AEVELANIA 10
10
Klĩsto mwene nĩ nthembo nzeo mũno mbee kũvĩta nthembo ila sya aa‐Mose
1 #
Aevl 8.5; 7.19. Nĩkwĩthĩwa ĩla mĩao yaĩ kyuu kya syĩndũ nzeo ĩla ikoka, na ti mũvw’ano vyũ wa syĩndũ isu, ndĩtonya o na ĩndĩĩ na nthembo isu ila maumasya kĩla mwaka, kũmeanĩsya ala mathengeeaa. 2Kethĩwa nitonya itiekwa kũthembwa? Nĩkwĩthĩwa athaithi, mamina kũthew’a ĩvinda yĩmwe, matyĩyona ĩngĩ me na nai. 3#Ali 16.21.Ĩndĩ nthembonĩ isu kwĩ kũlilikanw’a naĩ kĩla mwaka. 4Nũndũ ndũtonyeka nthakame ya nzaũ na mbũi kũveta naĩ. 5Kwondũ wa ũu akyũka kũũ nthĩ, easya,
Nthembo ya kũtonywa na syĩndũ ila syumaw’a ndwaasyenda,
#
Sav 40.6–8. Ĩndĩ wanzeũvĩsye mwĩĩ;
6Ndwaaendeew’a nĩ ila nthembo nima sya kũvĩvw’a na nthembo kwondũ wa naĩ:
7Nĩvo naisye, Sisya, nĩnooka
(Ĩvukunĩ ĩkũnze nĩkũandĩkĩtwe ũndũ wakwa)
Kwĩka kwenda kwaku, we Ngai.
8Aneenete mbee, Nthembo sya kũtonywa na syĩndũ ila syumaw’a na nthembo nima sya kũvĩvw’a na nthembo kwondũ wa naĩ ndwaasyenda, o na ndwaaendeew’a nĩsyo (ila ithembawa kwĩanana na ĩla mĩao), 9nĩvo ĩndĩ waisye, Sisya, nĩnooka kwĩka kwenda kwaku. Avetete ũla wa mbee, nĩ kana alũlũmĩlye ũla wa kelĩ. 10#Aevl 9.12,28.Na nũndũ wa kwenda kwake nĩtwavathiwe twĩthĩwe atheu kwondũ wa kũthembwa kwa mwĩĩ wa Yesũ Klĩsto o ĩmwe tũ. 11#Kuma 29.38.Na kĩla mũthembi aũngamaa kĩla mũthenya aithũkũma na kũthemba nthembo o isu mavinda maingĩ, ila itaatonya o na ĩndĩĩ kũveta naĩ: 12ĩndĩ we, athemba nthembo o ĩmwe kwondũ wa naĩ kũvika tene ne tene, ekala nthĩ ngalĩ ya kw’oko kwa aũme kwa Ngai; 13#Sav 110.1.kuma ĩvinda yĩu eteelaa amaitha make matwiwe kavĩla ka nyaĩĩ syake. 14Nũndũ kwondũ wa nthembo o ĩmwe nĩwameanĩsye kũvika tene na tene ala mavathanĩtw’e. 15Na Veva Mũtheu nake nũtũkũsĩĩaa; nũndũ ĩtina wa kũneena,
16Ũu nĩw’o ũtianĩo ũla ngatianĩa nao
Ĩtina wa mĩthenya ĩsu, easya ũu Mwĩaĩi:
Ngeekĩa mĩao ngoonĩ syoo,
#
Aevl 8.10; Yel 31.33. Na ngamĩandĩka ilĩkonĩ syoo;
nĩvo ĩndĩ easya,
17 #
Aevl 8.12; Yel 31.34. Na naĩ syoo na mothũku moo, ndikamalilikana ĩngĩ.
18Na vala ve ũekeo wa asu, kũi nthembo ĩngĩ kwondũ wa naĩ.
