MEKO MA ATŨMWA 13
13
Ĩkanisa ya Andiokia
1 #
Meko 11.27. Na ĩkanisanĩ yĩla yaĩ Andiokia, kwaĩ athani na amanyĩsya, Valanava, na Simeoni ũla wetawa Nikeli, na Lukio wa Kulene, na Manaene ũla waeanĩwe na Elote ũla wai mũsumbĩ ĩndĩ maiaasyaanĩw’a, na Saulo. 2#Meko 9.15.Na makĩmũthũkũma Mwiaĩi, na kwĩkala mateũya, Veva Mũtheu asya, Mbathĩai Valanava na Saũlo kwondũ wa ũla wĩa nametĩe. 3#Meko 6.6; 14.23; 1 Tim 4.14; 5.22.Na ĩndĩ mamina kũtĩĩa ũya na kũvoya na kũmailĩĩla moko moo, mamatũma mathi.
Valanava na Saulo me Kuvolo
4 #
Meko 15.39. Nao ĩndĩ, matũmwa nĩ Veva Mũtheu, matheea mathi Seleusi; na kuma vau mathi na ngalawa Kuvolo. 5#Meko 12.12,25; 13.13.Na yĩla maĩ Salamisi, matavan’ya ĩla ndeto ya Ngai masinakokenĩ ma Ayuti: na maĩ na Yoana nake aĩ mũtethya woo. 6Na matvĩtĩla kĩthamanĩ kyonthe mavika Vavo, moona mũndũ mũe ũmwe, mwathani wa ũvũngĩ, Mũyuti, syĩtwa yake nĩyo Vali‐Yesũ; 7nake aĩ vamwe na mũnene wetawa Selikio Vaulo, mũndũ mũmanyi. Ũsu ameta Valanava na Saulo moke kwake, akyenda kwĩw’a ndeto ya Ngai. 8#2 Tim 3.8.Ĩndi Elumo ũla mũndũ mũe (nũndũ nĩw’o ũilyĩ ũalyũlo wa syĩtwa yake) amakananĩsya, aimantha kũmwathũkya ũla mũnene kũmumya mũĩkĩĩonĩ. 9Ĩndi Saulo, nake nĩwĩtawa Vaulo, ausũĩtwe nĩ Veva Mũtheu, amũketeea na metho make, 10#Osea 14.9.na asya, We, usũĩte ũkengani na wai w’onthe, we, mwana wa ndevili, na mũmaitha wa ũlũngalu w’onthe, ndũkaeka kwathũkya nzĩa ndũngalu sya Mwĩaĩi? 11#Meko 9.8; Yoa 9.39.Na yu, sisya, kw’oko kwa Ngai kwĩ ĩũlũ waku, naku ũkeethĩwa kĩlilinda, ũtona syũa kwa ĩvinda. Na oyu kwamũtheea wiki na kĩvindu; na aenda aivavata aimantha mũndũ amũkwate kw’oko amũtongoesye. 12Na ĩndĩ ũla mũnene, oona ũndũ kweekwa, eetĩkĩla, aiseng’w’a nĩ ũmanyĩsyo wa Mwĩaĩi.
