ALOMI 11
11
Ti Aisilaeli onthe mavetiwe ũtee
1 #
Sav 94.14; 1 Sam 12.22; Yel 31.37; Avi 3.5. Nĩngũkũlya indĩ, Ngai nĩwamavetie andũ make? Aiee, kũĩkethĩwe ũu. Nũndũ nyie nakwa nĩ Mũisilaeli, wa ũsyao wa Avalaamu, wa mbaĩ ya Mbenyamini. 2#1 Asu 19.10,14.Ngai ndaamaveta andũ make ala wesĩ kuma tene. Kana mũiĩsĩ ũndũ maandĩko measya ũndũ wa Eliya? Ũndũ emwĩsũva Ngai aivinganĩsya Isilaeli, aiasya: 3Mwĩaĩi, nĩmooaie athani maku, nĩmaomboie ithembeo syaku; nakwa ndiele nĩ nyioka, nao memantha thayũ wakwa. 4#1 Asu 19.18.Ĩndĩ ũsũngĩo wa Ngai wĩmwĩa ata? Nĩtialĩlye andũ ngili. Mũonza, ala mataatulĩlya Mbaali ndu. 5#Alo 9.27.O na yu ĩvindanĩ yĩĩ kwĩ ũtialo kwĩanana na kũnyuvwa kwa mumo. 6#Aka 3.18.Ĩndĩ ethĩwa nĩ ũndũ wa mumo ti ũndũ wa meko ĩngĩ: ethĩwa ti ũu mumo nũtw’ĩkĩte ti mumo. 7#Alo 9.31.Kũilyĩ ata ĩndĩ? Kĩla Isilaeli wamanthaa, ndaakyona; ĩndĩ ala anyuve nĩmakyonie, na ala angĩ nĩmoomiw’e: 8#Isa 29.10; Kũt 29.4.o ũndũ kũandĩkĩtwe, Ngai nĩwamanengie veva wa too, metho maikone, na matũ maikew’e, kũvika mũthenya ũũ wa ũmũnthĩ. 9#Sav 69.22,23; 35.8.Na Ndaviti easya,
Mesa yoo yĩthĩwe mũkwa na kĩtei,
Na yĩthĩwe yĩ ũlulutĩkyo, na ũĩvo kwoo:
10Metho moo maye mbindu, kana maikone,
Noimakunamya mũongo woo matukũ onthe.
Ũtangĩĩo kwa Andũ‐ma‐mbaĩ‐ingĩ: ngelekan’yo ya kũkwatan’ya mĩtĩ
11 #
Kũt 32.21; Meko 13.46; Alo 10.19. Ĩndĩ nĩngũkũlya, Malulutĩkile mavalũke? Aiee, kũikethiwe ũu: ĩndĩ ũndũ wa kũvalũka kwoo ũtangĩĩo nũvikĩe Andũ‐ma‐mbaĩ‐ingĩ, nĩ kana nao mekĩwe kĩwĩu. 12Na ethĩwa kũvalũka kwoo nĩ ũthwii kwa nthĩ, na wasyo woo nĩ ũthwii kwa Andũ‐ma‐mbaĩ‐ingĩ; nĩ mbee veanata wĩanĩu woo? 13Ĩndĩ nĩngũneena nenyu Andũ‐ma‐mbaĩ‐ingĩ. O ũndũ nyie nĩ mũtũmwa kwa Andũ‐ma‐mbaĩ‐ingĩ, nĩtaĩa ũthũkũmi wakwa; 14#1 Tim 4.16.nĩ kana ndonye kwa ũndũ o na wĩva kũmew’ithya kĩwĩu ala ma mbai yakwa, na kũtangĩĩa amwe moo. 15Nũndũ ethĩwa kũvetwa kwoo nĩ kwiw’anithw’a kwa nthĩ. Kwĩtĩkĩlwa kwoo kũkethĩwa nĩ ata, ate o thayũ kuma kikw’ũnĩ? 16#Mot 15.17–21.Na ethĩwa mũtuo wa ũsyao wa mbee nĩ mũtheu, no ta ũu mũndo w’onthe naw’o: na ethĩwa kĩtina nĩ kĩtheu, mbonge nasyo no ta ũu. 17#Aev 2.11–19.