MALAKI 4
4
Mũthenya ũla wũkĩte wa Yeova
1Nundũ, sisyai, mũthenya nĩwũkĩte, wakanĩte ta iko ĩnene; na ekathĩĩi onthe, na onthe ala mekaa ũthũku, makeethĩwa ũa; na mũthenya ũla wũkĩte ũkamavĩvya vyũ, mũvaka ndũkamatialya mũi o na ũvonge, easya ũu Yeova wa nguthu. #Isa 47.14; Mal 3.2; Mt 3.12; 2 Ath 1.7,8. 2Ĩndĩ kwa inyw’ĩ ala mũkĩaa syĩtwa yakwa syũa ya ũlũngalu yĩkauma yĩ na wovosyo nthwaunĩ syayo; nenyu mũkaumaala, na kũtũva ta tũsaũ twa kĩtũũnĩ. #Sav 84.11; Isa 53.5; Lk 1.78; Yoa 8.12; 12.46. 3Na mũkakinyangĩa ala athũku nthĩ; nũndũ makeethĩwa mũu ungu wa nyaĩĩ syenyu mũthenya ũla nĩtw’a, easya ũu Yeova wa nguthu.
4Lilikanai, inyw’ĩ, mĩao ya Mose mũthũkũmi wakwa, ũla namwĩaĩe ku Olevu nũndũ wa Isilaeli onthe, o myamũlo na motw’ĩo. #Kuma 20.3–17; Kũt 4.9,10. 5Sisyai, ngatũma mwathani Eliya kwenyu mbee wa mũthenya mũnene na wa ũtĩsya wa Yeova ũtanoka. #Yoe 2.31; Mal 3.1; Mt 11.14. 6Na akathyũũa ngoo sya aaĩthe syelekele syana, na ngoo sya syana syelekele aaĩthe masyo; ndikese kũka na kũmĩkũna nthĩ na kĩumo. #Isa 11.4; Lk 1.17.
Currently Selected:
MALAKI 4: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956