Ndũanĩ ya Andiokia nthĩ ya Visitia: Vaulo aitavan’ya kwa Ayuti
13 #
Meko 12.12,25; 15.38. Na ĩndĩ Vaulo na ala maĩ nake mauma Vavo mathi na ngalawa, na mavika Velika nthĩ ya Vambilia: na Yoana ataanĩĩsya namo vo asyoka Yelusaleme. 14Ĩndĩ mo, mavĩta mauma Velika, mavika Andiokia nthĩ ya Visitia; nao mathi ĩsinakokenĩ mũthenya wa savato na mekala nthĩ. 15#Meko 15.21.Na ĩtina wa kũsoma mĩao na mavuku ma athani, anene ma ĩsinakoke matũma mũndũ kwamo, amea, Ana‐a‐asa, ethĩwa mwĩ na ndeto ya ũtao ya ũmatavya andũ aa, neenai. 16Na Vaulo aũngama, na amokĩlĩlya kw’oko, asya,
Aũme ma Isilaeli, na inyw’ĩ ala mũkĩaa Ngai, ithukĩĩsyei: 17#Isa 1.2; Kuma 6.1,6; 12.37,41; 14.8.Ngai wa andũ asu ma Isilaeli nĩwamanyuvie aaĩthe maitũ, na amanenevya andũ asu yĩla matwĩe ũeni nthĩ ya Misili, na amatongoesya na kũmaumya nthĩ ĩsu na kw’oko kwĩ vinya. 18#Kuma 16.35; Mot 14.34; Kũt 1.31.Na ĩvinda ya myaka mĩongo ina amakua na kũmĩĩsya meko moo weũnĩ. 19#Kũt 7.1; Yos 14.2.Na aananga mbaĩ mũonza nthĩ ya Kanaani, amanenga nthĩ syasyo syĩthĩwe ũtiĩwa woo, ĩvinda ya myaka maana ana na mĩongo ĩtano: 20#Asi 2.16; 1 Sam 3.20.na ĩtina wa maũndũ asu amanenga asili kũvika mwathani Samueli. 21#1 Sam 8.5; 10.21,24.Na ĩtina mamũvoya manengwe mũsumbĩ: na Ngai amanenga Saulo, mwana wa Kisi, mũndũ wa mbaĩ ya Mbenyamini, ĩvinda ya myaka mĩongo ĩna. 22#Sav 89.20; Isa 44.28; 1 Sam 13.14; 16.12,13.Na amũveta ũsu, amũkĩlya Ndaviti ethĩwe mũsumbĩ woo; nake nĩwamũkũsĩĩe, aiasya, Nĩnamwona Ndaviti, mwana wa Yese, mũndũ wendeeasya ngoo yakwa, ũla ũkeka kwenda kwakwa kw’onthe. 23#2 Sam 7.12; Isa 11.1.Na ũsyaonĩ wa mũndũ ũsu kwĩanana na watho wake, Ngai amaetee Isilaeli Mũtangĩĩi Yesũ; 24#Lk 3.3.Yoana aĩ anamba ũtavan’ya ũvatiso wa ũalyũlo wa ngoo kwa andũ onthe ma Isilaeli, mbee wa kũka kwake. 25#Yoa 1.20,27; Lk 3.16; Mko 1.7.Na Yoana akĩminũkĩlya mũendo wake, nĩwaisye, Mwĩndalĩlya ninyie ũũ? Tii nyie we. Ĩndĩ sisyai, nĩkũkĩte ũmwe ĩtina wakwa ũla ndyĩaniwe nĩ ũthasya iatũ sya maũũ make. 26#Sav 107.20; Meko 13.46.Ana‐a‐asa, ana ma ũsyao wa Avalaamu, na ala me katĩ wenyu ala mũkĩaa Ngai, ndeto ya ũtangĩĩo ũũ nĩtũmĩtwe kwitũ. 27#Meko 3.17; Yoa 16.3.Nĩkwĩthĩwa ala matwĩe Yelusaleme, vamwe na anene moo, nũndũ maiaamũmanya, o na mawasya ma athani ala masomawa kĩla mũthenya wa savato, mameanĩsye kwa ũmũsilĩla. 28#Mt 27.22,23.O na kau maiaaona ũndũ ũtuma mamũaa, ĩndĩ mamũvoya Vilato kana oawe. 29#Mt 27.59,60.Na mamina kwĩanĩsya maũndũ onthe ala maandĩkiwe kwondũ wake, mamwambũa mũtĩnĩ, na mamwia mbũanĩ. 30#Meko 3.15.Ĩndĩ Ngai amũthayũũkya amumya kwa akw’ũ: 31#Meko 1.3.nake nĩwonekie matukũ maingĩ nĩ ala mambatie nake Yelusaleme kuma Kalilii, namo nĩo ngũsĩ syake yu mbee wa andũ. 32#Meko 13.23.Na nĩtũmũetee ũvoo mũseo wa ũla watho wanengiwe aasa, 33#Sav 2.7; Aevl 1.5; 5.5.