Ĩndĩ ethĩwa mbonge imwe nĩsyatũlilwe, naku, yĩla waĩ mũthata wa kĩthekanĩ, wasamaniw’e katĩ wasyo, na watw’ĩkie mwosi vamwe nasyo wa kĩla kĩtina na ũnou wa ũla mũthata; 18#Yoa 4.22.ndũkekathĩie ĩũlũ wa ila mbonge: ĩndĩ ethĩwa nũkwĩkathĩĩa, tuue ũkuaa kĩtina, ĩndĩ nĩ kĩtina kĩũkuaa we. 19Ĩndĩ ũkasya, Mbonge nĩsyatũlilwe, nĩ kana nĩsamanw’e vo. 20#Alo 12.16.Ni w’o; kwa kũlea kwĩtĩkĩla kwoo nĩmatũlilwe, naku ũũngeme ũndũ wa kũĩkĩĩa kwaku. Ndũkethĩwe na kĩlĩko kĩ mĩtũlyo, ĩndĩ ĩthĩwa na w’ĩa: 21nũndũ ethĩwa Ngai ndaaekana na mbonge ila syai vo, o naku ndakakũeka. 22#Yoa 15.2,4; Aevl 3.14.Sisya ĩndĩ ũseo na wai wa Ngai: kwa ala mavalũkile, wai; ĩndĩ kwaku, ũseo wa Ngai, ethĩwa ũkekalaa ũseonĩ wake: na ethiwa ti ũu o naku ũkatilwa. 23#2 Ako 3.16.Na asu nao, ethĩwa maikekala na kũlea kwĩtĩkĩla kwoo, makasamanw’a: nũndũ Ngai nũtonya kũmasaman’ya ĩngĩ. 24Nũndũ ethĩwa we nĩwatililwe waumw’a mũthatanĩ, mũthata wa mũtuo wa kĩthekanĩ, na wasamaniw’e ũndũ ũtekawa nthĩnĩ wa mũthata mũseo; ti mbee mũno asu, ala maĩ mbonge kwa mũtuo woo, kũsamanw’a mũthatanĩ ũla woo ene?
Wĩanĩu wa Ngai nĩ tei kwa onthe
25 #
Lk 21.24; Yoa 10.16; Alo 12.16. Nũndũ ndikwenda, ana‐a‐asa, mũlee ũmanya nzama ĩno, nĩ kana mũĩkeyone ta mwĩ oĩ, atĩ wũmũ wa kilungu nĩwamakwatie Isilaeli, kũvika wĩanĩu wa Andũ‐ma‐mbaĩ‐ingĩ wĩvika; 26na ta ũu Isilaeli onthe makatangĩĩwa: o ũndũ kũandĩkĩtwe,
#
Mt 23.39; Sav 14.7; Isa 59.20; 27.9. Ũla Mwovosya akooka kũma Saionĩ:
Akaathũkya ũndũ ũte wa ũmũkĩa Ngai wume kwa Yakovo:
27 #
Yel 31.33,34; Isa 27.9. Na ũu nĩw’o ũtianĩo wakwa nao,
Yĩla ngamavetea naĩ syoo.
28Ngalĩ ya ũvoo mũseo, matw’ĩkĩte amaitha kwondũ wenyu: ĩndĩ ngalĩ ya kũnyuvwa, matw’ĩkĩte endwa kwondũ wa ala aasa. 29Nũndũ mĩthĩnzĩo na wĩtano wa Ngai itialyũlawa. 30O tondũ inyw’ĩ tene mũtaamwĩw’a Ngai, ĩndĩ yu nĩmwĩw’ĩwe tei nũndu wa kũlea kwĩw’a kwoo, 31o ta ũu, nao yu matw’ĩkĩte mate ewi, nĩ kana kwondũ wa tei ũla mweew’ĩwe, nao matonye kwĩw’iwa tei. 32#Aka 3.22; 1 Tim 2.4.Nũndũ Ngai nũmavingĩĩte onthe vamwe kũvikĩa kũlea kwĩw’a, nĩ kana atonye kũmew’ĩa onthe tei.
33 #
Alo 9.23; 10.12; Isa 45.15. A! Kyũngũ kya ũthwii wa ũĩ na ũmanyi wa Ngai! Motw’ĩo make matamanyĩka, na nzĩa syake itamanthĩka! 34#Isa 40.13; Yovu 15.8; Yel 23.18; 1 Ako 2.16.Nũndũ nũũ ũla wamanyie kĩlilikano kya Mwĩaĩi? Kana nũũ ũla waĩ mũtai wake? 35Kana nũũ ũla wambie ũmũnenga kĩndũ, na kũĩvwa ĩngĩ o kyo? 36Nũndũ syĩndĩ syonthe syumaa kwake, na ĩngĩ syĩ kwondũ wake, na ialũkaa kwake. Ndaĩa nĩ yake tene na tene. Ameni.
