wa Mwĩaĩi. 12Ngethesyai Tilivena na Tilivosa, ala matethasya wĩa wa Mwĩaĩi. Ngethesyai Velisi mwendwa, ũla watethisye wĩa mũno nthĩnĩ wa Mwĩaĩi. 13#Mko 15.21.Ngethesyai Luvusi, mũnyuve nthĩnĩ wa Mwĩaĩi, na inyia wake, nake nĩ mwaitũ. 14Ngethesyai Asingilito, Velekona, Elime, Vatelova, Elima, na ana‐a‐asa ala me vamwe nao. 15Ngethesyai Viloloko na Yulĩa, Neleo na mwĩĩtu‐a‐inyia, na Olimba, na atheu onthe ala me vamwe nao. 16#1 Ako 16.20; 1 Vet 5.14.Kethan’yai ene kwa ene na ũmumunyano mũtheu. Makanisa onthe ma Klĩsto nĩmamũkethya.
17 #
Mt 7.15; Tito 3.10. Ĩndĩ nĩmwĩsũva mũno, ana‐a‐asa, maketeeei asu ala maetae motaanĩsyo na molulutĩkyo, matosana na ũmanyĩsyo ũla mwamanyĩiw’e: na ĩthyũũei na kũmatia. 18#Avi 3.19; Esek 13.18; Ako 2.4; 2 Vet 2.3.Nũndũ ala mailyĩ ta asu maimũthũkũmaa Mwĩaĩi waitũ Klĩsto, ĩndĩ no mavu moo ene; na ĩngĩ kwondũ wa ndeto syoo nduu na sya kwendeesya nĩmakengaa andũ ala mate na ũthũku. 19#Alo 1.8; Mt 10.16; 1 Ako 14.20.Nũndũ wĩwi wenyu nũũtũnganĩte kwa andũ onthe. Na kwondũ wa ũu nĩtanaa nũndũ wenyu: ĩndĩ nĩngwenda mwĩthĩwe mwĩ oĩ kwa maũndũ ala maseo, na mwĩthĩwe mũte na ũmanyi kwa ala mathũku. 20#Alo 15.33; Mwa 3.15.Na Ngai wa mũuo akamũtumba Satani ungu wa nyaĩĩ syenyu mĩtũkĩ.
Mumo wa Mwĩaĩi waitũ Yesũ Klĩsto nĩwĩthĩwe nenyu.
21 #
Meko 16.1; 19.22; 20.4; Avi 2.19. Timotheo mũtethya wa wĩa vamwe nakwa nĩwamũkethya; na Lukio na Yasoni na Sosiveteli ma mbaĩ yakwa. 22Nyie Telitio, ũla waandĩka valũa ũũ, nĩngũmũkethya nthĩnĩ wa Mwĩatĩ. 23#1 Ako 1.14.Kaio mũthokya wakwa, na wa ĩkanisa yonthe, nĩwamũkethya. Elasito, ũla mũsũvĩi wa mbesa sya ndũa, nĩwamũkethya, na Kwalito mwana‐a‐asa. 24(Mumo wa Mwĩaĩi waitũ Yesũ Klĩsto nĩwĩthĩwe na inyw’onthe. Ameni.)
Ngatho kwa Ngai
25 #
Aev 1.9; 3.5,9; Ako 1.26. Na yu kwa ũla ũtonya ũmũlũlũmĩlya, kwĩanana na ũvoo mũseo wakwa na ũtavan’yo wa Yesũ Klĩsto, kwĩanana na ũvuan’yo wa ĩla nzama yavithĩtwe vyũ mavindanĩ ma tene tene, 26#2 Tim 1.10; Alo 1.5.ĩndĩ ĩvinda yĩĩ nĩyonanĩtw’e maandĩkonĩ ma athani, kwĩanana na mwĩao wa Ngai wa tene na tene, nĩmanyĩthĩtw’e mbaĩ syonthe kũvikĩa wĩwi wa mũĩkĩĩo: 27#1 Tim 1.17; Yuta 1.25.kwa Ngai ũla mũĩ weka, nthĩnĩ wa Yesũ Klĩsto, kwake kwĩthĩwe ndaĩa tene na tene. Ameni.
Currently Selected:
ALOMI 16: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
