MEKO MA ATŨMWA 19
19
Amanyĩw’a ma Yoana Mũvatisi Eveso
1Na kweethĩwa, ĩvinda yĩla Avolo waĩ Kolintho, Vaulo avĩtĩla nthi ya ngalĩ ya iũlũ avika Eveso, na ku oona amanyĩw’a amwe: 2#Meko 2.38.na amakũlya, Nĩmwoosie Veva Mũtheu mweetĩkĩla? Na mamũsũngĩa, Aiee, o na tũiaaĩw’a kana kwĩ Veva Mũtheu. 3Na ĩndĩ amakũlya, Mwavatisiwe ũvatisinĩ mwaũ ĩndĩ? Na mamũsũngĩa, Twavatisiwe ũvatisinĩ wa Yoana. 4#Mt 3.11.Na Vaulo amea, Yoana nĩwavatisaa na ũvatiso wa ũalyũlo wa ngoo, aimatavya andũ nĩmamwĩtĩkĩle ũla wĩũka ĩtina wake, nake nĩ Yesũ. 5Nao meew’a ũu, mavatiswa syitwani ya Mwĩaĩi Yesũ. 6#Meko 8.17; 10.44,46.Na Vaulo amailĩĩla moko make, Veva Mũtheu amatheeea; na maneena na ithyomo, na mathana. 7Na onthe maĩ andũ aũme ta ĩkũmi na elĩ.
Vaulo e Eveso
8Nake alika ĩsinakokenĩ, na aneena na ũkũmbaũ ĩvinda ya myei ĩtatũ, aisũanĩa na andũ na kũmetĩkĩlĩthya maũndũ ma ũsumbĩ wa Ngai. 9#2 Tim 1.15; Meko 9.2; Tito 3.10,11; 2 Ako 6.17; 2 Yoa 1.10.Ĩndĩ amwe meeyũmanĩlya, malea kwĩw’a, maimĩneenea ĩla Nzĩa naĩ mbee wa ĩkomano, aumaala amatia, na amavatha amanyĩw’a, na amamanyĩasya maineenan’ya mĩthenya yonthe kĩsomonĩ kya Tilano. 10Na maũndũ asu maendeea ĩvinda ya myaka ĩlĩ; ũndũ onthe ala matwĩe nthĩ ya Asia meewie ndeto ya Mwĩaĩi, Ayuti na Akiliki nao. 11#Meko 14.3.Na Ngai eeka mavinya mataaĩkwa nĩ mũndũ na moko ma Vaulo: 12#Meko 5.15.ũndũ o na awau maetewe ngũa na itambaa syumĩte mwĩĩnĩ wake, nao mavoa mowau moo, na maveva mathũku mamauma. 13#Lk 9.49.Ĩndĩ Ayuti amwe, angangi, alũngya ma maveva, meenenga ene kũneena syĩtwa ya Mwĩaĩi Yesũ ĩũlũ wa ala maĩ na maveva mathũkũ, maiasya, Nĩmũavĩthya na Yesũ ũla ũtavanaw’a nĩ Vaulo. 14Na kw’o kwaĩ aũme mũonza, ana ma Mũyuti wetawa Sikiva, mũthembi mũnene, ala mekaa ũu. 15#Mko 1.34; Lk 4.41.Na ũla veva mũthũku wamasũngĩa, wamea, Yesũ nĩnĩmwĩsĩ, na Vaulo nĩngũmũmanya; ĩndĩ inyw’ĩ mwĩ aaũ? 16Na mũndũ ũla waĩ na ũla veva mũthũku amathaanyũkĩa, amakũa elĩ, na kũmakĩlya vinya, na makĩa mauma nyũmba ĩsu me athei na okite. 17#Meko 5.5,11.Na ũndũ ũsu wamanyĩka kwa Ayuti onthe na Akiliki ala matwĩe Eveso; na w’ĩa mũnene wamavalũkĩla onthe, na syĩtwa ya Mwĩaĩi Yesũ yataĩwa mũno. 18Na aingĩ nao ma ala meetĩkĩlile mooka, makyumbũla, na makyonan’ya meko moo. 19Na andũ aingĩ ala meekaa maũndũ ma ũwe maete mavuku moo na moomban’ya vamwe, na mamavĩvĩsya mbee wa andũ onthe; na matala thooa wamo na meethĩa nĩ ilungu sya vetha ngili mĩongo ĩtano. 20#Meko 6.7; 12.24.Ũu nĩw’o ndeto ya Ngai yeanie na ũkilya vinya.
