Akalatia 1
1
Ngethi
1 #
Aka 1.11,12. Vaulo, mũtũmwa (ti kuma kwa andũ kana kwondũ wa mũndũ, ĩndĩ nĩ kwondũ wa Yesũ Klĩsto, na Ngai Asa, ũla wamũthayũũkisye kũmumya kwa akw’ũ), 2na ana‐a‐asa onthe ala me vamwe nakwa, valũa ũũ witũ ũmavikĩe makanisa ma Kalatia: 3#Alo 1.7.Mumo nĩwĩthĩwe kwenyu na mũuo kuma kwa Ngai Asa, na kwa Mwĩaĩi waitũ Yesũ Klĩsto, 4#Aka 2.20; 1 Tim 2.6; Tito 2.14; 1 Yoa 5.19.ũla wenenganie mwene kwondũ wa naĩ sitũ, nĩ kana atũtangĩĩe tume nthĩ ĩno nthũku ya ĩvinda yĩĩ, kwĩanana na kwenda kwa Ngai, Asa waitũ: 5ndaĩa nĩyĩthĩwe kwake tene na tene, Ameni.
Kwĩw’ĩthw’a woo kwa Vaulo ũndũ wa Akalatia
6Nĩngũseng’a nũndũ nĩmũũthamw’a na mĩtũkĩ ta ũu na kũmũtia ũla wamwĩtie nthĩnĩ wa mumo wa Klĩsto na kũkwata ũvoo mũseo ũngĩ; 7#Meko 15.1,24.naw’o ti ũvoo mũseo ũngĩ: ĩndĩ kwĩ amwe ala meũmũthĩn’ya, nao meenda kũalyũla ũvoo mũseo wa Klĩsto. 8#1 Ako 16.22.Ĩndĩ o na ethĩwa nĩ ithyĩ, kana mũlaĩka wumĩte ĩtunĩ, ũnũũtavan’ya kwenyu ũvoo mũseo ũngĩ o na wĩva eka ũla twamũtavisye, ũsu nĩethĩwe anathema (ũalyũlo wayo nĩ, mũumanĩe). 9O tondũ twamba ũneena, nĩw’o ngũneena ĩngĩ yu, Ethĩwa mũndũ o na wĩva w’onthe emũtavya ũvoo mũseo ũngĩ eka ũla mwosete, ũsu nĩethĩwe anathema (ũalyũlo wayo nĩ, mũumanĩe). 10#1 Ath 2.4.Nũndũ yu nĩmantha kwĩtĩkĩlwa nĩ andũ, kana nĩ Ngai? Kana nĩĩthing’ĩĩsya kwendeesya andũ? Ethĩwa kũvika o na yu nĩendeesya andũ, ndyĩthĩwa nĩ ngombo ya Klĩsto.
Ũvoo mũseo ũla wĩ na w’o wookie kwake kuma kwa Klĩsto, nu ti kuma andũnĩ
11Nũndũ nĩngũmũmanyĩthya, ana‐a‐asa, ũndũ wa ũla ũvoo mũseo namũtavisye, kana ũvoo ũsu ti wa mũndũ. 12Nũndũ ndyaawosa kwa mũndũ, na ndyaaũmanyĩw’a, ĩndĩ nĩwookie kwakwa nũndũ wa ũvuan’yo wa Yesũ Klĩsto. 13#Meko 26.4–20.Nũndũ nĩmwĩw’ĩte ũvoo wa mwĩkalĩle wakwa wa tene mũthaithĩlenĩ wa Ayuti, ũndũ nathĩnisye ĩkanisa ya Ngai kũthonoka kũthima, na kũyananga: 14#Meko 22.3.nakwa naendeee ũla mũthaithĩlenĩ wa Ayuti kũvĩta aingĩ ma mbaĩ yakwa ala maĩ ĩika yĩmwe nakwa, kwa kwĩthĩwa naĩ na ũthangaau mũnene nũndũ wa mokũũ ma aasa makwa. 15#Alo 1.1; Yel 1.5; Isa 49.1.Ĩndĩ yĩla Ngai wonie nĩ ũseo, ũla wambathũkanisye, o na kuma ĩvunĩ ya mwaitũ, na ambĩta kwondũ wa mumo wake, 16#Aka 2.7; Mt 16.17.kwonan’ya Mwana wake nthĩnĩ wakwa, kana nĩmũtavan’ye kwa Andũ‐ma‐mbaĩ‐ingĩ; yu ndyaasũanĩa na andũ me na mwĩĩ na nthakame: 17o na ndyaambata Yelusaleme kwa ala mai atũmwa mbee wakwa: ĩndĩ naendie nthĩ ya Alavu; na ĩngi naalũka Ndamasiku.
18 #
Meko 9.26. Ĩndĩ ĩtina wa myaka ĩtatũ nambatie Yelusaleme kũmanyana na Keva, na nekala nake matukũ ĩkũmi na atano. 19#Mt 13.55.Ĩndĩ ndyaamona atũmwa ala angĩ, ate o Yakovo mwana‐a‐inyia wa Mwĩaĩi. 20Na ũvoo wa maũndũ ala ngũmũandĩkĩa, sisyai, mbee wa Ngai, ndiũneena ũvũngũ. 21#Meko 9.30.Na ĩtina naendie nthĩ ya Silia na Silisia. 22Na ĩvinda yĩu ndyeesĩkĩwe ũthyũ wakwa nĩ makanisa ma Yutia ala maĩ nthĩnĩ wa Klĩsto: 23ĩndĩ meew’ĩte kũineenwa tũ, Ũla watũthĩnasya tene, yu nũtavanasya mũĩkiĩo ũla wanangaa tene; 24nao mataĩa Ngai kwondũ wakwa.
Currently Selected:
Akalatia 1: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
