MEKO MA ATŨMWA 8
8
Kũthĩnw’a na kũnyaĩĩkw’a kwa Aklĩsto
1 #
Meko 7.58; 11.19; 22.20. Na Saulo oona nĩ ũseo kũawa kwake. Na mũthenya ũsu kwambĩlĩlya ũnyamao mũnene ĩũlũ wa ĩkanisa yĩla yaĩ Yelusaleme; na manyaĩĩkw’a onthe ivalonĩ sya Yutia na Samalia, ate o ala atũmwa. 2#Mt 14.12.Na andũ ala mamũkĩaa Ngai mamwĩnzĩa Sitivini nthĩ, na mamũĩĩa mũno. 3#Meko 9.1; 22.4.Ĩndĩ Saulo aananga ĩkanisa mũno, aivota kĩla nyũmba, aimakusũlan’ya aũme na aka aimekĩa kolokolonĩ.
Vilivu e nthĩ ya Samalia
4Kwondũ wa ũu asu ala manyaĩĩkĩtw’e maendaa maitavan’ya ũla ũvoo mũseo. 5#Meko 6.5.Na Vilivu atheea alika ndũanĩ ya Samalia, na amũtavan’ya Klisto kw’o. 6Na makomano meethukĩĩsye na ngoo ĩmwe maũndũ ala maneeniwe nĩ Vilivu, yĩla meewie, na moonie mawonan’yo ala wekie. 7#Mko 16.17.Nĩkwĩthĩwa maveva mavuku nĩmamaumie aingi ala maĩ namo, maikaya na wasya mũnene: na aingi maaĩte mamutha, na ala mathuaa, mavow’a. 8#Yoa 4.40–42.Na kweethĩwa ũtanu mũnene ndũanĩ ĩsu.
Simoni ũla mũndũ mũe
9Ĩndĩ kwaĩ mũndũ ũmwe, syĩtwa yake wetawa Simoni, ũla tene wekaa ũoi ndũanĩ ĩsu, aimaseng’ya andũ ma Samalia, akĩyĩta mwene mũndũ mũnene: 10na onthe mamwĩthukĩĩasya kuma ũla mũnini kũvika ũla mũnene mbee, maiasya, Mũndũ ũũ nĩwe ũla ũtonyi wa Ngai ũla wĩtawa Mũnene. 11Na mamwĩthukĩĩasya, nũndũ amaseng’etye na mooi make ĩvinda ĩasa. 12#Mt 28.19.Ĩndĩ meetĩkĩla Vilivu aitavan’ya ũla ũvoo mũseo wa ũsumbĩ wa Ngai na syĩtwa ya Yesũ Klĩsto, mavatiswa, aũme na aka. 13Na Simoni nake mwene nĩwetĩkĩlile: na avatiswa ekalaa vamwe na Vilivu; na akyona syama na mavinya manene ala meekiwe aseng’a.
Vetelo na Yoana me nthĩ ya Samalia
14 #
Meko 3.1. Na atũmwa ala maĩ Yelusaleme meew’a kana Samalia nĩmosete ndeto ya Ngai, mamatũma Vetelo na Yoana kw’o: 15nao, matheea kw’o, mamavoyea, nĩ kana mose Veva Mũtheu: 16nĩkwĩthĩwa ndaĩ anamba ũmatheeea o na ũmwe woo: ate o nĩmavatisĩtwe syĩtwanĩ ya Mwĩaĩi Yesũ. 17#1 Tim 4.14.Na ĩndĩ mamailĩĩla moko moo, na moosa Veva Mũtheu. 18Na Simoni oona kana Veva Mũtheu anenganwe ũndũ wa kwilĩĩlwa moko ma atũmwa, amaetee mbesa, 19aiasya, Nengai nakwa vinya ũũ, nĩ kana o ũla nĩilĩĩla moko makwa ose Veva Mũtheu. 20Ĩndĩ Vetelo amwĩa, Mbesa syaku nĩsyae vamwe naku, nũndũ wĩasya ũkoosa mũthĩnzĩo wa Ngai ũndũ wa mbesa. 21#Sav 78.37; Aev 5.5.Ndwĩ na kĩlungu kana kĩanda ũndũnĩ ũũ: nĩkwĩthĩwa ngoo yaku ndĩaĩlĩte mbee wa Ngai. 22Alyũla ngoo ĩndĩno ũndũ wa ũthũku ũũ waku, noimũvoya Mwĩaĩi, no kwĩthĩwa akakũekea ũlilikano ũsu wa ngoo yaku. 23#Kũt 29.18; Isa 58.6; Aevl 12.15.Nũndũ nĩngwona wĩ ũũ ta nyongo na wĩ wovonĩ wa ũthũkũ. 24Na Simoni asũngĩa, asya, Mboyeai inyw’ĩ kwa Mwĩaĩi, nĩ kana maũndũ asu mwasya maikangwate, o na ũmwe.