Mĩvango ya Vaulo
21 #
Meko 23.11; Alo 1.13. Na ĩtina wa maũndũ asu mathela, Vaulo atw’a vevanĩ wake, kũvĩtĩla Masetonia na Akaia, na akĩthi Yelusaleme, aiasya, Ĩtina wa kwĩthĩwa kw’o, mũvaka none Lomi nakw’o. 22#Meko 17.14; Alo 16.23; 1 Ako 4.17.Na atũma elĩ ma ala mamũthũkũmaa mathi Masetonia, nao nĩ Timotheo na Elasito, nake mwene ekalanga Asia ĩvinda.
Kithokoo Eveso
23 #
Meko 19.9; 2 Ako 1.8,9. Na ta ĩvinda yĩu kwookĩla kĩthokoan’yo kĩte kĩnini ũndũ wa ĩla Nzia. 24#Meko 16.16.Nũndũ mũndũ ũmwe wetawa Ndemetelio, mũtwii wa vetha, ũla waseũvasya tũkalũ twa Ndiana, amaeteae andũ ndũĩka ũtandĩthyo ũte mũnini; 25nake amomban’ya, vamwe na ala angĩ maĩ na wĩa ta ũsu, na amea, Mavwana, inyw’ĩ nĩmwĩsĩ kana ithyĩ nĩtwonaa ũthwii nũndũ wa wĩa ũũ. 26#Meko 17.29.Na nĩmũkwona na ĩngĩ nĩmũkwĩw’a, kana ti vaa Eveso voka, ĩndĩ no ta kw’onthe Asia, Vaulo ũsu ametĩkĩlĩthĩtye andũ aingĩ na kũmaalyũla, akyasya kana ti syo ngai, ila iseũvĩtw’e na moko: 27na ti kwa kwĩthĩwa wĩa ũũ witũ wĩ na mũisyo na kũwetwa naĩ wĩ w’oka; ĩndĩ yĩla ĩkalũ ya ngai nga nene Ndiana yĩtalĩtwe ti kĩndũ, o na kũmyumya ndaĩanĩ yayo, ĩla ĩthaithawa nĩ Asia yonthe na nthĩ yonthe. 28Namo meew’a ũu mausũwa nĩ ũthatu, na maua mbu, maiasya, Ndiana ĩla ya Aeveso nĩyo nene. 29#Meko 20.4.Na ndũa yausũwa nĩ kĩthokoo: na mathi na ngoo ĩmwe masembete, malika nyũmbanĩ ya ĩthaũ, mamakwete Kaio na Alisitaliko, andũ ma Masetonia, ala maendaa vamwe na Vaulo. 30Na Vaulo akyenda kũlika yĩla ĩkomanonĩ, ala amanyĩw’a mamũvata ndakalike vo. 31Na anene amwe ma Asia, ala maĩ anyanyae make, matũma andũ kwake na mamwĩsũva ndakatate kwĩlikya nyũmbanĩ ĩsu ya ĩthaũ. 32Amwe ĩndĩ maneena ũndũ ũmwe, na angĩ ũndũ ũngĩ: nũndũ ũmbano waĩ na kĩthokoo; na ala aingĩ maiaamanya ũndũ ũla ũkũmbanĩawa. 33Na mamumya Alesanda ĩkomanonĩ, Ayuti mamwia mbee wa andũ. Na Alesanda amakilĩthya na kw’oko, akyenda kũmasũngĩa. 