Tũthengeee Ngai na ngoo ya w’o na kũlũma mũĩkĩĩonĩ
19 #
Mt 27.51. Na ĩndĩ, ana‐a‐asa, kwa kwĩthĩwa twĩ na ũkũmbaũ wa kũlika nthĩnĩ wa vala vandũ vatheu kwondũ wa nthakame ya Yesũ, 20#Aevl 9.8.na nzĩa ĩla watũvingũĩe, nzĩa nzaũ na yĩ na thayũ, kwa nazĩ ya tũtũ, naw’o nĩ mwĩĩ wake; 21#Nzek 6.11; Mot 12.7.na nĩkwĩthĩwa twĩ na mũthembi mũnene ĩũlũ wa nyũmba ya Ngai; 22#Esek 36.25; Aev 5.26.nĩtũthengeee na ngoo ya w’o wĩanĩunĩ wa mũĩkĩĩo, ngoo sitũ iminzangĩw’e tũeke wasya mwathe wa ngoo: na mĩĩ yaitũ kũthambw’a na manzĩ matheu, 23#Aevl 4.14.nĩtũlũmye kumbũla kwa wĩkwatyo witũ ndũkathingithange; nũndũ we ũla wathanie e kĩthito: 24#Aevl 13.1.na nĩtũlilikanan’ye ithyĩ kwa ithyĩ kũthangaan’ya wendonĩ na mawĩanĩ maseo; 25#Aevl 3.13.tũtekũeka kũmbana kwitũ vamwe, o tondũ amwe mekaa, ĩndĩ tũkĩtaana; na mbee mũno, mũkyona mũthenya ũsu ũkĩthengeea.
26 #
Aevl 6.4–8; 1 Tim 2.4. Nũndũ ethĩwa twĩkaa naĩ na ngũlũ ĩtina wa kwosa ũmanyi wa ũla w’o, kũitiele nthembo ĩngĩ kwondũ wa naĩ, 27#Isa 26.11.ĩndĩ kwĩ kweteela ũsilĩlo wa ũkĩwa, na wai wa mwaki ũla ũkamelya nthũ. 28#Mot 15.30; 35.30; Kũt 17.6.Mũndũ ũla wavũthisye mĩao ya Mose akusaa vate tei kwondũ wa ndeto ya ngũsĩ ilĩ kana itatũ: 29#Kuma 24.8; Aevl 2.3.mwĩona aĩlĩtwe nĩ ũsilĩlo mũnene wĩana ata, ũla ũmũkinyangĩte Mwana wa Ngai, na watalile nthakame ya ũtianĩo ĩla ũtheetw’e nayo kĩndũ kĩte kĩtheu, na wamũvũthisye vyũ Veva wa mumo? 30#Kũt 32.35,36; Sav 135.14; Alo 12.19.Nũndũ nĩtũmwĩsĩ ũla waisye, Ũĩvanĩsyo nĩ wakwa, nyie ngaĩvanĩsya. Na ĩngĩ, Mwĩaĩi nũkaslĩla andũ make. 31#Aevl 12.29.Nĩ ũndũ wa kũkĩwa mũno kũvalũka mokonĩ ma Ngai ũla wĩ thayũ.
Wĩte wa kũendeea na ũkũmbaũ
32 #
Aevl 6.4. Ĩndĩ lilikanai mĩthenya ĩla mĩvitu, ĩla nthĩnĩ wayo mwamina kwĩkĩwa kyeni, mwoomĩĩsye ũkĩlan’yonĩ mũnene wa mathĩna; 33#1 Ako 4.9.mavĩnda amwe, mũtw’ĩkĩte ma kũkũnũĩwa metho kwondũ wa kĩvũthya na mathĩna; na mavinda angĩ, mũtw’ĩkĩte osi vamwe ma ala meekiwe o ta ũu. 34#Mt 6.20; 19.21,29.Nũndũ nĩmwamew’ĩie tei ala maĩ ove, na ĩngĩ mweetĩkĩla na ũtanu kũvũtwa syĩndũ syenyu, mũkĩmanya kana nthĩnĩ wenyu ene mwĩ na ũthwii mũseo mbee na ũla wĩkalaa. 35#Aevl 11.6.Ĩndĩ mũikekye ũtee ũkũmbaũ wenyu, ũla wĩ na ĩtuvi ĩnene. 36#Aevl 6.12; Lk 21.19.Nũndũ mwĩ na vata wa wũmĩĩsyo, kana, mwĩkĩte kwenda kwa Ngai, mũtonye kwosa ũla watho.
37Nũndũ vatiele kavinda kanini mũno,
#
Isa 26.20; Ava 2.3; Lk 21.28; Yak 5.8. Ũla wũkĩte oke, na ndeĩkala.
38Ĩndĩ ũla mũlũngalu wakwa akekala thayũ kwondũ wa mũĩkĩĩo:
#
Alo 1.17; Aka 3.11. Na ethĩwa akatundua, ngoo yakwa ndĩtanwa nĩwe.
39Ĩndĩ ithyĩ tũti ma ala matunduaa kũvikĩa kwaa; ĩndĩ twĩ ma ala me na mũĩkĩĩo kũvikĩa ũtangĩĩo wa thayũ.
Currently Selected:
AEVELANIA 10: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