ũndũ Ngai wawĩanĩsye kwa syana sitũ, kwondũ wa kũmũthayũũkya Yesũ; o ũndũ kũandĩkĩtwe Savuli kĩlungu kya keli, Nue mwana wakwa, ũmũnthĩ nĩnaũsyaa. 34#Isa 55.3.Na kwa kwĩthĩwa nĩwamũthayũũkisye kũmumya kwa akw’ũ, atekũsyoka wanangĩkonĩ ĩngĩ, aneenete atĩĩ, Ngamũnenga inyw’ĩ moathimo ma Ndaviti ala matheu na ala maĩkĩĩĩka. 35#Meko 2.27; Sav 16.10.Nũndũ nĩwaisye naw’o, Savuli vandũ vangĩ, Ndũkanengane Mũtheu waku one wanangĩko. 36#1 Asu 2.10; Asi 2.10; Meko 2.29.Nĩkwĩthĩwa Ndaviti, athũkũmĩte ũtw’ĩo wa Ngai ũsyaonĩ wa ĩvinda yake, nĩwakomie, na aiwa na aaĩthe make, na oona wanangĩko: 37ĩndĩ ũla wokĩlilw’e nĩ Ngai ndaaona wanangĩko. 38#Meko 10.43; Mot 15.30; Aevl 9.9; 13.20.Ĩndĩ ũndũ ũũ nũmanyĩke kwenyu, ana‐a‐asa maitũ, kana kwondũ wa mũndũ ũũ nĩkũũtavanw’a kwa inyw’ĩ ũekeo wa naĩ: 39#Alo 10.4.na kwondũ wake kĩla mũndũ ũla ũmwĩtĩkĩlaa nũtalĩlawa ũlũngalu maũndũnĩ onthe, ala kwondũ wa mĩao ya Mose mũtaatonya kũtalĩlwa ũlũngalu. 40#Ava 1.5.Ĩsũvĩei ĩndĩ, ũla waneeniwe mavukunĩ ma athani ndũkese ũmũvikĩa:
41Sisyai, inyw’ĩ avũthya, seng’ai, na anangĩkai;
Nũndũ nĩtethya wĩa mĩthenya yenyu,
Wĩa ũla mũtaketĩkĩla nongi, o na ethĩwa mũndũ akamũtavya.
42Na makyumaala, mamwĩsũva matavw’e ndeto isu savato ũla wũkĩte. 43#Meko 11.23.Na andũ ala maĩ ĩsinakokenĩ mataanĩsya, aingĩ ma Ayuti na avikĩlĩ ma Kĩyuti makĩaa Ngai mamaatĩĩa Vaulo na Valanava; nao maineena nao mamathing’ĩĩsya mekalae mumonĩ wa Ngai.
Atũmwa makĩalyũka melekele Andũ‐ma‐mbaĩ‐ingĩ
44Na savato ũsu ũngĩ, meethĩwa mombanĩte ta ndũa nima methukĩĩsye ndeto ya Ngai. 45#Meko 13.50; 14.2.Ĩndĩ Ayuti moona makomano, mausũwa nĩ kĩwĩu, na makananĩsya ndeto ila syaneeniwe nĩ Vaulo makĩumana. 46#Meko 3.26; 18.6; Mt 10.6; Lk 7.30.Na Vaulo na Valanava maneena na ũkũmbaũ maiasya, No mũvaka ndeto ya Ngai ĩneenwe mbee kwenyu. Ĩndĩ kwa kwĩthĩwa nĩmwamĩluutile yume kwenyu, na kwĩtw’ĩĩa ene kana mũiaĩlwe nĩ thayũ wa tene na tene, sisyai, nĩtũũalyũka twelekele Andũ‐ma‐mbaĩ‐ingi. 47#Isa 49.6.Nũndũ niw’o tweeaĩwe nĩ Mwĩaĩi, aiasya,
Nĩkwiĩte we wĩthĩwe kyeni kya Andũ‐ma‐mbaĩ‐ingĩ,
Ni kana wĩthĩwe ũtangĩĩo kũvika itulunĩ syonthe sya nthĩ.
48 #
Meko 11.18; Alo 8.29. Na Andũ‐ma‐mbaĩ‐ingĩ meew’a ũu, matana, na mataia ndeto ya Ngai: na ũndũ meanaa ala manyuvĩtwe kwĩthĩwa na thayũ ũtathela nĩmeetĩkĩlile. 49Na ndeto ya Mwĩaĩi yanyaiĩkw’a nthĩ isu yonthe. 50Ĩndĩ Ayuti nĩmamaingĩanĩsye aka me nguma, athaithi anene, na atumĩa anene ma ndũa, na mamokĩlĩlya Vaulo na Valanava thĩna mũnene, na mamalũngya maume mĩvakanĩ yoo. 51#Meko 18.6; Mt 10.14.Ĩndĩ mamatuangĩa kĩtoo kya nyaĩĩ syoo, na mathi Ikonio. 52Na amanyĩw’a mausũĩtwe nĩ ũtanu na Veva Mũtheu.