34Ĩndĩ mamanya kana nĩ Mũyuti, onthe maua mbu na wasya ũmwe vandũ va masaa elĩ, maiasya, Ndiana ĩla ya Aeveso nĩyo nene. 35Ĩndĩ mũandĩki wa ndũa ayĩkilĩthya yĩla ĩkomano, asya, Inyw’ĩ aũme ma Eveso, nĩ mũndũ wĩva ũla ũtesĩ kana ndũa ya Eveso nĩyo isũvĩaa ĩkalũ ya Ndiana nene, na mũvw’anano ũla watheeie kuma ĩtunĩ? 36Ĩndĩ nũndũ maũndũ aa maitonya ũkaĩwa, nĩmwaĩle kũkilya, na kũlea kwĩka ũndũ na mĩtũkĩ. 37Nũndũ mwaete andũ aa vaa, nao ti ing’ei sya mĩio ya makalũ, o na ti aumi ma ngai nga yaitũ. 38Ethĩwa ĩndĩ Ndemetelio, na andũ ndũĩka vamwe nake, meethĩwa na ũndũ ĩũlũ wa mũndũ o na wĩva, mĩthenya ya sila ĩ kw’o, na asili me kw’o: nĩmasitakane. 39Ĩndĩ ethĩwa mwĩmantha ũndũ o na wĩva maũndũnĩ angĩ, ũkatw’ĩwa nzamanĩ ĩla yaĩle. 40Nũndũ o naitũ twĩ na mũisyo wa kũsitakwa ũndũ wa kĩthokoo kya mũthenya ũũ, na nĩ kya mana: na kwondũ wa ũu, tũikatonya kũneena ũndũ wa ũmbano ũũ. 41Na amina ũneena ũu ayũmbũũkya ĩkomano.
Currently Selected:
MEKO MA ATŨMWA 19: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MEKO MA ATŨMWA 19
19
Amanyĩw’a ma Yoana Mũvatisi Eveso
1Na kweethĩwa, ĩvinda yĩla Avolo waĩ Kolintho, Vaulo avĩtĩla nthi ya ngalĩ ya iũlũ avika Eveso, na ku oona amanyĩw’a amwe: 2#Meko 2.38.na amakũlya, Nĩmwoosie Veva Mũtheu mweetĩkĩla? Na mamũsũngĩa, Aiee, o na tũiaaĩw’a kana kwĩ Veva Mũtheu. 3Na ĩndĩ amakũlya, Mwavatisiwe ũvatisinĩ mwaũ ĩndĩ? Na mamũsũngĩa, Twavatisiwe ũvatisinĩ wa Yoana. 4#Mt 3.11.Na Vaulo amea, Yoana nĩwavatisaa na ũvatiso wa ũalyũlo wa ngoo, aimatavya andũ nĩmamwĩtĩkĩle ũla wĩũka ĩtina wake, nake nĩ Yesũ. 5Nao meew’a ũu, mavatiswa syitwani ya Mwĩaĩi Yesũ. 6#Meko 8.17; 10.44,46.Na Vaulo amailĩĩla moko make, Veva Mũtheu amatheeea; na maneena na ithyomo, na mathana. 7Na onthe maĩ andũ aũme ta ĩkũmi na elĩ.
