2 AKOLINTHO 6
6
1 #
2 Ako 1.24; 5.20. Na ĩndĩ tũkĩtethan’ya vamwe nake twĩmwĩsũva mũikose mumo wa Ngai mana 2#Isa 49.8.(nũndũ we easya,
Nĩnakwĩwie ĩvinda yĩla yĩtĩkĩlĩtwe,
Na mũthenya wa ũtangĩĩo nĩnaũtethisye:
sisyai, yĩĩ nĩyo ĩvinda yĩtĩkĩlĩtwe; sisyai, mũthenya wa ũtangĩĩo no yu): 3mũteũete ũndũ o na wĩva wa ũlulutĩkya, nĩ kana ũthũkũmi ũũ witũ ndũkawetwe naĩ; 4#2 Ako 4.2.ĩndĩ maũndũnĩ onthe nĩtũkwĩĩkĩĩthya, ta athũkũmi ma Ngai, nthĩnĩ wa wũmĩĩsyo mwingĩ, na mathĩna, na mavata, na monyamao, 5#2 Ako 11.23–27.na makũnwa, na kwovwa kolokolonĩ, na ituu, na thĩna wa mawĩa, na kũsyaĩĩsya, na kũtĩĩa kũya; 6#1 Tim 4.12.na ũtheu, na ũmanyi, na wũmĩĩsyo, na ũseo, na nthĩnĩ wa Veva Mũtheu, na wendo ũte na wangangan’yo, 7#1 Ako 2.4.na ndeto ya w’o, na vinya wa Ngai; kwondũ wa mĩio ya kaũ ya ũlũngalu kw’okonĩ kwa aũme na kw’okonĩ kwa aka. 8Ethĩwa nĩtũũtaĩwa kana kũtataĩwa, kũwetwa naĩ kana nesa; ta twĩ akengani, na kaĩ twĩ ma w’o; 9#2 Ako 4.10; Sav 118.18.ta twĩ ala matesĩkĩwe, na kai twĩsĩkĩwe mũno; ta tũkusaa, na kaĩ twĩ thayũ; ta tũkũnawa, na kaĩ tũtyũawa; 10#Avi 4.12,13.ta twi na kĩmako, na kaĩ tũtanaa mavinda onthe; ta twĩ ngya, na kaĩ tũmathuasya aingĩ; ta tũte kĩndũ, na kaĩ twĩ na syĩndũ syonthe.
Kwĩtya wendo wa atangĩĩwa
11 #
Sav 119.32. Makanyw’a maitũ nĩmwathamĩwe, inyw’ĩ Akolintho, ngoo sitũ ninenevetw’e. 12Ti inyw’ĩ mwaĩte va kwendelwa ngoonĩ sitũ, ĩndĩ ngoo syenyu nĩsyo syaĩte va kwendanĩla. 13#1 Ako 4.14.Ĩndĩ nenevai ngoonĩ syenyu mũtũĩve kĩthemba o kyu (nĩneena ta ngũneena na syana syakwa).
Ũkan’yo ũndũ wa ũnyanya na ala mate etĩkĩli
14 #
Aev 5.11. Mũtikovanĩw’e ĩsoki yĩmwe na ala mate etĩkĩli: nũndũ ũlũngalu na ũthũku wĩ mũamba mwaũ? Kana kyeni kĩ na mũamba mwaũ na kĩvindu? 15Na Klĩsto e na mũamba mwaũ na Veliali? Na ũla wĩtĩkĩlĩte e na kĩanda kyaũ vamwe na ũla ũtetĩkĩlĩte? 16#1 Ako 3.16; Ali 26.12; Esek 37.27.Na ĩkalũ ya Ngai yĩ na wĩw’ano mwaũ na mĩvw’anano? Nũndũ ithyĩ twĩ ĩkalu ya Ngai ũla wĩ thayũ; o tondũ Ngai waisye, Ngekalaa nthĩnĩ woo, na kũendaa nthĩnĩ woo; na ngeethĩwa Ngai woo, namo makeethĩwa andũ makwa. 17Kwondũ wa ũu
Umai katĩ woo, na mwĩthĩwe mwĩvathanĩte nao,
eneena ũu Mwĩaĩi,
Na mũikakiite kĩndũ kĩvuku;
#
Yel 51.45; Esek 20.34,41; Isa 52.11; Ũvu 18.4. Nakwa ngamwosa,
18 #
2 Sam 7.8; Isa 43.6; Yel 31.9; 32.38; Osea 1.10; Amo 4.13. Na ngeethĩwa ĩthe wenyu,
Na inyw’ĩ mũkeethĩwa ana makwa, aũme na eĩtu,
eneena ũu Mwĩaĩi, Mwene Vinya W’onthe.
Currently Selected:
2 AKOLINTHO 6: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