Currently Selected:
ALOMI 11: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
ALOMI 11
11
Ti Aisilaeli onthe mavetiwe ũtee
1 #
Sav 94.14; 1 Sam 12.22; Yel 31.37; Avi 3.5. Nĩngũkũlya indĩ, Ngai nĩwamavetie andũ make? Aiee, kũĩkethĩwe ũu. Nũndũ nyie nakwa nĩ Mũisilaeli, wa ũsyao wa Avalaamu, wa mbaĩ ya Mbenyamini. 2#1 Asu 19.10,14.Ngai ndaamaveta andũ make ala wesĩ kuma tene. Kana mũiĩsĩ ũndũ maandĩko measya ũndũ wa Eliya? Ũndũ emwĩsũva Ngai aivinganĩsya Isilaeli, aiasya: 3Mwĩaĩi, nĩmooaie athani maku, nĩmaomboie ithembeo syaku; nakwa ndiele nĩ nyioka, nao memantha thayũ wakwa. 4#1 Asu 19.18.Ĩndĩ ũsũngĩo wa Ngai wĩmwĩa ata? Nĩtialĩlye andũ ngili. Mũonza, ala mataatulĩlya Mbaali ndu. 5#Alo 9.27.O na yu ĩvindanĩ yĩĩ kwĩ ũtialo kwĩanana na kũnyuvwa kwa mumo. 6#Aka 3.18.Ĩndĩ ethĩwa nĩ ũndũ wa mumo ti ũndũ wa meko ĩngĩ: ethĩwa ti ũu mumo nũtw’ĩkĩte ti mumo. 7#Alo 9.31.Kũilyĩ ata ĩndĩ? Kĩla Isilaeli wamanthaa, ndaakyona; ĩndĩ ala anyuve nĩmakyonie, na ala angĩ nĩmoomiw’e: 8#Isa 29.10; Kũt 29.4.o ũndũ kũandĩkĩtwe, Ngai nĩwamanengie veva wa too, metho maikone, na matũ maikew’e, kũvika mũthenya ũũ wa ũmũnthĩ. 9#Sav 69.22,23; 35.8.Na Ndaviti easya,
Mesa yoo yĩthĩwe mũkwa na kĩtei,
Na yĩthĩwe yĩ ũlulutĩkyo, na ũĩvo kwoo:
10Metho moo maye mbindu, kana maikone,
Noimakunamya mũongo woo matukũ onthe.
Ũtangĩĩo kwa Andũ‐ma‐mbaĩ‐ingĩ: ngelekan’yo ya kũkwatan’ya mĩtĩ
11 #
Kũt 32.21; Meko 13.46; Alo 10.19. Ĩndĩ nĩngũkũlya, Malulutĩkile mavalũke? Aiee, kũikethiwe ũu: ĩndĩ ũndũ wa kũvalũka kwoo ũtangĩĩo nũvikĩe Andũ‐ma‐mbaĩ‐ingĩ, nĩ kana nao mekĩwe kĩwĩu. 12Na ethĩwa kũvalũka kwoo nĩ ũthwii kwa nthĩ, na wasyo woo nĩ ũthwii kwa Andũ‐ma‐mbaĩ‐ingĩ; nĩ mbee veanata wĩanĩu woo? 13Ĩndĩ nĩngũneena nenyu Andũ‐ma‐mbaĩ‐ingĩ. O ũndũ nyie nĩ mũtũmwa kwa Andũ‐ma‐mbaĩ‐ingĩ, nĩtaĩa ũthũkũmi wakwa; 14#1 Tim 4.16.nĩ kana ndonye kwa ũndũ o na wĩva kũmew’ithya kĩwĩu ala ma mbai yakwa, na kũtangĩĩa amwe moo. 15Nũndũ ethĩwa kũvetwa kwoo nĩ kwiw’anithw’a kwa nthĩ. Kwĩtĩkĩlwa kwoo kũkethĩwa nĩ ata, ate o thayũ kuma kikw’ũnĩ? 16#Mot 15.17–21.Na ethĩwa mũtuo wa ũsyao wa mbee nĩ mũtheu, no ta ũu mũndo w’onthe naw’o: na ethĩwa kĩtina nĩ kĩtheu, mbonge nasyo no ta ũu. 17#Aev 2.11–19.