Currently Selected:
MEKO MA ATŨMWA 13: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MEKO MA ATŨMWA 13
13
Ĩkanisa ya Andiokia
1 #
Meko 11.27. Na ĩkanisanĩ yĩla yaĩ Andiokia, kwaĩ athani na amanyĩsya, Valanava, na Simeoni ũla wetawa Nikeli, na Lukio wa Kulene, na Manaene ũla waeanĩwe na Elote ũla wai mũsumbĩ ĩndĩ maiaasyaanĩw’a, na Saulo. 2#Meko 9.15.Na makĩmũthũkũma Mwiaĩi, na kwĩkala mateũya, Veva Mũtheu asya, Mbathĩai Valanava na Saũlo kwondũ wa ũla wĩa nametĩe. 3#Meko 6.6; 14.23; 1 Tim 4.14; 5.22.Na ĩndĩ mamina kũtĩĩa ũya na kũvoya na kũmailĩĩla moko moo, mamatũma mathi.
Valanava na Saulo me Kuvolo
4 #
Meko 15.39. Nao ĩndĩ, matũmwa nĩ Veva Mũtheu, matheea mathi Seleusi; na kuma vau mathi na ngalawa Kuvolo. 5#Meko 12.12,25; 13.13.Na yĩla maĩ Salamisi, matavan’ya ĩla ndeto ya Ngai masinakokenĩ ma Ayuti: na maĩ na Yoana nake aĩ mũtethya woo. 6Na matvĩtĩla kĩthamanĩ kyonthe mavika Vavo, moona mũndũ mũe ũmwe, mwathani wa ũvũngĩ, Mũyuti, syĩtwa yake nĩyo Vali‐Yesũ; 7nake aĩ vamwe na mũnene wetawa Selikio Vaulo, mũndũ mũmanyi. Ũsu ameta Valanava na Saulo moke kwake, akyenda kwĩw’a ndeto ya Ngai. 8#2 Tim 3.8.Ĩndi Elumo ũla mũndũ mũe (nũndũ nĩw’o ũilyĩ ũalyũlo wa syĩtwa yake) amakananĩsya, aimantha kũmwathũkya ũla mũnene kũmumya mũĩkĩĩonĩ. 9Ĩndi Saulo, nake nĩwĩtawa Vaulo, ausũĩtwe nĩ Veva Mũtheu, amũketeea na metho make, 10#Osea 14.9.na asya, We, usũĩte ũkengani na wai w’onthe, we, mwana wa ndevili, na mũmaitha wa ũlũngalu w’onthe, ndũkaeka kwathũkya nzĩa ndũngalu sya Mwĩaĩi? 11#Meko 9.8; Yoa 9.39.Na yu, sisya, kw’oko kwa Ngai kwĩ ĩũlũ waku, naku ũkeethĩwa kĩlilinda, ũtona syũa kwa ĩvinda. Na oyu kwamũtheea wiki na kĩvindu; na aenda aivavata aimantha mũndũ amũkwate kw’oko amũtongoesye. 12Na ĩndĩ ũla mũnene, oona ũndũ kweekwa, eetĩkĩla, aiseng’w’a nĩ ũmanyĩsyo wa Mwĩaĩi.
