ALOMI 14
14
Kũmĩanĩsya na etĩkĩli ala avũthũ
1 #
Alo 15.1; 1 Ako 8.9. Ĩndĩ we ũla wĩ na mũĩkĩĩo mũnini mwĩtĩkĩlei, ĩndĩ ti kwa kũkananĩa maũndũ ala me nzika. 2#Mwa 1.29; 9.3.Mũndũ ũmwe e na mũĩkĩĩo wa kũya lĩu wa mĩthemba yonthe: ĩndĩ ũla mũvũthũ aĩsaa lĩu wa mũũndanĩ w’oka. 3#Ako 2.16.Ũla ũĩsaa ndakamũvũthye ũla ũtaĩsaa; na ũla ũtaĩsaa nake ndakamũsilĩle ũsu ũĩsaa: nũndũ Ngai nũmwĩtĩkĩlĩte. 4#Mt 7.1; Yak 4.11,12.We wĩ ũũ ũsilĩlaa mũthũkũmi wa ũngĩ? Kwa vwana wake mwene nũnũkũũngama kana nũnũũvalũka. Ni w’o, akaũngamw’a; nũndũ Mwĩaĩi e na vinya wa kũmũũngamya. 5#Aka 4.10.Mũndũ ũmwe nũtaĩaa mũthenya ũmwe kwi ũngĩ: mũndũ ũngĩ ataĩaa mĩthenya yonthe ũndũ ũmwe. Kĩla mũndũ namanyĩthw’e vyũ kĩlĩkonĩ kyake mwene. 6Ũla ũsũvĩaa mũthenya, asũvĩaa kwondũ wa Mwĩaĩi: na ũla ũĩsaa, aĩsaa kwa Mwĩaĩi, nũndũ nũmũtũngĩaa Ngai mũvea; na ũla ũlea kũya, kwa Mwĩaĩi ndaĩsaa, na amũnengae Ngai mũvea. 7Nũndũ vai ũmwe wa ithyĩ wĩkalaa thayũ kwondũ wake mwene, o na vai ũla ũkusaa kwondũ wake mwene. 8#Aka 2.20; 1 Ath 5.10; Lk 20.38.Nũndũ ethĩwa nĩtũkwĩkala thayũ, twĩĩkala kwondũ wa Mwĩaĩi; kana ethĩwa nĩtũũkw’a, twĩkw’a kwondũ wa Mwĩaĩi: kwondũ wa ũu ethĩwa twĩĩkala thayũ, kana ethĩwa nĩ kũkw’a, twĩ ma Mwĩaĩi. 9Nũndũ kwondũ wa ũu Klĩsto nĩwakwie na eethĩwa thayũ ĩngĩ, nĩ kana ethĩwe Mwĩaĩi wa ala akw’ũ na wa ala me thayũ. 10#Meko 17.31; 2 Ako 5.10; Mt 25.31,32.Ĩndĩ we, wĩsilĩla mwana‐a‐au nũndũ wa ki? Kana ĩngĩ we, wĩvũthĩsya mwana‐a‐au kĩ? Nũndũ ithyonthe tũkaũngama mbee wa kĩvĩla kya sila kya Ngai. 11#Isa 45.23; 49.18; Avi 2.10,11.Nũndũ nĩkũandĩkĩtwe,
O ũndũ nĩ thayũ nyie, easya ũu Mwĩaĩi, mbee wakwa kĩla ĩu yĩkatulya ndu,
Na kĩla ũĩmĩ ũkaumbũla mbee wa Ngai.
12 #
Aka 6.5. Kwa ũu ĩndĩ kĩla ũmwe waitũ akaumya ũvoo wake mbee wa Ngai.
13Kwondũ wa ũu ĩndĩ kũikethĩwe ĩngĩ kũsilĩlana ithyĩ kwa ithyĩ: ĩndĩ nĩkwaĩle mũsile ũũ, kana mũndũ ndakamwiĩe mwana‐a‐ĩthe kya ũmũlulutĩkya, kana kya ũmũvalũkya. 14#Mt 15.11; Meko 10.15; Tito 1.15.Nĩnĩsĩ, na ndi na nzika nthĩnĩ wa Mwĩaĩi Yesũ, kana vai kĩndũ kĩvuku ũndũ wakyo kyoka: ate o kwa ũla wonaa kĩndũ nĩ kĩvuku, kwa ũsu kĩndũ kyu nĩ kĩvuku. 15#1 Ako 8.11–13.Nũndũ mwana‐a‐au eew’a woo kwondũ wa lĩu waku, ndũendaa ĩngĩ wendonĩ. Ndũkamwanange na lĩu waku ũla Klĩsto wakwie kwondũ wake. 16#Tito 2.5.Ndũkatume ĩndĩ ũseo waku ũwetwa naĩ: 17#Lk 17.20.nũndũ ũsumbĩ wa Ngai ti kũya na ti kũnyw’a, ĩndĩ nĩ ũlũngalu na mũuo na ũtanu nthĩnĩ wa Veva Mũtheu. 18Nũndũ ũla ũmũthũkũmaa Klĩsto maũndũnĩ aa nũmwendeeasya Ngai, na nĩwĩtĩkĩlawa nĩ andũ. 19#Alo 12.18; 15.2.Kwondũ wa ũu ĩndĩ, tũatĩĩe maũndũ ala ma mũuo, na maũndũ ala matumaa kĩla ũmwe aka ũngĩ. 20Mũikanange wĩa wa Ngai kwondũ wa lĩu. Nĩ w’o syĩndũ syonthe nĩ ntheu; ĩndĩ nĩ ũthũku kwa ũsu ũĩsaa na ũlulutĩkyo. 21#1 Ako 8.13.Nĩ ũseo kũlea kũya nyama, kana kũnyw’a mbinyu, kana kwĩka ũndũ o na wĩva ũtuma mwana‐a‐au alulutĩka. 22Mũĩkĩĩo ũla wĩ naw’o ĩthĩwa naw’o kwondũ waku mwene mbee wa Ngai. Nĩ mũtanu ũsu ũla ũtesilĩla mwene ũndũnĩ ũsu ũwĩtĩkĩlĩte. 23#Tito 1.15.Ĩndĩ ethĩwa mũndũ eya e na nzika nĩmũsilĩle kwĩthĩwa nĩ mũvĩtan’ya, nũndũ eya ate na mũĩkĩĩo; na ũndũ o na wĩva ũtaumaa mũĩkĩĩonĩ nĩ naĩ.
Currently Selected:
ALOMI 14: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