Vaulo e Eveso
8Nake alika ĩsinakokenĩ, na aneena na ũkũmbaũ ĩvinda ya myei ĩtatũ, aisũanĩa na andũ na kũmetĩkĩlĩthya maũndũ ma ũsumbĩ wa Ngai. 9#2 Tim 1.15; Meko 9.2; Tito 3.10,11; 2 Ako 6.17; 2 Yoa 1.10.Ĩndĩ amwe meeyũmanĩlya, malea kwĩw’a, maimĩneenea ĩla Nzĩa naĩ mbee wa ĩkomano, aumaala amatia, na amavatha amanyĩw’a, na amamanyĩasya maineenan’ya mĩthenya yonthe kĩsomonĩ kya Tilano. 10Na maũndũ asu maendeea ĩvinda ya myaka ĩlĩ; ũndũ onthe ala matwĩe nthĩ ya Asia meewie ndeto ya Mwĩaĩi, Ayuti na Akiliki nao. 11#Meko 14.3.Na Ngai eeka mavinya mataaĩkwa nĩ mũndũ na moko ma Vaulo: 12#Meko 5.15.ũndũ o na awau maetewe ngũa na itambaa syumĩte mwĩĩnĩ wake, nao mavoa mowau moo, na maveva mathũku mamauma. 13#Lk 9.49.Ĩndĩ Ayuti amwe, angangi, alũngya ma maveva, meenenga ene kũneena syĩtwa ya Mwĩaĩi Yesũ ĩũlũ wa ala maĩ na maveva mathũkũ, maiasya, Nĩmũavĩthya na Yesũ ũla ũtavanaw’a nĩ Vaulo. 14Na kw’o kwaĩ aũme mũonza, ana ma Mũyuti wetawa Sikiva, mũthembi mũnene, ala mekaa ũu. 15#Mko 1.34; Lk 4.41.Na ũla veva mũthũku wamasũngĩa, wamea, Yesũ nĩnĩmwĩsĩ, na Vaulo nĩngũmũmanya; ĩndĩ inyw’ĩ mwĩ aaũ? 16Na mũndũ ũla waĩ na ũla veva mũthũku amathaanyũkĩa, amakũa elĩ, na kũmakĩlya vinya, na makĩa mauma nyũmba ĩsu me athei na okite. 17#Meko 5.5,11.Na ũndũ ũsu wamanyĩka kwa Ayuti onthe na Akiliki ala matwĩe Eveso; na w’ĩa mũnene wamavalũkĩla onthe, na syĩtwa ya Mwĩaĩi Yesũ yataĩwa mũno. 18Na aingĩ nao ma ala meetĩkĩlile mooka, makyumbũla, na makyonan’ya meko moo. 19Na andũ aingĩ ala meekaa maũndũ ma ũwe maete mavuku moo na moomban’ya vamwe, na mamavĩvĩsya mbee wa andũ onthe; na matala thooa wamo na meethĩa nĩ ilungu sya vetha ngili mĩongo ĩtano. 20#Meko 6.7; 12.24.Ũu nĩw’o ndeto ya Ngai yeanie na ũkilya vinya.
Mĩvango ya Vaulo
21 #
Meko 23.11; Alo 1.13. Na ĩtina wa maũndũ asu mathela, Vaulo atw’a vevanĩ wake, kũvĩtĩla Masetonia na Akaia, na akĩthi Yelusaleme, aiasya, Ĩtina wa kwĩthĩwa kw’o, mũvaka none Lomi nakw’o. 22#Meko 17.14; Alo 16.23; 1 Ako 4.17.Na atũma elĩ ma ala mamũthũkũmaa mathi Masetonia, nao nĩ Timotheo na Elasito, nake mwene ekalanga Asia ĩvinda.