Ndũanĩ ya Andiokia nthĩ ya Visitia: Vaulo aitavan’ya kwa Ayuti
13 #
Meko 12.12,25; 15.38. Na ĩndĩ Vaulo na ala maĩ nake mauma Vavo mathi na ngalawa, na mavika Velika nthĩ ya Vambilia: na Yoana ataanĩĩsya namo vo asyoka Yelusaleme. 14Ĩndĩ mo, mavĩta mauma Velika, mavika Andiokia nthĩ ya Visitia; nao mathi ĩsinakokenĩ mũthenya wa savato na mekala nthĩ. 15#Meko 15.21.Na ĩtina wa kũsoma mĩao na mavuku ma athani, anene ma ĩsinakoke matũma mũndũ kwamo, amea, Ana‐a‐asa, ethĩwa mwĩ na ndeto ya ũtao ya ũmatavya andũ aa, neenai. 16Na Vaulo aũngama, na amokĩlĩlya kw’oko, asya,
Aũme ma Isilaeli, na inyw’ĩ ala mũkĩaa Ngai, ithukĩĩsyei: 17#Isa 1.2; Kuma 6.1,6; 12.37,41; 14.8.Ngai wa andũ asu ma Isilaeli nĩwamanyuvie aaĩthe maitũ, na amanenevya andũ asu yĩla matwĩe ũeni nthĩ ya Misili, na amatongoesya na kũmaumya nthĩ ĩsu na kw’oko kwĩ vinya. 18#Kuma 16.35; Mot 14.34; Kũt 1.31.Na ĩvinda ya myaka mĩongo ina amakua na kũmĩĩsya meko moo weũnĩ. 19#Kũt 7.1; Yos 14.2.Na aananga mbaĩ mũonza nthĩ ya Kanaani, amanenga nthĩ syasyo syĩthĩwe ũtiĩwa woo, ĩvinda ya myaka maana ana na mĩongo ĩtano: 20#Asi 2.16; 1 Sam 3.20.na ĩtina wa maũndũ asu amanenga asili kũvika mwathani Samueli. 21#1 Sam 8.5; 10.21,24.Na ĩtina mamũvoya manengwe mũsumbĩ: na Ngai amanenga Saulo, mwana wa Kisi, mũndũ wa mbaĩ ya Mbenyamini, ĩvinda ya myaka mĩongo ĩna. 22#Sav 89.20; Isa 44.28; 1 Sam 13.14; 16.12,13.Na amũveta ũsu, amũkĩlya Ndaviti ethĩwe mũsumbĩ woo; nake nĩwamũkũsĩĩe, aiasya, Nĩnamwona Ndaviti, mwana wa Yese, mũndũ wendeeasya ngoo yakwa, ũla ũkeka kwenda kwakwa kw’onthe. 23#2 Sam 7.12; Isa 11.1.Na ũsyaonĩ wa mũndũ ũsu kwĩanana na watho wake, Ngai amaetee Isilaeli Mũtangĩĩi Yesũ; 24#Lk 3.3.Yoana aĩ anamba ũtavan’ya ũvatiso wa ũalyũlo wa ngoo kwa andũ onthe ma Isilaeli, mbee wa kũka kwake. 25#Yoa 1.20,27; Lk 3.16; Mko 1.7.Na Yoana akĩminũkĩlya mũendo wake, nĩwaisye, Mwĩndalĩlya ninyie ũũ? Tii nyie we. Ĩndĩ sisyai, nĩkũkĩte ũmwe ĩtina wakwa ũla ndyĩaniwe nĩ ũthasya iatũ sya maũũ make. 26#Sav 107.20; Meko 13.46.Ana‐a‐asa, ana ma ũsyao wa Avalaamu, na ala me katĩ wenyu ala mũkĩaa Ngai, ndeto ya ũtangĩĩo ũũ nĩtũmĩtwe kwitũ. 27#Meko 3.17; Yoa 16.3.Nĩkwĩthĩwa ala matwĩe Yelusaleme, vamwe na anene moo, nũndũ maiaamũmanya, o na mawasya ma athani ala masomawa kĩla mũthenya wa savato, mameanĩsye kwa ũmũsilĩla. 28#Mt 27.22,23.O na kau maiaaona ũndũ ũtuma mamũaa, ĩndĩ mamũvoya Vilato kana oawe. 29#Mt 27.59,60.Na mamina kwĩanĩsya maũndũ onthe ala maandĩkiwe kwondũ wake, mamwambũa mũtĩnĩ, na mamwia mbũanĩ. 30#Meko 3.15.Ĩndĩ Ngai amũthayũũkya amumya kwa akw’ũ: 31#Meko 1.3.nake nĩwonekie matukũ maingĩ nĩ ala mambatie nake Yelusaleme kuma Kalilii, namo nĩo ngũsĩ syake yu mbee wa andũ. 32#Meko 13.23.Na nĩtũmũetee ũvoo mũseo wa ũla watho wanengiwe aasa, 33#Sav 2.7; Aevl 1.5; 5.5.