25Namo ĩndĩ, maumĩlya ũkũsĩ na kũneena ndeto ya Mwĩaii, maalũka Yelusaleme, na matavan’ya ũvoo mũseo mĩsyĩ mingĩ ya Asamalia.
Vilivu na mũndũ mũvakũe wa Ethiovia
26Ĩndĩ mũlaĩka wa Mwĩaĩi aneena na Vilivu, aiasya, Ũkĩla, ũthi ngalĩ ya itheo kũvika nzĩa ĩla yumĩte Yelusaleme kũvika Ngasa: na kw’o nĩ weũ. 27#Isa 56.3–7.Nake ookĩla, athi: na sisya, mũndũ wa Ethiovia, mũndũ mũvakũe ũla waĩ na ũkũmũ mũnene ĩtheo wa Kandake, mũsumbĩ mũndũ mũka, wa Aethiovia, nake nĩwe ũla waiĩtwe ĩũlũ wa syĩndũ syake syonthe, ũla wokĩte Yelusaleme ũndũ wa kũthaitha; 28na aalũkĩte ailyĩ ngalĩnĩ yake, aisoma ĩvuku ya mwathani Isaia. 29Na Veva amwĩa Vilivu, Thengeea vakuvĩ, ũendan’ye na ngalĩ ĩsu. 30Na Vilivu asemba vala ũĩ, na eew’a aisoma ĩvuku ya mwathani Isaia, na amũkũlya, Nũũmanya ũu ũũsoma? 31#Yoa 16.13.Nake amũsũngĩa, Nĩmanya ata ndeũtongoew’a nĩ mũndũ? Na amwĩsũva Vilivu ambate ekale nake. 32Na kĩlungu kya maandĩko kĩla wasomaa nĩ kĩĩ,
Atongoew’e kũthi kũthĩnzwa ta ĩlondu;
Na ta katena ka ĩlondu kavindĩtye mbee wa ũla ũkatilaa maw’ĩa,
#
Isa 53.7,8. Nake no ta ũu, ndaathamũkan’ya kanyw’a wake:
33Wĩnyivyonĩ wake kũsilĩlwa katĩ kwavetwa:
Nũũ ũla ũkonan’ya ũsyao wake?
Nĩkwĩthĩwa thayũ wake nũvetetwe nthĩ.
34Na ũla mũndũ mũvakũe amũsũngĩa Vilivu, amwĩa, Nĩngũũvoya, mwathani ũsu eneena ndeto ii nũndũ waũ? Nĩ ũvoo wake mwene, kana nĩ mũndũ ũngi? 35Na Vilivu aathamya kanyw’a wake, na amũtavya ũvoo mũseo wa Yesũ, akyambĩlĩlya na maandĩko asu. 36#Meko 10.47.Na maendete nzĩani, mavika vandũ ve manzĩ; na mũndũ ũsu mũvakũe asya, Sisya, manzĩ ti aa; nĩ ũndũ wĩva ũnziĩĩa ndikavatiswe? 37(Vilivu asũngĩa, amwĩa, Ethĩwa nĩwĩtĩkĩlĩte na ngoo yaku yonthe, nũtonya. Nake amũsũngĩa, amwĩa, Nĩngwĩtĩkĩla kana Yesũ Klĩsto nĩ Mwana wa Ngai.) 38Na eeaa ngalĩ iũngame: na matheea me elĩ manzĩnĩ, Vilivu na ũla mũvakũe; na Vilivu amũvatisa. 39#1 Asu 18.12.Na mauma manzĩnĩ, Veva wa Mwĩaĩi amũvulya Vilivu; na ũla mũndũ mũvakũe ndaamwona ĩngĩ, nĩkwĩthĩwa aendie na nzĩa yake akĩtana. 40#Meko 21.8,9.Ĩndĩ Vilivu ooneka Asoto: na avĩtĩle ku nĩwatavanasya ũla ũvoo mũseo ndũanĩ syonthe, mũvaka avika Kaisalea.