Ĩndĩ ethĩwa mbonge imwe nĩsyatũlilwe, naku, yĩla waĩ mũthata wa kĩthekanĩ, wasamaniw’e katĩ wasyo, na watw’ĩkie mwosi vamwe nasyo wa kĩla kĩtina na ũnou wa ũla mũthata; 18#Yoa 4.22.ndũkekathĩie ĩũlũ wa ila mbonge: ĩndĩ ethĩwa nũkwĩkathĩĩa, tuue ũkuaa kĩtina, ĩndĩ nĩ kĩtina kĩũkuaa we. 19Ĩndĩ ũkasya, Mbonge nĩsyatũlilwe, nĩ kana nĩsamanw’e vo. 20#Alo 12.16.Ni w’o; kwa kũlea kwĩtĩkĩla kwoo nĩmatũlilwe, naku ũũngeme ũndũ wa kũĩkĩĩa kwaku. Ndũkethĩwe na kĩlĩko kĩ mĩtũlyo, ĩndĩ ĩthĩwa na w’ĩa: 21nũndũ ethĩwa Ngai ndaaekana na mbonge ila syai vo, o naku ndakakũeka. 22#Yoa 15.2,4; Aevl 3.14.Sisya ĩndĩ ũseo na wai wa Ngai: kwa ala mavalũkile, wai; ĩndĩ kwaku, ũseo wa Ngai, ethĩwa ũkekalaa ũseonĩ wake: na ethiwa ti ũu o naku ũkatilwa. 23#2 Ako 3.16.Na asu nao, ethĩwa maikekala na kũlea kwĩtĩkĩla kwoo, makasamanw’a: nũndũ Ngai nũtonya kũmasaman’ya ĩngĩ. 24Nũndũ ethĩwa we nĩwatililwe waumw’a mũthatanĩ, mũthata wa mũtuo wa kĩthekanĩ, na wasamaniw’e ũndũ ũtekawa nthĩnĩ wa mũthata mũseo; ti mbee mũno asu, ala maĩ mbonge kwa mũtuo woo, kũsamanw’a mũthatanĩ ũla woo ene?
Wĩanĩu wa Ngai nĩ tei kwa onthe
25 #
Lk 21.24; Yoa 10.16; Alo 12.16. Nũndũ ndikwenda, ana‐a‐asa, mũlee ũmanya nzama ĩno, nĩ kana mũĩkeyone ta mwĩ oĩ, atĩ wũmũ wa kilungu nĩwamakwatie Isilaeli, kũvika wĩanĩu wa Andũ‐ma‐mbaĩ‐ingĩ wĩvika; 26na ta ũu Isilaeli onthe makatangĩĩwa: o ũndũ kũandĩkĩtwe,
#
Mt 23.39; Sav 14.7; Isa 59.20; 27.9. Ũla Mwovosya akooka kũma Saionĩ:
Akaathũkya ũndũ ũte wa ũmũkĩa Ngai wume kwa Yakovo:
27 #
Yel 31.33,34; Isa 27.9. Na ũu nĩw’o ũtianĩo wakwa nao,
Yĩla ngamavetea naĩ syoo.
28Ngalĩ ya ũvoo mũseo, matw’ĩkĩte amaitha kwondũ wenyu: ĩndĩ ngalĩ ya kũnyuvwa, matw’ĩkĩte endwa kwondũ wa ala aasa. 29Nũndũ mĩthĩnzĩo na wĩtano wa Ngai itialyũlawa. 30O tondũ inyw’ĩ tene mũtaamwĩw’a Ngai, ĩndĩ yu nĩmwĩw’ĩwe tei nũndu wa kũlea kwĩw’a kwoo, 31o ta ũu, nao yu matw’ĩkĩte mate ewi, nĩ kana kwondũ wa tei ũla mweew’ĩwe, nao matonye kwĩw’iwa tei. 32#Aka 3.22; 1 Tim 2.4.Nũndũ Ngai nũmavingĩĩte onthe vamwe kũvikĩa kũlea kwĩw’a, nĩ kana atonye kũmew’ĩa onthe tei.
33 #
Alo 9.23; 10.12; Isa 45.15. A! Kyũngũ kya ũthwii wa ũĩ na ũmanyi wa Ngai! Motw’ĩo make matamanyĩka, na nzĩa syake itamanthĩka! 34#Isa 40.13; Yovu 15.8; Yel 23.18; 1 Ako 2.16.Nũndũ nũũ ũla wamanyie kĩlilikano kya Mwĩaĩi? Kana nũũ ũla waĩ mũtai wake? 35Kana nũũ ũla wambie ũmũnenga kĩndũ, na kũĩvwa ĩngĩ o kyo? 36Nũndũ syĩndĩ syonthe syumaa kwake, na ĩngĩ syĩ kwondũ wake, na ialũkaa kwake. Ndaĩa nĩ yake tene na tene. Ameni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956