ũndũ Ngai wawĩanĩsye kwa syana sitũ, kwondũ wa kũmũthayũũkya Yesũ; o ũndũ kũandĩkĩtwe Savuli kĩlungu kya keli, Nue mwana wakwa, ũmũnthĩ nĩnaũsyaa. 34#Isa 55.3.Na kwa kwĩthĩwa nĩwamũthayũũkisye kũmumya kwa akw’ũ, atekũsyoka wanangĩkonĩ ĩngĩ, aneenete atĩĩ, Ngamũnenga inyw’ĩ moathimo ma Ndaviti ala matheu na ala maĩkĩĩĩka. 35#Meko 2.27; Sav 16.10.Nũndũ nĩwaisye naw’o, Savuli vandũ vangĩ, Ndũkanengane Mũtheu waku one wanangĩko. 36#1 Asu 2.10; Asi 2.10; Meko 2.29.Nĩkwĩthĩwa Ndaviti, athũkũmĩte ũtw’ĩo wa Ngai ũsyaonĩ wa ĩvinda yake, nĩwakomie, na aiwa na aaĩthe make, na oona wanangĩko: 37ĩndĩ ũla wokĩlilw’e nĩ Ngai ndaaona wanangĩko. 38#Meko 10.43; Mot 15.30; Aevl 9.9; 13.20.Ĩndĩ ũndũ ũũ nũmanyĩke kwenyu, ana‐a‐asa maitũ, kana kwondũ wa mũndũ ũũ nĩkũũtavanw’a kwa inyw’ĩ ũekeo wa naĩ: 39#Alo 10.4.na kwondũ wake kĩla mũndũ ũla ũmwĩtĩkĩlaa nũtalĩlawa ũlũngalu maũndũnĩ onthe, ala kwondũ wa mĩao ya Mose mũtaatonya kũtalĩlwa ũlũngalu. 40#Ava 1.5.Ĩsũvĩei ĩndĩ, ũla waneeniwe mavukunĩ ma athani ndũkese ũmũvikĩa:
41Sisyai, inyw’ĩ avũthya, seng’ai, na anangĩkai;
Nũndũ nĩtethya wĩa mĩthenya yenyu,
Wĩa ũla mũtaketĩkĩla nongi, o na ethĩwa mũndũ akamũtavya.
42Na makyumaala, mamwĩsũva matavw’e ndeto isu savato ũla wũkĩte. 43#Meko 11.23.Na andũ ala maĩ ĩsinakokenĩ mataanĩsya, aingĩ ma Ayuti na avikĩlĩ ma Kĩyuti makĩaa Ngai mamaatĩĩa Vaulo na Valanava; nao maineena nao mamathing’ĩĩsya mekalae mumonĩ wa Ngai.
Atũmwa makĩalyũka melekele Andũ‐ma‐mbaĩ‐ingĩ
44Na savato ũsu ũngĩ, meethĩwa mombanĩte ta ndũa nima methukĩĩsye ndeto ya Ngai. 45#Meko 13.50; 14.2.Ĩndĩ Ayuti moona makomano, mausũwa nĩ kĩwĩu, na makananĩsya ndeto ila syaneeniwe nĩ Vaulo makĩumana. 46#Meko 3.26; 18.6; Mt 10.6; Lk 7.30.Na Vaulo na Valanava maneena na ũkũmbaũ maiasya, No mũvaka ndeto ya Ngai ĩneenwe mbee kwenyu. Ĩndĩ kwa kwĩthĩwa nĩmwamĩluutile yume kwenyu, na kwĩtw’ĩĩa ene kana mũiaĩlwe nĩ thayũ wa tene na tene, sisyai, nĩtũũalyũka twelekele Andũ‐ma‐mbaĩ‐ingi. 47#Isa 49.6.Nũndũ niw’o tweeaĩwe nĩ Mwĩaĩi, aiasya,
Nĩkwiĩte we wĩthĩwe kyeni kya Andũ‐ma‐mbaĩ‐ingĩ,
Ni kana wĩthĩwe ũtangĩĩo kũvika itulunĩ syonthe sya nthĩ.
48 #
Meko 11.18; Alo 8.29. Na Andũ‐ma‐mbaĩ‐ingĩ meew’a ũu, matana, na mataia ndeto ya Ngai: na ũndũ meanaa ala manyuvĩtwe kwĩthĩwa na thayũ ũtathela nĩmeetĩkĩlile. 49Na ndeto ya Mwĩaĩi yanyaiĩkw’a nthĩ isu yonthe. 50Ĩndĩ Ayuti nĩmamaingĩanĩsye aka me nguma, athaithi anene, na atumĩa anene ma ndũa, na mamokĩlĩlya Vaulo na Valanava thĩna mũnene, na mamalũngya maume mĩvakanĩ yoo. 51#Meko 18.6; Mt 10.14.Ĩndĩ mamatuangĩa kĩtoo kya nyaĩĩ syoo, na mathi Ikonio. 52Na amanyĩw’a mausũĩtwe nĩ ũtanu na Veva Mũtheu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956