Currently Selected:
MEKO MA ATŨMWA 8: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MEKO MA ATŨMWA 8
8
Kũthĩnw’a na kũnyaĩĩkw’a kwa Aklĩsto
1 #
Meko 7.58; 11.19; 22.20. Na Saulo oona nĩ ũseo kũawa kwake. Na mũthenya ũsu kwambĩlĩlya ũnyamao mũnene ĩũlũ wa ĩkanisa yĩla yaĩ Yelusaleme; na manyaĩĩkw’a onthe ivalonĩ sya Yutia na Samalia, ate o ala atũmwa. 2#Mt 14.12.Na andũ ala mamũkĩaa Ngai mamwĩnzĩa Sitivini nthĩ, na mamũĩĩa mũno. 3#Meko 9.1; 22.4.Ĩndĩ Saulo aananga ĩkanisa mũno, aivota kĩla nyũmba, aimakusũlan’ya aũme na aka aimekĩa kolokolonĩ.
Vilivu e nthĩ ya Samalia
4Kwondũ wa ũu asu ala manyaĩĩkĩtw’e maendaa maitavan’ya ũla ũvoo mũseo. 5#Meko 6.5.Na Vilivu atheea alika ndũanĩ ya Samalia, na amũtavan’ya Klisto kw’o. 6Na makomano meethukĩĩsye na ngoo ĩmwe maũndũ ala maneeniwe nĩ Vilivu, yĩla meewie, na moonie mawonan’yo ala wekie. 7#Mko 16.17.Nĩkwĩthĩwa maveva mavuku nĩmamaumie aingi ala maĩ namo, maikaya na wasya mũnene: na aingi maaĩte mamutha, na ala mathuaa, mavow’a. 8#Yoa 4.40–42.Na kweethĩwa ũtanu mũnene ndũanĩ ĩsu.
Simoni ũla mũndũ mũe
9Ĩndĩ kwaĩ mũndũ ũmwe, syĩtwa yake wetawa Simoni, ũla tene wekaa ũoi ndũanĩ ĩsu, aimaseng’ya andũ ma Samalia, akĩyĩta mwene mũndũ mũnene: 10na onthe mamwĩthukĩĩasya kuma ũla mũnini kũvika ũla mũnene mbee, maiasya, Mũndũ ũũ nĩwe ũla ũtonyi wa Ngai ũla wĩtawa Mũnene. 11Na mamwĩthukĩĩasya, nũndũ amaseng’etye na mooi make ĩvinda ĩasa. 12#Mt 28.19.Ĩndĩ meetĩkĩla Vilivu aitavan’ya ũla ũvoo mũseo wa ũsumbĩ wa Ngai na syĩtwa ya Yesũ Klĩsto, mavatiswa, aũme na aka. 13Na Simoni nake mwene nĩwetĩkĩlile: na avatiswa ekalaa vamwe na Vilivu; na akyona syama na mavinya manene ala meekiwe aseng’a.
Vetelo na Yoana me nthĩ ya Samalia
14 #
Meko 3.1. Na atũmwa ala maĩ Yelusaleme meew’a kana Samalia nĩmosete ndeto ya Ngai, mamatũma Vetelo na Yoana kw’o: 15nao, matheea kw’o, mamavoyea, nĩ kana mose Veva Mũtheu: 16nĩkwĩthĩwa ndaĩ anamba ũmatheeea o na ũmwe woo: ate o nĩmavatisĩtwe syĩtwanĩ ya Mwĩaĩi Yesũ. 17#1 Tim 4.14.Na ĩndĩ mamailĩĩla moko moo, na moosa Veva Mũtheu. 18Na Simoni oona kana Veva Mũtheu anenganwe ũndũ wa kwilĩĩlwa moko ma atũmwa, amaetee mbesa, 19aiasya, Nengai nakwa vinya ũũ, nĩ kana o ũla nĩilĩĩla moko makwa ose Veva Mũtheu. 20Ĩndĩ Vetelo amwĩa, Mbesa syaku nĩsyae vamwe naku, nũndũ wĩasya ũkoosa mũthĩnzĩo wa Ngai ũndũ wa mbesa. 21#Sav 78.37; Aev 5.5.Ndwĩ na kĩlungu kana kĩanda ũndũnĩ ũũ: nĩkwĩthĩwa ngoo yaku ndĩaĩlĩte mbee wa Ngai. 22Alyũla ngoo ĩndĩno ũndũ wa ũthũku ũũ waku, noimũvoya Mwĩaĩi, no kwĩthĩwa akakũekea ũlilikano ũsu wa ngoo yaku. 23#Kũt 29.18; Isa 58.6; Aevl 12.15.Nũndũ nĩngwona wĩ ũũ ta nyongo na wĩ wovonĩ wa ũthũkũ. 24Na Simoni asũngĩa, asya, Mboyeai inyw’ĩ kwa Mwĩaĩi, nĩ kana maũndũ asu mwasya maikangwate, o na ũmwe.