Kithokoo Eveso
23 #
Meko 19.9; 2 Ako 1.8,9. Na ta ĩvinda yĩu kwookĩla kĩthokoan’yo kĩte kĩnini ũndũ wa ĩla Nzia. 24#Meko 16.16.Nũndũ mũndũ ũmwe wetawa Ndemetelio, mũtwii wa vetha, ũla waseũvasya tũkalũ twa Ndiana, amaeteae andũ ndũĩka ũtandĩthyo ũte mũnini; 25nake amomban’ya, vamwe na ala angĩ maĩ na wĩa ta ũsu, na amea, Mavwana, inyw’ĩ nĩmwĩsĩ kana ithyĩ nĩtwonaa ũthwii nũndũ wa wĩa ũũ. 26#Meko 17.29.Na nĩmũkwona na ĩngĩ nĩmũkwĩw’a, kana ti vaa Eveso voka, ĩndĩ no ta kw’onthe Asia, Vaulo ũsu ametĩkĩlĩthĩtye andũ aingĩ na kũmaalyũla, akyasya kana ti syo ngai, ila iseũvĩtw’e na moko: 27na ti kwa kwĩthĩwa wĩa ũũ witũ wĩ na mũisyo na kũwetwa naĩ wĩ w’oka; ĩndĩ yĩla ĩkalũ ya ngai nga nene Ndiana yĩtalĩtwe ti kĩndũ, o na kũmyumya ndaĩanĩ yayo, ĩla ĩthaithawa nĩ Asia yonthe na nthĩ yonthe. 28Namo meew’a ũu mausũwa nĩ ũthatu, na maua mbu, maiasya, Ndiana ĩla ya Aeveso nĩyo nene. 29#Meko 20.4.Na ndũa yausũwa nĩ kĩthokoo: na mathi na ngoo ĩmwe masembete, malika nyũmbanĩ ya ĩthaũ, mamakwete Kaio na Alisitaliko, andũ ma Masetonia, ala maendaa vamwe na Vaulo. 30Na Vaulo akyenda kũlika yĩla ĩkomanonĩ, ala amanyĩw’a mamũvata ndakalike vo. 31Na anene amwe ma Asia, ala maĩ anyanyae make, matũma andũ kwake na mamwĩsũva ndakatate kwĩlikya nyũmbanĩ ĩsu ya ĩthaũ. 32Amwe ĩndĩ maneena ũndũ ũmwe, na angĩ ũndũ ũngĩ: nũndũ ũmbano waĩ na kĩthokoo; na ala aingĩ maiaamanya ũndũ ũla ũkũmbanĩawa. 33Na mamumya Alesanda ĩkomanonĩ, Ayuti mamwia mbee wa andũ. Na Alesanda amakilĩthya na kw’oko, akyenda kũmasũngĩa. 34Ĩndĩ mamanya kana nĩ Mũyuti, onthe maua mbu na wasya ũmwe vandũ va masaa elĩ, maiasya, Ndiana ĩla ya Aeveso nĩyo nene. 35Ĩndĩ mũandĩki wa ndũa ayĩkilĩthya yĩla ĩkomano, asya, Inyw’ĩ aũme ma Eveso, nĩ mũndũ wĩva ũla ũtesĩ kana ndũa ya Eveso nĩyo isũvĩaa ĩkalũ ya Ndiana nene, na mũvw’anano ũla watheeie kuma ĩtunĩ? 36Ĩndĩ nũndũ maũndũ aa maitonya ũkaĩwa, nĩmwaĩle kũkilya, na kũlea kwĩka ũndũ na mĩtũkĩ. 37Nũndũ mwaete andũ aa vaa, nao ti ing’ei sya mĩio ya makalũ, o na ti aumi ma ngai nga yaitũ. 38Ethĩwa ĩndĩ Ndemetelio, na andũ ndũĩka vamwe nake, meethĩwa na ũndũ ĩũlũ wa mũndũ o na wĩva, mĩthenya ya sila ĩ kw’o, na asili me kw’o: nĩmasitakane. 39Ĩndĩ ethĩwa mwĩmantha ũndũ o na wĩva maũndũnĩ angĩ, ũkatw’ĩwa nzamanĩ ĩla yaĩle. 40Nũndũ o naitũ twĩ na mũisyo wa kũsitakwa ũndũ wa kĩthokoo kya mũthenya ũũ, na nĩ kya mana: na kwondũ wa ũu, tũikatonya kũneena ũndũ wa ũmbano ũũ. 41Na amina ũneena ũu ayũmbũũkya ĩkomano.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956