25Namo ĩndĩ, maumĩlya ũkũsĩ na kũneena ndeto ya Mwĩaii, maalũka Yelusaleme, na matavan’ya ũvoo mũseo mĩsyĩ mingĩ ya Asamalia.
Vilivu na mũndũ mũvakũe wa Ethiovia
26Ĩndĩ mũlaĩka wa Mwĩaĩi aneena na Vilivu, aiasya, Ũkĩla, ũthi ngalĩ ya itheo kũvika nzĩa ĩla yumĩte Yelusaleme kũvika Ngasa: na kw’o nĩ weũ. 27#Isa 56.3–7.Nake ookĩla, athi: na sisya, mũndũ wa Ethiovia, mũndũ mũvakũe ũla waĩ na ũkũmũ mũnene ĩtheo wa Kandake, mũsumbĩ mũndũ mũka, wa Aethiovia, nake nĩwe ũla waiĩtwe ĩũlũ wa syĩndũ syake syonthe, ũla wokĩte Yelusaleme ũndũ wa kũthaitha; 28na aalũkĩte ailyĩ ngalĩnĩ yake, aisoma ĩvuku ya mwathani Isaia. 29Na Veva amwĩa Vilivu, Thengeea vakuvĩ, ũendan’ye na ngalĩ ĩsu. 30Na Vilivu asemba vala ũĩ, na eew’a aisoma ĩvuku ya mwathani Isaia, na amũkũlya, Nũũmanya ũu ũũsoma? 31#Yoa 16.13.Nake amũsũngĩa, Nĩmanya ata ndeũtongoew’a nĩ mũndũ? Na amwĩsũva Vilivu ambate ekale nake. 32Na kĩlungu kya maandĩko kĩla wasomaa nĩ kĩĩ,
Atongoew’e kũthi kũthĩnzwa ta ĩlondu;
Na ta katena ka ĩlondu kavindĩtye mbee wa ũla ũkatilaa maw’ĩa,
#
Isa 53.7,8. Nake no ta ũu, ndaathamũkan’ya kanyw’a wake:
33Wĩnyivyonĩ wake kũsilĩlwa katĩ kwavetwa:
Nũũ ũla ũkonan’ya ũsyao wake?
Nĩkwĩthĩwa thayũ wake nũvetetwe nthĩ.
34Na ũla mũndũ mũvakũe amũsũngĩa Vilivu, amwĩa, Nĩngũũvoya, mwathani ũsu eneena ndeto ii nũndũ waũ? Nĩ ũvoo wake mwene, kana nĩ mũndũ ũngi? 35Na Vilivu aathamya kanyw’a wake, na amũtavya ũvoo mũseo wa Yesũ, akyambĩlĩlya na maandĩko asu. 36#Meko 10.47.Na maendete nzĩani, mavika vandũ ve manzĩ; na mũndũ ũsu mũvakũe asya, Sisya, manzĩ ti aa; nĩ ũndũ wĩva ũnziĩĩa ndikavatiswe? 37(Vilivu asũngĩa, amwĩa, Ethĩwa nĩwĩtĩkĩlĩte na ngoo yaku yonthe, nũtonya. Nake amũsũngĩa, amwĩa, Nĩngwĩtĩkĩla kana Yesũ Klĩsto nĩ Mwana wa Ngai.) 38Na eeaa ngalĩ iũngame: na matheea me elĩ manzĩnĩ, Vilivu na ũla mũvakũe; na Vilivu amũvatisa. 39#1 Asu 18.12.Na mauma manzĩnĩ, Veva wa Mwĩaĩi amũvulya Vilivu; na ũla mũndũ mũvakũe ndaamwona ĩngĩ, nĩkwĩthĩwa aendie na nzĩa yake akĩtana. 40#Meko 21.8,9.Ĩndĩ Vilivu ooneka Asoto: na avĩtĩle ku nĩwatavanasya ũla ũvoo mũseo ndũanĩ syonthe, mũvaka avika Kaisalea.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956